|
|
 رأي...
|
اعلن الفنان الموسيقار عثمان النو
ميلاد فرقة موسيقية جديدة
(( رأي ))
بمجموعة من الشباب الذين اختارهم بعناية وصبر جميل
وعمل في صمت ليظهر الى العلن برايه الموسيقي باضافة نوعية وفريدة في مجال الفن الموسيقي الغنائي
نتمنى لها النجاح كما نمني النفس بالذين حضروا تدشين الفرقة ان ينزلول لينا بعض من اعمالها
وضح جليا ان عثمان النو كان قاعد ليهو فوق راي ..
|
|
  
|
|
|
|
|
|
|
|
Re: رأي... (Re: محمد سنى دفع الله)
|
الحان رائعة و اداء مميز من شباب يدهشك بالطرب
(يبدوا ان عثمان النو قاعد ليه فى (راى ) انها اضافة حقيقية لمسيرة الغناء الجماعى
المسرحي ماهر حسن ابوعلي
كان حضور في ليلة تدشين الفرقة
منو العندو تسجيل يدهشنا بي جميل الانغام اصلو الايام دي بنفتش لينا على فرح
| |
|
|
|
|
|
|
|
|
|
Re: رأي... (Re: محمد سنى دفع الله)
|
لك التحية أخي الأستاذ محمد سني ...
واسم راي بالدارجة كدة خفيف وجميل ...
ولكن باللغة العربية الفصحى "رأي" تقيل شوية ...
متمنياً كل النجاح للأستاذ عثمان النو ولفرقته الجديدة ...
وإنت عارف السودانيين برضو عندهم راي مما يعني ستشكّل الفرقة الجديدة منافس شرس لعقد الجلاد ...
ولك كل الود والتقدير ،،،
| |
|
|
|
|
|
|
|
|
|
Re: رأي... (Re: صبري طه)
|
بالتوفيق للأستاذ الموسيقار عثمان النو راى
بالتأكيد حتكون اضافة للموسيقى السودانية
شكرا ليك استاذ السنى ..
| |
|
|
|
|
|
|
|
|
|
Re: رأي... (Re: نصر الدين عثمان)
|
أستاذنا الجميل السني
سلام
بظهور رأي , إنقطع عشمنا في عودة المياه لمجاريها بين النو و عقد الجلاد !!!
في نظري إن عقد الجلاد هي النو .. و النو هو عقد الجلاد , مع إحترامي و تقديري التام لكل أعضاء فرقة عقد الجلاد ...
رغم كل ذلك نرحب بي رأي و نثق تماما" بأنها سوف تكون إضافة نوعية , كما عودنا الموسيقار النو ..
مع معزتي الأكيدة لك و موصولة لإبننا العزيز السهرودي و والدته الكريمة...
| |
|
|
|
|
|
|
|
|
|
Re: رأي... (Re: عبدالمجيد المقابل)
|
رأي بكل تأكيد قطعت العشم كما قال المقابل
نبارك رأي لحين وضع الرأي في الاطار وثقتنا
في النو كبيرة مبروووك الف وشكر سني الجميل.
.........................................حجر.
| |
|
|
|
|
|
|
|
|
|
Re: رأي... (Re: محمد قسم الله محمد)
|
الاستاذ الجميل
محمد السني
عثمان النو رقم لا يستهان به ونتمني ان نشهد مزيد من الازدهار لكل من يساهم بالجديد في الموسيقي
ولكن :
| Quote: بظهور رأي , إنقطع عشمنا في عودة المياه لمجاريها بين النو و عقد الجلاد !!! |
| |
|
|
|
|
|
|
|
|
|
Re: رأي... (Re: محمد عوض السيد)
|
السنى الحبيب
اولا ازيك ومشتاقين ليك للمعاك فى البيت قاعدين
غياب طويل لكن العرجا لمراحها
ولاهلها فى الحقيقة
عثمان النو فنان لاجدال فى ذلك وله الحق فى اختيار تيار جديد غنائى
اصلا هو مجنون بفكرة الغناء الجماعى من الله عرفنا عليهو ودا كان واحد من خلافاته من رفيقه وصديقه الفاتح حسين
اتمنى للنو كل النجاح
لعقد الجلاد كل التوفيق
لان الفرقة لا اتصور انها عثمان النو
عثمان النو فنان كبير وملحن لا يجود الزمان بمثله
اتمنى لهما كل التوفيق
تحياتى يا ابا السهرودرى
| |
|
|
|
|
|
|
|
|
|
Re: رأي... (Re: سلمى الشيخ سلامة)
|
صبري طه اخوي
لك المحبة والتحية الندية
واسم راي بالدارجة كدة خفيف وجميل ...
فعلا اسم راي بالعامية خفيف وليهو ايقاع زي الحفيف
راي وليهو معنى كبير
لك التحايا النضرة وليهم التقدم والازدهار ناس فرقة
راي
| |
|
|
|
|
|
|
|
|
|
Re: رأي... (Re: محمد سنى دفع الله)
|
الاخ العزيز حسام عبد الرحيم
لك التحيات والامنيات
وسلام يا غالي
طالما العمل من تاسيس الفنان الشامل
عثمان النو
صدقني سوف يكون اضافة حقيقية للموسيقى السودانية
النو من المهمومين بالغناء الجماعي وتعدد الاصوات ومتابعة التراث النغمي في السودان الحدادي مدادي
من خلال قرأة عميقة لموسيقى افريقيا
لهذا نتوقع منه اكتشاف اصوات مدهشة وغناء ممتع وبديع
مودتي
| |
|
|
|
|
|
|
|
|
|
Re: رأي... (Re: محمد سنى دفع الله)
|
ألف مرحب بإطلالتك البهية من خلال هذا (الركام) الكثيف الذي خلفته هجمة التتار الجدد الغاشمة..
ومتعك الله بالصحة والعافية ودمت
اخوي نصر الدين عثمان لك التحيات
وخلي كلامك خفبف عليهم
نحن ماشين جنب الحيطه
تسلم وفي انتظار الاغاني
وزي ما قلت كل الاماني لي فرقة راي بالتوفيق
محبتي[/B]
| |
|
|
|
|
|
|
|
|
|
Re: رأي... (Re: محمد سنى دفع الله)
|
ما كتبته الصحف عن فرقة عثمان النو
راي
السبت, 16 تموز/يوليو 2011 12:54
صلاح الدين مصطفى - نبض الأشياء
لظروف قاهرة لم استطع حضور حفل تدشين فرقة "رأي" الجديدة والتي اسسها الموسيقار عثمان النو بعد فراقه لعقد الجلاد ،وعلى الرغم من أن الدعوة " الخبر" وصلت متأخرة جدا و قبيل ساعات من موعد التدشين غير ان هذا لم ولن يكون السبب في عدم حضور ميلاد فرقة موسيقية جديدة .
في البدء نقول ان ميلاد اية فرقة جديدة يفرح القلب ويؤكد ان الحيوية والتجديد في شرايين الموسيقى السودانية مستمر الى قيام الساعة،وهذا-بالطبع- على المستوى النظري .ويبقى الرهان كبيرا اذا كان قائد الفرقة بقامة النو وخبراته وافقه الموسيقي الواسع ،ولكن رغم كل ذلك فان الفرقة تواجهها الكثير من الاشكاليات و" المطبات" ونحاول في هذه المساحة ان نفتح باب النقاش حول كيفية ضمان استمرارية هذه الفرقة –وغيرها من الفرق الموسيقية - بطبيعة الحال.
ونقول اننا لانسعى باية حال للمقارنة بين عقد الجلاد و فرقة" رأي" الوليدة وكاتب هذه السطور غير مسؤول من اية نتيجة يصل اليها القراء ودعونا نبدأ بواحد من اهم اهداف الفرقة كما اعلن ذلك عثمان النو في حديث لصيحفة الرأي العام "منشور بالصفحة الاخيرة امس الاول الخميس"اذ قال ان اهم هدف هو محو الاحباط من الشباب وزرع الامل"!
اني اشفق على عثمان النو وعلى فرقته اذا كان هذا هو اهم اهداف فرقته الوليدة ،اذ ليس من مهام الفرق الموسيقية او الغنائية محو الاحباط او حتى محو الامية اللهم الا في مجال ترقية الذوق وترسيخ القيم الجمالية ،وبطبيعة الحال فان اي عمل ابداعي اذا لم يتم وفق منظومة شاملة ومنهج واضح من قبل الدولة فسوف يكون حرثا في البحر!
وقد اعجبتني جدية عثمان النو حيث بدأت فرقته ب"52" اغنية قدمت منها خمس فقط في ليلة التدشين ولكن بنفس القدر ازعجني اعتماد النو ورهانه على الظهور امام" خلفية" وزارة الثقافة ،خاصة عند ضربة البداية لان نفسية الجمهور السوداني لا تتقبل اي فعل ابداعي اذا شعرالناس ان " السلطة" تقف خلفه .فقد قال النو" انهم سوف يشاركون في كل المهرجانات الثقافية وان وزير الثقافة قد دعاهم للمشاركة في مهرجان الجنينة..و انهم سوف يشاركون في مهرجانات كثيرة"
ونحن لا نحسد النو على هذه الرعاية الحكومية،لكن خبرتنا المتواضعة في هذا المجال تؤكد بان اي مشروع ثقافي تنسج الحكومة خيوطها حوله سوف ينفض عنه الناس والاسباب طبعا معروفة!
واذا كان لدى عثمان النو "رأي" يجب ان يقدمه لجمهور حقيقي غير مصنوع والا يستعجل على ترسيخ اقدام الفرقة وان يبتعد عن اي مظاهر تضعه في مقارنة مع فرقته القديمة عقد الجلاد، لان المياه في مجال الابداع لاتعبر النهر مرتين.
نقول هذا وقلوبنا واقلامنا مع عثمان النو في مشروعه الجديد،لان كل ابداع متميز يصب في مصلحة الفن والابداع السوداني ،ونأمل ان تتاح الفرصة كاملة لهذه الفرقة لتقول "رأيها" في مسيرة الموسيقى السودانية والحكم في نهاية المطاف للجمهور وهو قادر على التفريق بين الغث والسمين
| |
|
|
|
|
|
|
|
|
|
Re: رأي... (Re: محمد سنى دفع الله)
|
مؤسس فرقة (رأى) الموسيقار (النو) فى حوار مع (سودانا فوق ) تاسيس الفرقة استمر عامين واعتمد على (الفكاك)
عبر الأستاذ الموسيقار عثمان النو عن سعادته ببداية انطلاقة فرقة (رأى) الغنائية ووصفها بانها ستكون حدث فى تاريخ الغناء الجماعي فى السودان وأشار النو والذي آجرت (سودانا فوق ) معه حوار مطول إلى أن الفرقة ظلت (جنين) لما يقارب العامين ولذلك جاء الأداء مميزا وله لونية مختلفة وأكد النو إن (رأى) ليست نسخة من عقد الجلاد وانما فرقة غنائية ستكون فى الطليعة وأكد النو ان فرقته ستغنى كل الاغانى التى لحنها لفرقة عقد الجلاد وهى 11 اغنية وواصل النو حديثة موضحا ان فرقة (راى) اعتمد طيله العامين على (الفكاك) فى وصول اعضائها الى مكان البروفه والعودة منه الى المنازل واشار الى ان الفكاك هو مصطلح دراجى للـ(فلس ) وتتابعون الحوار الضجة غدا
| |
|
|
|
|
|
|
|
|
|
Re: رأي... (Re: صبري طه)
|
نبارك البدء بـ (رأي)
وأظنها تذهب إلى أن هناك (رأي) في كل ما هو مطروح في الساحة الفنية
سيكون لـ (رأي) الغلبة عليه
ونأمل ذلك...
نأمل ذلك بحق
تحياتي لعنوان الجمال والجمال ذاته
محمد السني دفع الله
وكل عام وأنت والأسرة الكريمة بألف خير ومحبة
| |
|
|
|
|
|
|
| |
محمد سنى دفع الله
حسام عبد الرحيم
نصر الدين عثمان
عبدالمجيد المقابل
الرفاعي عبدالعاطي حجر
محمد قسم الله محمد
محمد عوض السيد
سلمى الشيخ سلامة
بله محمد الفاضل
فيس بوك
تويتر
انستقرام
يوتيوب
بنتيريست