|
|
|
 Re: كفت .. كفت ... طقع ابوك ... خلى بتلفت .... (Re: adam alamar)
|
زمان
لما كنا صغار
لما نمشي البلد
كان الناس بتعشوا بدري و بنوموا بدري
الا العيال الصبيان و البنات
كانوا بتلموا بعد العشا و كان العشا
طبعا بقصد الوجبة بعد المغرب مباشرة ...
و بعد صلاة العشاء ... نبدا التعليلة ... و تعني السمر
و كان السمر عبارة عن احاجي
بتبداء بالاحاجي القصيرة و هي عبارة عن الغاز
و تنتهي بالجحي الطوال ( و كلمة الحجي جمع حجية
و يقابلها عند ناس البندر حجوة و تجمع احاجي )
| |
 
|
|
|
|
|
|
|
|
Re: كفت .. كفت ... طقع ابوك ... خلى بتلفت .... (Re: adam alamar)
|
طبعا ممكن يجي واحد يسألني
اها علاقة عنوانك دة بالموضوع شنو
العنوان اعلاه كان عبارة عن حجييه قصيرة
اي لغز ........ يبحث عن اجابة و البجاوبه او بعرفه له مكافأة
المهم حجوتنا هنا هي الحركة الشعبية و انفصال الجنوب
اها خلصت .... ولا لسع ..... بكرة يكون الانفصال تم .....و اصبح واقع
و كل زول بكون فرز عيشتو ..... و تاني حكوا زاته ما بتلمنا
(( حكو دي لعبة .... بالبلدي ..... و ناس البندر بسموها ... شدت ))
و زي ما كنا بنقول زمان لما الحجية الطويلة تنتهي
( انقطعت في صغيرنا اكااال هريرنا )
اها صغيرنا ده منو ياربي .... يكونوا ناس الحركة قطاع الشمال ولا منو
| |
|
|
|
|
|
|
|
|
|
Re: كفت .. كفت ... طقع ابوك ... خلى بتلفت .... (Re: adam alamar)
|
اها الحجوة الطويلة دي انتهت
تاني البونسنا منو و بي شنو ....
نذرف دموع ....... نحرق بخور
نمد ايادي ...... نقلع جذور
ما بنفع .... اتفارقنا فراق الطريفي لي جمله
و الكانوا جاريين ليهم وراء سراب .... اخير ليهم يرجعوا
بعدما تبين لهم ..... انه لا ماء و لا هواء ...... بل سراب خادع و غشاش
و حجيني يا حبوبة ..... ما حبوبة صلاح غريبة ....
و خلاص قطرنا صفر ...... اللحق لحق و الما لحق ....لا المحطة الجاية و لا حتي نهاية
القضبان ما بلحق تاني
| |
|
|
|
|
|
|
|
|
|
Re: كفت .. كفت ... طقع ابوك ... خلى بتلفت .... (Re: adam alamar)
|
زمان كانوا بقولوا لينا في مؤتمر المائدة المستديرة
اخوانا الجنوبيين اختاروا البقاء ضمن السودان الموحد ...
غايتو ناس مصالح كانوا عارفين الجنوب في ذلك الزمن لا يصلح ان يكون مديرية
ناهيك عن ان يكون دولة عديل كدة ......
بريطانيا ارادت ان تكفر عن ذنبها .....
فأخذت على عاتقها ..... ان تطور الجنوب .....
على حساب الشمال با اقناع الشماليين ان الجنوب جزء من السودان
و ان الجنوبيون بحبوكم ..... و لا يشعرون تجاهكم باي احقاد ...
بس ادوهم فرصة في التعليم و الخدمة المدنية و العسكرية
و حاولوا بناء خدمة مدنية في الجنوب و خلوهم يديروا انفسهم شوية شوية
لحد ما يلحق الجنوب بالشمال ....
عندها ستعرفون كم الجنوبيون يحبونكم ..... و كم كانوا اذكي منكم .....
صبروا الى ان نالوا .......
اها ..... صدق الانجليز ..... ما وعدوا ...... ادوا الجنوبيون حقهم كاملا
غير منقوصا ..... على حساب الشمال لمدة خمسون عاما ..... عاش الجنوب
عاله على الشمال .... مساهمة الجنوب في ميزانية السودان صفرا كبير
هذه المدة دفع فيها الشمال امولا ... و دماء ...... وارواحا ......
ليثبت الجنوبيون انهم يحبوننا كما نحبهم ........
و اسقطت نتيجة الاستفتاء ورقة التوت عن الجميع ....
مسلمين ..... مسيحيين ....... مؤتمريين .... حركة ....
كلهم صوتوا للانفصال ......
اها حبنا للجنوبيين .... زى حب المصريين لينا ....
نحن عارفنهم كشعب بحبونا .....
لكننا لا نطيق ان نعيش معهم في دولة واحدة
اها الجنوبيون ديل كدة عارفننا بنحبهم .... لكن هم
ما بقدروا يعيشوا معانا في دولة واحدة ......
و اخيرا يا اخوانا المحبة دي من الله
يعني لو حرقنا ليهم اصابعنا و حولناها لشموع
عشان تضوي ليهم طريقهم برضوا ح ينفصلوا
ولا عزاء للشامتين
| |
|
|
|
|
|
|
| |
فيس بوك
تويتر
انستقرام
يوتيوب
بنتيريست