بيان من السفارة السودانية بلندن عن زيارة مدير جهاز الامن السابق

Quote: طبعا الصحفي الحصيف

Quote: شكرا ياهندسة ونحمد لك تقدمك عدة سنتمترات نحو الحياد

Quote: لوووووووووولز عجبني التعليق ده .. اوسكار عديل الليلة يا ود صديق , ومع منو سيد الحوش زاتو اللهم شماتة يا هندسة عديل كده ولا بدسها وبركة المريخ غلبوهو كمان . بس ما تطلع هلالابي وتشيلني القفة ,,, سلام الأخ عمر صديق بالجد إنت اكتر زول انا بحترمك من ناس المؤتمر الوطني لأنك برضو كتير جدا منطقي وواقعي وحيادي زي ما قلت لي بكري عشان كده بوستيك بتاع نافع ده ما حبيت اعمل فيهو اي مداخلة لأنك منفعل جدا فيه حسب وجهة نظري واحترم إنفعالاتك لكن والله كان ختيت الرحمن في قلبك وشفت الموضوع بحيادية زي ما ذكرت فوق حاتكون عمر صديق البنعرفك هنا بحياديته وفهمه المعروف لكل الناس تحياتي لك وليك يا هندسة تسلموا الإتنين

Quote: العزيزة سوما انتي وزوجك ماشاء الله تقدلو فوق عز وباذنه تعالي جنتكم بقت مضمونة في الاخرة وربنا يديكم جنة الدنيا كمان

Quote: ويا ريت كلنا نقر بالحقيقة المرة إنه إسلوب نافع فظ وغليظ ولا يشبه السودانيين بالمرة والطامة الكبرى إنه في موقع حساس ومحرج لأي سوداني بدليل إنه الراجل الضربوا ده لو اصلا كان ضامر الشر مش كان جاب معاه حاجة تساعده على الضرب من بعيد ؟ إن شاء الله حجر !!! لكن ده فجأة لجأ لي الكرسي القاعد فيه .. مما يدل على إستفزاز نافع ليه خلاه يطلع من طوره.. الشيء التاني الزول ده قصد نافع بس ليه ما فكر يضرب مصطفى إسماعيل ولا السفير الجمبهم ؟ ليه نافع بس الحصل ليه الحصل ده ؟ مع إنه البشير ده مشى الدوحة الناس قاطعته بإسلوب حضاري لكن مافي زول نزل لمستوى البلطجة البتعامل بيه نافع مع كل الناس بلسانه, وده إسلوبه لأنه الطبع بغلب التطبع