|
Re: بيان من السفارة السودانية بلندن عن زيارة مدير جهاز الامن السابق (Re: عمر صديق)
|
Quote: شكرا ياهندسة
ونحمد لك تقدمك عدة سنتمترات نحو الحياد |
لوووووووووولز عجبني التعليق ده .. اوسكار عديل الليلة يا ود صديق , ومع منو سيد الحوش زاتو اللهم شماتة يا هندسة عديل كده ولا بدسها وبركة المريخ غلبوهو كمان . بس ما تطلع هلالابي وتشيلني القفة ,,, سلام الأخ عمر صديق بالجد إنت اكتر زول انا بحترمك من ناس المؤتمر الوطني لأنك برضو كتير جدا منطقي وواقعي وحيادي زي ما قلت لي بكري
عشان كده بوستيك بتاع نافع ده ما حبيت اعمل فيهو اي مداخلة لأنك منفعل جدا فيه حسب وجهة نظري واحترم إنفعالاتك لكن والله كان ختيت الرحمن في قلبك وشفت الموضوع بحيادية زي ما ذكرت فوق حاتكون عمر صديق البنعرفك هنا بحياديته وفهمه المعروف لكل الناس تحياتي لك وليك يا هندسة تسلموا الإتنين
| |
|
|
|
|
|
|
Re: بيان من السفارة السودانية بلندن عن زيارة مدير جهاز الامن السابق (Re: اسماء الجنيد)
|
Quote: لوووووووووولز عجبني التعليق ده .. اوسكار عديل الليلة يا ود صديق , ومع منو سيد الحوش زاتو اللهم شماتة يا هندسة عديل كده ولا بدسها وبركة المريخ غلبوهو كمان . بس ما تطلع هلالابي وتشيلني القفة ,,, سلام الأخ عمر صديق بالجد إنت اكتر زول انا بحترمك من ناس المؤتمر الوطني لأنك برضو كتير جدا منطقي وواقعي وحيادي زي ما قلت لي بكري
عشان كده بوستيك بتاع نافع ده ما حبيت اعمل فيهو اي مداخلة لأنك منفعل جدا فيه حسب وجهة نظري واحترم إنفعالاتك لكن والله كان ختيت الرحمن في قلبك وشفت الموضوع بحيادية زي ما ذكرت فوق حاتكون عمر صديق البنعرفك هنا بحياديته وفهمه المعروف لكل الناس تحياتي لك وليك يا هندسة تسلموا الإتنين |
العزيزة سوما
انتي وزوجك ماشاء الله تقدلو فوق عز
وباذنه تعالي جنتكم بقت مضمونة في الاخرة وربنا يديكم جنة الدنيا كمان
وصدقيني انا مامنفعل ولاحاجة لاني قلت ان ماحدث لايشبه السودانيين والا لو كان يشبهها لمنعنا اي ندوة للمعارضة
وانتي الشاعرة اعلم مني بمرامي الكلمات والجمل
ولااحتاج لتذكيرك بان لو حرف امتناع لامتناع
بعدين الباشمهندس دا ممكن يهرشنا في السياسة العامة كمدير للموقع
لكن عندما يجي بي طاقية باص ويرد ويمارس حقه كعضو ببقي زي وزيك
ومن حقك تشمتي فيهو في غلب المريخ ومعاه هارون دياب وعمر عثمان وبت الشيخ وهجو الاقرع كمان
وهوادة من بورداب الخرطوم ضيفي ليهم معتصم نيستاوذو اليد
مع خالص التحايا
| |
|
|
|
|
|
|
Re: بيان من السفارة السودانية بلندن عن زيارة مدير جهاز الامن السابق (Re: بكرى ابوبكر)
|
Quote: العزيزة سوما
انتي وزوجك ماشاء الله تقدلو فوق عز
وباذنه تعالي جنتكم بقت مضمونة في الاخرة وربنا يديكم جنة الدنيا كمان
|
حبابك اخي عمر وجمعتك مباركة
كتر خيرك والله على إحساسك وشعورك النبيل ودعواتك الطيبة ربي يسمع منك إن شاء الله ,, اللهم آمين يا رب العالمين جمعا إن شاء الله ويوعدنا جميعا بحسن الخاتمة وجنة عرضها السموات والأرض الدنيا دي بي خيرها وشرها زائلة , ربنا يعمر قلوبنا فيها بالمودة والمحنة والخوة لله في الله
Quote: وصدقيني انا مامنفعل ولاحاجة لاني قلت ان ماحدث لايشبه السودانيين والا لو كان يشبهها لمنعنا اي ندوة للمعارضة
وانتي الشاعرة اعلم مني بمرامي الكلمات والجمل
ولااحتاج لتذكيرك بان لو حرف امتناع لامتناع
|
اتفق معاك تماما ان ما حدث لا يشبه السودانيين , لكن ليه ما سألت نفسك إنه ليه يحدث اصلا ؟؟؟ أي سوداني ما بقبل الحقارة يا عمر يا خوي ويا ريت كلنا نقر بالحقيقة المرة إنه إسلوب نافع فظ وغليظ ولا يشبه السودانيين بالمرة والطامة الكبرى إنه في موقع حساس ومحرج لأي سوداني بدليل إنه الراجل الضربوا ده لو اصلا كان ضامر الشر مش كان جاب معاه حاجة تساعده على الضرب من بعيد ؟ إن شاء الله حجر !!! لكن ده فجأة لجأ لي الكرسي القاعد فيه .. مما يدل على إستفزاز نافع ليه خلاه يطلع من طوره.. الشيء التاني الزول ده قصد نافع بس ليه ما فكر يضرب مصطفى إسماعيل ولا السفير الجمبهم ؟ ليه نافع بس الحصل ليه الحصل ده ؟ مع إنه البشير ده مشى الدوحة الناس قاطعته بإسلوب حضاري لكن مافي زول نزل لمستوى البلطجة البتعامل بيه نافع مع كل الناس بلسانه, وده إسلوبه لأنه الطبع بغلب التطبع وعذرا لصراحتي معاك ,, لكن تأكد تماما إنه إختلاف الرأي لا يفسد للود قضية
Quote: بعدين الباشمهندس دا ممكن يهرشنا في السياسة العامة كمدير للموقع
لكن عندما يجي بي طاقية باص ويرد ويمارس حقه كعضو ببقي زي وزيك
ومن حقك تشمتي فيهو في غلب المريخ ومعاه هارون دياب وعمر عثمان وبت الشيخ وهجو الاقرع كمان
وهوادة من بورداب الخرطوم ضيفي ليهم معتصم نيستاوذو اليد
مع خالص التحايا |
صدقت والله ,, ويا بكري شيل شيلتك معاى , اصلو الغربة اليومين ديل قايمة بي شكلي حا اجي افكها فيك كل يوم إلا تقلل من بوستاتك يا خوي
شكرا ليك مطبوقة اخي عمر نورتني ببعض أعداء الهلال العظيم عليكم الله زول يشوف هلال رمضان يعشق النجمة ؟؟ حكم على قول حبوبتي التومة الله يخليها لينا
تسلم اخي عمر وإحترامي ليك
| |
|
|
|
|
|
|
Re: بيان من السفارة السودانية بلندن عن زيارة مدير جهاز الامن السابق (Re: ناصر البطل)
|
سلام
البيان بتذكؤ فيه الحقائق.. الورقة الغبشة بتاعة السفارة هي رأي السفارة فيما حدث وليس ببيان..
نافع يستاهل والدقة دي جات متأخرة.. والتحية للبطل منفذ دقة لندن..
ياسوما كترتيها في حقنا كصفوة.. نحن الراس ونحن أهل الكاس.. جماهير صفوة وفريق فوق في القمة.. عندنا رصيد وكؤوس.. افضل من غيرنا..
يا بت أمي خلينا في دقة نافع دي..
شكرا يا باشمهندس..
تحياتي
| |
|
|
|
|
|
|
Re: بيان من السفارة السودانية بلندن عن زيارة مدير جهاز الامن السابق (Re: Abdlaziz Eisa)
|
Quote: ويا ريت كلنا نقر بالحقيقة المرة إنه إسلوب نافع فظ وغليظ ولا يشبه السودانيين بالمرة والطامة الكبرى إنه في موقع حساس ومحرج لأي سوداني بدليل إنه الراجل الضربوا ده لو اصلا كان ضامر الشر مش كان جاب معاه حاجة تساعده على الضرب من بعيد ؟ إن شاء الله حجر !!! لكن ده فجأة لجأ لي الكرسي القاعد فيه .. مما يدل على إستفزاز نافع ليه خلاه يطلع من طوره.. الشيء التاني الزول ده قصد نافع بس ليه ما فكر يضرب مصطفى إسماعيل ولا السفير الجمبهم ؟ ليه نافع بس الحصل ليه الحصل ده ؟ مع إنه البشير ده مشى الدوحة الناس قاطعته بإسلوب حضاري لكن مافي زول نزل لمستوى البلطجة البتعامل بيه نافع مع كل الناس بلسانه, وده إسلوبه لأنه الطبع بغلب التطبع
|
العزيزة أسماء الجنيد.
إذا ابتليت ببلطجي فكن بلطجيا حتى تثبت إنسانيتك. والله قد خلقنا بشرا ولو شاء لجعلنا ملائكة.
نافع بلطجي فظ وقليظ القلب من الطراز الأول، ووجد له متنفسا لبلطجيته وفظاظته في بداية حكم الانفاذ حيث كان مديرا للأمن يقوم بتعذيب المعارضين بيديه.
فلماذا يتباكون عليه الآن بحجة السلوك الحضاري والقيم السودانية.
هل من القيم السودانية الاستكانة والاستسلام؟؟
وهل من القيم السودانية ضرب وتعذيب رجل مكتوف اليدين؟؟؟
| |
|
|
|
|
|
|
|