|
|
|
 Re: بورداب دول إسكندنافيا وخاصة النرويج جاييكم قريب في أريندال بإذن ال (Re: محمد زكريا)
|
Quote: سلام ومرحب بيك فى النرويج
اغلب البورداب فى اوسلو لكن فى سودانيين فى اريندال لو سألتهم بيدوك ارقامنا
او لو مشيت صفحه الرابطه بتلقى ارقام تلفونات فى www.sudanese.no
سباقات الزوارق دى ما كانت بيعملوها فى اوسلو حولوها السنه دى ولا شنو
طبعاً الشغلانه دى للاثرياء فقط نحن بنتفرج وبس |
الحبيب محمد زكريا
تسلم على التواصل الجميل
وإن شاء الله نتعرف عليكم عن قرب
وراح أتصل على التلفونات الموجوده
وإن شاء الله أشوف السودانيين اللى هناك
وبالنسبة لجولة أريندال طبعا الجولة كانت فى أوسلو
ومرات كانت تنظم فى تروندهايم وأخرى فى أريندال
بس السنة ده تم إختيار أريندال فقط للتنظيم
ورياضة الأثرياء دي بالطبع ما عندنا فيها حظ إلا المتابعة فقط
تسلم على المرور الأنيق
| |
 
|
|
|
|
|
|
|
|
Re: بورداب دول إسكندنافيا وخاصة النرويج جاييكم قريب في أريندال بإذن ال (Re: Rabab Elkarib)
|
سلامات يا محمد خليل
تعرف يا محمد لمن قريت البوست من برّة جيت جارى
وقولت خلاص حنقابل ود خليل
بس لقيت انه الاسماء متقاربة (وش متحسر)
لانه في مدينة تكلة مننا اسمها فيردال , كنت مفتكرك جاي ليها.
عرفت المدينة الانتَ ماشي ليها عن طريق القوقل
تعرف يا محمد المدينة الانت ماشي ليها
دي بتبعـد مننا 22 ساعة بالقطر
اتمنى انه اجي بس , انت جيت في اجازة صيف
وعادة الناس بتكون مأجزة
وحاجزة تذاكر لزيارات وغيره.
ولكن سمعت انه في مدينة اسمها "لارفك"
بتبعد عن اريندال حوالي ساعة ونص
وفيها سودانيين كتار , اتمني انه تلتقى بيهم
وبرضو لو قعدت في اوسلو لساعات ممكن تلتقى
ببورداب اوسلو وهما ما كتار تقريبا 10
ولكن قراء المنبر كميات وكتار
قولنا لي بكري زيدهم بس كالعادة
السويد قريبة من المنطقة الانت حتمشي ليها
اظن في بواخر بتقرب المسافة وكذلك الدنمارك
قريبة في اتجاه الجنوب.
كنتيك لي في الايميل عشان ارسل ليك رقم
التلفون للتواصل [email protected]
وبالله ما نوصيك على صور الدمار بالطريقة الصاااح
حاول اتجو في المدن الجمب اريندال , اليومين
ديل الجو كويس و قمة الصيف ومناظر رائعة جداً
وبالتوفيق وانشاء الله تصل بالسلامة
| |
|
|
|
|
|
|
|
|
Re: بورداب دول إسكندنافيا وخاصة النرويج جاييكم قريب في أريندال بإذن ال (Re: احمد محمد بشير)
|
Quote: سلامات يا محمد خليل
تعرف يا محمد لمن قريت البوست من برّة جيت جارى
وقولت خلاص حنقابل ود خليل
بس لقيت انه الاسماء متقاربة (وش متحسر)
لانه في مدينة تكلة مننا اسمها فيردال , كنت مفتكرك جاي ليها.
|
الحبيب أحمد محمد بشير
ليك وحشة من القلب
تصدق أنا زاتي فرحت لمن لقيتك هناك
قلت خلال جاني زولى زاااااتو
بس تقول شنو الحلو ما بيكملش
مش كان تكون الجولة فى فيردال أحسن
Quote:
عرفت المدينة الانتَ ماشي ليها عن طريق القوقل
تعرف يا محمد المدينة الانت ماشي ليها
دي بتبعـد مننا 22 ساعة بالقطر
اتمنى انه اجي بس , انت جيت في اجازة صيف
وعادة الناس بتكون مأجزة
وحاجزة تذاكر لزيارات وغيره.
ولكن سمعت انه في مدينة اسمها "لارفك"
بتبعد عن اريندال حوالي ساعة ونص
وفيها سودانيين كتار , اتمني انه تلتقى بيهم
وبرضو لو قعدت في اوسلو لساعات ممكن تلتقى
ببورداب اوسلو وهما ما كتار تقريبا 10
ولكن قراء المنبر كميات وكتار
قولنا لي بكري زيدهم بس كالعادة
|
يا الله على المسافة البعيدة
تعرف يا أحمد الرحلة دي ما كانت مبرمجه
يعني كنت مرشح من التلفزيون لجولة في إيطاليا فى سبتمبر القادم
بس بين يوم وليلة ومع نهاية شهر يونيو قالوا الرحلة تحولت للنرويج
حقيقة فرحت شديد عشان كان نفسي أزور دول إسكندنافيا دي
وإن شاء الله بس نلاقي السودانيين اللى هناك
وتلفوناتهم زي ما قالوا لى موجودة فى الموقع الإلكتروني
Quote:
السويد قريبة من المنطقة الانت حتمشي ليها
اظن في بواخر بتقرب المسافة وكذلك الدنمارك
قريبة في اتجاه الجنوب.
|
إن شاء الله أقدر أمشي ليها
الزيارة محكومة بأيام محدده للبطولة
ولو لقيت براح طيّب راح أزورها
وقول يارب بس وإن شاء الله يسهلها
جاييك الإيميل يا حلو
والكنتكه جااااااااااااهزه
وما تخاف عليها
Quote: وبالله ما نوصيك على صور الدمار بالطريقة الصاااح
حاول اتجو في المدن الجمب اريندال , اليومين
ديل الجو كويس و قمة الصيف ومناظر رائعة جداً
وبالتوفيق وانشاء الله تصل بالسلامة
|
من غير وصية يا حلو
قبل رمضان جاييك بالمفيد
ياخ درجة الحرارة حسي 18 درجة
معقولة دي حااااااااااره كده
يعني لو كانت 35 درجة كان راح يحصل شنو
هههههههههههههههههههههههه
تسلم على المرور الأنيق
| |
|
|
|
|
|
|
|
|
|
بورداب دول إسكندنافيا وخاصة النرويج جاييكم قريب في أريندال بإذن الله (Re: هشام عبيد يوسف)
|
Quote: الأخ محمد خليل (مليون) حبابك في النرويج..
زي ما قال ليك أحمد وزكريا معظم البورداب موجودين في أوسلو
طالما ح تتحرك صباح الأربعاء يبقى ح تصل أوسلو على آخر اليوم (؟)
إذا حددت مواعيد الوصول بالضبط يبقى أكيد ح نتقابل في أوسلو في ساعات وجودك..
وزي ما قال أحمد أعمل إشارة في الإيميل وخلينا نتواصل على بال ما توصل بالسلامة
[email protected]
وكل الود يا عزيز ومرحب بيك مرة تانية
|
الحبيب هشام عبيد
تسلم من كل شر يا جميل
الهكر ما خلى لينا حته نقبل عليها
وقطعنا منكم ومن العالم بتاعنا عالم سودانيز أونلاين
يعني لو ما أحمد محمد بشير أداني الـ آي بي ده كنت رحت
تسلم كتير على ترحيبك الحار وعلى مكالمتك الجميله
والله عذرتكم كلكم وعارف الوقت والعمل وحال النرويج وناسها
الزيارة بتاعتي زاتها جات كده وفى فترة ضيقه
والجايات أكتر يا جميل
وإن شاء الله نكون على تواصل
وتسلم من كل شر
| |
|
|
|
|
|
|
| |
محمد خليل ساني
محمد زكريا
عبد العظيم احمد
Rabab Elkarib
احمد محمد بشير
هشام عبيد يوسف
هاشم الادريسى
heba Elmahi
فيس بوك
تويتر
انستقرام
يوتيوب
بنتيريست