|
رحبوا معي بأميمة أحمد العبيد وشكراً بكري
|
انضمت مؤخراً الأخت العزيزة أميمة أحمد العبيد وهي واحدة من أنضر زهرات سلالتنا الوضيئة إلى ضلالتنا المضيئة التي أدَّبَتْنا فأدمناها في هذا المنبر، وأصعب ما في أميمة أنها إنسان سهل واضح يختصر المسافات منك إليه و لا يرى مسافة منه إليك إلا ما قد تفتعله أنت من حواجز، مُحِبَّة، ودودة و....حتى لا أخذل التقليد هي إضافة حقيقية لٍأسرة البورد فمرحباً بك أميمة بين أخواتك وإخوانك في الوطنين، وشكراً جزيلاً للباشمهندس بكري على استجابته لطلب الأخت أميمة وضمها لعضوية سودانيز أونلاين وياها المحرية فيك.
|
|
|
|
|
|
|
|
Re: رحبوا معي بأميمة أحمد العبيد وشكراً بكري (Re: فتحي الصديق)
|
ياسلام على الجمال الطله علينا ونور لينا البورد ياسلام يالجيتى طالعه من حلتنا ومن مديتنا ومش كده وبس من بيتنا عديل مرحبيك صغيرتى الكبيره مرحبيك جايه وشايله كل الجمال والحب وشايله هم الملاين وعرق التعب من وسط زحمة الخرطوم شايله ملامحنا وملامح كل البحبونا مرحب بيك يا ميمى تعالى وجيبى معاك الكلام السمح والاضافة الحقيقه ومانسيتك بى فرحتى دى ياصديقى ويارفيق الصبا يا شاعرنا الحبيب والغالى محمد مدني شكرا للفرح الجيت شايلو لينا سونا current=5a227b35.jpg" target="_blank"> مرّة طربان .. شلـت صوتـك شــــان أغــنـــى.. قـلــت آه يـالـيـل .. وآه إنتى أول .. وإنتـى تانـى .. وإنتى تالت .. وإنتـى رابـع نافـرة زى صـيـد الـخـلا وصافيـة زى نبـع المنـابـع وقلتى لى غنـاى .. خـلاص *** حلـوة عينيـك زى صحابـى عنيدة كيف ... تشبه شريحتين مـــــن شـبــابــى حلـوة عينيـك زى صحابـى وزى عِنـب .. طـوّل معتّـق فـــــى الـخــوابــى وسمحة زى ما تقول ضيوفاً .. دقّـــــوا بـــابـــى .. فرحى بيهم سال .. مـلا .. حــتـــى الـكـبـابــى
| |
|
|
|
|
|
|
Re: رحبوا معي بأميمة أحمد العبيد وشكراً بكري (Re: محمد مدني)
|
في البداية ندخل البيت من الباب ،، والشكر الجزيل لك يا أستاذ/ بكري أبوبكر لقبولي بينكم والتقدير لمجهوداتكم في هذا الموقع السوداني الاصيل المعاصر والمتوهج . أخي وصديقي وشاعرناالغالي محمد مدني .. شكرا جزيلاً علي ترحيبك وكلامك الجميل وانشالله اكون قدروا وارفع رأسك لي فووووق، ونكون نحن حديثي التسجيل بالمنبر إضافة جديدة جيّدة .
الاعزاء أعضاء المنبر المرحبين :ـ الاستاذ/ محمد عبدالماجد الصائم .. شفتة كيف بقيت سبب وجبتة ليكم محمد مدني بعد غيبة(والجابو اجيب عقابوا ) الاستاذ/ فايز ود القاضي ،الاستاذ/ ادم شحوتاي ،الاستاذ/ عبدالعزيز عيسى ، الاستاذ/ ياسر السر، الاستاذ/ طارق جبريل الاستاذ/ معاوية عبيد الصائم ،الاستاذ / عبدالرحيم ابراهيم العبيد،الاستاذ /فتحي الصديق والاستاذة/ مهيرة ... تحياتي وشكــــــــــري وتقـــــديري الجزيل لترحيبكم. فانتم الأصل والسند في هذا الطريق. الاستاذ/ خالد العبيد ...اهاااااااااااا قمنا من البداية علي السلبطة، لك التقدير الصديق أمين زوربا ... سلامي الكتير ... ومافي عوجات ومافي مطبات والبقية بالتلفون . أختي الغالية ....سونا يانور النوار وزي ما عودتيني دائما كلامك حلو فيني معك ترعرت ومنك تعلمت أحبك دائما وازهو بك أخت وقبلها صديقة. أخي العزيز ... عبدالله شمس الدين تسلم لينا ياغالي وحوش بيتنا يشتاق لي لمّتكم وونستكم . الاستاذة / منال الطاهر،الاستاذ / أبو حسين ، الاستاذ / صابر عابدين مشكورين كثير شكراً لكم جميعاً أعضاء المنبر فكم متعتموني بكتاباتكم ومداخلاتكم و اضفتم اليّ الكثير وانا قارئة فما بالكم وانا بينكم في المنبر أشَارِك وأُشارَك الرأي .
((نخنا أهل الفرحة جينا للمدامع وقفتنا ولا الحكايات الحزينة ))
| |
|
|
|
|
|
|
Re: رحبوا معي بأميمة أحمد العبيد وشكراً بكري (Re: أميمة أحمد العبيد)
|
بسم الله ما شاء الله لكن غايتو يا أميمة أخديها نصيحة مني لي الله...عايني لي بياض الورقة(أو صفار الصفحة) قبل ماتدشي الكتابة هنا لأنو ناس ود الصايم (الاتنين حقنا وحق جدة - وبرضو الاتنين حقيننا)وود القاضي وعندك هناك ملاسي لو شبو ليك في حلقك يحلك منهم حلف الناتو (بالتأكيد عادل عبد الرحمن واتنين تانيين)المهم..ألف مرحب بيك وكلي توق لمداخلاتك هنا.
| |
|
|
|
|
|
|
Re: رحبوا معي بأميمة أحمد العبيد وشكراً بكري (Re: عبدالله شمس الدين مصطفى)
|
Quote: زوربا انت زعلت ولا شنو يا دكتور؟ |
آخر عمرك يا حبيبنا بقيت تشوت الهواء ( تجلي )
أصل الحكاية في فاول حصل يوم جيتونا في البيت كانت الحاجة طرف أصيل فيه يبدو أن أميمة ماحكتو ليك وانا لمن حكتو لي سامية في الطيارة أضحك من أديس لحد بانكوك وأمبارح شلت الشمار كلوا كبيتو في فول سمندل في إتصال مدنكل
_________________________
الله يرحم محمد عمر يبدو أن صنف الرياض مغشوش
| |
|
|
|
|
|
|
Re: رحبوا معي بأميمة أحمد العبيد وشكراً بكري (Re: khatab)
|
الأستاذ والصديق العزيز /خطاب
و ياصديق أخي الغالي المرحوم/د.عارف ... أشجيني بذكرياتكم فهي تروي شوقي
نحنا القدرنا علي التعب.. حرقتنا السنة اللهب.. ولسه ماسكين الدّرب.. يا صاحبة في الزمن الصعب
((((ودايماً ليكم صاحبة في أي زمن،الكعب ،الصعب والسمح )))
| |
|
|
|
|
|
|
Re: رحبوا معي بأميمة أحمد العبيد وشكراً بكري (Re: فيصل محمد خليل)
|
يامحمد مدني ... والجمهور الكريم كل عام وانتم بخير ياخي عملتها ظاهرة عصفورة بتنا كان لازم تزور بيتنا اول ( بحري طراوة ) وتكلمنا انك عايز تفتح بوست ترحيب لست الزوق والادب والناس الطيبين وحلوين وعقابا ليكم اي واحد يشيل ترحيبو ويمشي بعيد لاود الصايم لا ود العبيد لاني جايكم بالتوثيق لاختنا النشيطة وحاملة هموم منطقة بحري وعملت لفترة في المكتب التفيذي لرابطة جنوب بحري بجامعة القاهره فرع الخرطوم قدمت الكثير من خدمات جليله وطيبة للمنطقة
Quote: ياسلام على الجمال الطله علينا ونور لينا البورد ياسلام يالجيتى طالعه من حلتنا ومن مديتنا ومش كده وبس من بيتنا عديل مرحبيك صغيرتى الكبيره مرحبيك جايه وشايله كل الجمال والحب وشايله هم الملاين وعرق التعب من وسط زحمة الخرطوم شايله ملامحنا وملامح كل البحبونا مرحب بيك يا ميمى تعالى وجيبى معاك الكلام السمح والاضافة الحقيقه |
اميمه احمد مع المكتب التنفيذي لرابطة جنوب بحري بعد الصور دي يا اميمه مفروض تنزلي انتخابات وتنافسي لينا الصادق عثمان في بحري . . اميمه معليش والله ماعرفتك لكن كونك تلاقيني في بوست مجاور وشايفة صورتي تقولي انت ماوليد الفرع دي بالغتي فيها المره في البيت قالت لي والله انت بقيت مشهور معقول اكون كبرت للدرجة دي حتى لاتعرفيني ههههههههه اميمه طبعا قابلت انتصار اختك في زواج بنت اخي وسالت عنك بس كان ظروف مرض والدتنا رحمة الله عليها في تلك الفترة منعتني من زيارتكم في البيت والبركة فيكم وفينا في رحيل زميلتنا رحمة الله عليها غادة مبارك .
فرحانه بيك كل النجوم == لانام بريقة ولا انطفى
| |
|
|
|
|
|
|
Re: رحبوا معي بأميمة أحمد العبيد وشكراً بكري (Re: محمد مدني)
|
الاعزاء ...
الاستاذ/ عماد الاستاذة / ناجية مصطفى الاستاذ / بله محمد الفاضل الاستاذ/ فيصل محمد خليل الاستاذ / تمبس
شكراً علي الترحيب وشكراً علي مشاركاتكم ومداخلاتكم الجميلة في هذا المنبر
دمتم لنا سنداً وللسودان قلماً ، فكراً ، ابداعاً ومشاعر سودانية نبيلة أصيلة
| |
|
|
|
|
|
|
Re: رحبوا معي بأميمة أحمد العبيد وشكراً بكري (Re: محمد ادم الحسن)
|
Quote: والبركة في الاخ عماد ما قصر وذكّرك لكن انت فتيتو كلو لقب وصور ..والصور حلوة ورجعتني لايام جد
رائعة وحلوة وجميلة |
عماد طبعا قوقل واتصل علي صحاني من النوم وقال تصدق عرفت ليك منو اماني العبيد ههههههههههه ضحكت وناديت المره قلت ليها اهو دي صاحبت المداخله السابقة وشقيقة انتصار لانها قابلتها معي طبعا هي شغالة مراقب الكتروني للكمبيوتر بتاعي تخيلي محتفظ بكل الصور وتوثيق ايام الجامعة هنا معي كل مره الواحد يحاول يعيد الذكريات واذا دخلتي الفيس بوك بتلاقي صور الكثيرون منهم في (Waleed Saeed ) ولكن اجمل مافي صورة البحر جمال فرفور كا ن مخنفس هههههههه وطبعا الصورة كانت زيارة المكتب التنفيذي الى اخواتنا اريج عبد القادر وامل النية وبالمناسبة اريج على اتصال معنا من امريكا وبتعرف كل الاخبار عن الرابطة
شمارات تقيلة مع اماني عوض الكريم يا اميمه فعلا رابطة بحري في جامعة القاهرة كانت من اجمل واقوى الروابط ويكفي اننا احرزنا كاسين في دورة واحده كاس الثقافية وكاس الرياضية وهذا يدل على ان رابطة بحري كانت تعمل بكل جد واجتهاد من عمل برامج ثقافية بالمنطقة وندوات عن محاربة المخدرات وفتح فصول تقوية ومساعدة دار العجزة والمسنين والله مفروض نكرمك هنا يا اميمه لدورك الكبير نحو الرابطة
Quote: غادة ضحكتها تملأ ازني وابتسامتها امام عيني ربنا ارحمها واجعلها من اصحاب الجنة وابارك في ابنتها والبركة فينا جميعاً
|
يالله في الصورتين موجودة معنا لذلك نزرف الدموع لها عندما نشاهدها الله تقبلها قبولا حسنا
| |
|
|
|
|
|
|
Re: رحبوا معي بأميمة أحمد العبيد وشكراً بكري (Re: محمد مدني)
|
Quote: انضمت مؤخراً الأخت العزيزة أميمة أحمد العبيد وهي واحدة من أنضر زهرات سلالتنا الوضيئة إلى ضلالتنا المضيئة التي أدَّبَتْنا فأدمناها في هذا المنبر، وأصعب ما في أميمة أنها إنسان سهل واضح يختصر المسافات منك إليه و لا يرى مسافة منه إليك إلا ما قد تفتعله أنت من حواجز، مُحِبَّة، ودودة و....حتى لا أخذل التقليد هي إضافة حقيقية لٍأسرة البورد فمرحباً بك أميمة بين أخواتك وإخوانك في الوطنين، وشكراً جزيلاً للباشمهندس بكري على استجابته لطلب الأخت أميمة وضمها لعضوية سودانيز أونلاين وياها المحرية فيك. |
ليس هناك الكثير ليقال بعد هذه المقدمة .. ألف مراحب أميمة
| |
|
|
|
|
|
|
|