|
|
 من طرائف د. وهبانى رحمه الله
|
الدكتور محمد عثمان محمد وهبانى عليه رحمة الله رئيس قسم الفيزياء جامعة الخرطوم (سابقا) كان استانا و صديقنا مثقف ثقافة عالية جدا سريع البديهة و ذو حس فكاهى لأبعد الحدود وكان يجيد اللغتين العربية و الأنجليزية اجادة تامة الا رحمه الله رحمة واسعة والتحية لأسرته الكريمة.
|
|
 
|
|
|
|
|
|
|
|
Re: من طرائف د. وهبانى رحمه الله (Re: حسام عبد الرحيم)
|
أيام الامتحانات ومكتبة القسم بتقفل الساعة 2 مشى ليهو صاحبنا خلف الله عشان يمدد زمن المكتبة
قال ليو انا ما عندى عمال بقعدو للساعة 6 و ما بقدر اجبر لى زول
اتبرع صاحبنا بانو يقعد هو بنفسو من 2 لى 6
قال ليو متى ما أجى القاك انت قاعد ما ألقى زول غيرك نهائى
التزم صاحبنا وفعلا كان حريص جدا .. بعد كم يوم كدا نزل تحت للحمام و هو طالع لقى د. وهبانى نازل من السلم
دا شـــــــــــنو يا خلف الله ؟
والله يا دكتور هى ثانيتين
شوف يا خلف الله ساعتين دقيقتين ثانيتين نص ثانية ماينص انفينتى (-α) فى عدم المسئولية واااااااااااااااااااحد
| |
|
|
|
|
|
|
|
|
|
Re: من طرائف د. وهبانى رحمه الله (Re: حسام عبد الرحيم)
|
جاو واحد من مساعدى التدريس و بشكى ليو فى مرتو والله يا دكتور المرة دى نقناقة و و و.
و اتكلم كتير و د.وهبانى بسمع و ساكت. ولما انتهى من كلامو قال ليهو
هسى القران دا ال114 سورة ديل فى سورة اسمها الزواج؟
لكين فى سورة طويــــــــــــــــــلة اسمها الطلاق
| |
|
|
|
|
|
|
|
|
|
Re: من طرائف د. وهبانى رحمه الله (Re: حسام عبد الرحيم)
|
الاخ حسام
السلام عليكم ورحمة الله وبركاته
رحم الله الدكتور وهباني
فقد كان موسوعة في الادب والتاريخ ولا سيما العلوم مجال تخصصه
عملت تحت اشرافه المباشر كموظف منذ 2005 وحتى تقاعده في 2009
وكانت من اجمل الفترات التي استفدت فيها من خلال ووجودي معه لاكثر من 8 ساعات في اليوم
اخر جيل العظماء الذي ذهبوا مبكيا عليهم
خلت الديار فلا كريم يرتجى منه نوال ولا مليح يعشق
وكل لذاذه ستمل الا محادثة الرجال ذوي العقول
وقد كنا نعدهم قليلا فقد صاروا اقل من القليل
| |
|
|
|
|
|
|
|
|
Re: من طرائف د. وهبانى رحمه الله (Re: ود الخليفه)
|
مقال طريف من الدكتور عبد الله علي ابراهيم و حقيقى كان د. وهبانى كثير الاندهاش
فكان دايما ما يردد عبارات مثل عليك النبى! انت جادى؟
ود الخليفة سلام كتير انا خليت الجامعة 2004 لكين كنت بجيهو من مرة لى مرة مفروض نكون اتقابلنا
صورتك دى ما غريبة على ابدا..
| |
|
|
|
|
|
|
|
|
|
Re: من طرائف د. وهبانى رحمه الله (Re: ود الخليفه)
|
كان يركب معنا المواصلات ويشترط قبل ان يركب ان يدفع هو
مره الصباح جاء تسبقه ابتسامه
قال لي امس ركبت الكمساري نزلني بعيد من محطتي
قلت ليه قبيل انت لقطت قروشك سريع سريع لمن جيت انزل نزلتني على كيفك
قال ليه الكمساري لقطتها سريع سريع عشان لمن ابقى قدرك اكون عملت لي عربيه
| |
|
|
|
|
|
|
|
|
|
Re: من طرائف د. وهبانى رحمه الله (Re: ود الخليفه)
|
كان عندو رادى مسميهو كرم الله صوته
قال ما جاب اذاعة امدرمان فى حياتو ظابتو على موجة واحدة بس ON OFF
و بالمناسبة كان بسمع راديوهين فى نفس اللحظة واحد عربى والتانى انجليزى و سبحان الله بكون مركز تمام التركيز فى الأتنين
| |
|
|
|
|
|
|
|
|
|
Re: من طرائف د. وهبانى رحمه الله (Re: ود الخليفه)
|
في بادية العام الدراسي عادة نكتب احتياجات القسم من الاجهزه
فسالته اول مره عن المطلوب فرد لي يا ولدي انا بكتب من سنه 76 ما جابوا لي حاجه فاكتب اي شئ
وكالعاده مر العام الدراسي كغيره
وفي بداية العام المقبل تكرر نفس الشئ ورجعت له لاخبره
قال لي المره دي اكتب ليك حاجتين بس وبي خط كبييير ومفرقات عشان يقولوا دي حاجات مهمه امكن يجوبوها
| |
|
|
|
|
|
|
|
|
|
Re: من طرائف د. وهبانى رحمه الله (Re: ود الخليفه)
|
بالفعل يا عمار كان متواضعا لأبعد الحدود وذو شفافية عالية
حكى لى انو جا ليهو فى مكتبو أحد مدراء الجامعات الخاصة الكبرى عشان يشتغل معاهو
قال ليو شوف يا .... يا أخوى انت زول حرامى .. وأنا زول ما مؤثر كان اشتغلت معاك وللا ما اشتغلت ..
لكين أنا ما بساعدك تغش ليك زول و تاكل قروشو..
| |
|
|
|
|
|
|
| |
حسام عبد الرحيم
ود الخليفه
فيس بوك
تويتر
انستقرام
يوتيوب
بنتيريست