|
|
 إنفصال الجنوب .... وحكاوي شخصية جدا
|
أريد في البدء القول أن الإنفصال حقيقة لا يقل عن
التسونامي - إجتماعيا وإقتصاديا - وبالتالي إنسانيا.
تباريحي الشخصية جدا سأحاول تنفيس ما أقدر عليه منها
في هذا البوست، مع رجاء المشاطرة بحاجات شخصية منكم لو أمكن؟
في 18 أغسطس 1955
فقدت إثنان من أعمامي
من أكثر أبناء الفتيحاب تعليما -
بمقاييس تلك الأيام
المرحوم عمر الطيب بابكر الجعلي
شقيق جدي لوالدتي
وكان هو محاسب قوة دفاع السودان SDF في توريت.
والمرحوم دفع الله عدلان - أبن مك الفتيحاب وأبن خالة والدي
وخبير الغابات في منشار كتري - أعتقد قريبة من توريت
عمر الطيب كان مدنيا، إنتدبته وزارة المالية إلي قوة دفاع السودان
الفرقة الإستوائية. كان متزوجا من عمتي شقيقة أبوي وبعداك أبوي إتزوج
بنت أخيه – شربكة ناس الفتيحاب. عشان كده أنا عابدين البكر دا طلعت أشبه
أولاد المرحوم عمر الطيب أكتر من أخواني وهم من أعز صحباني.
أصغر أبنائه والذي ولد بعد شهور من وفاته حكي لي أنو مرة عمتي(والدته) كانت
معه في أمريكا – هو بروفسر وممارس لمهنة الطب هناك – وكان مصادف وجود
الجنرال المتميز مزمل سليمان غندور للعلاج، وهو بالمناسبة الخال المباشر لزميلنا عضو
المنبر د. صلاح البندر. الجنرال كان ملازم في توريت وهو من القلائل النجو من المجزرة،
ويعرف أسرة المرحوم ولكن ما لاقي عمتي من زمن توريت.
ذهبوا لزيارته ............ "وسالت مشاعر الناس جداول"
بعد مايزيد علي نصف القرن لقو الفرصة عشان يبكوا أعزائهم
والأيام الخوالي في توريت.
|
|
 
|
|
|
|
|
|
|
 Re: إنفصال الجنوب .... وحكاوي شخصية جدا (Re: Amira Osman)
|
كيفك يا أميرة والباشمهندس والأولاد
والأصدفاء الأعزاء في ال UK
لكم جميعا كل الود ... الشكر علي المداخلة
وهاك المواصلة دي ...
والدي – متعه الله بالعافية – كان موظف في النقل الميكانيكي
نقلته حكومة 17 نوفمبر إلي جوبا في نهايات 1958 – كان نقابي
أنا وشقيقي الأصغر مني مباشرة إنضمينا ليه في نهايات 1960 مع الوالدة
(رحمها الله رحمة واسعة وعوضها شبابها الجنة – توفت بدايات 68 وهي إبنة 29 ربيعا)
لمن وصلنا جوبا أنا كنت لسه مابديت أتكلم
الفصاحة دي إتعلمتها هناك !!!
| |
|
|
|
|
|
|
|
|
|
Re: إنفصال الجنوب .... وحكاوي شخصية جدا (Re: Zien Elabdin Eltayeb)
|
النقل الميكانيكي في جوبا كانت تتبع له ورش في مدن صغيرة كثيرة
إحداها كانت في كتري
كما حكي لي والدي، فقد ذهب إليها في منتصف عام 59
بعد أربعة سنوات من التمرد
أخبره أحد زملائه الجنوبيين في الورشة أنو في زول
في الحلة قال ليهو أنو الجلابة الأربعة الكانو شغاليين في
الغابات وقتلوهم جثامينهم لسه في الغابة التي لاذو بها للحماية
وفيها لقو حتفهم
أبوي وزملائه الجنوبيين مشو فتشو الغابة وفعلا وجدوا رفات
اربعة أفراد (إحداها كانت لأخيه إبن خالته)
صفاتهم التشريحية – الهيكل العظمي – بتوري بوضوح
أنهم شماليين
لموا الرفات وأكرموها بالصلاة عليها ودفنها
زملائه الجنوبيين ساعدوه في كل ذلك
والمسلمين منهم شاركوه في الصلاة !!!
| |
|
|
|
|
|
|
|
|
|
Re: إنفصال الجنوب .... وحكاوي شخصية جدا (Re: Zien Elabdin Eltayeb)
|
عدنا من جوبا في العام 1962 بعد أن تم نقل والدي إلي شندي
"شوفته الحكومة دي زمان كانت بتشوت العاملين عليها كيف !!!"
والدي كان لكن مرحب بالنقلية ... فشندي هي موطن جدود نسيبه (وبالتالي نسابته)
المرحوم الحاج المطرب عبيد الطيب والذي ينحدر جده من منطقة الفراحسين
في غرب شندي ... كان صانع مراكب ماهر جذبه السوق الكبير في
الموردة بأمدرمان ... وأستقر في الفتيحاب .... وناسبهم
شندي تشارك جوبا في حاجات كتيرة، التجار، و
دينكا العالياب، و اللواء الثالث مشاة والذي يضمن أية مجند فيه
الذهاب إلي الجنوب بمجرد ما أدوه النمرة العسكرية ؟؟!!!!
لكن أهم حاجة في علاقة التوأمة دي بالنسبة لي إنو شندي كانت زي جوبا
تتوفر فيها المنقة طول العام تقريبا ؟؟؟
وده كان شئ هام جدا لبقائي علي ظهر هذه البسيطة حتي يوم الناس هذا؟ والحمد لله
لأنو خالاتي وحبوبتي ... بعد داك بسنين كتيرة قالو لي
"لما جيتنا راجع من جوبا كنت ما قاعد تاكل حاجة غير المنقة
وما كنت بتهش إلا في وجوه الناس شديدي السمار" !!!
| |
|
|
|
|
|
|
|
|
|
Re: إنفصال الجنوب .... وحكاوي شخصية جدا (Re: Zien Elabdin Eltayeb)
|
قبل يومين كده حضرت ورشة عمل إقتصادية تحدث فيها
العلامة د. لوال دينق – وزير النفط السابق الذي قال:
" بعد يوم 9 يوليو حيكون عندنا شعب واحد في بلدين
خصوصا في الخرطوم ومناطق التمازج (وكررها مرتين تمازج وليس تماس)
وقال إنو التعبير دا ما منه لكن من صديقه الراحل د. جون قرنق" !!
وهو يتفق معه مية المية وعشان كده هو ماحيفارق الخرطوم وسيبقي
فيها بعد التاسع من يوليو !!!
وقال مواصلا: الكويس إنوالسودان موجود في أسامي البلدين الجديدين!!
| |
|
|
|
|
|
|
| |
فيس بوك
تويتر
انستقرام
يوتيوب
بنتيريست