|
حفل خيري بالنادي السوداني – Hayward, CA لدعم السودانيين بالمعسكرات والتكايا
|
|
 Re: ياعشاق بالمنبرالفنان شكرالله هل هذا حقيقة ما حدث ؟ (Re: زهير عثمان حمد)
|
سلام يا زهير ..
مرة واحد من الفنانين الشباب ديل ساقني معاهو مناسبة زواج (ندم بعد داك أشد الندم على سواقتي معاو) .. في أثناء بيغني في واحد ولا واحدة من الحاضرين أعجبت بي الغنية البيغنيها وخايفة تنقط ليو يقوم يزعل أو يديها بنية ولا كف .. المهم أظن التصرف كان بواسطة شافعة صغيرونة أدوها في يدها عشرة جنيه وقالوا ليها أمشي بشري للود البيغني دا ولمن يدنقر ليك لصقيها ليو في جبهتو ..!
الشافعة مشت على الفنان وهي بتبشر بي يد وداسة اليد الفيها العشرة جنيه ورا ضهرها لمن وصلت حصل الكات متوقع والفنان دنقر ليها بالمايك .. بالله الساعة اللصقت ليهو العشرة جنيه في جبهتو ناس الحفلة كلهم نطوا لأنو الصوت جا ظاهر في المايك صججججججج !!
الفنان إتخلع وأنا إتخلعت في محلي البت الشافعة داير تمش الفنان لحقا داير يرجع ليها القروش وهي جرت منو ..!
بعد شوية جا شافع طالع من جهة تانية (ما خلاص ليبيا فتحت والجماعة عرفو من وين بتؤكل الكتف) .. انا ورا الفنان وشايف الشافع جاي يقدم كرا ويؤخر كراع .. همست للفنان (أعمل ساتر .. أعمل ساتر) !! وهو أظنو ما سمعني .. الشافع جا بشر للفنان والفنان تاني دنقر ليهو لكن ما دنقر ليهو خالص .. بالله الساعة الناس كلها سمعت صجججججج في الساوند أنا لمن وشي حمر خليهو الفنان .. الشافع صجاهو ليك بي خمسة جنيهات لكن ما في جبهتو .. في جضمو يعني كف عديييل كدة ..!!
غايتو الأغاني البعد كل ما شافع أو شافعة تجي تبشر ليو طوالي يقبل على الفرقة ويعمل فيها مجنون ..!!
| |
  
|
|
|
|
|
|
|
|
Re: ياعشاق بالمنبرالفنان شكرالله هل هذا حقيقة ما حدث ؟ (Re: ناذر محمد الخليفة)
|
غايتو انا ماعارف لكن اهلنا قالو (البيرقص مابيغطي دقنو)
يعني كمان ال بيغني (مايعمل ساتر لجبهته)
النقطة من زمان موجوده لكن كونها تجي من هاجر كباشي باعتبارها
صاحبة الحفل وشكرالله جاي مجاملة .. تبقي المسألة صعبة..
نازر ياصديقي انا عندي اقتراح جميل جداً بيحل المشاكل الزي دي
وبيمنع الاحراج ... كل فنان يضيف للفرقة فرد جديد .. يعني بتاع كمنجة
وجتارست .. وواحد بتاع ايقاع (ايقاعي) ..الخ يكون في واحد (جبهجي)
ماتفهموني غلط ..(الجبهجي) ده مهمتو الناس تخت ليهو النقطة في جبهتو
(العريضة) بدل الفنان ... وتبقي وظيفة جديدة الناس تاكل منها عيش
واي صاحب (جبهة) او (صلعة) يكون عندو مصدر دخل تاني .. ويكون جزء مهم
من اجزاء الجسم بقى عندو شغلة ...
ياخ النقطة دي في ناس( بيحشروها) للفنانات في حنانم زاتو ....
والله يانازر اخير منها صصصصججج وبجنيه بس وكمان فيهو مادة لاصقة
من (الفم) ... طبعاً مابقدر اقول (بزاق) عشان القرف وكده .
____
نازر اوع يكون صاحبك الفنان ساقك معاهو عشان تشتغل (جبهجي)
| |
|
|
|
|
|
|
|
|
|
Re: ياعشاق بالمنبرالفنان شكرالله هل هذا حقيقة ما حدث ؟ (Re: gamal elsadig)
|
هههههههههههه كيفك يا جمال ..
Quote: ..الخ يكون في واحد (جبهجي)
ماتفهموني غلط ..(الجبهجي) ده مهمتو الناس تخت ليهو النقطة في جبهتو
(العريضة) بدل الفنان ... وتبقي وظيفة جديدة الناس تاكل منها عيش
واي صاحب (جبهة) او (صلعة) يكون عندو مصدر دخل تاني .. ويكون جزء مهم
من اجزاء الجسم بقى عندو شغلة ...
|
غايتو بي إسمو دا ووظيفتو دي اكيد بيكون الفنان دقس لمن يجو يتحاسبوا ..
Quote: ياخ النقطة دي في ناس( بيحشروها) للفنانات في حنانم زاتو ....
|
نسأل الله السلامة .. الكلام دا كان زمان يا جمال هسي الناس قصدها شريف والشغلة دي بقت مافي لكن يقال في في بعض الدول الأفريقية حوالينا البتحب الغنا بتاعنا دا والناس هناك لا من شاف لا من درى..
Quote: والله يانازر اخير منها صصصصججج وبجنيه بس وكمان فيهو مادة لاصقة
من (الفم) ... |
يا خي الخمسة جنيهات لمن عملت صجججججج دي كان من الصوت واضح إنو كان فيها مادة ملينة أو مسهلة ..
Quote: نازر اوع يكون صاحبك الفنان ساقك معاهو عشان تشتغل (جبهجي)
|
وييييييييين يا مان .. ساقوني عشان اشتغل بودي قارد وكدة ..!
| |
|
|
|
|
|
|
|
|
|
Re: ياعشاق بالمنبرالفنان شكرالله هل هذا حقيقة ما حدث ؟ (Re: البحيراوي)
|
هرون سلام ..
Quote: شايفك عامل ساتر زي صحبك الفنان
الشريف مبسوط مني الخ....الخ
وكاااااااااااااااااااكـ |
ياتو شريف دا وميبسوط منك لييه ؟؟!
ما فاهم كلامك ..!!
البحيراوي سلام ..
Quote: الكلام هنا حول نقطة السوداني ما حقة النجيري داك
وبعدين ناذر بتكلم عن نقطة بالجنية البتسوي صصصصجججججججج
وجي غير نقطة أب صلعة
|
اي عليك الله وريهو .. هرون دياب دا لمن يقوم يلخبط مرات بيلخبط لينا أفكارنا زاتا ..!!
خليهو من حنانا القالو جمال الصادق ..!!
| |
|
|
|
|
|
|
| |
زهير عثمان حمد
ناذر محمد الخليفة
gamal elsadig
haroon diyab
البحيراوي
أمجد الزين
محمد عوض السيد
Elmosley
محمد عبد الماجد الصايم
فايزودالقاضي
Hani Arabi Mohamed
طارق جبريل
فيس بوك
تويتر
انستقرام
يوتيوب
بنتيريست