|
هجرة مدني النخلي هل هي لنهي عجاج ام مصطفي سيد احمد؟؟
|
كلمات: مدني النخلي
الحان:الراحل بدر الدين عجاج
بهاجر ليك...
وراجع ليك... وماقايل يجيني زمن حكايتي مع الحنين بتطول راجع ليك..عشان القاك مع طلوع الصباح وأرتاح وفي ضو السنين الياما شلتَ في أساها جراح... وذي سواح بفتش ليك مهما تشيل شراعي رياح وماقايل يجيني زمن حكايتي مع الحنين بتطول ولما أجيك..دموع الفرحة في عينيك تبلل طرفِك المُشتاق... تنسٍيني الوداع وأحزانو في الزمن الصِبح فرًاق أصلو الماعرف عينيك مابعرف الحنين حرًاق وماقايل بجيني زمن حكايتي مع الحنين بتطول منو البِقدَر على الغُربة؟ يهاجر من حنان عينيك وغيرنا منو البشيل الهم وخوفهم كُلو باقي عليك وحاتِك هانت الأيام وتسلم للفرح عينيك وماقايل يجيني زمن حكايتي مع الحنين بتطول....
|
|
|
|
|
|