|
|
|
 Re: الـــتـــــوب الـــســـــودانــــي (Re: فيصل محمد خليل)
|
فيصلنا الحنين كيفن ما بعرف توب الجيران يا ود امي ؟ انا زاتي بت الجيران لوولز
اليوم كلو ونسة بالفريق
لكن ما تقول لي التوب اب دوائر وردي ده بس ياهو حق العيد
دستوووووووور يا اخوانا
وشروق الحبيبة ترسل لي الإكسسوارات من فينا
العيد عندك يا سوما
تسلم يا فيسلو ياخ
| |
 
|
|
|
|
|
|
|
|
Re: الـــتـــــوب الـــســـــودانــــي (Re: اسماء الجنيد)
|
دا ياهو البسموهو اوكامبو والا داك تاني يا بت الجنيد
اشراقة مصطفى المرة الفاتت مشيت اجيب منها الطايوق
لقيتها مافي ربط ليها دلقانة في الباب امارة اني جيت
و ما لقثتها. مالقيت لي فحمة جنب الباب عشان اكتب
ليها حضرنا ولم نجدكم
مع تحيات محلات توب الزفاف
| |
|
|
|
|
|
|
|
|
Re: الـــتـــــوب الـــســـــودانــــي (Re: الهادي محمد ابراهيم)
|
زمان في السودان كان النساء بلبسن الجلابية والقرباب والرحط والجبون
اما عن التوب دخل السودان عن طريق التجار من الهند متل الريحة والعنقريب ولوعايزة تشفوفي لبس المراة السودانية تلقيها في ريحة بت السودان في الصورة وهو نموزج للبس المراءة السودانبة خطوة خطوة تطورت الموضة ولبست الساري الهندي وبعد طورت الساري الهندي الي تحول للتوب السوداني الاصيل وبكل اسف قل الاهتمام بالتوب لاسباب ممكن تكون معروفة لدي بعض النساء بحجت انو ماعملي وممكن يكون الكلام دة صح والعباية عملية وسهل التعامل عها لكن التوب جزء منتكوين المراءة السودانية وغنوله الشعراء \\ شفت التوب وست لبتوب ومالاقاني احسن منو \\ وياريت كل واحدة يكون التوب لها عنوان في نواحي الجمالية والحشمة وهبية وتاج علي راسها
فيصل سلامات سلامات
ياجميل الخاطر
| |
|
|
|
|
|
|
|
|
|
Re: الـــتـــــوب الـــســـــودانــــي (Re: حسن طه محمد)
|
رحم الله التوب السودانى يا فيصل ياخوى
وذهب مبكيا على اناقته وزهوه وحشمته وتفرده كزى يرمز لاصالتنا السودانية
الحكاية بقت شى عبايات ، وشى اسكيرتات وبلوزات بالوان ما انزل الله بها من سلطان
كما رحم الله الكثير من ثقافتنا وتراثنا وبقينا نتشبه بثقافات العرب الكانوا يعيشون فى وحل التخلف عندما كنا على قمة الحضارة
اتعوج لسانا وبقينا نقول ليش ، وهيك
وعرسانا يتزفوا بى على واحده ونص ورقصنى يا جدع ، وخليجى ما مفهوم
والواحد لما ينزل فى الخرطوم بقى يشك ياربى هل هو فى السعودية والا فى مصر والا فى الكويت
تسمع حى الرياض والطائف ، والمنشية ، والقادسية
بقينا واقفين وين ما عارفين !!!!!!
| |
|
|
|
|
|
|
|
|
|
Re: الـــتـــــوب الـــســـــودانــــي (Re: حسن طه محمد)
|
فيسل هليل .... يااااخ إنت والله راجل جميل ...
باللاى شوف نسوانا ديل عظيمات كيف ... الموضة من ثلاثينات القرن الماضى ... توب الكرب الجابوه النقادة ... حسب معلوماتى غنتا حميراء فى التلاتينات ..
يعنى حتى حبوباتنا كان بيهتمن بى مسميات وموضات التياب ، من الزمن داك ... والتوب ومستلزمات أخرى تميز سماحتن وجمالن ...
نعم فى شعوب شاركتن فى التوب لكن أجزم انهن مميزات بيهو اكتر من غيرن ... لانهن بيزيدنوا سماحة بى باقى فنونن ... لون الدخان والحنة وأطقم الأكسسوارات حتى الذهب ..
المهم ياعمك قريت قبل فترة تقرير لواحدة من البيوتات المختصة بتتحدث فيهو عن إستخدام السودانيات للطلح وتهديدوا لواحدة من الأشجار المهمة فى حفظ التوازن البيئى بالبلاد ... ياعمك ختيت الورق وزادت إنبساطتى من حواء السودان ، وما إشتغلت بباقى التقرير ...
ااا
| |
|
|
|
|
|
|
|
|
|
Re: الـــتـــــوب الـــســـــودانــــي (Re: عبدالله احيمر)
|
لا ننسي التوب الابيض الجميل للموظفات
---------
سؤال يابو الفياصل :
كان ( طبعا زمان قبل ما مشروع الجزيرة يكون في خبر كان )عندنا القطن وفي القطن طويلة التيلة
وكان عندنا مصانع نسيج قبلما يفعل بها الزمان وال........ ما فعل
وكان عندنا الفنانين وكلية الفنون الجميلة شاهدة
وكان عندنا الذوق
طيب ليها ما كنابنصنع الثياب السودانية ونستوردها من سويسرا وانجلترا ؟؟
| |
|
|
|
|
|
|
|
|
|
Re: الـــتـــــوب الـــســـــودانــــي (Re: فيصل محمد خليل)
|
عزيزى فيصل.....مسكاقنا
عندما زارت كوكب الشرق ام كلثوم السودان فى اواخر الستينبات
ارادت ان تبدى اعجابها بالثوب السودانى فقررت ان تظهر على خشبة
المسرح وقبل الوصله الغنائيه بالثوب السودانى وصار حدثا فريدا
شغل وسائل الاعلام الاقليميه وكانت احسن وسبله دعائبه للثوب السودانى
الذى اراه وللاسف الشديد ينزوى يوما بعد يوم
لك الود
عمك كمال
| |
|
|
|
|
|
|
|
|
|
Re: الـــتـــــوب الـــســـــودانــــي (Re: فيصل محمد خليل)
|
Quote: رحم الله التوب السودانى يا فيصل ياخوى
وذهب مبكيا على اناقته وزهوه وحشمته وتفرده كزى يرمز لاصالتنا السودانية
الحكاية بقت شى عبايات ، وشى اسكيرتات وبلوزات بالوان ما انزل الله بها من سلطان
كما رحم الله الكثير من ثقافتنا وتراثنا وبقينا نتشبه بثقافات العرب الكانوا يعيشون فى وحل التخلف عندما كنا على قمة الحضارة
اتعوج لسانا وبقينا نقول ليش ، وهيك
وعرسانا يتزفوا بى على واحده ونص ورقصنى يا جدع ، وخليجى ما مفهوم
والواحد لما ينزل فى الخرطوم بقى يشك ياربى هل هو فى السعودية والا فى مصر والا فى الكويت
تسمع حى الرياض والطائف ، والمنشية ، والقادسية
بقينا واقفين وين ما عارفين !!!!!! |
عزيزنا الفاتح الجنيد
مافى اى حاجه ممكن الواحد يقوله بعد كلامك المعبر ده
فكلنا بنعز التوب
لك الود
| |
|
|
|
|
|
|
|
|
|
Re: الـــتـــــوب الـــســـــودانــــي (Re: فيصل محمد خليل)
|
Quote: المهم ياعمك قريت قبل فترة تقرير لواحدة من البيوتات المختصة بتتحدث فيهو عن
إستخدام السودانيات للطلح وتهديدوا لواحدة من الأشجار المهمة فى حفظ التوازن البيئى
بالبلاد ... ياعمك ختيت الورق وزادت إنبساطتى من حواء السودان ، وما إشتغلت بباقى التقرير ...
|
عزيزنا محى الدين جبريل
اول حاجه الشوق ليك بحور وسعداء على الطله بعد الغياب
يس كلامك ده وقع لى ناس كتار فى جرح ليس من بينهم المسنوخ
موده وشوق
| |
|
|
|
|
|
|
|
|
|
Re: الـــتـــــوب الـــســـــودانــــي (Re: فيصل محمد خليل)
|
ابو الفياصل
مع هذا الجمال الثوبي
سؤال:
ما هي مشاكل التوب ؟؟
1- السعر .... ودا بيخلي بعض الازواج يلعن سنسفيل التوب وابو الاخترع التوب ذاتو .
2- التباين الاجتماعي والطبقي وخاصة عندنا من المظاهر الكثير.
3- التقليد الذي كان متبعا في شيلة الزواج ( 12 ) من كل . هسه يا ربي العدد وصل كم مع البترول اللي راح واندثر.
4-5-6-7-8-9- مشاكل سوق الخضارواللمةوالزحمة عند الجزار
يجيك واحد شفت شايل دبوس ويشبك ليك جلابية الراجل مع توب المرة
وبعد داك اتخيل المنظر
وكمل انت.
| |
|
|
|
|
|
|
| |
فيصل محمد خليل
اسماء الجنيد
الهادي محمد ابراهيم
باسط المكي
عبد العزيز عبدالكريم نهار
عاطف مكاوى
حسن حماد محمد
عماد الشبلي
أمجد الزين
حسن طه محمد
الفاتح الجنيد
محي الدين جبريل
محمد سنى دفع الله
وليد عبد اللطيف
Mustafa Mahmoud
Abdlaziz Eisa
نوفل عبد الرحيم حسن
نادر النور آدم
حواء سليمان ابراهيم
عبد الدائم سيد أحمد
فيس بوك
تويتر
انستقرام
يوتيوب
بنتيريست