|
أغاني وأغاني = حرام X حرام
|
يمكن ان يكون اكثر من 99% من السودانيين كفار وذلك بنص فتوى (الشيخ) سعد احمد سعد بصحيفة الانتباهة
Quote: ودلت الشواهد المتعاضدة والمتساندة على أن السماع العارض ليس شيئاً وليس معصية، أما الاستماع فإثم ومعصية وفسوق لأنه مخالفة لصريح الآية فالغناء حديث وهو لهو والآية نهت عن لهو الحديث وعبّرت عن ذلك بقول «من يشتري» ودلت على القصد وقد يكون الشراء حقيقة ومجازاً بأن يدفع النقود مقابل الاستماع فيكون الدفع حقيقة أو أن ينفق وقته ويترك بعض واجباته كالصلاة أو العمل أو طلب الكسب الحلال فيكون الشراء مجازاً ولكن كلا الشراءين حقيقة لأنه شراء بعَوض. فالمشتري هو المستمع فهو آثم أياً كان الثمن.. وأما من تلذذ به فقد كفر هكذا رتبوا هذه المسألة السامع «سماعًا عارضًا» لا شيء عليه والمستمع «عن قصد وترتيب» فهو آثم والمستمع المتلذِّذ بالاستماع أي الغناء قالوا هو كافر.
|
|
|
|
|
|
|
|
|
Re: أغاني وأغاني = حرام X حرام (Re: محمد إبراهيم علي)
|
والله حقيقة دى بنطبق عليها المثل البقول الناس في شنو والحسانية في شنو .... يعنى مشاكل السودان أكبر من إبداء رأي فى برنامج وحقيقة الواحد بتابع أراء هولاء العلماء بكثير من الشفقة عليهم لأنهم حقيقة هم فى وادي والناس فى وادي
| |
|
|
|
|
|
|
Re: أغاني وأغاني = حرام X حرام (Re: محمد سرالختم مدثر)
|
مثل هذه المقالات كانت تكتب فى الثلاثينيات والاربيعينيات من القرن الماضى فى دول عربية عدة وفى مقدمتها مصر. أما الآن فقد تجاوزها الزمن و اسقطت منتجات التكنلوجيا الحديثة اى فعالية لها. بل أن عددا كبيرا من الشيوخ أدركوا ذلك وفضلوا محاولة منافسة الاغانى بانشاء الفضائيات الدينية بعضها يبث اغانى دينية و جهادية و تسجيلات على ال }] و استعمال الملتى ميديا لارسال الدعاء و الاغانى الدينية وكلو فى النهاية بقى بيزنس.
كاتب هذا المقال سقط من ثقب بداية القرن العشرين.
| |
|
|
|
|
|
|
Re: أغاني وأغاني = حرام X حرام (Re: إبراهيم عبد الحليم)
|
انا استمع الاغاني واستمتع جدا بالاغاني وما حصل يوم ما سمعت فيه اغاني لو ما سمعت بكون سمعت ليّ 3 ساعات في اليوم الواحد وبما اننى اصلي واصوم وازكي واصدق ولم اقتل ولم اسرق او اعذب وما سببت في اذية بشر واسعي جاهدا لحسن المعاملة مع البشر فاحسب اني ان شاء الله من اهل اليمين والجنة في الاخرة وادعو الله ان اكون من ازواج الحور العين والفردوس يعنى عشان استمع اغنية اكون اقدمت على معصية طيب الناسش البيضربو فينا وفي ثرواتنا كل ثانية ماذا نقول عنهم يا شيخنا
| |
|
|
|
|
|
|
Re: أغاني وأغاني = حرام X حرام (Re: محمد على حسن)
|
Quote: انا غايتو بتلذذ وبطرب وبتكيف لغنانا اها تعال دخلني النار |
ياهندسة
أنت بتتلذذ مالك ، ما تتكيف بس وخلاص
الزول دا فتوة مربوطة بالتلذذ وهو درجة رفيعة واعلى من التكيف
تحياتي وسلامي للجميع
| |
|
|
|
|
|
|
Re: أغاني وأغاني = حرام X حرام (Re: محمد إبراهيم علي)
|
Quote: انا غايتو بتلذذ وبطرب وبتكيف لغنانا اها تعال دخلني النار |
يا محمد هذا (تحدي ) لا يليق وليس هذا مقامه
فالرجل لم يقل من ذلك من عنده وإنما إستمده من تعاليم
دينه الذي يؤمن به فأنت هنا لا تتحداه هو فأنت تعلم( قطعاً )
أنه ( شخصياً ) لا يستطيع إدخالك النار
أرجو مخلصاً أن تراجع موقفك في هذه النقطة تحديداً
| |
|
|
|
|
|
|
Re: أغاني وأغاني = حرام X حرام (Re: السيد أحمد إبراهيم)
|
البتلذلذو والبتكيفو والبيستمتعو والبيستمعو كن اثمو ده كلو كوم طيب ناس الشغله زاتها يحاسبوهم كيف؟ الفنانين والعازفين وبتاع الساوند وووووو يعنى نحرق طرمبتنا دى ولا نعمل شنو الساكسفون بخليهو ان شاءالله منظر اعاين ليهو بس
==================== غايتو مفلقننا مكفرننا كن سوينا شنو داك ما بنسلم
| |
|
|
|
|
|
|
Re: أغاني وأغاني = حرام X حرام (Re: محمد زكريا)
|
تحياتي محمد سرالختم
Quote: يعنى مشاكل السودان أكبر من إبداء رأي فى برنامج وحقيقة الواحد |
فعلا هؤلاء يقتلون الحسين ويستفتون في دم الباعوضة البلد الناس بتموت من عدم الاكل وعدم العلاج وده بفتي في برنامج تلفزيوني
| |
|
|
|
|
|
|
Re: أغاني وأغاني = حرام X حرام (Re: محمد إبراهيم علي)
|
Quote: في زول ممكن يستمع عن قصد وترتيب من غير ما يتلذذ؟! |
والله يا ابو الاشراف علمي علمك بس الزول ده برمي كلام والسلام قال عن قصد وترتيب ولكن من غير تلذذ هسي لو سالناهو كيف دي يقول ليك ما عارف احنا غايتو يا اشرف بنطرب لما دموعنا يجرن اها بنكون في ياتو مرحلة
| |
|
|
|
|
|
|
Re: أغاني وأغاني = حرام X حرام (Re: محمد إبراهيم علي)
|
السيد تحياتي
Quote: أنه ( شخصياً ) لا يستطيع إدخالك النار |
ما هو شغال بقسم في الناس درجات فاضل ليهو شنو يكفر في الناس في سماع غنا زي ده لازم ياخد في راسو لمن يستعدل نفس الدين ده انا اعتنقه ولا ارى رايه هذا ولا ارى الغنا حرام فما الداعي ان يكفر الناس هو ما عايز يسمع غنا ما يسمع ما في زول فرضو عليهو والسيدة عائشة رضي الله عنها سمعت لغناء الاحباش واستمتعت برقصهم والرسول صلى الله عليه وسلم سمح لها بذلك يعني الحبش ديل كانو بلعبو حرينا ما بغنو وبرقصو
| |
|
|
|
|
|
|
Re: أغاني وأغاني = حرام X حرام (Re: محمد إبراهيم علي)
|
Quote: طيب ناس الشغله زاتها يحاسبوهم كيف؟ الفنانين والعازفين وبتاع الساوند وووووو |
لا يا مورتن انتو كمان حسابكم براهو زي عشاكم لووول السودان ده ما في زول قدر عليهم ولا في زول بقدر عليهو في موضع الطرب وزي ما قال اساسي حودة براهو قضى على المشروع الحضاري
| |
|
|
|
|
|
|
Re: أغاني وأغاني = حرام X حرام (Re: محمد إبراهيم علي)
|
طارق يا فنان
Quote: الاصلح لهؤلاء العلماء ان يصلحوا اولي الامر |
ديل علماء سلطان والسلطان عنده المال ولامن اما الفنانين وعامة الناس المتلذذة دي يدوهم بالعصا فوق راسهم الناس حالا يغني عن السؤال شي امراض وشي غلاء وشي تشرد ولجوء والتماسيح البدرية راعية في البلد ما خلت لمسكين حاجة وعلماء الغفلة في الغنا هسي هو ما شايف البشير برقص في الهينة والقاسية مالو بدا بيهو اول زول
| |
|
|
|
|
|
|
Re: أغاني وأغاني = حرام X حرام (Re: عبد الناصر الخطيب)
|
كر علينا سجمنا ...حقنا راح اها اسي التوبة كيف والسيديهات نكسرها ولا نعمل ليها شنو والفلاشات و الهاردسك و المناسبات و الاذاعة
اسالوه عليكم الله التلفزيون حلال ولا حرام بس عشان نشوف درجتنا في النار
------------ عالم حافظة نصوص وفاهماها غلط و عاملين فيها فاهمين اظن ان معدل ذكاء مثل هذا (الشيخ) مساوي او ادنى من المتوسط
------ الحمد لله (الرحمن الرحيم) ان الجنة و الحساب و العطاء و الرحمة بيد الله وليس بيد هولاء الكهنة موزعي صكوك الغفران
| |
|
|
|
|
|
|
Re: أغاني وأغاني = حرام X حرام (Re: محمد إبراهيم علي)
|
شكرا استاذ محمد
بس خليه يقول الكلام ده لي عمر البشير من باب النصح ..
شكرا الكريمة نازك ديل من الشربات بطلعوا فسيخ...
المشكلة في المتعلميين وبسمعوا لمثل هذه الهرطقات
عليكم الله شن جاب كلمة الحديث للغناء بس عايز ينجر من رأسه
وفاكر الناس دي بتتنفض وطالعة من الكهوف يادوب ..
ياراجل قوم شوفلك عرسه تانية بنجيب ليك الفنان ومجانا
| |
|
|
|
|
|
|
Re: أغاني وأغاني = حرام X حرام (Re: عماد شمت)
|
شمت يا فنان تحايا وسلام
Quote: بس خليه يقول الكلام ده لي عمر البشير من باب النصح |
يا زول ديل بنصحو الضعيف بس نصح القوي دي عندهم ليها فقه التقية وبعدين ما السودانيين ديل الواحد تلقى ملفوف في اصرة وعيونو لسة ما فتحو تشغل جنبو غنية يقرب يسكسك معاها يريدون ان ياخذو اجمل الحاننا بعد ان اخذو اجمل سنين عمرنا واجمل صبياننا ووصبايانا
| |
|
|
|
|
|
|
Re: أغاني وأغاني = حرام X حرام (Re: محمد إبراهيم علي)
|
تحياتي اخ محمد ابراهيم
.................. امام الحرم الشيخ عادل ال######اني ورأيـه في الغناء!
قال إمام وخطيب جامع المحيسن بشرق الرياض، الشيخ عادل بن سالم ال######اني، إنه تراجع عن قوله بحرمة الغناء الذي كان يقول به من قبل, مضيفاً أن كل دليل يقول به المحرمون للغناء "إما صحيح غير صريح، إما صريح غير صحيح"، مؤكداً ضرورة " اجتماع الصحة والصراحة للقول بالتحريم", وقال الشيخ ال######اني إن "الغناء حلال كله، حتى مع المعازف، ولا دليل على حرمته من كتاب الله ولا من سنة نبيه صلى الله عليه وسلم"، مضيفاً أن "كل دليل من كتاب الله تعالى استدل به المحرمون لا ينهض للقول بالتحريم على القواعد التي أقروها، واعتمدوها".
وأضاف الشيخ ال######اني قائلاً " إن هناك فئة كبيرة من علمائنا وطلبة العلم منا مصابون بجرثومة التحريم، فلا يرتاح لهم بال إلا إذا أغلقوا باب الحلال، وأوصدوه بكل رأي شديد، تعجز عن فكه كل مفاتيح الصلب والحديد، لأنه يغلق العقول فلا تقبل إلا ما وافقها، ولا تدخل رأياً مهما كان واضحاً جلياً، ومهما كان معه من نصوص الوحيين، لأنها اعتقدت واقتنعت بما رأت"، وقال: "لست أسعى لأن أقنع هؤلاء برأيي، ولكني أريد أن أثبت للمنصف أني لم أقل ما قلت عن هوى، ولم أبح حراماً كما زعم المخالفون، ولست مبتدعاً قولاً أخالف به إجماع الأئمة والعلماء ".
وقال: أنبه إلى أني قد قرأت أقوال المحرمين قبل، وبعد، وكنت أقول به، ولي فيه خطبة معروفة، ورجعت عن القول بالتحريم لما تبين لي أن المعتمد كان على محفوظات تبين فيما بعد ضعفها، بل بعضها موضوع ومنكر، وعلى أقوال أئمة، نعم نحسبهم والله حسيبهم من أجلة العلماء، ولكن مهما كان قول العالم فإنه لا يملك التحريم ولا الإيجاب، إنما ذلكم لله تعالى ولنبيه صلى الله عليه وسلم .
وأضاف: ثم أنبه إلى أني لا أريد من الناس أن يغنوا ويتركوا القرآن والسنة، كما يشغب بعضهم، حاشا لله أن آمر بذلك أو أحث عليه، ولكني أقول قولي هذا ديانة وبياناً لحكم سئلت عنه فأبديت رأيي .
| |
|
|
|
|
|
|
Re: أغاني وأغاني = حرام X حرام (Re: د.محمد حسن)
|
شكرا يا شيخ الشامي اها عادل الكـــلباني ده مطرب من نوع آخر اوتي من مزامير داوود تطرب لسماعه في صلاة التراويح فتتمنى الا يسكت
Quote: "الغناء حلال كله، حتى مع المعازف، ولا دليل على حرمته من كتاب الله ولا من سنة نبيه صلى الله عليه وسلم"، مضيفاً أن "كل دليل من كتاب الله تعالى استدل به المحرمون لا ينهض للقول بالتحريم على القواعد التي أقروها، واعتمدوها". |
| |
|
|
|
|
|
|
Re: أغاني وأغاني = حرام X حرام (Re: عادل عبدالعزيز عبد الرحيم)
|
اولا اعتقد ان الخطورة تكمن في بعض البرامج التي تخصصت فيها صحف وقنوات سودانية معينة تكرس لتفريخ افكار تقود الى الفكر المنحرف (الارهاب)... لا ادري كيف يفك العنان لهكذا مواد وبرامج . الامر الثاني .. لاينسى التاريخ لصاحب الانتباهة انه مسح بقرار ارعن عندما كان مديرا للتلفزين العديد من الاغاني والبرامج التراثية الخالدة . ويعتقد الان انه قائد رأي وصانع قرار يعمل على اعادة تشكيل وجدان الشعب السوداني من جديد. صاحب الانتباهة هو الخطر الاكبر على السودان وشعبه....والتاريخ لاينسى
| |
|
|
|
|
|
|
Re: أغاني وأغاني = حرام X حرام (Re: محمد إبراهيم علي)
|
Quote: اولا اعتقد ان الخطورة تكمن في بعض البرامج التي تخصصت فيها صحف وقنوات سودانية معينة تكرس لتفريخ افكار تقود الى الفكر المنحرف (الارهاب)... لا ادري كيف يفك العنان لهكذا مواد وبرامج .الامر الثاني .. لاينسى التاريخ لصاحب الانتباهة انه مسح بقرار ارعن عندما كان مديرا للتلفزين العديد من الاغاني والبرامج التراثية الخالدة . |
يا باشمهندس .. وقفني كلام كمال ادريس .. ودي هنا النجيضة الشديدة .. بقيت كلما افتح قناة تلفزيونية سودانية .. اتفاجا بي من يفتون .. من أين اتى هؤلاء ..؟ اما صاحب الانتباهة .. فهو صاحب اسواء حقبة مرت على تاريخ السودان.
| |
|
|
|
|
|
|
Re: أغاني وأغاني = حرام X حرام (Re: tmbis)
|
Quote: يا باشمهندس .. وقفني كلام كمال ادريس .. ودي هنا النجيضة الشديدة .. بقيت كلما افتح قناة تلفزيونية سودانية .. اتفاجا بي من يفتون .. من أين اتى هؤلاء ..؟ اما صاحب الانتباهة .. فهو صاحب اسواء حقبة مرت على تاريخ السودان |
الفتاوي الزمن كلها تحريم ما في زول بحلل حاجة الا للحكومة (الربا مثالا) اما للمغلوبين على امرهم ديل يدوهم بالتقيل حرام حرام حرام ياخي مرة كسر خاطر مرة اتصلت عليهو بتسال من الصناديق (الختة) بتاعتنا دي اتخيل حرمها ليها لمن خلاها تتمتم اما صاحب الانتباهة ده مفروض يربطوهو في دار فلاح ويددوهو دواية وقلم يخلوهو يكتب الغنا المسحو ده ويسمعو كلو يوم وفوق راسو يكون واقف واحد من المتلذذين ديل شايل سوط عشان كلما يغلط يديهو في راسو
| |
|
|
|
|
|
|
Re: أغاني وأغاني = حرام X حرام (Re: محمد إبراهيم علي)
|
تحياتي يامحمد وتمبس اذكر واقعة على وجه التحديد حدثت مع الفنان القامة الراحل عثمان حسين عندما تم مسح مجموعة من اعماله ... تلاها لهاث شديد قاده عمر الجزلي لاعادة تسجيل اغنيات من فنان (سليل الفراديس) ورغم نجاح هذا الاتجاه الا ان العمل لم ولن يكون مثل الاعمال التي محاها (ابو مساحة)... هل لاحظتم لبعض اعمال الراحل التي تم تسجيلها بكامل الاركسترا قبيل رحيله... من الواضح ان محاولة تركيب الصوت مع الصورة تابعها خلل واضح.
| |
|
|
|
|
|
|
Re: أغاني وأغاني = حرام X حرام (Re: كمال ادريس)
|
ســـلامات با باشمهندس
Quote: وقد يكون الشراء حقيقة ومجازاً بأن يدفع النقود مقابل الاستماع فيكون الدفع حقيقة أو أن ينفق وقته ويترك بعض واجباته كالصلاة أو العمل أو طلب الكسب الحلال فيكون الشراء مجازاً ولكن كلا الشراءين حقيقة لأنه شراء بعَوض.
|
صاحبناعلل تحريمه بما إقتبسته أعلاه.
يعنى ممكن واحد مِسَيِّخ يقول ليه: أنا بسمع غناء فى فترة ( إستراحة الغداء) من لابتوب ولم أنفق فيها وقتاً أضرّ بواجباتى أو صلاتى وقطعاً
ليس عملى ....
كنت منتظر فى محطة بص/ كونكشن وأنا مسافر فى إجازة واستمعت للغناء.... لا دفعت فيها قرش ولا تعريفة وأديت صلاتى قصراً (جمع تقديم)!
الأصـــل فى الأفعال الإباحــــة... وبالله أسأله لينا لمّا الرسول صلى الله عليه وسلّم قال: رِوِّحوا عن قلوبكم فإن القلوب تَكِل.....وإذا كَلّت
عميت".
رأيك شنو تنقله لينا للربع القادم وبالمرّة نتكلم عن أغانى وأغانى؟ وأصـــول الفقه وعلل الأحكام وأسبابهاورأى الصــوفية...إلخ
| |
|
|
|
|
|
|
Re: أغاني وأغاني = حرام X حرام (Re: طارق ميرغني)
|
غايتو يا شباب أنا أكتر حاجة بتزعلنى الواحــد يكون شغال فى الأمـــن - و ما أكثرهم فى وطنى - يقول ليك الغناء حرام...
يكون عندو النص واضــح زى الشمس
(( يا أيها الذين آمنوا اجتنبوا كثيرا من الظن إن بعض الظن إثم ولا تجسسوا ولا يغتب بعضكم بعضا أيحب أحدكم أن يأكل لحم أخيه ميتا فكرهتموه واتقوا الله إن الله تواب رحيم ( 12 ) )
غير العمايل المهببة التانية...
يجرى للغناء يحرم زى ما داير، رغم عدم وجود نص صريح فى القرآن.. أها زى ديل يفهموهم كيف؟؟؟؟
| |
|
|
|
|
|
|
Re: أغاني وأغاني = حرام X حرام (Re: فايزودالقاضي)
|
ياهندسة مسعول من الخير أنت صالات الأفراح ومحلات تأجيير الخيام والكراسي وومطاعم تقديم الوجبات الفاخرة في الحفلات ، ولا ننسى شركات ومحلات التجميل التي تعج بها العاصمة مملوكة لمنو ؟ لا يكون الشيوعين أو الجنوبين ؟ والله ياهندسة أنا شايف الزول ده حاسد (ساكت) شاف المداخيل عند بعض الكيزان مرتفعة جدا من هذه الحفلات والصالات والشركات وبيوتات التجميل وقال أحسن أعزف على (حرمة) الغناء لكون الغناء والحفلات هي المحرك الرئيس لهذه الأماكن ... غايتو أنا بسمع الغناء بدون (لذة) .... تحياتي لك وضيوفك ... الشفيع
| |
|
|
|
|
|
|
|