|
|
 الســــــــــــودان الجديد .. ( جمهورية كتمة الديمقراطية ) ..
|
مشهد اول ..
حوار بين مواطن و اخوه المواطن ..
- يا عمك الحاصل شنو في كادوقلي ..
- و الله ما عارف قالوا في كيتة مدورة .. و احتمال كورة هلال كادوقلي في الدورة التانية ينقولها عطبرة ..
- و الله ناس مجدي شمس الدين ديل ما مضمونين .. و امبارح مالك ما جيت الكتمة بتاع الربع دي ..
- و الله حسن ضهب جارنا .. بتعرفو .. عندو ابوهو اتلحس ياخي .. ودوهو المستشفى برجلينهو طلع علي شرفي طوالي ..
- شفت الطيارة دي ..!!
- يا عمك دا مركباهو من كمال صلب .. ما تغرك المناظر ..
|
|
  
|
|
|
|
|
|
|
|
Re: الســــــــــــودان الجديد .. ( جمهورية كتمة الديمقراطية ) .. (Re: humida)
|
مشهد تاني ..
حوار بين سيد الدكان و علوية ..
- شنو يا علوية الحساب دا ما جرا .. راجلك دا ما لقي ليهو شغل لحدي هسع ..
- قادر الله ..
- انا عشانك انتي يا علوية و الشفع بس بخلي الحساب دا فاتح .. بس انتي الراجل دا حتصبري عليهو لمتين ..
- مخير الله ..
- زولة في سماحتك دي .. و لسع شباب محتاجة للزول اليقدرا .. مش يمرمطا في الفقر دا ..
- الله كريم ..
- انا لو لقيت زولة زيك يا علوية .. بفرش ليها الشارع رمل ..
- انت الزيك منو .. ما بتقصر ..
تكررت حوارات علوية وسيد الدكان .. و اصبحت مملة و غير جاذبة للجمهور ..
الخلاصة .. علوية سمحة وسيد الدكان حنكه عاضي ..
| |
|
|
|
|
|
|
|
|
|
Re: الســــــــــــودان الجديد .. ( جمهورية كتمة الديمقراطية ) .. (Re: humida)
|
اعلانات مبوبة ..
- فلل للتميلك .. مشروع نور الحق السكني .. سعر الفيلا 800 الف دولار ..
- كريم كابور العجيب .. تبيض كامل الجسم .. علاج البواسير و حصوة المرارة .. منعم لليدين ..
- خرج من منزل ذويه اثر شيك طاير و لم يعد حتي الآن .. شعره قرقدي ..
- تعلن شرطة ولاية الخرطوم عن اقامة ليل المصطفى الكبرى ( مديح - انشاد ديني - مسابقات ) ..
- يباع بالمزاد العلني منزل 400 متر مربع ناصية بواسطة محكمة امدرمان شمال لصالح بنك الخرطوم ..
- للبيع هيونداي توسان 2009 .. المبلغ المطلوب 160 مليون جنيه ( بالقديم ) ..
..
..
اعلانات غير مبوبة ..
- دع القيادة لنا و تمتع بالرحلة .. ( مكتوبة بالبونط العريض علي كارو يقوم بتوصيلك من الزلط الي داخل حلة سوبا متمتعا بمناظر فلل الياسمين الفاخرة ) .. يوجد مسجل ..
| |
|
|
|
|
|
|
|
|
|
Re: الســــــــــــودان الجديد .. ( جمهورية كتمة الديمقراطية ) .. (Re: humida)
|
صوت من بعيد ..
أخاطبه بالمدح وهو بطيبة وإني أرى البيت العتيق المحرما ..
ألاحظ ركنيه أمس مقبلاً أشم مكاناً شمه البدر محرما ..
بزمزم فوق البئر من بطن مكة أناشد مدح الهاشمي مترنما ..
صوت ساون ..
الحمى السهر الهم والتعب ... الله يجازي الكان السبب ..
ورا ورا ورا ,..
بناتنا عسل بناتنا حور بنات بلدي بطفو النور
وكل زول وفهمو .. اجي يا انت ..
| |
|
|
|
|
|
|
|
|
|
Re: الســــــــــــودان الجديد .. ( جمهورية كتمة الديمقراطية ) .. (Re: humida)
|
حاجة السرة الكانت مشت لي بتها عشان تولدها رجعت من جدة
ناس كلتومة لقوا غنمايتهم الكانت ضايعة
امبارح جابوا الشيلة بتاعت صفاء خالتها علوية قالت ليه ستة ستة ودا زمن ستة
ناس عيدروس سافروا الدويم قالوا عندهم عزاء
جارتنا حليمة جوهم ضيوف من البلد وقالوا حيودوا ولدهم الليلة للدكتور
هيفاء كلموها الاولاد البيقعدو جنب دكان الفوراوي وقالوا ليها يا منقة انتي ... امها قالت حتمشي وما حتخليهم عشان ما يضايقوا البت لمن يرسلوها الدكان
سليمة الشايقية قالت ان السايفون بتاعهم حتخلص بعد اسبوع تاني حيقفلوا البير القديم ... الله قادر
أها ودعتك الله
| |
|
|
|
|
|
|
|
|
|
Re: الســــــــــــودان الجديد .. ( جمهورية كتمة الديمقراطية ) .. (Re: حمزاوي)
|
حمزاوي ..
كان عندنا جدنا متضايق جدا انه اولاده و شقيقه جارعودي اصروا ألا يجي يسكن في امدرمان .. و يخلي الشمالية ..
بعد سنتين من القعاد في العرضة .. لا شغل لا مشغلة .. مرا عليهو واحد بلدياته .. و سأله عن الحال ..
فقال ليهو .. و الله يا ود عمي ملينا لينا ادبخانة .. و جارعودي بحفر لينا في التانية .. !!
| |
|
|
|
|
|
|
|
|
|
Re: الســــــــــــودان الجديد .. ( جمهورية كتمة الديمقراطية ) .. (Re: humida)
|
تلفزيون HD
قناة قوون ..
ســيدا و ســيدا يا هيثم .. جيب الكورة و عيدا .. يا هيثم ..
سـادومبا مسك الكورة .. يا هيثم .. رقص المقصورة .. يا هيثم ..
رقص المقصورة .. يا هيثم .. ارغو بس ماسـورة .. يا هيثم ..
القاطرة البشـرية .. يا هيثم .. جاري كم عربية .. يا هيثم ..
جاري كم عربية .. يا هيثم .. بطبق النظرية .. يا هيثم ..
الفضائية السودانية
افتتح السيد رئيس الجمهورية عدد 13 مصنع .. و 20 محطة مياه .. و 60 محطة كهرباء .. و ما عدده اتنين كبرى طاير و اتنين راكي ..
النائب الاول لرئيس الجهورية يلتقى اعيان و نظار قبايل دارفور و يطمئن علي سير خطط التنمية في الولاية ..
و الي ولاية الخرطوم .. انتهينا من تنفيد الخطط الوقائية لمواجهة خريف هذا العام ..
و هشتكنا و بشتكنا يا ريس .. انت رئيس و النعمة كويس ..
قناة الجزيرة
افادت مصادر إغاثية وحكومية بمقتل 16 شخصا على الأقل وتشريد الآلاف جراء هطول الأمطار الغزيرة والفيضانات في أنحاء السودان ..
مقتل طالب من جامعة الخرطوم ينتمي لحركة تحرير السودان جناح عبد الواحد محمد ..
23 قتيلا بينهم وزير في تحطم طائرة في جنوبي السودان ..
أعلن الجيش السوداني مقتل 22 من جنوده في مواجهات أبيي ..
اشتباكات بولاية جنوب كردفان السودانية ..
الخرطوم تعلن السيطرة على كادوقلي ..
قناة النيل الازرق
نستضيف اليوم الاستاذ حسن بوتيك .. خبير التجميل و العناية بفروة الرأس و باطن القدمين بمركز ( النضيف ) ببحري ..
و في معيته الشاعر الكبير .. و الفنان الكبير .. و المنظراتي الكبير ..
فاصل و نواصل .. و ان شاء الله التوب يكون عجبكم ..
قناة زول
!@#$%^&*!@#$%^&*!@#$%^&*!@#$%^&***@@@&&&
| |
|
|
|
|
|
|
|
|
|
Re: الســــــــــــودان الجديد .. ( جمهورية كتمة الديمقراطية ) .. (Re: Barakat Alsharif)
|
شــــــــــوارع
شارع الوادي .. مسجد الشيخ غريب الله .. مقابل احمد شرفي
قسـما بالنجم حين هوى .. ما المعافى و السـقيم سوى ..
فأخلع الكونين عنك سوى حب مولى العرب و العجم ..
صلي يا مــولاي ذا العظم .. للرسول المصطفى العلم ..
انا في تأليف قافيتي غير منحاز الي فئة ..
سـقمي في الحبل عافيتي .. و وجـودي في الهوى عَـدَمِ
صدني عن المذهب السلفي .. كثرة العصيان و اللممِ ..
شارع الثورة بالنص .. امام عمارة عشــا الضيفان
في انتظار تلك البنت التي كانت تهديني صباحات الورد ..
اللبني اللبني يا قريبي .. أموت في البلك و يدفنوني في شرفي ..
| |
|
|
|
|
|
|
|
|
|
Re: الســــــــــــودان الجديد .. ( جمهورية كتمة الديمقراطية ) .. (Re: humida)
|
مشهد واقعي
( حياة ) واحدة من نجاضات الحارة اللائي يُشار اليهن بالبنان ...
يتفاداها شباب الحِلة على الرغم من جمالها الفتاك لسببين ..
الاول : لسانها الذي لا يرحم كبير ولا صغير على السواء ..
الثاني: انها متزوجة وتعيش مع زوجها في احد بيوت الحِلة ..
( عاصم ) مُتيم بها وبجمالها منذ فترة ليست بالقصيرة ..
وهو – بالمناسبة – شاب على قدر حالو محدود الامكانيات ..
بسبب غرامه بــ ( حياة ) وقع اسيراً للشراب والبنقو ...
ذات صباح وبينما هو على ناصية الشارع في انتظار المواصلات ..
( عاصم وحسب مقدراته كموظف لا يركب سوى الحافلة او البص ..
يتحاشى التاكسي والامجاد ليدخر حق القزازة او الكبنقه ... )
يدخن ( سيجارة الصباح ) التي ادخرها من باقي علبة امُبارح ..
ليفك بها اثر ( ام الخبائث ) من رأسه وتكتمل عودة وعيه ..
مرت ( حياة ) وهي تحمل قفة الخضار في طريقها الى الجَزُر ...
+ حياة عليك دينك ازيك ياخ ..
= اهلا يا عاصم الحيران .. دي شنو البهدلة دي ..؟؟
+ انتي عارفه سبب البهدلة دي كووويس ..
= يا ولد اخير ليك اتلما وخليك في حالك ..
+ ياخ ما قاااادر .. انا بشر .. بشر يا ناس ...
فجأة دوى صوت صراخ من طرف الشارع ...
وعلا صوت احدهم منادياً : يا ( حياة ) لمي راجلك ده ياخ ..
الزول ده كل يوم فالق ليهو واحد معورو مافي زول عاجبو يعني .. ؟؟
اهو داك عامل شكلة مع المكوجي ود النوبة ..
عندها سارع عاصم بإنتهازية وخبث بإستغلال الفرصة ..
+ اهو راجلك الرباطي ده هو المانعك مني ؟؟
= يا زول هوي الفاره العامل فيها ( الفَكَس ) ده ..
علي اليمين بالليل ما بخليهو ينوم لو ما عصّر لي جسمي كلو ..
وكمان يختما بإنو يمص لي صبعين رجلي .. اها رأيك شنو ..؟؟
( عاصم ) راكضاً نحو شارع الزلط .. تاكسي .. تاكسي ..!! 
| |
|
|
|
|
|
|
|
|
|
Re: الســــــــــــودان الجديد .. ( جمهورية كتمة الديمقراطية ) .. (Re: Barakat Alsharif)
|
| Quote: في الحالة دي تغني .. مالي والهوى |
يا بركة ..
كلاب الحلة مكون ثقافي جادي في صورة الحلة العامة ..
اي حلة فيها ###### عندو قصة ..
######نا كان اسمه ماكس .. عامل ليهو نظام تبريد زاتي مستعينا بمياه البلاعات ..
تلقاهو راقد في نص الشارع وسط حفرة مملؤة بما لذ و طاب من المياه ( المعدنية ) ..
لو جا قطر ما بزح من حتته دي .. ألا تنشف .. و لا أذكر انه عندو هوهوة و ما شغال بزول ..
جارنا احمد عيسى جاب ليهو جرو صغير .. ملأ حياتنا نطيط و عوارة .. و عمك ماكس يشيل و يحدر ليهو ..
بعد يومين صحينا من الصباح لقينا ماكس ساكي العربات .. يمسك العربية من اول الشارع يوصلا الزلط ..
و طبعا الجرو العوير معاهو ..
اسبوع بس من سك العربات .. و دهست الجرو عربية .. و رجع ماكس لبلاعته الحبيبة ..
| |
|
|
|
|
|
|
| |
humida
ود الخليفه
حامد بدوي بشير
Ahmed Abdallah
احمد الأمين على إدريس
awad okasha
فيس بوك
تويتر
انستقرام
يوتيوب
بنتيريست