أكـبـر دقـسّـة فـي تـآريّـخ الـسـودان ... والله صـحـي ...

Quote: مع إنه بعد خروج الإنجليز الحكموا البلد أولآدهم، فلذات أكبادهم!!!

Quote: لكن: أولاد البلد كان ولاؤهم لمن؟؟؟ هذا هو السؤال . تحياتي

Quote: دحين يا جنا ده مو مشترك كريمي ؟؟؟

السكة حديد هي من اروع إنجازات المستعمر.
تخيل لو اديناهم فرصة صغيييرة حالها كان
حيكون كيف؟؟؟، وأنظر لحالها اليوم كيف!!!

Quote: إفتكر ايّ وآحد فينا سمع أهلنا الكبار يرددو هذه العبارة...

Quote: أن رجلا اشتهر باسم العم أزرق كان يطالب ببقاء الإنجليز حتى يتعلم الناس منهم فن إدارة الحكم وتسيير امور العباد . ولكن الرجل واجه كما من الهجوم (والتريقة ) ووصفه البعض بالجنون ..ولكنه حقا كان بعيد النظر .

Quote: معاوية المدير عارف ضيعناها ليه؟ بنتكلم أكتر مما نعمل مسكنا البلد ونمنا على كدا يا ريت كان قعدوا شــوية كدا ... والله صحي عارف مرة قريت لي موضوع إنهم دخلوا ليهم دكتورة مستشفى التجاني الماحي ليه؟ لأنها طالبت بعود الانجليز لحكم السودان مرة تانية الله هونيني يا قولة هاشم نوريت

Quote: تحياتي يا درديري وســـلآمي. ما شايف ولاء للبلد. كل الذي ارآه مصالح شخصية تقدم علي المصلحة العامة السبب الذي ادى للتدهور الحاصل الآن. نحتاج لسنين عددا و أولآد بلد مخلصين بالجد حتي نصل للمستوى الذي تركونا عليه الإنجليز، صدقني...

Quote: حكاية الإنجليز المستعمرين وأولادالبلد الديكتاتوريين عاملة زي: الأول (الإنجليز) فتوة قلع أرض أبوك وفي محلها عمل ليك مزرعة كبيرة بتركتراتها وطلمباتها وسكة حديدها والمزرعة أنتجت وإنت إشتغلت وإستفدت وأولادك إتعلموا وإتعالجوا أها جاء أخوك الكبير قال كدا ما ينفع نرجع حقنا من الفتوة الفتوة بلا غلبة رجع الأرض (إن شاء تقدروا عليها) ما قدرتوا لكن جاء واحد مسلط من أخوانك قام باع التركترات وباع الطلمبات وباع السكة حديد وفي الآخر (طبعا) باع الأرض ذاتها (بحجة: إنتو ذاتكم ناس كسلاين ما بتقدروا تشتغلوا، كلوا واحد يدبر معيشتوا، هو أنا ولدتكم ونسيتكم!!!!) زمان لمن أبوي الله يرحمه يقول يا حليل الإنجليز كنت بزعل، هسع كل ما أشوف عمائل اولاد البلد فينا أقول يا حليل أبوي الكان بيقول يا حليل الإنجليز

Quote: حكاية الإنجليز المستعمرين وأولادالبلد الديكتاتوريين عاملة زي: الأول (الإنجليز) فتوة قلع أرض أبوك وفي محلها عمل ليك مزرعة كبيرة بتركتراتها وطلمباتها وسكة حديدها والمزرعة أنتجت وإنت إشتغلت وإستفدت وأولادك إتعلموا وإتعالجوا أها جاء أخوك الكبير قال كدا ما ينفع نرجع حقنا من الفتوة الفتوة بلا غلبة رجع الأرض (إن شاء تقدروا عليها) ما قدرتوا لكن جاء واحد مسلط من أخوانك قام باع التركترات وباع الطلمبات وباع السكة حديد وفي الآخر (طبعا) باع الأرض ذاتها (بحجة: إنتو ذاتكم ناس كسلاين ما بتقدروا تشتغلوا، كلوا واحد يدبر معيشتوا، هو أنا ولدتكم ونسيتكم!!!!) زمان لمن أبوي الله يرحمه يقول يا حليل الإنجليز كنت بزعل، هسع كل ما أشوف عمائل اولاد البلد فينا أقول يا حليل أبوي الكان بيقول يا حليل الإنجليز

Quote: انتو يا جماعة جادين في حكاية التحسر علي فترة الاستعمار والحنين اليه!!!!... يا جماعة ده اسمو استعمار عارفين يعني شنو استعمار؟؟ ... علي عبداللطيف واصحابو يعني ما كان شايفين التمثال بتاع الحصان وكتلة الاسمنت النابته في جوف الخرطوم دي... عبدالفضيل الماظ وكت ضرب بمدفع ودك المبني علي جسده الغض ... يعني ما كان شايف تمثال الحصان الفوق ده؟؟؟ ثم تعالوا هنا ... النظره الاستعلائيه البينظر بيها الغربيين لاي قادم من افريقيا او الشرق الاوسط سببها شنو انتو قايلين ؟؟ ما يا هو الاستعمار ... اتو قريتو ارشيفهم وتاريخنا؟؟؟ شوفوا كلام المجمر الفوق ده يعني اتو كان عاجبكم الاستعمار رأيكم شنو في استعمار الانقاذ ده؟؟؟ الاستعمار ده ما ياهو الساق الناس مجنزرين ووداهم اروبا واميركا عشان يستصلحوا الاراضي في ابشع عملية انتهاك يمارسها الانسان لاخوه الانسان _________________________________________ والله الواحد عايز يطق من الزعل لامن يلقي واحد بيحن لمستعمر عيونو خضر يدير ليهو امورو ويضطهدو ويغشو بانو بني ليهو مصطبه

Quote: إستطلاع: صوت ايهما افضل رئيس/رئيس وزراء /حاكم ...حكم السودان من الاستقلال الى اليوم إستطلاع: صوت ايهما افضل رئيس/رئيس وزراء /حاكم ...حكم السودان من الاستقلال الى اليوم كنت افضل لو استمر حكمنا بواسطة الاستعمار البريطانى (1374 Votes) المشير عمر البشير (492 Votes) المشير سوار الدهب /الجزولى دفع الله (207 Votes) جعفر نميرى (334 Votes) الصادق المهدى (503 Votes) سر الختم الخليفة (79 Votes) الفريق ابراهيم عبود (237 Votes) اسماعيل الازهرى (569 Votes)

Quote: الكلام ده صحيح والدي رحمه الله سمعته يردد دائما: يا حليل الانجليز!!

Quote: الحبيب معاوية المدير أيام المطالبة بخروج الإنجليز يقال - إن لم تخني الذاكرة - أن رجلا اشتهر باسم العم أزرق كان يطالب ببقاء الإنجليز حتى يتعلم الناس منهم فن إدارة الحكم وتسيير امور العباد . ولكن الرجل واجه كما من الهجوم (والتريقة ) ووصفه البعض بالجنون ..ولكنه حقا كان بعيد النظر . من طرائف دقة الإنجليز في الإدارة يقال أن موظفا (فطوه ) في الترقية . .فذهب للإداري الإنجليزي شاكيا وقال ( يا جنابو أنا مظلوم ظلم الحسن والحسين ) ..فعلق الإداري الإنجليزي بقوله ( هاتوا ملف الحسن والحسين ) (:-

Quote: السلام عليكم ورحمة الله وبركاته تعرف يا معاوية والمتداخلين معك في التحسر على المستعمر الإنجليزي عليهم لعنة الله هم والأترك ، إنو نحنا في السودان عندنا ( إسقاط ) عجيب في الذاكرة والتفكير والنظرة إلى الأشياء .. أولاً : السودان لم يكن شتيتاً حتى يجمعوه بل كانت هناك دولة فيدرالية قبل الأتراك ...فلما قوي الشعب أزاح الترك ...ثم جاء الإنجليز بمعاونة محبي الاستعمار والعيش في مساطب المستعمر ..فكانت المقاومة الي يسقطها الكثيرون جهلاً أو تعمداً ( كسار قلم ماكميك ...وودحبوبة ..والماظ ...ومؤتمر الخريجين ..) وانتهى الأمر بتكون الاحزاب السياسية في الأربعينات ...وهذا تطور طبيعي للأشياء ..ثم انظمة ديموقراطية شبيهة بأنظمة أوروبا ولكن الإسقاط في العقلية موجود فسقطت الدموقراطية ثم نهض الشعب مرة اخرى في ثورة 194 ثم الإسقاط لها في 69 ثم نهض الشعب ممثلاً في نقابة الأطباء فقامت الثورة ثم أجهز عشاق الشمولية والدعاوى النرجسية في89 فكان السقوط المدوي وتفكيك كل شيء بدء بالمكتسبات الاقتصادية التي خلفها الاستعمار والأنظمة السابقة من شمولية وديموقراطية ، ثم كان تفكيك وجدان الشعب وقسم الناس إلى شعوب وقبائل ، ثم تفكيك الدولة وتقسيمها إلى دولة مسلمين ودولة نصارى ، وأخشى من التقسيم القادم داخل دولة الشمال ( فصل دارفور )...نحتاج إلى تصحيح مفاهيم وعقلية ذات تفكير قومي وليس شخصيات تدعي العلم وتجهل أبجديات الإنسانية تحياتي

Quote: الاخ معاويه كتير يراودنى سؤال هل كانو الشريكين حادبين على مصلحة الوطن والمواطن فاجد الاجابه بيتى وبيت نفسى لا ليه الاتفاقيه جات بعد حرب ضروس خسر فيها الطرفين خساير كبيره وظهر البترول اهههها هنا مربط الفرس لابد من جبدة نفس ونشوف مصالحنا مافى داعى للاستمرار فى الحرب ودا يقودنى الى المصالح التى ذكرتها انت امريكا ليها مصلحه فى وقف الحرب والنظره البعيييييييييده بعد الانفصال والشريكين ليهم مصلحه يتهنوا بى البترول وبعدين ليها الف حل هل توافقنىالراى بانو الشريكين ما كانو يوم متفقين من جواهم كدا . كلو كلام مجامله والنتيجه الان واضحه للعيان تدق طبول الحرب تحياتى

Quote: ابو النسب الدغرى سلامات يا نبيل والولاد ... بت عمى الجعلى ود الصائم انشاء طيبة واخبار الناس بكدى اريتهم بخير وتحيات عمك عبيد

Quote: الحكاية ما حكاية حنين للإستعمار الحكاية نقد ذات المحيرني لو كان تعريفنا للوطنية هي حب البلد وإحترام ناسها فالإنجليز كانوا أكثر وطنية من كل الحكام السودانيين وبالأخص الحكام الحاليين علي الأقل قارنو بين مجانية العلاج والتعليم لكل الناس في زمن الإنجليز وتكلفة العلاج والتعليم حاليا المستعمر علم أولاد الناس كلهم والفقراء مجانا (وقد إنتفع بذلك كثير من الحكام الحاليين، والذين كانو من فقراء الناس) أولاد البلد (حكامها الحاليين) أوصلوا تكلفة التعليم والعلاج مبالغ خرافية وصار التعليم بإختصار شديدإحتكار لقلة قليلة مقتدرة. فلسوا باثريا زمان وعندما صاروا هم أثريا زمانهم طغوا في البلاد وأكثروا فيها الفساد وصار في زمنهم موظف واحد يشتغل ساعة في اليوم في حاجة إسمها سوق الأوراق المالية دخله (الرسمي) من وظيفة واحدة قرابة المليار دولار سوداني. في الوقت الفيه تعجز المدارس عن توفير أبسط مقومات العملية التربوية. مش طغيان وبس. إحتكروا التعليم والعلاج في الخارج والداخل وكنزوا الذهب والفضة ولم ينفقوها في سبيل الله لذلك لا أنا ولا أي من أعرف محتار في نتيجة الإستفتاء عن من هم أحسن من حكم السودان (مع ملاحظة أن عدد الذين عاصروا الإستعمار قليل جدا)

Quote: الأخ معاوية المدير شكرا لجرأتك لإثارتك مسألة الإستعمار والإستقلال.‏ إن الشعب لم يجني ثمرة الإستقلال تقدما وتطورا وتغييرا للأفضل في حياته ومؤسساته وكيفية إدارة شئون حياته. ‏ ولكن في تقديري أنك لم تسأل نفسك السؤال الصحيح:‏ ‏ ما هو الخطأ الذي أرتكبناه بعد الإستقلال الذي أدى بنا للوضع الراهن؟ ‏ هذا سؤال مهم لأن الإجابة الصحيحة عليه قد تقودنا للخروج من الأزمة.‏ ‏ إذ أن الحل لا يمكن أن يكون بعودة الإستعمار لأن ذلك تاريخيا غير ممكن أولا، ‏ وغير مقبول ثانيا، ‏ فليس من شعب يقبل بالإستعمار.‏ ولو تمعنت الأمر مليا لوجدت أن الأزمة الحقيقية أننا فشلنا في الإنتقال ببلادنا من الإقتصاد الإستعماري وطريقة جهاز الدولة ‏الإستعماري، لدولة وإقتصاد وطني ديمقراطي، أي أننا وقفنا على أعتاب طرد الإنجليز فقط دون النظر إلى قضية هامة هي ‏إستحالة إدارة الدولة والإقتصاد بنفس طريقة التسلط المطلق للإستعمار، فلكل نظام قوانينه الداخلية التي ينبغي أن تكون منسجمة ‏وإلا إنهار النظام. ولأعطيك أمثلة مما تكرمت بذكره كمشروع الجزيرة والسكك الحديدية.‏ مشروع الجزيرة الذي كانت علاقات الإنتاج فيه تقوم شكليا على الشراكة بين الحكومة وإدارة المشروع (وقبلها الشركة الزراعية) ‏والمزارعين، حقيقة كان يقوم على إدارة من القهر ترتكز على السلطة الإستعمارية المطلقة، فالمزارع يقوم بالعمليات في ‏موعدها، لا لأنه يريد ذلك أو أن تلك مصلحته، ولكن لأنه إن لم يفعل يعاقب بواسطة المفتش الزراعي من الغرامة إلى نزع ‏الحواشة، هذا النظام ينتمي بأكمله لطبيعة الدولة الإستعمارية وأستعمالها للعنف المطلق قانونا وفعلا. ولم يكن من الممكن للدولة ‏المستقلة عمليا أن تمارس نفس العنف لأنه يتعارض ليس فقط بالشرعية بل بالمشروعية، الدولة الوطنية لم تدرك ذلك في أحداث ‏جودة فقوبلت بالمعارضة الشرسة، ما كانت تحتاجه الدولة الحديثة هو إنتقال إدارة المشروع من إدارة العنف الإستعماري، لإدارة ‏إقتصادية، بحيث تكون الحزافز الإقتصادية هي التي تدفع العمليات الزراعية، وأن يصاحب ذلك تغيير في طبيعة المشروع بحيث ‏تتحول الإدارة إلى إدارة ديمقراطية لا يكون تمثيل المزارعين فيها شكلي، بل حقيقي. هدف المشروع أيام الإستعمار هو إنتاج ‏القطن، وأضافت الحكومات محاصيل نقدية جديدة كالفول والقمح دون إدخالهما في الحساب المشترك، مما جعل الحساب المشترك ‏للقطن يتحمل تكاليف عالية وجعله غير جاذب. ويمكن أن أتحدث عن قضايا كثيرة في مجملها إما تبعية الإدرة الإستعمارية ‏كمثال دون فهم طبيعة العلاقة الإستعمارية و إختلافها عن طبيعة الحكم الوطنين الفرق بين القهر والقبول الحر.‏ ولنأخذ مثال السكك الحديدية والتي لم تنشأ لخدمة إقتصاد وطني، ولا خدمة ترابط المجتمع السوداني، إنشأت أولا لأسباب ‏عسكرية، ثم لنقل منتجات البلاد للميناء، لم تخطط السكك الحديدية للتكامل القطاعي أو الإقليمي للإقتصاد السوداني، بل أن ‏الإقتصاد نفسه لم يقم على أساس التكامل والتوازن الوطني، بل كان لخدمة الإستعمار والسوق العالمي، ومشكلتنا أننا حافظنا على ‏ذلك الإقتصاد كما هو (عدا بعض التوسعات الكمية مثل مشروع المناقل أو مد خط السكة الحديد لنيالا لجلب الفول والصمغ ‏للتصدير دون أن تكون هناك تنمية حقيقية في الغرب). وطبعا هذا لا يبرر تدمير نميري والبشير للسكك الحديدية، ولكن السكك ‏الحديدية القديمة لو إستمرت ما كانت ستكون إقتصادية لأنها كانت تحتاج لإعادة تصميم، تصور الوصول لكوستي أو أي منطقة ‏غرب النيل حتى دارفور ، أو القضارف وكسلا أو منطقة شرق النيل!!‏ طيب هذا لا يجيب على السؤال: لماذا لم يحدث التغيير؟ لم تغير القوى التي حكمتنا بعد الإستقلال البنية الإقتصادية الإجتماعية ‏والسياسية التي ورثوها من الإستعمار في سبيل إنشاء إقتصاد وطني زراعي صناعي حديث وقيام دولة ومجتمع ديمقراطي ‏حقيقة؟ هل هو فقط غياب الرؤيا والرؤى أم أنه نسبة لطبيعة سلطتهم كمستفيدين من الموروث الإسيتعماري وفشلوا في إدارته ‏والحفاظ عليه لا لأنهم إداريين سيئيين ولكنهم لأنهم أرادوا الحفاظ على بنية لا يمكن إدارتها إلآ بالقهر، واصبح القهر لا ‏مشروعية له. بل أن التوجه نحو إقامة ديكتاتوريات عسكرية بحجة عودة الربط والظبط، تنتهي دائما بمقاومتها والثورة ضدها. ‏

Quote: الدقسة انه عاد مره اخري وبشكل افظع من السابق بالطاقيه الزرقاء

Quote: Quote: الدقسة انه عاد مره اخري وبشكل افظع من السابق بالطاقيه الزرقاء تحياتي وسلآمي أخي ايهاب. غايتو يا ايهاب ربنا يكون في عون البلد، ويستر علي أهلنا...

Quote: الزول دا دقسك ولا شنو يا معاوية