|
|
 مـبادرة لرأب الصدع بين بكرى و ... !
|
واهل اللسته ...
والله يا ناس اللسته لو جيتو للحق قلنا الروووووب عديييل ....
ــــــــــــــــــــ
طبعا بقصد ناس اللستة ال (امهم بت عم ابوهم*)
قيقا ومن لف صينيتو يمتنعون !
|
|
 
|
|
|
|
|
|
|
|
Re: مـبادرة لرأب الصدع بين بكرى و ... ! (Re: دينا خالد)
|
اولا وفى هذا الصدد لا يفوتنى ان اؤكد على
اننى من اشد المؤمنات بانو هذا المنبر
بكرى زرعه وحده ورعاه وحده وسيحصده وحده حلاااال عليه ...
والزارع بكرى الليجى يقلعو !
والموقع حقو فى اسمو نحن ضيوف فى بيتو
والباب يفوت فيل ...
ـــــــــــــــ
لكن والله كمان ناس اللسته ديل يستحقو مننا وقفة
حتى لو كانت دقيقة حداد ....
برررا وبعيد يا عادل عثمان ....
| |
|
|
|
|
|
|
|
|
|
Re: مـبادرة لرأب الصدع بين بكرى و ... ! (Re: دينا خالد)
|
والحق يقال انو فى غياب اهل اللسته
المنبر صار كوم تراب ...
وقرب يتحول لى عداد بوستات الدردشة السودانية
البايرة دون ذكر اسماء ...
(عشان ناس الحلااال العاملين منابر ديل ما يقوموا على)
ـــــــــــــــــــ
بالصوت العالى ليك وحشة من هنا سودانيز يا محسن خالد ..
| |
|
|
|
|
|
|
|
|
|
Re: مـبادرة لرأب الصدع بين بكرى و ... ! (Re: دينا خالد)
|
و الله يا دينا مع اني ما عارفه اللستة فيها منو .. لكن قبل كم يوم بسأل من محسن خالد (ياخي دا فظييييع عديل.. يونيك و الا شنو ما بعرف بالتنقليزي ) و كنت بفتش على المكتبة حقتو ما عرفت اجيبها .. حذفوها والا شنو؟
عزاز برضو .. اصلي كنت متابعة خلف الكواليس (عجيييبة و الله البنية دي .. معاها شوية تحفظ... دا لزوم خط رجعه و كدا).. و مصادمة قوي قوي و بالتالي البورد محتاج ليها بشدة .. اصلو مسيخ وبارد ...
خليك ماسكة الهبابة دي و انا بفتح ليك الشبابيك ... خليها تولع
| |
|
|
|
|
|
|
|
|
|
Re: مـبادرة لرأب الصدع بين بكرى و ... ! (Re: رشا احمد)
|
Quote: عزاز برضو .. اصلي كنت متابعة خلف الكواليس (عجيييبة و الله البنية دي .. معاها شوية تحفظ... دا لزوم خط رجعه و كدا)..
و مصادمة قوي قوي و بالتالي البورد محتاج ليها بشدة .. اصلو مسيخ وبارد ... |
بالجد ؟؟؟؟؟؟؟؟؟
اتلمى يا مستجده 
دينا سلامات
| |
|
|
|
|
|
|
|
|
|
Re: مـبادرة لرأب الصدع بين بكرى و ... ! (Re: دينا خالد)
|
حتى ود البشرى وود الصايم الذين اثرا
الصمود وفضلا البقاء حسب الولف ...
لم تجد تعليقاتهم اللماحة والذكية ...
مكانا وسط هذا الغثاء فاكتفوا فى كثير من الاحيان
بالمتاوقه والخروج ...
لكن طبعا ود الصايم خشمو دا ما بقدر على ..
فى الغالب بزاحم ولا يجد من يفهمو الا من رحم ربى ..
ــــــــــــــــ
نصدح باعلى الصوت مشتاااااقين يا عزاز ..
اجزم انه بفراقكم كتير من المداومين على قراءة
هذا البورد زياراتهم اصبحت غير يومية ..
| |
|
|
|
|
|
|
|
|
|
Re: مـبادرة لرأب الصدع بين بكرى و ... ! (Re: دينا خالد)
|
ياخ شدة راسنا ما اتقطع
هسه و فى الظروف العادية كدا
فى زول ممكن يشتاق لى محمد حسبو ؟؟؟؟؟؟
قادرين تعرفوا المرحلة البنمر بيها !!
واحد يشغل لينا رحلت وجيت ... او بالعدم
تعال لى وتعال لى وتعال لى ..
ــــــــــــــــ
وواحد تانى يصححححححححى تماضوووررررر اتجرسنا ياخ !
| |
|
|
|
|
|
|
|
|
|
Re: مـبادرة لرأب الصدع بين بكرى و ... ! (Re: دينا خالد)
|
هسه بشرى الفاضل يكتب ليكم وين مع العناوين
الكلها كذب دى ؟؟
وتوارت وسط ركامنا لمسات فضيلى جماع ....
باى ذا واى
اين كمال سالم ؟
ــــــــــــــــ
القومة ليك يا تبلـ دينا !!
حتى انت يا بروتس فاتح نفسك !!
ولا الغالى متروك ... لووووووب ذاتها مسخت .
| |
|
|
|
|
|
|
|
|
|
Re: مـبادرة لرأب الصدع بين بكرى و ... ! (Re: دينا خالد)
|
Quote: هسه بشرى الفاضل يكتب ليكم وين مع العناوين
الكلها كذب دى ؟؟ |
احيييييييييييييي
تصدق/ي أنا قررررربت أفتح بوست بالقصة دي
واضح يكنب ليك
إستقالة البشير
تجي جاري فللي
يقوم يكتب ليك (جوة) البوست ... (يُفترض)أن يستقيل !!!
واصل/ي
وقد سحبت ما كتبت فوق
فوق
| |
|
|
|
|
|
|
|
|
|
Re: مـبادرة لرأب الصدع بين بكرى و ... ! (Re: دينا خالد)
|
وليد صاحبى
حيدر دا قاصد يعقدك
واعى للدور مش ؟
انت اللى فضلت فيهم ..
احمد موسى !!
يبت حيلك ... قول امين
قول كلمة فى الموضوع ! هسه لو قاطعت
مش كنا نعينا قلمك الفصيح هنا حتى تبين لك
الخيط الاسود من البمبى ؟؟
ـــــــــــــــــ
انتى وين يا منى خوجلى !
| |
|
|
|
|
|
|
|
|
|
Re: مـبادرة لرأب الصدع بين بكرى و ... ! (Re: دينا خالد)
|
الاخ العزيز بكري ابوبكر
تحية طيبة
دون مقدمات
ان المرحلة التي وصل لها سودانيزاون لاين كموقع وكمصدر للبحث والاستعلام مرحلة متقدمة لايضاهيها فيها اي موقع سوداني موجود الان علي الساحة والدور الذي لعبه الموقع في جعل الحراك الثقافي والسياسي والاجتماعي ينتقل من مرحلة المشافهة والكلام
الي المكتوب دور يملي علي اي كاتب للتاريخ ان لايغفله ولا موثق ان يتجاهله ولا اود ان اعدد ولا افنت المجالات والشخوص التي تفتحت رواها من خلال الموقع ولا المواقع الت حزت حزو سودانيز اون لاين وحاولت المنافسة ولم تنجح لكنها نجحت في رفد ركب سودانيز اونلاين بان تفتح منابر تعبر عن تطلعات اصحاباها ورواداهاولقد حاولت انت كصاحب للموقع ان تلبي تطلعات شعبنا كاي ثوري غيور حمل هموم الوطن وهو خارجه بل فعل اكثر من ذلك بل حاول ان يجعل لابناء شعبه وطن بديلا لوطنهم الذي لفظهم لكن كلنا نعلم انه لابديل للوطن ربمابعد ان يسكن الناس القمر يكون لنا وطن اخر انك تحملت عبء هذا الوطن الذي نحلم به جميعا وكل منا
له دور وكان وما زال دورك عظيما فقد اقتطعت من لحمك ومن دمك ومن وقتك ووقت اسرتك لاجل ان يكون هذا الوطن ووقف معك الكثيرين من ابناء شعبك كل حسب قدرته في ان يسع هذا الحوش الجميع ويحضن كل الوان طيف الارض والسماء وتركت الباب مفتوحا
مما جذب الادباء والكتاب والفنانين الي هذا الوطن كما جذب ايضا المتفرجين والمستمعين والمطلعين ومتلقي العلم والادب اليه لان لا مكان هناك ليلتقوا فيه بجاهبزة تلك المجالات مما خلق هالة لهذا الموقع جعلة الداني والقاصي يمر به وينهل منه وهناك الكثيرون ممن
مروا من خلال الموقع وعبروا الي طموحهم ومنهم من لجاء الي العزاء والمواساة ومنهم من لجاء ليبارك له الناس فرحته بنجاحة او بزواجه ومنهم من لجاء لهذا الوطن متظلماوتحملت انت وزر المعاناة النضالية ودفعت من حر وقتك ووقت من تحب بل ومن حر مالك
وقاومت الاغراء من اجل هذا الوطن .
انك يا صديقي تحملت اشياء لانعلمها نحن هولاء الفريجة او المشاهدين وهناك كثيرين من ابناء وبنات وطنك هذا تحملوا ورفعوا معك راية هذا الوطن بعصير انتاجهم الفكري والادبي والسياسي والفني كل حسب مشربه ومنهله بل رفعوا اسمك عاليا في محافل عديدة وساهموا معك في رفعة هذا الوطن .والواقع الذي ننشد كلنا جموعا وافرادا وطن ديمقراطي يتساوي فيه الناس في الحقوق والواجبات
وطن فيه حرية الكتابة والتعبير ومن خلال الحرية نتتطور ونحترم حقوق الغير وكلما ما كبرت مساحة التعبير للكاتب والمتلقي كلما ارتقيناوكلما ضاقت مساحة التعبير ضاقت مساحة الفكرة وتشوهت في اصلها وكل كلمة تكتب يعتصر فيها كاتبها من دمه ومن وجدانه وفي جانب اخر تنزل لقارئ في موضع يبحث عنه لتعبر وتحرك فيه ساكنا وتفجر فيه طاقات صعب علي كثيرين الدخول في غورها
ولا معاير عند الكتاب الذين يطلقون للقلم العنان عندما تاتيهم تلك الملكة التي هي روح الموهبة وللقارئ ان يحكم وان يستلهم ما يستلهم
في ظل الحرية والحكم هو المتلقي وليس للرقيب .
ان خلاصة ما اود قوله صديقي بكر ي وصاحب الحوش ان الجهود التي بذلت منك ومن كثيرين في تاسيس هذا الصرح لا يجب ان تطيع هبا ولا يمكن لاحد ان ينكر مجهودك كما ان مجهودات الكتاب ورواد الموقع لايمكن ان تضيع في حزف مواضيعهم وكتاباتهم
لانها لم تعجب احدا او في معني اخر خدشت حياءه ان الفاصل في وطن الحرية هو احترام خصوصية الاخر واحترامه كانسان وتقدير مجهوده وتميزه. فلقد حرمت الكثيرين من الكتابة لموقف وقفته انت مع بعض الكتاب والكتاب وانت يعرفون ان الحقوق لاتتجزاء فدعهم يكتبون ما دام لم تكن هناك اساءة لاحد وانت تزيل الموقع بان ليس بالضرورة ان يكون المكتوب يعبر عن صاحب الموقع ولو لديك من الوقت شارك برائك في كل موضوع تري بمقياسك وليس بمقياس المجتمع لان من لا وطن له لامجتمع له وجادل حتي تنتصر الفكرة الثاقبة.
المطلوب بالعربي كده عدم هبش الكتاب والكتابة الا في حالات الاعتداء علي خصوصية الافراد . وشكرا لك ولوقتك
اخوك عبدالرحيم ابايزيد حسن
| |
|
|
|
|
|
|
|
|
|
Re: مـبادرة لرأب الصدع بين بكرى و ... ! (Re: دينا خالد)
|
اذا البوست دا صبح للصباح
ستتشكل لجنة لقتل الموضوع ...
لا باس ان يشارك اعضاء ( بحجم )اساسى فى هذه اللجنة
وفى مثل موقفه موقعين فى اللسته وماهم باللسته ...
فاصلا الصباح ان لاح لا فايدة فى الاساسى اوفى الاحتياط ..
ـــــــــــــــــــ
اشتاقك التعديل ياكمال عباس !
| |
|
|
|
|
|
|
|
|
|
Re: مـبادرة لرأب الصدع بين بكرى و ... ! (Re: دينا خالد)
|
مع إني مافهم مستفر (يبت حيلك) بين ضفتي المدح والذم ... لكنها آمين
وصدقاً أكبر فرحتي بدخول البورد كانت للفاء تماضر شيخ الدين ويحي فضل الله العوض
دخلت وخرجا ..!!!
تحولي دينا من قارئ إلى كاتب اشعرني بوجود خلل ما بنيوي
تمنيت اصلاحه ولو عبر جسد حروفي المهترئة شوقاً
فان تكون قارئاً بقطيغ الأُسود خير من أن تكون كاتباً بقطيع النعام
أو كما جاء
عفوا زميلتي ...
وإجمالاً هي (فكرة) إن تقوليها تموتي وإن تصمتي تموتي
إذن ....
| |
|
|
|
|
|
|
|
|
|
Re: مـبادرة لرأب الصدع بين بكرى و ... ! (Re: دينا خالد)
|
ذبحوونا بالكضب !
مناضلين على حكومة ...
ارهقونا بالتكتيكات
الواحد عشان عاااارف من اسمو مافى زول بدخل يقراهو
يقوم يكتب ليك كضبو فى عناوين عشان يجبرك تشوفو
شغالين معانا بسياسة الحقن بفتح الحا وكسر القا
يا قول وزير التقانه لما سالو من القمر الداير يقع دا
قال ليهم نسال الله السلامة !!
ومال وزير الاوقاف يقول شنو ؟
ــــــــــــــــــ
سلام يغشاكم يا نزار عثمان وسامى وسبيل ....
| |
|
|
|
|
|
|
|
|
|
Re: مـبادرة لرأب الصدع بين بكرى و ... ! (Re: Ridhaa)
|
ست الستات دومة
يا حليلها وحليل وجهات نظرها العميقة الثرة
بالجد لو محل بكري اركب طيارة الصين
وسفيرة الانسانية انعام حيمورة فرقتك كبيرة يا اميرتنا
والعجب الجازلوت دا فقدو كبير كبير ...
ياريت ترجعو تثروا البورد ونختلف ونأتلف باحترام
انتي ذاتك يا دينا وين؟
ديل هجمو تراجي ذاتها لما بقت ما لاقية فرقة في الجلابة.
المنبر قرب يبقى كضابون اونلاين
| |
|
|
|
|
|
|
|
|
|
Re: مـبادرة لرأب الصدع بين بكرى و ... ! (Re: محمد حيدر المشرف)
|
يا للحزن يا للوجع
الليلة يا بهاء جبت الخبر الشين !
لن تسعفنا الدموع .. ولن تصبر العباسية على الفراق
مات اللحن ...
وترملت القيثارة ...
وتيتمت كل الالات وثكلتك الفرق جميعها ...
وسيظل زيدان نابضا فى القلوب
خالدا مع الخالدين
فراقك بطعم فراق اجزاء الوطن
صباح ذهابك يشبه صباح 9 يوليو
كنوز محبه يا جميل وارقد وسط الزهور
مين علمك يافراش
وفى الليلة ديك ..
نخونك ؟ ما اظن تصدق ولو شافت عيونك !
الليلة لو تعرف اللهفة والشوق والعذاب
والشوق بطرق فى دروبك الف باب...
لو تعرف دى الدنيا من بعدك سراب..
ماكانت روحت وكنت طولت الغياب ...
***
الليل حزين دمعاتى صامته بتبللو...
ممتد طويل ماليهو حد فاقد نهايتو...
بالله كيف اقدر اطيق واتحملو...
يا الروحت طولت الغياب ..
لو تعرف اللهفة والريد والعذاب..
لاهماك عذابنا
لما تشتاق للمشاعر.
لية كل العذاب
ماصلو ريدا
وداعا ايها العندليب الاسمر
وداعا لكل الغناء الجميل
| |
|
|
|
|
|
|
|
|
|
Re: مـبادرة لرأب الصدع بين بكرى و ... ! (Re: Barakat Alsharif)
|
والله يا دينا ... دخلت البوست وفاكر روحي فهمت موضوعو، لكن في مداخلات عملت لي جهجهة.
عشان نعرف نحن/ إنتي بتتكلمي عن شنو، يخيل لي اللستة تكون تلاتة لستات:
1) موقوفين من قبل الإدارة.
2) حردانين من نفسهم كإعلان لموقف.
3) مشغولين/ كسلانين/ قرفانين ...... إلخ، يعني مافي زول منعهم المشاركة.
______
هسي كمال سالم ده ياتو في التلاتة؟ أمبارح شفتو شديد ولضيض، وما به غير (مرض حامد)
| |
|
|
|
|
|
|
|
|
|
Re: مـبادرة لرأب الصدع بين بكرى و ... ! (Re: Dalal Ezzaldin)
|
Quote: تحولي دينا من قارئ إلى كاتب اشعرني بوجود خلل ما بنيوي
تمنيت اصلاحه ولو عبر جسد حروفي المهترئة شوقاً
فان تكون قارئاً بقطيغ الأُسود خير من أن تكون كاتباً بقطيع النعام
أو كما جاء
|
يا سلام يا موسى انت جبت الديب من ديلو
وياريت لو كنا بنقرا لمثل كتابتك الفخمة
ياخ انت شفت بنيوى ؟
البنية التحتية بتاعت البورد انهارت ...
لابد من اللجنة
اللجنة وان طال السفر ...
| Quote: ياتو وآي دا إن شاء الله |
لوووووووووب ياخ نحن حزنانيين
افتقدنا اكثر ما افتقدنا مثل هكذا قراءة
لما بين السطور ! ومن يفهمها
| |
|
|
|
|
|
|
|
|
|
Re: مـبادرة لرأب الصدع بين بكرى و ... ! (Re: Dalal Ezzaldin)
|
الادهى والامر انو عماد عبدالله يفتح بوست
لا احد يضغط عليه حتى الصباح !!!!!
البورد يصل مرحله لا يتعرف اعضائه
على عماد عبدالله !!! ويلخبتوهو بى العمادات التانيين ؟
انها لعمرى مرحلة متأخرة تستدعى الجراحة
او اخر العلاج ... الكى !
لا نملك الا ان نقول .... تبت لله !
وسبحان الذى رفع البورد بلا عمد ...
Quote: ست الستات دومة
يا حليلها وحليل وجهات نظرها العميقة الثرة
بالجد لو محل بكري اركب طيارة الصين
وسفيرة الانسانية انعام حيمورة فرقتك كبيرة يا اميرتنا
والعجب الجازلوت دا فقدو كبير كبير ...
ياريت ترجعو تثروا البورد ونختلف ونأتلف باحترام
انتي ذاتك يا دينا وين؟
ديل هجمو تراجي ذاتها لما بقت ما لاقية فرقة في الجلابة.
المنبر قرب يبقى كضابون اونلاين |
لا فض فوك يا دكتورة
دومة دى حاجه تانية
لكن دومه تناقش منو وتعلق على شنو ؟؟
دومة كانت الفقد الاكبر للمنبر على الاطلاق ....
اها شفتى ديل هجموا تراجى ذااااتها !!
وخلوها يئست من حال المنبر
من اين اتى هؤلاء !!!!!!
اللجنة اللجنة ولا شىء غير اللجنة ..
| |
|
|
|
|
|
|
|
|
|
Re: مـبادرة لرأب الصدع بين بكرى و ... ! (Re: Dalal Ezzaldin)
|
Quote: عصام جبرالله بيجي مرة مرة وبيرمي جمرة جمرتين ويمشي ...
وماعندو صبر لناس البورد لأنو دائما مشغول .... |
وفى تطور لافت ياقول ناس الجزيرة
عصام يعين ناطق رسمى !!!
من افرازات المقاطعه انو الناس توجهت للعمل !
وقديما قيل انو الحاجة ام الاختراع ياخ ..
فى زول كان بقدر يتخيل انو عصام يطلع لى متحدث ؟؟
قول لى تعال ياخ وبطل
فانت ابن وليد البورد
لم يبقى موضع فى جسمك الا وفيه طعنة رمح او طبزة سيف
او فلقة كوز او لطشة جاهل تعال ياخ تعال مارق بطل
الحركات ..
بركات الشريف يا رايع
انت وضعت المبضع على الجرح
وح نجى لكلامك بالتفصيل فالمشكلة اعمق من كدا بكتير
بكرى بين خيارين لا ثالث لهما
اما ان يعمل منبر كتابه كتار ويشكل الاعلى عددا
لضغطات الباندوث او
يعمل منبر يكون قبله لصناع القرار فى البلد
بتاوقو فيه اجباريييييييا كل صباح ومساء هم او عيونهم
البتشوف ليهم الدرب لانه بيشكل واحده من اتجاهات الراى
المهمة فى البلد ...
واحده من اتنين ... الجرى والطيران ما ببقن !
| |
|
|
|
|
|
|
|
|
|
Re: مـبادرة لرأب الصدع بين بكرى و ... ! (Re: Dalal Ezzaldin)
|
محمد ابو العزايم
خلينا نبدا بالحردانين وعاملين موقف
نقول ليهم خلو شعاركم
العملة الجيدة بتطرد العملة الرديئة من السوق !
الدنيا ديمقراطية ..
اهزمونا بالثقافة وبالحجة وبالقلم بالموضوعية التى تميزكم
ياخ بالمصداقية نحن خلاااااااااص تعبنا من الكضبب ..
والزمن دا الكضاب بعد ما توصلوا خشم الباب برضو عنده كلام !!
لما ديل يرجعوا وينتعش المنبر التانين بنشطوا وقرفهم بزول
والمشغوليين بلقوا لينا وقت
داليا
حنين فرقتا كبيرة ... وسارة بى حالتا دى فقدناها !
عثمان روغيم
روزمين روزمين والله ما نقول حاجة
سيف الدوله يا حليل حلتنا بقت كلها مستشفيات
هى ذاتها دايرا ليها لسته ,,,
| |
|
|
|
|
|
|
|
|
|
Re: مـبادرة لرأب الصدع بين بكرى و ... ! (Re: دينا خالد)
|
لا جابكم الانفصال
ولا جابتكم الحروب الجديدة
ولا جابتكم جيت خليل لى دارفور
ولا جابكم الربيع العربى !
ولا جابتكم الغلا
ولا جابتكم فاتحة ولا تعنئة !
اها تانى ح تجو متين ؟ اخجلوا ..
امس اتذكرتكم يوم تقديم طلب دولة فلسطين
تتذكروا دى
انتظروا ارفع ليكم الفيديو ...
| |
|
|
|
|
|
|
|
|
|
Re: مـبادرة لرأب الصدع بين بكرى و ... ! (Re: Dalal Ezzaldin)
|
حيدر المشرف مشتاقين
الصدع فى الشغيلة ياخ
انت اصلو ما كنت شيوعى ولا شنو ؟
الشيغله الذين يستخدمون فى الغرس
وفى الحرث فى السقيا وفى الحصاد الشغيله ياخ
خليك جاهز للجنة التى ستقتل المشكلة بحثا ..
محمد جانا ما تغشانا محمد جانا ما تغشانا .....
مارأب للدرجة دى كمان !!
الفتنة نائمة لعن الله من ايقظها ...
دا خلى لى لجنة شق الصف ...
سلامات يا منال ...
قلتى لى جرذان
غايتو الا تشوفى ليك بلد ...
| |
|
|
|
|
|
|
|
|
|
Re: مـبادرة لرأب الصدع بين بكرى و ... ! (Re: دينا خالد)
|
| Quote: ندور في حلقة انبثاقية حلزونية دائرية |
لووووووووووووب ياود الباوقة
وطيب انت ما موقع ليييه ؟؟
لالالالا دى مؤامرة دنيئة ,,,
داير النجيضة اللستة دى لو شملتك
كان البورد قفل واطلبنا الله
مش قالوا قوتك من قوة منازليك ..
انا متاكدة انكم اشتقتوا لعتاة المناضلين
ذى ما انتو ذاتكم وحشتوهم !
| Quote: لكن اتوقع في بداية الربع الرابع ينصلح الحال |
باوقة بطل الزمزغة الحال بينصلح باسقاط النظام ,, والمتبربرين
| |
|
|
|
|
|
|
|
|
|
Re: مـبادرة لرأب الصدع بين بكرى و ... ! (Re: دينا خالد)
|
صبرى طه يا خوى النصيييحه غثاء ...
ما عنده اسم تانى
انت قايلنى مستثنيه روحى
حال المنبر بقى صعب حقيقى صعب
ياللا همتكم معانا نكون اللجنة
ـــــــــــــ
انت وين يا نجوان البركة فيكم فى زيدان
نتى بطىء ما قدرت ادخل هناك شفت العنوان
عندى نت قدر بوستينى دا بس ,,,,
شفتى حالتنا بقت صعبه كيف ...
ارشح نجوان رئيس للجنة ...
| |
|
|
|
|
|
|
|
|
|
Re: مـبادرة لرأب الصدع بين بكرى و ... ! (Re: دينا خالد)
|
ان خلاصة ما اود قوله صديقي بكر ي وصاحب الحوش ان الجهود التي بذلت منك ومن كثيرين في تاسيس هذا الصرح لا يجب ان تطيع هبا ولا يمكن لاحد ان ينكر مجهودك كما ان مجهودات الكتاب ورواد الموقع لايمكن ان تضيع في حزف مواضيعهم وكتاباتهم
لانها لم تعجب احدا او في معني اخر خدشت حياءه ان الفاصل في وطن الحرية هو احترام خصوصية الاخر واحترامه كانسان وتقدير مجهوده وتميزه. فلقد حرمت الكثيرين من الكتابة لموقف وقفته انت مع بعض الكتاب والكتاب وانت يعرفون ان الحقوق لاتتجزاء فدعهم يكتبون ما دام لم تكن هناك اساءة لاحد وانت تزيل الموقع بان ليس بالضرورة ان يكون المكتوب يعبر عن صاحب الموقع ولو لديك من الوقت شارك برائك في كل موضوع تري بمقياسك وليس بمقياس المجتمع لان من لا وطن له لامجتمع له وجادل حتي تنتصر الفكرة الثاقبة.
المطلوب بالعربي كده عدم هبش الكتاب والكتابة الا في حالات الاعتداء علي خصوصية الافراد . وشكرا لك ولوقتك
اخوك عبدالرحيم ابايزيد حسن
رسالة واضحة ومباشرة من عبد الرحيم
فى زول عنده رساله ؟
عشان نجوان دى اكعب من بكرى دايره حراسة ...
قبل ان نهتف ضدها بعد مداخلتين بان ترحل وخلع الرئيس !!
| |
|
|
|
|
|
|
|
|
 Re: مـبادرة لرأب الصدع بين بكرى و ... ! (Re: Magdi Ahmed Elsheikh)
|
Quote: لا جابكم الانفصال
ولا جابتكم الحروب الجديدة
ولا جابتكم جيت خليل لى دارفور
ولا جابكم الربيع العربى !
ولا جابتكم الغلا
ولا جابتكم فاتحة ولا تعنئة !
اها تانى ح تجو متين ؟ اخجلوا .. |
طيب نحنا الجابتنا الحاجات دى قلتو علينا ( غثاء ) ..طيب الماجو ديل يطلعوا شنو !!
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
سلام ..دندون ومشتاقون .
ونتمنى عودة ناس اللستة ، وكل الحردانين والمقاطعين ..والمقطوعين بمن فيهم حبيبنا مستر E .
| |
|
|
|
|
|
|
|
|
|
Re: مـبادرة لرأب الصدع بين بكرى و ... ! (Re: دينا خالد)
|
والله يا دندون حيرتينا معاك
من قبيل بقرا في البوست بحال اطلع بالهدف منو شنو وما حزرت
ماسكة ليك خيوط متعددة و مختلفة وتغزلي فيها
هل الموضوع الرئيسي عن القائمة و الموقعين عليها ام انت تفتقدي الزملاء الغائبين ولا بتتحسري على حال البورد و الغثاء الماليه ام تبكي المصداقية المفقودة؟
ولا تكوني عايزة تهيجي قيقراوي Quote: طبعا بقصد ناس اللستة ال (امهم بت عم ابوهم*)
قيقا ومن لف صينيتو يمتنعون ! |
| |
|
|
|
|
|
|
|
|
|
Re: مـبادرة لرأب الصدع بين بكرى و ... ! (Re: الشفيع وراق عبد الرحمن)
|
يا دينا سلامات وحمدالله على السلامة
ما طالبانى حليفة شاءت لى الصدف ان ازور الارشيف
هلكت و اذدادت مغايسى من من تركوا هذا المكان
يعنى نحن نلقاه من وين والا من وين
مرات الواحد بيدخل الصفحة الاولى كلها ما يلقى ليهو موضوع يفشو
الله غالب
اكثر من يجول فى خاطرى هذه الايام هو كمال عباس
لشدة ما يفتقدة هذا المكان و نفتقدة
ولولا ان كتب بوست قبل كم يوم يستجديها للعودة
لكنت فعلت .
صدقى فكرت انى اكتب ليهو بوست تانى لكن قلت
يا بت انتى ما بتقدرى على الاحراجات
ياخ لولا انتى وود المشرف وقيقراوى
البروف وود الخليفة وبعض من من بقوا
من النورات
كان بقينا نداقس اكتر مما علينا
عن عزاز افتقدها الف الف الف طن
وعن حنين وسارة يووووووك
لكن
الله غالب
القصة يا دينا ما فى بكرى
القصة انو فى تطفيش منظم ومرتب
وفى ناس بتسعى ليهو يى يدينها و كرعينها
ياخ فى زول بيصدق انو فى يوم من الايام
كان بيكتبو هنا كتاب الصفوة!!!!!!
ياخ اضف الى محسن خالد
كان هنا عثمان حامد
طلعتى زيتنا ياخ
بالجد مرات بفكر اكتب لى بكرى لابد من يسعى
الى عودة هؤلاء الناس
كما تسعى الصحف لاكتساب اقلام عالية مهنية
كل فى مجاله
على سودانيزاونلاين ان تفعل
| |
|
|
|
|
|
|
|
|
|
Re: مـبادرة لرأب الصدع بين بكرى و ... ! (Re: Siham Elmugammar)
|
ود البشرى !!
| Quote: من قبيل بقرا في البوست بحال اطلع بالهدف منو شنو وما حزرت |
ود البشرى فهامة البورد صار لا يفهم!!! ..
شفتوا الطامة الكبرى ؟؟؟ ما منك لكن من العلييييك ..
انا بتكلم فقط عن ناس اللستة الوقعوا وعاهدوا على عدم الكتابة هنا
الا اذا انصلح حال البورد حسب وجهة نظرهم .... المشكلة انو صاحب
الكورة ما شايف حاجة دايره صلحان ... مش الشايقيى بقولوا كل زول
عاجبو الصاريى ؟؟ قاموا حردوا وتوقفوا ..
وهم من خيرة شباب /ت البورد ... لوووووووووب
اللجنة هدفها التفاهم مع ناس اللستة البنبحو ديل نشوفهم
مالهم واقفين ونحاول نلين من مواقفهم ونخليهم يرجعوا
وعشان انت ما بتفهم ح نعينك فى اللجنة
نائب رئيس ...
نجوان رئيسا وانت النائب الاول
فهل سيشارك بقية المعارضين فى التشكيل الحديد !!
| |
|
|
|
|
|
|
|
|
|
Re: مـبادرة لرأب الصدع بين بكرى و ... ! (Re: دينا خالد)
|
| Quote: انا بتكلم فقط عن ناس اللستة الوقعوا وعاهدوا على عدم الكتابة هنا |
آآآخ يا دندون لقيتيني خلاس الفيني كملت وبقى مافي حيل للغلاط
لوما كدا كنت قعدت ليك للغلاط و رصيت ليك الافتباسات هنا من مداخلاتك الفوق و جبت ليك زي خمسمية اسم كدا انت ذكرتيهم ما عندهم علاقة بالعريضة و التوقيع عليها
منهم من توقف من تلقاء نفسه قبلها ومنهم من توقف بعدها
دا غير كلامك عن المصداقية و الغثاء .. إلخ و الما عندو علاقة بالعريضة
لكن زي ما قلت ليك ما عندي حيل للغلاط فااا شنو:
طيب بالتوفيق للمبادرة
| |
|
|
|
|
|
|
|
|
 Re: مـبادرة لرأب الصدع بين بكرى و ... ! (Re: دينا خالد)
|
Quote: صبرى طه يا خوى النصيييحه غثاء ...
ما عنده اسم تانى
انت قايلنى مستثنيه روحى
حال المنبر بقى صعب حقيقى صعب
ياللا همتكم معانا نكون اللجنة |
دي بقولوا عليها الروووووووووووب 
ـــــــــــــــــــــ
نرجع لموضوع البوست ...
في ناس وقفوا مع الجماعة ولكن الحمد لله رجعوا واستمروا عادي ...
في ناس وقفوا وقوف جزئي يعني بيظهروا بين الفينة والأخرى وشكلهم بطنهم طامة عشان كدة ما قادرين على التواصل المتواصل ...
في ناس واقفين تِك يعني مما وقفوا تاني ما شُفناهم ... فديل يا أختي فعلاً عايزين لينا ليهم لجنة قوية لرأب الصدع وإعادة المياه لمجاريها ...
ولكِ ودّي ،،،
| |
|
|
|
|
|
|
|
|
 Re: مـبادرة لرأب الصدع بين بكرى و ... ! (Re: صبري طه)
|
Quote: اللجنة هدفها التفاهم مع ناس اللستة البنبحو ديل نشوفهم
مالهم واقفين ونحاول نلين من مواقفهم ونخليهم يرجعوا |
بنبحو !!! و إنتي ما عارفهم واقفين ليه وجايه تنظري و فاتحه بوست !! وبالنسبة لتلين المواقف دا بتم كيف يالأخت !!؟
البركة في إنك ما إستثنيتي روحك من الغثاء .. هو عاد لكن جنس غثاء هو !!
| |
|
|
|
|
|
|
|
|
|
Re: مـبادرة لرأب الصدع بين بكرى و ... ! (Re: وليد عبد اللطيف)
|
انا اقترح لجنة رأب الصدع دي تنبثق منها
لجنة اجاويد
ولجنة الاجاويد دي تنبثق منها لجنة مصغرة
حقت تحانيس
ولجنة التحانيس دي تنقسم الى قسمين
تحانيس مستعجلة
وتحانيس طويلة الاجل
المستعجلة تدرس الحالات كلها مع بعض وتبت فيها سريع جدا
طويلة الاجل
تدرس كل حالة على حدة ودي تكون مرتبطة اداريا بي لجنة راب الصدع مباشرة
وفنيا ممكن نعمل لها منسقية نتفق على تسميتها لاحقا
وشكرا
| |
|
|
|
|
|
|
|
|
|
Re: مـبادرة لرأب الصدع بين بكرى و ... ! (Re: ود الباوقة)
|
Quote:
طبعا بقصد ناس اللستة ال (امهم بت عم ابوهم*)
قيقا ومن لف صينيتو يمتنعون !
|
قيقا يبرى و يمشي يكتب مع عمو الفاتح جبرا من لف الصواني
ما زماااان قلنا ليكم كدا، قلتو جنّا!!
قيقا هيييين جا بالدرب العديل ..
و حاول التأطير و التأصيل و التنظير ليها فكرياً.. و لو بالدغمسة ساي
المتسللين كيف!؟
-------
دايرين الجد؟
بكري مدين باعتذار واضح و صريح .. و مفروض يطلب من كل اللستة العودة
المسألة ليست شخصية .. و لا علاقة لها بالكبرياء و الكرامة ..
خضر حسين
قمر بوبا
مناهل ابراهيم
سناء خالد
شيراز عبد الحي
لنا جعفر
هواري نمر
حاتم علي
.
.
.
.
.
و عييييييييك
| |
|
|
|
|
|
|
|
|
|
Re: مـبادرة لرأب الصدع بين بكرى و ... ! (Re: ود الباوقة)
|
| Quote: مكانا وسط هذا الغثاء فاكتفوا فى كثير من الاحيان |
بوست غير محدد الاهداف كما قال المهندس محمد البشرى , كثير من المذكورين غير متوقفين ولكن ظهورهم اصبح نادر مؤخرا بسبب انجذابهم لاماكن كتابة اخرى اكثر رحابة وبريقا (الفيسبوك) كما فى حالة عصام جبر الله
النجيضة , نداء الاصحاب والاصدقاء والصديقات بيكون جميل لو ختى تفشيل وتتفيه الناس القاعدين فى صمة خشمهم وشكلك كدا ما عارفة منو من اهل اللستة ومنو الواقف براهو ومنو الموقفو بكرى ومنو الرايح منه الباسوورد
مواضيع زى دى قبل ما تتفتح عايزة هوم ويرك , والبركة فى الجميع فى رحيل مبدع الاجيال زيدان ابراهيم , له الرحمة والمغفرة
| |
|
|
|
|
|
|
|
|
|
Re: مـبادرة لرأب الصدع بين بكرى و ... ! (Re: احمد التجانى احمد)
|
يا دندنة
Quote:
المطلوب بالعربي كده عدم هبش الكتاب والكتابة الا في حالات الاعتداء علي خصوصية الافراد . وشكرا لك ولوقتك
اخوك عبدالرحيم ابايزيد حسن
|
عبد الرحيم اداكم النجيضة
دا مربط الفرس ..
لكن انقري شنو!؟
و هو فرس اصيل
كل القبيلة تلجموا ..
يكسر قناعتو و يفر يسكن مع البدو في خلاء الفيسبوك
و ما يرضى غير الريح تجادلوا و تفنعوا ..
القضية بالضبط انو بكري ما يحذف من طرف ساي ..
لو كان هو سيد العجلة ففي ناس مستثمرة زمنها هنا..
و تايم إز موني!!
القضية سيد اللايحة بفتش خشم البقرة ..
يطبقها على رأس الجميع ..
و يمش يكوس الطفشم بعدم ذلك!
القضية قضية ديموغراطية المكان ..
شفتي كيف!؟
------
يا ود البشرى دندون رمتك بدائها و انسلت من البوست
مش العريضة دي عرييييييضة .. و تسع الجميع!؟
كل القالتم ما عندهم علاقة بالعريض بي عرضها دا
| |
|
|
|
|
|
|
|
|
|
Re: مـبادرة لرأب الصدع بين بكرى و ... ! (Re: قيقراوي)
|
Quote: القضية بالضبط انو بكري ما يحذف من طرف ساي ..
لو كان هو سيد العجلة ففي ناس مستثمرة زمنها هنا..
و تايم إز موني!!
القضية سيد اللايحة بفتش خشم البقرة ..
يطبقها على رأس الجميع ..
و يمش يكوس الطفشم بعدم ذلك!
القضية قضية ديموغراطية المكان ..
شفتي كيف!؟ |
اهو كدا البوست نجح في تحقيق هدفه
شايفك يا عمك ادرعت احزمة الشهيد الحي تاني
-----------------------------------------------
اتفقنا او اختلفنا مع دينا يحمد لها ان جابت القضية مرة تانية للسطح
من حق الاصدقاء في موزمبيق علينا ان نذكرهم و نذكر الاسباب التي ادت لتوقفهم
| |
|
|
|
|
|
|
|
|
|
Re: مـبادرة لرأب الصدع بين بكرى و ... ! (Re: محمد البشرى الخضر)
|
Quote:
اهو كدا البوست نجح في تحقيق هدفه
شايفك يا عمك ادرعت احزمة الشهيد الحي تاني
|
بريدكتبل بقيت مش!؟
انقر شنو!؟
انا ذاتي اتوقعتها منك!!
-------
بس دينا بالغت معاي!!
ما كان تنظر بعد الارشفة ياخ!
بيني بينك عشمان لي في مكتبة .. باقي ليك الست فاليو بتكون اكتر من 5500؟
يلا نديك ما توقعته من نكتة بااااايخة ..
مرة واحد انصاري - عقيدة- راكب ليو بص جمب انصاري (سنة) ..
انصاري الامام استعان بالمهدي في شئ ..
التاني نهرو ليك " اذا استعان احدكم فليستعن بالله"!
واحد انصاري عقيدة تاني غير الاولاني .. و كان واقفاً و ضرعاتو برة .. و ديك يا السكين!!
هرش ليك الزول النهااار دا نهاراً جهاراً .. قال ليو كدي تاني اسمعك تتكلم في سيدي الامام!!
صاحبنا فصل ..
و الاولاني - ما التاني - لقاها ليك فرصة ..
و قال كدا اتمغغغغغغغى و هو يردد : احييييي يا المهدي الخلقتني!!
داك عاين ليو كداااااا و قال بمسكنة و غضب يليق : و الله انت عاااارف انو المهدي ما خلقك ..
الا بتدور تجيب لي كتلة سااااي!!
اهن ..
دينا عاااارفة اي حاجة .. الا بس بتدور تطير علي المكتبة بس!!
هامش :
اسي بس نقعد برااانا لي جنس (الغثاء) دا!!؟
شنو البياخة دي ياخ ..
جيبوا جداد الخلاء .. خلوا الشغلة تحلو ياخي!!
| |
|
|
|
|
|
|
|
|
|
Re: مـبادرة لرأب الصدع بين بكرى و ... ! (Re: AMNA MUKHTAR)
|
Quote:
ماعى نوعية الكتابات التى تريدونها فى هذا المنبر عشان تكونوا مبسوطين ..؟!
|
و ماعي نسبة البوست دا لمجموع المكتوب!؟
---------
بالمناسبة في غيرو كتير جدا - باختلاف زوايا النظر طبعا- لكن بكل الاحوال في الجيد و السمين
لكن في الاخر يطغى الغثاء و الونسات .. خفيف الوزن دائماً هو البطفؤ ..
و تبقى اللالئ في جوف البحار
| |
|
|
|
|
|
|
|
|
 Re: مـبادرة لرأب الصدع بين بكرى و ... ! (Re: محمد عبد الماجد الصايم)
|
صامدا كالطود وحدى ..
Quote:
شكرا امنه فكنت اظن ان الحبشي لا بواكي عليه
رحمه الله يوقف لوحده ويعود في لسته لوحده
وتحذف اي بوستات تفتقده |
ود الخليفة والله زعلتنى وحننتنى على قربيى دا..
هسه أقوم أتمرد معاهو ونرفع السلاح
ونعمل أنا وهو لستة برانا ..
؛؛؛؛؛؛؛؛؛؛؛؛؛؛؛؛؛
مع إنو ما بطمر فيهو هههههههههههههه .
| |
|
|
|
|
|
|
|
|
|
Re: مـبادرة لرأب الصدع بين بكرى و ... ! (Re: وليد محمد المبارك)
|
فاتنى التعبير عن افتقادنا لكتابات كل من الزميلين
اميرة الشيخ
قمر بوبا
اهل لستة اصليين , لا رايح منهم باسوورد ولا ناس فيسبوك
تخصيص الزميلين فقط جاء بسبب ان معظم الكتبو فى البوست لم يتذكروهم بما فيهم صاحبة الخيط
* قيقراوى , عليك الله لنا جعفر دى منو؟
| |
|
|
|
|
|
|
|
|
|
Re: مـبادرة لرأب الصدع بين بكرى و ... ! (Re: رشا احمد)
|
Quote:
* قيقراوى , عليك الله لنا جعفر دى منو؟
|
ما بتعرف لنا جعفر!!؟
اخت د. تاج السر جعفر ياخ!؟
و قريبة لدن جعفر ( المشهورة) الحيطة بالحيطة
------
تعرف ذكرتها بالتحديد ..
لانها ما رجعوا ليها الباسوورد ( بعد الانعاش الاخير) .. مع آخرين!!
رحبوا معي... تاج السر جعفر ولنا جعفر
و بالمرة اعمل سيرش (بكل المكتبات و الارشيف)* ح يطلع ليك ما يذهلك ( وقيل يصلعك عديييل) :
<a href="http://www.sudaneseonline.com/cgi-bin/sdb/2bb.cgi?seq=search&str=%E1%E4%C7+%CC%DA%DD%D1&usr=&board=all" target="_blank">http://www.sudaneseonline.com/cgi-bin/sdb/2bb...DD%D1&usr=&board=all
و لمن فاتني ذكر اسمه في قائمة الشرف من الصامدين :
Re: عندما يكون قول الحق فرض .....( بخصوص المفصولين )
عله يجد عزاءاً في الذكرى ..
و الذكرى تنفع المقاطعين .. و الناس العاملة غمرانة بجاي!!
* مع الشكر لحمودي العسل .. الزمن الفات دا كلو دايش ساااي!
لا مكتبة تسهل السريش .. لا خبرة و خيت زي حقتك دي
لك الشكر يا حبيب
| |
|
|
|
|
|
|
|
|
|
Re: مـبادرة لرأب الصدع بين بكرى و ... ! (Re: قيقراوي)
|
ههههههههههههههه
خلاص قيقرا دوّر
في امر مكتبتك يا قيقرا أتوقع الارشفة دي ان شاء الله تكون فاتحة خير عليك وعلى الهلال
بس قول يا مهوّن ويا جامع يا رقيب
___________________________________
لي تعليق على حتة الغثاء الجابتها دينا
المثل بقول كل فولة ولها كيّال, حتى ما تراه غثاء له قراء
وسودانيز ليس بوردا صفويا او متخصص او احادي التوجه وميزته عن بوردات اخرى كثيرة هي روح الملجة المتلبساه دي
فمن الجور وصف ما لا يروق لنا بالغثاء و الحط من اختيارات و امزجة الآخرين الذين يشاركونا نفس الفضاء بنفس بريفيليج آكسس الباسويرد
بالطبع هناك حد ادنى متفق عليه - تقريبا من الكل - عن ما يخالف الذوق العام* و يؤذي الفطرة السليمة ولا اعنيه هنا
الذوق العام دي مرة محسن خالد صبح بيها الـواطة
| |
|
|
|
|
|
|
|
|
 Re: مـبادرة لرأب الصدع بين بكرى و ... ! (Re: احمد التجانى احمد)
|
Quote:
بالله يا ود الصايم هو عمدة ركب البص دة ؟
التحية ليه ولناس اللستة جت عليهم
|
انتو الزول دا جا مع منو يا شباب!؟
عمدتنا قائد الغر الموزمبيقيين المقاطعين ياخ
و كبير المفاوضين مع جلالة الصلعة قدس الله سره
------
ما تقوم تصدق كمان!!
بالمناسبة لنا جعفر ما اخت د. تاج السر جعفر
دا Eسم على Eسم ساااي
د. تاج السر جعفر شقيق كلٍ من طه جعفر و مرتضى جعفر
و الله دي صحي
| |
|
|
|
|
|
|
|
|
|
Re: مـبادرة لرأب الصدع بين بكرى و ... ! (Re: احمد التجانى احمد)
|
Quote: و ماعي نسبة البوست دا لمجموع المكتوب!؟
|
يا قيقراوى قلت أن البوست الجبتو ( نموذج) على المواضيع ( الما غثاء )..
وفى كتيييييير غيره ..إلا زاوية الشوف بس ..
مالك يا زول بعد الأربعين مسكتك الرجفة وشوفك بقى تعبان ..!!
أعمل زينا وجيب نضارة قراية ياخ ..
| |
|
|
|
|
|
|
|
|
|
Re: مـبادرة لرأب الصدع بين بكرى و ... ! (Re: AMNA MUKHTAR)
|
Quote:
ما تشيلك الهاشمية ساى وتتقمص شخصية سيد المكان
|
اتقمص شنو!؟
ما في قميصي غير ابصلعة ياخي
--------
قلت لي قاعد من بدري بي جاي!؟
طيب بتسأل كتير مالك!؟
ما تضايق ياخي .. اهو بنتونس ساي عاي الرصيف دا ياخي
كلو غثاء في غثاء!!
ان شاء الله محدش حووووش!!
محدش واخد منها حاقة يا هندسة ياخي!!
| |
|
|
|
|
|
|
|
|
|
Re: مـبادرة لرأب الصدع بين بكرى و ... ! (Re: قيقراوي)
|
Quote: قلت لي قاعد من بدري بي جاي!؟
|
لا لا....ما تقولنى ساى يا رفيق , انا قلت قبلك ما قلت من بدرى
| Quote: طيب بتسأل كتير مالك!؟ |
السؤال الواحد عندكم فى المحاسبة بيعتبروه كتير ؟
خلاص تانى نشتغل معاكم انصاص وارباع اسئلة
| |
|
|
|
|
|
|
|
|
|
Re: مـبادرة لرأب الصدع بين بكرى و ... ! (Re: احمد التجانى احمد)
|
حولاااااااااا متيين عوستو لى الابرى بالحلومر كدا ؟
احمد التيجانى امنع الفوضى ,,, محتاجين ليك فى الموضوع دا ..
امنه مختار شرفتى منتظرين مساهماتك المميزة للوصول لحل يرضى جميع
الاطراف بما فيهم نحن ..
اهم شى يجب التوقف عنده اولا هو وصول صاحبى لهذا( الخيط )
لوووووووووب هسه ليكم سنتين سمعتو زول هنا قال الخيط ؟؟؟
دى المشكلة بتاعت البورد باختصار شديد !!!
وليد التانى ما نستفضلوا عليك والله شرفتنا ابقى داخل !
ود البشرى ما تزمزغ على يعنى انت ما عارف القال غثاء
دا منو ؟؟ كورتك فكت والله !
كلللللللللو كوم ومداخلة باوقة دى كوم !!
معللللللللللللللللم 22 عاما من الزمزغة المتواصلة ياخ
دا مقترح بتاع متبربرين فعععععلا ,,
ياخ كوبى بست لما عليه الحال
ما كان فى واحد من بره ح يقدر يوصف عمل اللجان
بالطريقة الدقيقة والمفصلية دى !!
Quote: .انا اقترح لجنة رأب الصدع دي تنبثق منها
لجنة اجاويد
ولجنة الاجاويد دي تنبثق منها لجنة مصغرة
حقت تحانيس
ولجنة التحانيس دي تنقسم الى قسمين
تحانيس مستعجلة
وتحانيس طويلة الاجل
المستعجلة تدرس الحالات كلها مع بعض وتبت فيها سريع جدا
طويلة الاجل
تدرس كل حالة على حدة ودي تكون مرتبطة اداريا بي لجنة راب الصدع مباشرة
وفنيا ممكن نعمل لها منسقية نتفق على تسميتها لاحقا
وشكرا |
صبرى خلاص ياسيدى غثاء دى خليناكم منها ..
فهميت فهميت .. الان فهمت
| |
|
|
|
|
|
|
| |
دينا خالد
HAIDER ALZAIN
Ahmed musa
رشا احمد
abdelrahim abayazid
Hussein Mallasi
Ridhaa
سيف الدولة كامل
osman righeem
Magdi Ahmed Elsheikh
Dalal Ezzaldin
محمد حيدر المشرف
بله محمد الفاضل
محمد أبوالعزائم أبوالريش
أمجد الزين
محمد البشرى الخضر
ود الخليفه
اناهيد كمال
الشفيع وراق عبد الرحمن
Siham Elmugammar
مرتضى احمد عبد القادر
عماد حسين
وليد عبد اللطيف
قيقراوي
احمد التجانى احمد
محمد عبد الماجد الصايم
فيس بوك
تويتر
انستقرام
يوتيوب
بنتيريست