|
|
|
 Re: بالنسبة ل ( اللحمة ) تمام يا سعادة الرئيس ، أها بالنسبة ل ( اللبن (Re: بخاري عثمان الامين)
|
| Quote: رطل اللبن وصل 1750 جنيه يا سعادتك |
لو في أسرة مكونة من اربعة أطفال يا سعادتك ومعاهم
امهم وابوهم ...
كل واحد بستهلك رطل لبن واحد في اليوم
وعدد 2 رغيفة لكل واحد في اليوم ....
شوف الحسبة بتكون كيف :-
1750 ( سعر الرطل ) x ستة افراد x ثلاثين يوم ( شهر ) = 315 جنيه
250 ( سعر الرغيفة ) x ستة افراد الاسرة x اتنين رغيفة x ثلاثين يوم = 90 جنيه
التكلفة الكلية لوجبة الرغيف باللبن = 315 + 90 = 405 جنيه
أها الرأي شنو ؟؟
| |
 
|
|
|
|
|
|
|
|
Re: بالنسبة ل ( اللحمة ) تمام يا سعادة الرئيس ، أها بالنسبة ل ( اللبن (Re: بخاري عثمان الامين)
|
يا باخ ياخي ما تعبتونا معاكم .....
كل واحد جاي ناطي لينا، عايز اقاطع اللبن وعايز أقاطع الشنو ما عارف.
قلنا ليكم عندنا (أولويات) للمقاطعة، وقلت قبل كده في أكتر من بوست، أنا عندي لستة حاجز بيها المقاطعة الجاية:
خد عندك:
عايزين مقاطعة للطماطم.
عايزين مقاطعة للزيت.
عايزين مقاطعة للسكّر
عايزين مقاطعة للبنزين.
عايزين مقاطعة للرغيف
عايزين مقاطعة للكهرباء
عايزين مقاطعة للموية
عايزين مقاطعة للفرح (برضو بقى غالي)
تقول لي لبن؟ زول مغرض بس.
| |
|
|
|
|
|
|
|
|
|
Re: بالنسبة ل ( اللحمة ) تمام يا سعادة الرئيس ، أها بالنسبة ل ( اللبن (Re: بخاري عثمان الامين)
|
Quote: شوف الحسبة بتكون كيف :-
1750 ( سعر الرطل ) x ستة افراد x ثلاثين يوم ( شهر ) = 315 جنيه
250 ( سعر الرغيفة ) x ستة افراد الاسرة x اتنين رغيفة x ثلاثين يوم = 90 جنيه
التكلفة الكلية لوجبة الرغيف باللبن = 315 + 90 = 405 جنيه
أها الرأي شنو ؟؟ |
الراي السليم ان يتم مقاطعة الرغيف وهذا حل عبقري يجعل المواطن يستفيد من 90 جنيه كانت ستضيع شمار في مرقة
كما أن السكر زاتو بيجيب أمراض (احذروا الأبيضين) فبالمرة يقاطع هو الآخر 
وبالمناسبة أكل الرغيف باللبن بالسكر هو نوع من أنواع الترف المبالغ فيه ، كفاية شرب الشاي باللبن ومعاً من أجل محاربة مظاهر الترف التي انتشرت في الآونة الأخيرة
وأخيراً .. أتمنى أن تنبثق لجنة (منبثقة) لعقد عشرين او تلاتين اجتماع لمناقشة فوائد مقاطعة الرغيف والسكر خاصة بعد انتشار مرض السكري في الفترة الأخيرة .
ـــــــــــــــــــــــــــــــــــــــــــــــــــــــ
تحياتي لك أستاذ بخاري عثمان
| |
|
|
|
|
|
|
|
|
|
Re: بالنسبة ل ( اللحمة ) تمام يا سعادة الرئيس ، أها بالنسبة ل ( اللبن (Re: khatab)
|
تحياتي يا بخاري
لولا يقولوا وصايا ، المفروض البوستات تكون كدا
Quote: التكلفة الكلية لوجبة الرغيف باللبن = 315 + 90 = 405 جنيه
|
دا حالتو بدون سكر!
يابخاري اللبن بقي اكبر ترف بدليل المبلغ 405 جنيه بالجديد
عارف دا مرتب زول في الدرجة السابعة!
يتخرج من الجامعة ويشتغل 8 سنة عشان ياكل رغيف بلبن
ويتسلف حق المواصلات له ولاولاده بشرط يكون معزول عن
المجتمع ولايشارك في المناسبات وينوم قبل المغرب ووووو
البحير اكتر كيف يعيش عامل مدخل خدمة مدنية مرتبه 150 جنيه!!
ــــــــــــــ
حاجة تعمل نرفزة وتحرق الاعصاب
| |
|
|
|
|
|
|
|
|
|
Re: بالنسبة ل ( اللحمة ) تمام يا سعادة الرئيس ، أها بالنسبة ل ( اللبن (Re: بخاري عثمان الامين)
|
| Quote: وهذا ما يعرف بقانون الطلب والعرض |
اي سلعة اذا زاد الطلب عليها بزيد سعرها
واذا قل الطلب عليها بقل سعرها ...
| Quote: اي سلعة اذا زاد عرضها بقل سعرها |
واذا نقص عرضها بزيد سعرها
وبكرة اول ما الناس ترجع للسلعة المقاطعة دي سعرها ح يرتفع
تاني لانه اسباب الغلاء بتاعه حقيقي ويكمن في عدة اسباب
جبايات وضرائب وترحيل ورسوم محليات وعبور وخلافه..........
امسكوا لينا في دي بلا مقاطعة بلا جوع
خلوا السلع تتوفر و كفوا عنها الجبايات والضرائب
وبالمناسبة دي الدعم للمواد البترولية
بقلل تكلفة الترحيل لانه كل التكاليف بلصقوها لينا
في سعر الشراء
| |
|
|
|
|
|
|
|
|
|
Re: بالنسبة ل ( اللحمة ) تمام يا سعادة الرئيس ، أها بالنسبة ل ( اللبن (Re: sumah)
|
Quote: وعايزين يشربوا لبن ..
مافى مشكلة ...
يا صديقى المشكلة
اتحلت ..
الاب يرضع اللبن من الام..
والاطفال الصغار طبعا من الام برضو.
|
sumah
بتمني انك تكون عايش في السودان ..
نحن يا زول الغلاء انتهي مننا
وعادي تلقي زول ما اتناول اي وجبة
خلال يومه ..
المسألة بقت صعبة شديد علينا
والمشكلة ولاة الامر في وادي ونحن في وادي
معقولة مسئول خليك من رئيس يكون حله لمشكلة
الغلاء هو المقاطعة ويصرح بيها عادي
| |
|
|
|
|
|
|
|
|
 Re: بالنسبة ل ( اللحمة ) تمام يا سعادة الرئيس ، أها بالنسبة ل ( اللبن (Re: بخاري عثمان الامين)
|
انت يا بخارى بقيت تاكل لحمة وتفرز الضانى من البقرى ..يالك من خائن .من اين لك باللحمة حتى تقاطع
مع المقاطعين ..يا بخارى ياخ يوم الملاريا (المزعومة) وحقنة خالك كانت شوربتك موية فول ..هسى كمان
دخلت ع اللبن ...يا جماعة زول يصحى لينا بت ابو السيد ..سرعة..
بخارى ركز ع (اليقين) فى كل وجبة وما بتجيك عوجة ..واسال لى السيد الرئيس من سعر الدولار ..ممكن
عليك الله لو عندكم لبن زايـــــــــد ..اصل عمك عبيد ..مضروب ملاريا...
| |
|
|
|
|
|
|
| |
بخاري عثمان الامين
محمد أبوالعزائم أبوالريش
محمد عبدالله مختار
nazar hussien
khatab
عبداللطيف حسن علي
sumah
Ahmed musa
معاوية عبيد الصائم
صديق الموج
فيس بوك
تويتر
انستقرام
يوتيوب
بنتيريست