|
|
 ناس حي العرب أم درمان أذكي ناس في السودان ..
|
الكلام دا قالوا ود ابراهيم عوض في برنامج بقناة النيل الأزرق أستضافوا فيهو ناس حي العرب..
والغريبة أنو الناس ديل قاعدين في استديو الظاهر عليهو ما فيهو مكيفات لأنو كانوا عرقانيين
عرق شديد خلاص ..
والغريبة الأكبر أنو مقدم البرنامج يشيل ويقرقر لامن ضرسو العشرة وعشرين دااااك يظهر التقول ما شاعر
بالسخانة دي .
يتبع .......
|
|
 
|
|
|
|
|
|
|
|
Re: ناس حي العرب أم درمان أذكي ناس في السودان .. (Re: طلحة عبدالله)
|
طلحة ياخ أنا أمدرمان ذاااااتها
و بعدين نسيت أقول ليك إنو أنا درست الإبتدائي في حي العرب الإبتدائية
و المتوسط في حي العرب المتوسطة
و لو كانت في حي العرب الثانوية كان قريت فيها
ياخ أقول ليك حاجة كمل موضوعك بي راحتك
و تمبس دا أديهو على راسو لمن يآمن
ياخ دا أمس لهط البرتكان عصراً و البسبوسة ليلاً
| |
|
|
|
|
|
|
|
|
 Re: ناس حي العرب أم درمان أذكي ناس في السودان .. (Re: Dr Salah Al Bander)
|
أخى / طلحة عبدالله ،
يسعد صباحكم(بتوقيت حى العرب) ...
بالإشارة للحلقة مرجعكم لعنوان البوست ،،،
تصدق ناس حى العرب زعلانين كتير مما لم يقل فيها
و بكل إحترامهم لمن مثلوها لكن فى الجعبة أثمن و أفصح و أبين !!!
كتبت:
Quote: الحاجة الوحيدة الما عند ناس حي العرب هي رئيس الجمهورية بس ..
|
فعلاً لأن رئاسة الجمهورية التى عرفها السودان هى رمز للنظم الشمولية و الديكتاتورية
وحى العرب براء من نظم الفرد و التسلط و الإقصاء ...
كدى راجع تاريخ السودان حين يتحدث عن الإستقلال و رفع العلم و السودنة و البرلمان المنتخب
أسأل عن محمد صالح الشنقيطى* وركز على فروعه
ستجد بأن لحى العرب نصيب فى رفع علم السودان بالحسب و النسب و المصاهرة ...
(شارع الشنقيطى : نسبة لمحمد صالح من أعرق و أهم شوارع حى العرب) !!!
وحى العرب هى أدرمان
الى أن قال عبدالله محمد زين (ود حى العرب)
أنا السودان ... أنا الدر البزين ولدى ...
فوتناك بعافية
* السيد/ محمد صالح الشنقيطى : نسيب السيد /إسماعيل الأزهرى !
وقع ليك الكلام !!
ش
| |
|
|
|
|
|
|
|
|
Re: ناس حي العرب أم درمان أذكي ناس في السودان .. (Re: شكرى سليمان ماطوس)
|
دا الكلام الدخل البلد دي كلها في الدوامة الفيها دي - ناس فرض الثقافة الاحادية فرض علينا انحنا الما ناس امدرمان (يعني تفتح الشروق تلقي حسين خوجلي هناك شابكنا امدرمان امدرمان , تفتح النيل الازرق تشوف و تسمع العجب عن ام درمان -ناس اولاد امردمان اذكي ناس و ما عارف ايه و العالم دا من امدرمان و اللاعب دا من امدرمان و الدكتور من امدرمان و الشاعر من امدرمان وووووو و كلو من ام درمان !!!!!!!!
خلاص نبطل نشوف قنواة سودانية !
--------------
اقترح انو يحول اسم قناة النيل الازرق الي النيل الأبيض
| |
|
|
|
|
|
|
|
|
|
Re: ناس حي العرب أم درمان أذكي ناس في السودان (Re: طلحة عبدالله)
|
| Quote: المداخلات والردود على مسؤولية أصحابها دون ادني مسؤولية لصاحب البوست .. |
شنو يااخوى تتصل على وتقول لي ادعمني في البوست واقيف معاى ، وبعد داك تقول المداخلات على مسؤولية اصحابها .. هل ده كان اتفاقنا ؟!!!
لكن جد انا مابعرف حي العرب وبالتأكيد ده مابقلل مني ولا من اطلاعي وثقافتي بقدر مايوضح عدم حظوظيتها لعدم معرفتي بها ..
| |
|
|
|
|
|
|
| |
طلحة عبدالله
ABUHUSSEIN
محمد البشرى الخضر
Dr Salah Al Bander
شكرى سليمان ماطوس
فايزودالقاضي
فيس بوك
تويتر
انستقرام
يوتيوب
بنتيريست