|
|
|
 Re: وارغو تااااااااني يا أبو الزمل ياخ ؟؟؟؟ (Re: طلحة عبدالله)
|
كتب الحبيب مزمل أبو القاسم في زاويته بالصدىQuote: تألق وارغو متوقع بعد أن زالت عن كاهله الضغوط التي كبلت انطلاقته مع الزعيم سابقاً.
* من تابعوا اللقاء أكدوا أن وارغو سبب إزعاجاً كبيراً لدفاع توسكر الكيني.
* ونتوقع أن يركز عليه البدري ليلعب أساسياً بجوار كليتشي.
|
| |
 
|
|
|
|
|
|
|
|
Re: وارغو تااااااااني يا أبو الزمل ياخ ؟؟؟؟ (Re: طلحة عبدالله)
|
البسمع كلام مزمل عن وارغو يقول الأندية واقفة صف في باب بيتو ..
معقولة بس ياخ ؟؟؟
ياخ الاهلي المصري لما حب يجامل جمال الوالي دفع فيهو فقط خمسماياية ورفض يزيد فلس واحد
وكل الأندية التى ذهب لها معارا من المريخ لم يقنعها تقول لي المدرب الفلاني قال والخبير
العلاني فعل ..
وراغو هو وارغو يا مزمل وإذا كنت تتعامل مع الموضوع من باب التحدي الشخصي فتذكر مصلحة المريخ ياخ .
يتبع ......
| |
|
|
|
|
|
|
|
|
 Re: وارغو تااااااااني يا أبو الزمل ياخ ؟؟؟؟ (Re: طلحة عبدالله)
|
طلحة عبد الله ياحبيب
سلامات ومودة
يآخ معليش سؤال انت مريخابي والا هلالابي.. مرات كتيرة بتلخبط في كتاباتك انت والعزيز خليل
مع الاعتراف اني مابفوت حرف بتكتبو عن الكورة اللعينة فدائما كلامك بيطلع صُرة وخيط زي ماقلت تماما
لو كلامك نقد مريخابي غيور ودا نقد والله مفرض من هسع يشيلو الوالي زااتو او تتعين مستشار فوق العادة
ـــــــــــ
مع العلم اني هلالابي لكن ليس غيور ولا شغال بالمدورة الا المكاكأة بين حين وآخر
| |
|
|
|
|
|
|
|
|
|
Re: وارغو تااااااااني يا أبو الزمل ياخ ؟؟؟؟ (Re: طلحة عبدالله)
|
| Quote: مصلحة المريخ عندي أكبر من أي مكاسب ذاتية والله على ما أقول شهيد . |
صادق والله .. صاحبي جايي عامل ويك اند معاي وهو عضو هنا .. قال لي يا داقس طلحة كان كاتب رياضي وصحفي ومعروف احمرنجي صفرنجي ( الاخيرة
شدد عليها ماعارف ليه لكن في الاخر ذكر لي الممتاز والاسد فوزي وورجغ في كلام كورة - صراحة اديتو الطرشاء هههه
لكن كلامك ياطلحة - بالنسبة لي - معقول وبتاع مصلحة عامة ومفروض بالجد الناس تعيد النظر في قوانيين احتراف وتجنيس اللعيبة
| |
|
|
|
|
|
|
|
|
|
Re: وارغو تااااااااني يا أبو الزمل ياخ ؟؟؟؟ (Re: HAIDER ALZAIN)
|
| Quote: طلحة كان كاتب رياضي وصحفي ومعروف احمرنجي صفرنجي |
يا ود الزين لغاية احمرنجي دي كلام صاحبك مفهوم لكن عليك الطلاق
صفرنجي دي تأليف من عندو ساي إلا كان بقصد أني كنت بحب ألعب صفرجت ..
الصفرنجية عندها ناسا ياخ ..
تحياتي واحترامي ليك ولصاحبك وويك اند سعيد .
| |
|
|
|
|
|
|
|
|
|
Re: وارغو تااااااااني يا أبو الزمل ياخ ؟؟؟؟ (Re: طلحة عبدالله)
|
Quote: المريخ ما ح يعمل حاجة في سيكافا دي ..
|
نعم ..
المريخ ح يواصل فشلو في سيكافا وح يكرر سيناريو المرة السابقة عندما إرتجل تنظيم البطولة
في الخرطوم ..
سيفشل المريخ في سيكافا هذه المرة أيضا لان الهدف هو التحدي والمكابرة ومناكفة الهلالاب وليس
من أجل مكاسب فنية يمكن أن تفيد الفريق في المرحلة اللاحقة ..
سيفشل المريخ في سيكافا لانه سيعتمد كما قال مزمل على الأراجوز المهرج وارغو والنيجيري كلتشي
الذي هبط مستواه منذ أن جاء للمريخ وأصبح رفيقا لكنبة الإحتياطي ..
سيفشل المريخ لأن على رأس جهازه الفني الممرن المصري الكذاب الغير منضبط حسام البدري الذي جاء
لجمع اموال المريخ السائبة لا حبا في السودان وجمهور المريخ ..
ولان حارس مرماه هو المصري الكذاب عابد الدولار وبائع القيم والمبادىء في المزاد العلني والذي
جاء هو الآخر لفك زنقته المالية والمخارجة من ورطة الغرامة التى فرضت عليه على حساب المسكين
جمال الوالي لا حبا في شعار وجمهور المريخ ..
سيفشل المريخ في سيكافا لأنه يدار بالعواطف والمصالح الشخصية البعيدة عن مصلحة الكيان ...
ما الذي يجعل المريخ ينجح في سيكافا المقامة بتنزانيا وهو الذي فشل فيها عندما كانت في عقر داره
ووسط جمهوره ؟؟.
إذا فشل المريخ في سيكافا كما أتوقع فحتما ستتفاقم مشاكله إلى حد الانهيار فهل تحسب المريخاب لذلك
قبل إتخاذ قرار المشاركة هذه ؟ حتما لا .
يتبع .....
| |
|
|
|
|
|
|
|
|
|
Re: وارغو تااااااااني يا أبو الزمل ياخ ؟؟؟؟ (Re: حمزاوي)
|
يا حمزاوي يا عمنا الكبير
طبعا ما التأكيد انو ما بهمني القول إني غواصة كان قلت إتا واللا غيرك واللا أجمع
عليهو ناس الأرض لانو ما يهمني أن أرضي ضميري بقولة الحق وما عدا ذلك يقع النار ويفور
فيها لامن يذوب لكن ح افترض حسن النية وأقول ليك :
لو غواصة كان فعلا عجبني حال المريخ وقلت أنو البعمل فيهو مجلس إدارتو دا صاح ..
ما كان اتكلمت عن المشاكل الممكن تحدث للمريخ بوجود البدري والحضري واللي حدثت
بالكربون وأصبح ناس المريخ يتعوذون منها الآن .
ما كان قلت وارغو دا ما مفيد زي ما قلت قبل كدا نفس الكلام عن ايفوسا والشيخ ديوب وحدث برضو ..
ما كان إنتقدت الاخطاء وطالبت باصلاح الحال المايل في المريخ بل كنت طبلت ونططت وأحتفلت زيك وزي غيرك
وقلت صاح كبيرة لأي غلط يحدث حتى يستمر الاعوجاج في المريخ لغاية ما ينكسر عودو ..
بالعكس لو في غواصة هلالابي في الرميخ فهو انت يا عمنا الكبير حمزاوي وكل من يشوف الغلط قدامو ويقول
دا صاح جهلا أو تجاهلا ..
وريني يا عمنا الكبير حمزاوي عبارة واحدة بس في المنبر دا أو غير المنبر كتبتها
تدل على إني غواصة هلالابي في المريخ .
| |
|
|
|
|
|
|
|
|
|
Re: وارغو تااااااااني يا أبو الزمل ياخ ؟؟؟؟ (Re: طلحة عبدالله)
|
الاخ طلحة :-
| Quote: لا أفهم والله سر إصرار مزمل على أن وارغو مفيد للمريخ وسيتألق وسيقدم مردودا جيدا |
اول مره اتفق مع الاستاذ مزمل في كلامة
طبعا ياطلحة اللاعب بيمر بظروف كثيرة اثناء مشاركاته مع الاندية التي يلتحق بها
واحيانا يحالفة الحظ في التوفيق
وارغو محتاج الى دعم نفسي كبير وليس فني لان مهارته عالية
تفوق الكثير من لاعبي المريخ متواضعي المستوى ويجهلون ابسط مهارات اللعبة
لايختلف اثنان في امكانية هذا الشاب و احزن كثيرا لما ارهو يضيع اسهل وابسط الاهداف
واجده شارد في الملعب كانه يلعب في مباراة وملعب اخر الله يكون في عونه
شاهدت له لقاء في احدى القنوات تالمت كثيرا له للضغوط التي تلحق به
سبق وانتظر المريخ الكابتن اخونا فيصل العجب نسبة لبداياته
غير الموفقه ولم يشطبه لانه يعرف امكانياته جيدا
ولكن انظر الان ماقدمه فيصل الى المريخ والفريق القومي
بالجد سمعت قصة ومن دون ذكر الاسماء
في مره زعل ايداهور من بعض لاعبي المريخ
لانهم كانو يطلقون لقب ماسورة لزميلهم وارقو بتريقة وهم جلوس في كنبة الاحتياطي
تخيل لاعب لم يجد الدعم من زميله داخل وخارج الملعب ماذا ترجون منه
في الاندية الاوربية عند تسجيل الاعب يطالبونه اول شيء بحماية نفسة ثم حماية زميلة ثم حماية شعار النادي
شيء عجيب وغريب وشوف تصرف صبية لاعبي نادي المريخ الذين يجهلون معنى الاحتراف
وابسط الدعم لايقدمونه الى زميلهم اللاعب ..
دي ثقافة يجب تقدمها ادارت الاندية وتعمل لها محاضرات مخصوص لانها لعبة تعتمد على روح الجماعة..
وارقو لعاب ..لعاب ..لعاب ياطلحة
Quote: بالنسبة لي ما عايز يعينوني مستشار أو حتى نجار شايل منشار فمصلحة المريخ عندي أكبر من أي
مكاسب ذاتية والله على ما أقول شهيد . |
في دي معاك حق ومفروض تكون مستشار جمال الوالي لان القروش محتاجة لزول فاهم لكي يوظفها
القروش من غير مخ زي قلتها ..
| |
|
|
|
|
|
|
|
|
|
Re: وارغو تااااااااني يا أبو الزمل ياخ ؟؟؟؟ (Re: وليد عبد اللطيف)
|
يا كابتن وليد ياخ إتا برضو ح تقول لي كلام المشجعين ..
إتا زول لعبت الكورة وفاهم شنو الفرق بين لاعب غير مفيد حتى ولو كان موهوب ولعاب زي
وارغو ولاعب مفيد حتى ولو كان منعدم المهارات ...
المدرب الألماني هورست الذي أدخل طريقة 3/5/2 في السودان في المريخ كان يعتمد على حبني
ولما درب المنتخب كان بخت حبني وبرشم أول حاجة وبعد كدا يتم عليهما التشكيلة فهل كان
حبني وبرشم أصحاب مهارات ..؟؟
بكرر ليك زي ما كررت هنا كتير انو أنا ما قلت وارغو ما لعاب أبدا بل قلت أنو غير مفيد
للمريخ ودا الكلام القاعد أقول فيهو من نص الموسم الأول الجاء فيهو هذا الوارغو ..
وبعدين يا كابتن وليد فرصة منو وضغوط شنو المحتاج ليها وراغو عشان يرجع لمستواهو بعد
موسمين كاملين وجد خلالهما كل الفرص الممكنة لاثبات وجودو وفشل ..
معني كلامك دا يا وليد انو لو فشل الموسم دا برضو ح تجىء الموسم الجائي وتقول نفس الكلام
أنو اللاعب محتاج ومحتاج ..
فيصل العجب أثبت وجودو وعاد لمستواه قبل أن ينتصف أول موسم تم تسجيله فيهو ولا مقارنة
بينه وبين هذا الوارغو لان فيصل كان لاعب منضبط ولا علاقة بهبوط مستواه بأي تفلت وعدم إنضباط .
| |
|
|
|
|
|
|
|
|
|
Re: وارغو تااااااااني يا أبو الزمل ياخ ؟؟؟؟ (Re: طلحة عبدالله)
|
Quote: يا كابتن وليد ياخ إتا برضو ح تقول لي كلام المشجعين ..
إتا زول لعبت الكورة وفاهم شنو الفرق بين لاعب غير مفيد حتى ولو كان موهوب ولعاب زي
وارغو ولاعب مفيد حتى ولو كان منعدم المهارات ... |
عواااااافي يا حبيبنا طلحة
متين اللاعب بكون مفيد عندما يوظف حسب امكانياته وامكانيات اللاعبين الذين حوله
وحسب خطة اللعب
لذلك بعض المدربين لهم لعيبة بمواصفات عندما يذهبون الى اي نادي يسعون
الى ضمهم لانهم يطبقون مايرمي اليه المدرب حسب التكتيك والتكنيك الذي يلعب به
Quote: المدرب الألماني هورست الذي أدخل طريقة 3/5/2 في السودان في المريخ كان يعتمد على حبني
ولما درب المنتخب كان بخت حبني وبرشم أول حاجة وبعد كدا يتم عليهما التشكيلة فهل كان
حبني وبرشم أصحاب مهارات ..؟؟ |
هنا تم توظيف برشم وحبيني حسب امكانياتهم وليس مهارتهم لان اصلا هذا الثنائي كان يلعب حسب امكنياته
ويطبق كلام المدرب بالنوته لازيادة ولا نقصان هذا الثنائي عمل على صعود نادي ابوسعد الى الدرجة الاولى وكانو يلعبون له اطرف
يعني كلام مفيد ومامفيد دا مابتقال على وارقو لاعب يمتلك امكانيات كبيرة ويعلب مع انصاف لاعبي كرة قدم كيف يظهر امكانياته
Quote: بكرر ليك زي ما كررت هنا كتير انو أنا ما قلت وارغو ما لعاب أبدا بل قلت أنو غير مفيد
للمريخ ودا الكلام القاعد أقول فيهو من نص الموسم الأول الجاء فيهو هذا الوارغو .. |
طيب ياطلحة ممكن نعرف وارغو مامفيد في شنو لاعب صاحب اكبر صفقة كروية
لاعب بمثل هذه القيمة مفروض تبنى خطة الفريق حسب امكانياته
يعني وريني ضعيف او مامفيد وين في الناحية الدفاعية ام الهجوميه
ام في الشكل العام للفريق مامفيد معهم ..
| |
|
|
|
|
|
|
|
|
|
Re: وارغو تااااااااني يا أبو الزمل ياخ ؟؟؟؟ (Re: وليد عبد اللطيف)
|
يا كابتن وليد
كويس إتا اتفقت معاي انو أنا ما قلت وارغو لعاب أو ما لعاب ..
أما ما مفيد في شنو فهو كما وضح خلال الفترة السابقة ما مفيد للفريق ككل
كما أن صفقته سببت نوع من الحساسية والغيرة وسط لاعبي المريخ ومن بينهم عبد الحميد
السعودي وسفاري لأن مخصصاتو وامتيازاتو أعلي رغم انه لم يقدم الخدمات الفنية المأمولة
وكان على المريخ مخارجته بعد ان منحه الفرصة لمدة موسمين كاملين اللهم إلا اذا إتا بتشوف
يمنحو الفرصة لموسم تالت بس كمان ما تجي الموسم الجائي تقول يمنحو لموسم رابع ..
اللاعب ممكن يكون لعاب وصاحب إسم كبير وما ينجح في الفريق المعين رغم منحه الفرصة الكاملة
وفي هذه الحالة فإن الإبقاء عليه بحجة انو لعاب وأسم كبير وما عارف شنو يبقي نوع
من الخطل يا وليد .
| |
|
|
|
|
|
|
|
|
|
Re: وارغو تااااااااني يا أبو الزمل ياخ ؟؟؟؟ (Re: طلحة عبدالله)
|
Quote: يعني كلام مفيد ومامفيد دا مابتقال على وارقو لاعب يمتلك امكانيات كبيرة ويعلب مع
انصاف لاعبي كرة قدم كيف يظهر امكانياته.
|
كيفن الكلام دا عاد آ وليد اخوي ؟؟؟؟؟؟؟؟؟
طيب فرضنا زي ما قلت أنو لاعب مع انصاف لاعبين عشان كدا ما أظهر مقدراتو الكبيرة
أها في رأيك يشيلو اللاعبين ديل ويخلوهو براهو واللا الرأي شنو يا وليد أخوي ؟؟؟؟
معقولة ياخ دا كلام هسع .
| |
|
|
|
|
|
|
|
|
|
Re: وارغو تااااااااني يا أبو الزمل ياخ ؟؟؟؟ (Re: محمد حيدر المشرف)
|
Quote: محمد حيدر المشرف
مافي زول غالط في انو وارغو لعاب لامن غلط |
ياخي معقوله ياطلحة
نحن ياجماعة نقوم نتكلم كلام ناس مشجعين تعرف ليه ياطلحة
لان احيانا المشجعين ليهم رؤية فنية افضل من المدرب زاتو
ونبعد المنهجية والتخصصية من حواراتنا
لان مشكلتنا اكبر من انها تحل في بوست
بس انا بشوف ياطلحة انك لم توفق في هذا البوست
Quote: بكرر ليك زي ما كررت هنا كتير انو أنا ما قلت وارغو ما لعاب أبدا بل قلت أنو غير مفيد
للمريخ ودا الكلام القاعد أقول فيهو من نص الموسم الأول الجاء فيهو هذا الوارغو .. |
بتقول وارغو لعاب وما مفيد اتفقنا
طيب اذا انا عندي زول لعاب اذن بخليهو يكون مفيد بحيث اعمل على توظيفه بطريقة سليمة
وانت تعلم جيدا بان اولادنا يفتقرون التنظيم والتكتيك وكيف يعملون من اجل المنظومة داخل الملعب
المشكلة ياطلحة انك بتكرر الكلام الفوق دا
بعدين ياخي انت زول بتعرف كورة قدم وبتكتب وتشخص كويس لذلك كان لازم نوضح مثل هذه الامور الفنية
التي تحدث داخل الملعب واحيانا تكون بعيدة عن المشجع والاعلامي وممكن ترجع الى دكتور كسلا او احد المدربين في مثل هذه الامور
حتى توضح لك الرؤية .
Quote: كما أن صفقته سببت نوع من الحساسية والغيرة وسط لاعبي المريخ ومن بينهم عبد الحميد
السعودي وسفاري لأن مخصصاتو وامتيازاتو أعلي رغم انه لم يقدم الخدمات الفنية المأمولة
وكان على المريخ مخارجته بعد ان منحه الفرصة لمدة موسمين كاملين اللهم إلا اذا إتا بتشوف
يمنحو الفرصة لموسم تالت بس كمان ما تجي الموسم الجائي تقول يمنحو لموسم رابع .. |
معقوله ياطلحة مالك انت العايز تخذلني
يعني قصدك يقسم ليهم من الحافز وللا شنو عشان يرضو عنه ويلعبوهو داخل الملعب
يابوي دا احتراف يستحيل مستحقات ميسي تكون مثل انياستا في برشلونه
قبل كدا عجبني ( تجانا ) لاعب منتخب فرنسا لما عمل جنون في المنتخب وقال لازم يرفعوا ليهو اجره ومصروف الجيب
تعرف ليه لانه قدم عطاء كبير لذلك طالب بمستحقات اكبر ونفذوا له رغباته وبعد داك تعال شوف
نحن وين من مثل هذه الامور اللاعب يرفع من مستواهو اولا وبعد ذلك يطالب وبمواساته مع زيد في الملعب
Quote: كيفن الكلام دا عاد آ وليد اخوي ؟؟؟؟؟؟؟؟؟
طيب فرضنا زي ما قلت أنو لاعب مع انصاف لاعبين عشان كدا ما أظهر مقدراتو الكبيرة
أها في رأيك يشيلو اللاعبين ديل ويخلوهو براهو واللا الرأي شنو يا وليد أخوي ؟؟؟؟
معقولة ياخ دا كلام هسع . |
ههههههههه
لالالالالا ياطلحة كلامي ليس تقليل لهم وعن امكانياتهم كثيرا هنا قلت ناس موسى الزومة وبعض اللاعبين صغار السن محتاجين تطوير
وبعض لاعبي المريخ الكبار في السن محتاجين تحسين في امكانياتهم لانهم وصلو سن لايسمح لهم بالتطوير ..
لكي يكون هناك توازن داخل الملعب او شكلهم يتفق مع طريقة اللعب
كرة القدم عطاء ياطلحة والبقاء لمن يقدمه وخير مثال
عندما صعد روماريو بفريق البرازيل الى كاس العالم في التصفيات في كاس العالم تم استبعادة
بحجة ان عطاءه اصبح قليل وكما تم استبعاد رونالدينو من كاس العالم ودي طبعا لان اصبح رونالدينو محطم نفسيا بعد مشاكله في برشلونه
والان رجع الدوري البرازيلي وماقادر يستطيع ان يقدم تلت الذي كان يقدمة سابقا دي النفسيات والامور التي ممكن تصيب اللاعب اثناء مراحلة
هل ممكن تختلف معي بان رونالدينو لايعرف يلعب كرة قدم لالالالالالا ولكن ممكن نقول الاحباطات وصلته الى هذه المرحلة وهذا مثل ماحدث مع وارقو
وطبعا جمهور الهلال وناس الهلال لهم ضلع كبير باطلاقهم عليه لقب ماسورة
ياطلحة عشان كدا الدكتور مهم وسط الفريق لان في اشياء سيكلوجية بتحصل للاعب لايعرفها إلا الدكتور والمختص ..
Quote: وفي هذه الحالة فإن الإبقاء عليه بحجة انو لعاب وأسم كبير وما عارف شنو يبقي نوع
من الخطل يا وليد . |
زي ماقلت ليك كرة القدم الان اصبحت لاتعتمد على الاسماء الكبيرة ورنانه العطاء داخل الملعب هو الفيصل في مثل هذه الامور
Quote: نعم يا طلحه ..
وقطعا هو مفيد للفريق بما لا يقارن ابدا ب " حبنى " فى زمانه !! |
هههههههههه
ود المشرف سلامات ياغالي
| |
|
|
|
|
|
|
|
|
|
Re: وارغو تااااااااني يا أبو الزمل ياخ ؟؟؟؟ (Re: khaleel)
|
يا وليد عبد اللطيف يا حبوب
وارغو الأراجوز دا لمدة موسمين ما عمل حاجة مع المريخ أها بس كيفن مفيد يعني عايز أعرف الحتة
دي ..
وبعدين ياخ البوست ياتو الما موفق فيهو ؟؟؟؟؟؟؟
أنا لي سنتين بقول وارغو دا ما مفيد وأراجوز وانت قاعد في البورد دا أشمعني يعني البوست
دا تحديدا ..؟؟
| |
|
|
|
|
|
|
|
|
|
Re: وارغو تااااااااني يا أبو الزمل ياخ ؟؟؟؟ (Re: khaleel)
|
يا خليل سلامات Quote: اذا انسجم وارغو مع المريخ
|
أها متين ح ينسجم السجم دا ..؟؟؟
يعني المريخ دا يقعد حارسو كدا يدفع ليهو في المخصصات ويلعبو على حساب مواهب تانية
موجودة لغاية ما ينسجم حتى ولو بعد مية سنة واللا كيف ..؟
| |
|
|
|
|
|
|
|
|
|
Re: وارغو تااااااااني يا أبو الزمل ياخ ؟؟؟؟ (Re: طلحة عبدالله)
|
يا وليد انا بكرر الكلام لانو إتا لغاية هسع دي قاعد تقول لي وارغو لعاب ...
أقول ليك ياخ المهم الخدمات الفنية والفائدة التى يقدمها للفريق وما مهم كان لعاب واللا ما لعاب
تقول لي أبدا المهم العطاء ..
أقول ليك ياخ مستحيل يستغنوا عن كل الفريق لأنو في لاعب واحد ما قادر ينسجم معاهم تقول لي ابدا
المفروض اللاعبين الصغار يستفيدو منو والكبار يحسنوا مستواهم ..
طيب يا وليد أخوي الصغار ديل ما قادرين يتعلموا والكبار ما بقدرو يحسنوا مستواهم أها الرأي شنو ؟؟
وبعدين ياخ أشمعني وارغو دا بالتحديد ؟؟ عندك المرحوم أيداهور لعب مع نفس الفريق دا بصغارو وكبارو
وانسجم معاهم وبقي الهداف وأحد اخطر اللاعبين ..
ياخ في أي فريق في الدنيا إذا اللاعب أي لاعب مهما كان مستواه وأسمو ما قدر يقدم الشىء المطلوب منو
بعد منحو الفرصة الكافية لأي سبب من الأسباب طوالي بتخارجو منو وبشوفوا غيرو .
| |
|
|
|
|
|
|
|
|
|
Re: وارغو تااااااااني يا أبو الزمل ياخ ؟؟؟؟ (Re: طلحة عبدالله)
|
Quote: يابوي دا احتراف يستحيل مستحقات ميسي تكون مثل انياستا في برشلونه
|
يا وليد أقول وارغو والمريخ تقول انيستا وبرشلونة ؟؟
وحاة النعمة قاعد تبالغ لامن الواحد يشك أنك بتتعمد المبالغة ..
لا مقارنة بين عقلية ناس برشلونة وعقلية ناس المريخ ..
ناس أوربا ديل راضعين الإحتراف وناسنا ديل ما عارفين ذاتو شنو يعني الاحتراف ..
وبعدين ياخ لوفرضنا انو بعرفوا الاحتراف وأي حاجة فمقارنتك ميسي بوراغو لا محل
لها هنا لانو ميسي شايل الفريق وكان ادوهو قدر اللاعبين كلهم بى حقو لكن وراغو دا
ياخوي ما قدم ولو 1 من الف من المبلغ الدافعنو فيهو .
| |
|
|
|
|
|
|
|
|
|
Re: وارغو تااااااااني يا أبو الزمل ياخ ؟؟؟؟ (Re: طلحة عبدالله)
|
يا وليد والمشرف وخليل والجميع
مرة أخري أؤكد انو أنا ما قلت وارغو ما لعاب أو لعاب وما أتكلمت أبدا عن النقطة دي ..
كلامي كلو أنو وارغو ما أفاد المريخ خلال موسمين والشاهد فترتو القضاها مع الفريق
والدليل الاكبر أنو المريخ اعارو لفرق تانية..
والدليل الأكبر من الأكبر أنو مافي فريق تاني قال عايزو وحتى الفرق المشى ليها ما اتمسكت
باعارتو لفترة أضافية ليضطر المريخ لاعادتو لانو دافع فيهو مبلغ وقدرو ولانو فترتو ما أنتهت
والمصيبة أنو ما لقي ليهو عرض (أي عرض) من فريق تاني عايز الوراغو دا .
يبقي مسألة الأسباب شنو الخلتو ما يفيد الفريق دا موضوع تاني يمكن التداول حوله بمعزل
وما عارف والله لغاية هسع الغلط شنو في كلامي دا يا وليد أخوي لأنو دا كلام لا هو تنظير ولا
كمان توقعات أنما كلام واقع وعشناه قدامنا أنو الزول دا طوال فترتو مع المريخ ما كان
مقنع رغم الفرصة الكافية اللي أخدا عشان كدا بقاؤه في المريخ بحجة انو لعاب وما انسجم
أو لانو اللاعبين ما قدرو يعرفو طريقة لعبو وما عارف شنو دي حاجة ما منطقية لأنو ممكن الزول
دا يقعد تاني خمسين موسم والناس برضو تقول نفس الحجج بتاعت أنو ما انسجم وأنو اللاعبين
ما عرفوا طريقة لعبو .
| |
|
|
|
|
|
|
|
|
|
Re: وارغو تااااااااني يا أبو الزمل ياخ ؟؟؟؟ (Re: طلحة عبدالله)
|
لا اقول عداء مستفحل بين الحبيب طلحة
واللاعب وارغو.......
لكن ....
اخونا طلحة قنع من خيرن في وارغو
عشان كده ماعاوز يشوفو في المريخ تاني
لانو الملاحظ انو طلحة بيعترف بانو وارغو لعااااااب
( وانا ايضا والكثيرين .....)
لكن هو يري انه لم يفيد المريخ لموسمين فهذا يعني
عدم النجاح ....وهي وجهة نظر نحترمها .
انا اري ان فترة الستة اشهر التي قضاها وارغو في
ليبيا ربما غيرت الكثير ورفعت عن كاهله الضغط
الذي انصب عليه طيلة وجوده مع المريخ .
الان اعتقد بان وارغو سيفيد المريخ لانو لعاب
وعندو الجاهزية للنجاح .
المهم....
ربما يفوز المريخ بسيكافا....وربما لا يفوز
فقط نتمناها مريخية بوارغو او بدونه .
طلحة ياحبيب
سلام ليك ولضيوفك
| |
|
|
|
|
|
|
|
|
Re: وارغو تااااااااني يا أبو الزمل ياخ ؟؟؟؟ (Re: haroon diyab)
|
يا هرون يا حبيب
ليبيا رفعت الضغط عن وارغو كيف يعني ؟؟
السؤال هل نجح اللاعب في ليبيا ؟؟؟؟؟؟؟
طيب فرضنا انو نجح شنو الاتغير في المريخ خلال الستة أشهر دي ؟؟؟
والسؤال الأهم يا هرون ..
لو أستمر فشل وارغو الرأي ح يكون شنو ؟؟
هل تتم اعارتو لفريق تاني وبعد ستة أشهر تجوا تاني تقولوا أنو ح ينجح لأنو الضغط زال منو
واللا كيف ؟؟
ياخ موسمين ديل خلاص المفروض لو بدا الكورة من الف باء تاء يكون حفظا حفظ .
| |
|
|
|
|
|
|
|
|
|
Re: وارغو تااااااااني يا أبو الزمل ياخ ؟؟؟؟ (Re: haroon diyab)
|
يا هرون يا حبيب
وليه التونسية ياخ لازم تدوهو فرصة تالتة ورابعة وخامسة ..
صبرتوا عليهو كتير يغلبكم تصبروا عليهو المرة دي برضو يعني ؟؟
أصلو كدا كدا المريخ دا ضايع ضايع وما فرقت كتير يعني ..
هارون كدا خليهو كلام وراغو المريخ ما ح يعمل حاجة في سيكافا أيه رأيك ..؟
| |
|
|
|
|
|
|
|
|
|
Re: وارغو تااااااااني يا أبو الزمل ياخ ؟؟؟؟ (Re: طلحة عبدالله)
|
Quote:
فوق لصاحبي طلحة
اذا انسجم وارغو مع المريخ
قطعا النجاح حليفه |
ما اسعدك ياليل ماحلى ليلتنا الليله زارنا الغيث والفرحة طلتنا
كيف ياباعث الفرح بالمنبر الهلالابي الجميل خليلوف
ياخي اسمعنا مره
احب اقيف امامو واغني === واقول ليهو اسمع منى
دي اسمها الانسجام والتفاهم والتناغم وكلها تمثل هارموني كروي جميل يا إت
Quote: وبعدين ياخ البوست ياتو الما موفق فيهو ؟؟؟؟؟؟؟
أنا لي سنتين بقول وارغو دا ما مفيد وأراجوز وانت قاعد في البورد دا أشمعني يعني البوست
دا تحديدا ..؟؟ |
العفوووووووووو ياطلحة ياخ انت عارف انا بحبك وبحلف بك وللا ماك عارف بالمره
لكن احيانا اقرا واتأمل كما يتامل اخونا حسين ملاسي وانت تعلم جيد اين ماتكتب نكون خلفك
شكلك عايز تديني الكرت الاحمر معليش ياطلحة امكن الان وجدت فرصة للرد وليس لي اي اغراض دنيئة والله
معليش في السنتين ديل انا بشوف كان تكتب كيف نستفيد من امكانيات وارغو وكيف نجعلة مفيد للفريق
وهو صاحب اكبر صفقة كروية في تاريخ الكرة السودانية الزول دا ماجاكم مابعرف كورة مشكلة المريخ ماعرف يستفيد للان من
اللاعب وارغو اقلاها كان يعرف كيف يتم تسويقة وتحويلة الى اي نادي اخر هذه سياسة كرة القدم
Quote: يا وليد انا بكرر الكلام لانو إتا لغاية هسع دي قاعد تقول لي وارغو لعاب ...
أقول ليك ياخ المهم الخدمات الفنية والفائدة التى يقدمها للفريق وما مهم كان لعاب واللا ما لعاب
تقول لي أبدا المهم العطاء .. |
انا غالطتك ياطلحة .. لعاب .. خدمات فنية وفائدة .. عطاء
دي اشياء مرافقة للاعب الناجح
واذا عالطتك معناها رونالدينو كان يلعب ليوم الدين في برشلونه ومنتخب البرازيل
Quote: المفروض اللاعبين الصغار يستفيدو منو والكبار يحسنوا مستواهم ..
طيب يا وليد أخوي الصغار ديل ما قادرين يتعلموا والكبار ما بقدرو يحسنوا مستواهم أها الرأي شنو ؟؟ |
معناها عندك مشكلة ادارية كبيرة بتسجل بطريقة عشوائية ولم يسجل اللاعب حسب احتايجات النادي له بل ارضاء للسماسرة
والارزقية المرتزقة التي كل يوم تقتل الرياضة بالسودان الف مره في اليوم ابحث عن هذا الموضوع اخي وحبيبي طلحة
Quote: يا وليد أقول وارغو والمريخ تقول انيستا وبرشلونة ؟؟
وحاة النعمة قاعد تبالغ لامن الواحد يشك أنك بتتعمد المبالغة ..
لا مقارنة بين عقلية ناس برشلونة وعقلية ناس المريخ ..
ناس أوربا ديل راضعين الإحتراف وناسنا ديل ما عارفين ذاتو شنو يعني الاحتراف .. |
لالالالالالا ياطلحه ياخ
اذا الناس دي ماعارفة انت بتوريهم برؤيتك وحجتك وانت زول بتكتب والناس بتقرا ليك ياطلحة تعرف كلامك دا بذكرني
ناس المساطب البقولو ليك ياخي العب بالعربي والله الكلمة دي بتزعلني كيف لان متين نرتقي ونتعلم من الناس التي استفادة
من تجاربنا وعلمنا وهذا الوقت الذي يجب ان نستفيد منهم .
Quote:
انا اري ان فترة الستة اشهر التي قضاها وارغو في
ليبيا ربما غيرت الكثير ورفعت عن كاهله الضغط
الذي انصب عليه طيلة وجوده مع المريخ .
الان اعتقد بان وارغو سيفيد المريخ لانو لعاب
وعندو الجاهزية للنجاح . |
هارون ياصفوة عسل انت وسكر انت ياخ
ياطلحة كيف تسجل عداء للاعب ولم تراعي له هذه النقاط المهمة
انت زول بتحب المريخ
وتاني وتالت وارغو لاعب مكلف
ولانريد له الاستعجال بذهابه من المريخ بخسارة وتوجد مليون طريقة في حال الاستغناء عنه
لاتكن مثل الذين يشكلون عداءات مع اللاعبين من الاداريين والصحفيين
Quote: وبعدين ياخ أشمعني وارغو دا بالتحديد ؟؟ عندك المرحوم أيداهور لعب مع نفس الفريق دا بصغارو وكبارو
وانسجم معاهم وبقي الهداف وأحد اخطر اللاعبين .. |
معقووول ياطلحة هكذا المقارنات
.
.
.
طلحة معليش مضغوط وبرد عليك باستعجال هنا ... بعدين برواقه كدا بنتكلم
| |
|
|
|
|
|
|
|
|
|
Re: وارغو تااااااااني يا أبو الزمل ياخ ؟؟؟؟ (Re: وليد عبد اللطيف)
|
يا وليد ياخ كرت احمر منو العايز أديك ليهو قول بسم الله
وبعدين ياخ أقول ليك موسمين تقول ليك مستعجل في الحكم عليهو
أها طيب عدم الاستعجال في الحكم دا بكون بعد كم موسم كدا ؟؟؟؟؟
الشىء التاني ياخ كلامي بتاع الاحتراف دا ما عاشن اتعلموا القراء انما عشان
أوريك أنو البدفعو برشلونة لميسي ما عندو علاقة بالدفعو المريخ لوارغو
برشلونة نادي محترف والمريخ نادي هاوى لا علاقة له بالإحتراف ..
وبعدين لو جيتك ع حسب مقارنتك فهل تفتكر لو ميسي دا ما خدم برشلونة
وشال الفريق ح يخلوهو ...؟؟؟ طبعا ما ح يخلوهو ..
المهم من الآخر كدا ..
نحن متفقين في أنو ما المهم اللاعب يكون لعاب واللا ما لعاب زي ما المهم أنو يفيد
ودا ذاتو الكلام البتكلم عنو (وراغو غير مفيد ) ..
وشايفك رجعت تاني قلت أدوهو فرصة ودا معناتا أنك متفق معاي أنو ما قدم حاجة للمريخ
خلال السنتين الفاتو ديل ..
طيب يا وليد الفرصة المحتاجة وارغو دا عشان الناس تحكم عليهو كم موسم مثلا ؟؟
بس عايز إجابة على السؤال دا .. طالما أنك ما مقتنع انو الموسمين فترة كافية .
ملحوظة:
تاني يا كابتن وليد لو جيت قلت كرت أحمر وبطيخ بنط فيك بعوقك ..
| |
|
|
|
|
|
|
|
|
|
Re: وارغو تااااااااني يا أبو الزمل ياخ ؟؟؟؟ (Re: وليد عبد اللطيف)
|
Quote: وتسبب في مشاكل عويصة ليس أقلها رحيل
مهاجم هداف وموهوب مثل عبد الحميد السعودي . |
لو وارغو هو المسئول عن شطب عبد الحميد السعودي يبقى يستاهل أحلى تحية وألف بوسة على راسو
بالمناسبة سعادة المهاجم الهداف الموهوب دة الآن بيلعب في الخرطوم .. تقدر تقول لي جاب كم هدف في الدورة الأولى ؟
والله أنا خايف ناس الخرطوم ذاتهم يشطبهوه
| |
|
|
|
|
|
|
|
|
|
Re: وارغو تااااااااني يا أبو الزمل ياخ ؟؟؟؟ (Re: أحمد محمد عمر)
|
يا أحمد محمد عمر
السعودي لاعب هداف سجل للمريخ أهداف عديدة وقاده لتحقيق نتائج حاسمة بغض النظر عن أي مآخذ عليهو ..
السعودي وسفاري وغيرهم أبدوا تبرما في شكل تمرد على المريخ بسبب التركيز على وارغو لأنه كان ينال
كل شىء ولا يفعل أي شىء عكسهم تماما.
تمرد السعودي انتهي بشطبو فيما كان سفاري أكثر حظا منه ووجد من يواسيه ويقنعوا بالبقاء لغاية الآن .
| |
|
|
|
|
|
|
|
|
|
Re: وارغو تااااااااني يا أبو الزمل ياخ ؟؟؟؟ (Re: طلحة عبدالله)
|
يا كابتن وليد من وجهة نظري أنو بقاء وارغو في المريخ لمجرد أن النادي دفع فيه مبالغ طائلة
ح يكون ميتة وخراب ديار لأن وجوده يعني مزيد من المنصرفات والخسائر المادية فضلا عن الفنية
بيد أن دخوله في التشكيلة ستكون على حساب لاعب آخر حتما سيكون أفيد للفريق .
| |
|
|
|
|
|
|
|
|
|
Re: وارغو تااااااااني يا أبو الزمل ياخ ؟؟؟؟ (Re: طلحة عبدالله)
|
طلحة سلامات
أعتقد إنو الوالي دا أصر إصرار شديد علي سيكافا دي ودعمها بالدولار عشان ماتتلغي...دا كلو عشان خاطر وارغو....إن شاء الله يحرز هدف واحد بالرغم من إنو عارف إنو سيكافا وكأسها لا تعني شيئا....الزول دا شكلو مغبون شديد....كل صفقاتو طلعت مضروبة ...اخرها موضوع الحضري
الله يعينكم
| |
|
|
|
|
|
|
|
|
|
Re: وارغو تااااااااني يا أبو الزمل ياخ ؟؟؟؟ (Re: د. ياسر عبد القادر)
|
دكتور ياسر سلامات Quote: كل صفقاتو طلعت مضروبة ...اخرها موضوع الحضري
|
الكهل المصري الحضري دا من قبل ما ينتقل قلنا ليهم دا زول عديم الولاء
والقيم والمبادىء لأنو باع النادي الذي تربي فيه كرويا بحفنة دولارات فلا تتورطوا
في التعاقد معه لكنهم وكالعادة ركبوا رأسهم وكابروا ######روا من كلامنا ومضوا في
عبثهم يعمهون ..
اللهم لا شماتة
| |
|
|
|
|
|
|
| |
طلحة عبدالله
ياسر نجيلة
HAIDER ALZAIN
7abib_alkul
وليد عبد اللطيف
محمد حيدر المشرف
د. ياسر عبد القادر
khaleel
haroon diyab
فيس بوك
تويتر
انستقرام
يوتيوب
بنتيريست