|
براءة بس ومنقة مص والحب بالدس - تا ( ود جبرين نموذجا )
|
ود جبرين ليس المقصود به زميل البورض المعروف طارق جبريل وانما هو بطل حكايتنا الواقعية هذه ومعظم ابطالها حيون يزرقون ولكنهم بعيدون في الخلا والصي قدم الينا الناير ود جبرين من ارض البطانة يحمل معه كل ارثها كيفا وكما باطنا وظاهرا مستنكرا علينا لبس البنطلون فعيرنا بالكارب صليبو وحتى طريقة الكلام عندو فيها رائ وفي نفس الوقت ونحن عيال قرية لم ياتي الينا من المدينة الا الموز والرغيف والشارلستون والجزمة الدبابة والخنفس نستغرب هيئته من راسه لقدميه ففي راسه يحمل العرف وفي رجليه ما زال يلبس الشدة السوداء جلس بعيدا عنا في ليلة مقمرة ورا الحلة نتسامر ونحن نهرب من عمر الطفولة لندخل المراهقة باندفاع شديد وحكاوينا لاتخرج من سراويلنا فنحن نعيش عمر الاعتزاز بالنفس واظهار العضلات حتى لزوم ما لا يلزم منها نظهرهه عينك عينك والنايرهناك يراقب الموقف الذي لا يعجبه ولكنه مجبر عليه ولو ادى لانحرافه مع المطاميس حسبما يعتقد وشوية شوية يزحف تارة ويبتعد تارة اخرى فازاح عنه ود اب علالة الخجل وقال ليهو يا الناير بتعرف الحب ؟ كان بتعرفوا تعال ورينا الحب عندكن كيف ؟ ونحن نوريك الحب عندنا كيف ؟ . . نواصل
|
|
|
|
|
|
|
|
Re: براءة بس ومنقة مص والحب بالدس - تا ( ود جبرين نموذجا ) (Re: عبدالله ود البوش)
|
انتفض من جلسته وهو يردد عبارته يا الشيخ بدوي تمسكني من اضاني وتدويني لبكاني وهو لا يلوي على شئ غيرالرحيل الى حيث يرقد شيخه الجليل . . يا با متين نرجع البطانة يا الناير ولدي نحن لاسع جدادنا كرعيهو ما انطلقت من ربيط الرحيل تقول لي نرجع يا الناير ولدي كدي اسع امش اسقي بهيماتك ديل في الترعة وتعال الله احلنا من سقاية الترع والضوران وهذه المرة ردد والده جبرين مضيفا اليها شكوى مرضية يا الشيخ بدوي تمسكني من اضاني وتوديني لبكاني اكل الويوك قد مصراني . . تمر الايام ولابد للناير من معايشة المجتمع الجديد وتاني مشى ليهن في بكانن حيث يتسامرون ويقهقهون ويمارسون العادة السرية علنا
| |
|
|
|
|
|
|
Re: براءة بس ومنقة مص والحب بالدس - تا ( ود جبرين نموذجا ) (Re: عبدالله ود البوش)
|
فاستقبله ود اب علالة الشويطين استقبالا حارا عازم العقد على تحريفه وانجرافه من تيار البطانة الى مجتمعهم القروي المتصاعد سريعا الى المجتمع المدني المطمم بطن الناير منهم اتو يا الناير في بلدكن هناك ما عندكن حب كلو كلو ولا شنو ؟ عندنا يا ود اب علالة لكن جنس مسختكن دي ما عندنا اها وريني حبكن كيف ..... حبكن ... حبكن فيهو بوس آ الناير البوس شنو آ المسخوت ما بتعرف البوس آ الناير البوس دا اهم حاجة في الحب البوس آ الناير البت البتحبها لازم تبوسا عشان تعرف حاجة كيف آ المسخوت وهو شبه عرف حاجة يعني يا الناير تتونس معاها وتتونس وتتونس وكان شفت كديسة جنبكن تقول ليها دي كديستكن تقول آ الناير دي كديستنا اها وهي نتعاين للكديسة تقوم ات فجأة كدي تسلم عليها في خشما وتجري تنهر غنمك . . يا الشيخ بدوي تمسكني من اضاني وتوديني لبكاني وهذه المرة عملا حركة ساهي وهو يلوي على البوس ان شاء الله القى الكديسة
| |
|
|
|
|
|
|
Re: براءة بس ومنقة مص والحب بالدس - تا ( ود جبرين نموذجا ) (Re: عبدالله ود البوش)
|
التومة بت عمي ارح نقدم البهيمات ديل لقدام آ التومة سمح آ عشا البايتات القوى . . التومة ات بتحبيني آ التومة الناير انا راجعة آ الناير وبكلم ابوي يا الناير التومة خلاس انا غلتان تاني ما بقول كدي خلاس سمح ونظرت اليه نظرة اعادته لمربعه الاول التومة دي سخليتك آ التومة آي دي سخليتي مالا ؟ وات يا الناير تركب قدومك في خشم البت لمن سنو قالت تجججججججج في سنها ولم فيها مص ..... مص .... لمن عافت البصاق وهي مستغربة ومندهشة ات آ صبي انا منقاتك بتمصني كدي انا منقاتك آ جنا
| |
|
|
|
|
|
|
Re: براءة بس ومنقة مص والحب بالدس - تا ( ود جبرين نموذجا ) (Re: HAIDER ALZAIN)
|
. . في الوقت داك يا حيدر نحن الحصاحيصا ما شفناها . . قال فرنصا قال ياخي نحن القصيدة بتاعت وخاطبت عيني في لغة الهوى عيناك . . وشنو كدي ما عارف وقبلت لماك كانت في الثانوي العام كنا بتعتبرها قلة ادب . . والله يا حيدر انا مرة والحبيبة اتلاقينا فجأة في زقاق عاينت بوراي عشان اجري لقيت الخلف ما فيهو طريقة وطبعا قدام مستحيل فاقرب حل اتعنكشت في الحيطة وتلب في حوش الناس وقعت ليهن في العنقريب النايم فيهو الشافع واخدت علقة لاسع مذكرا وسيد البيت ما اقتنع باني برئ الا بعد ان نفذت له مرابحة في 1989 م وحينها كنت ماسك الاستثمار في البنك وحكيت له تلك الحادثة لانو وقتها لايمكن يصدق باني منتظر باظ السوق
| |
|
|
|
|
|
|
|