|
شكراً بكري أبوبكر،،،
|
من لا يشكر الناس لا يشكر الله عز وجل.
أحب أن اعبر عن مدى إعجابي وتقديري لأسرة سودانيزاولاين وبكل كلمة وهمسة وعبارة صادقة أتقدم بالشكر والاحترام للقائمين بهذا المنبر ... وأخص الاستاذ / بكري أبوبكر،،،
كما أحب ان اشكر الاخوة الزملاء بالسعودية - برياض الخير .. والعاملين في المجال الاعلامي والصحفي ، ولهم الفضل في تسجيل عضويتي الاساتذة: التيجاني عبد الباقي الكوتش نجيب عصام الدين نصر كمال علي ابراهيم
أتمنى من الله أن يوفقني واقدم كل ما هو قيم ومفيد في مجال المعلومات والحقائق لإثراء هذا المنبر ...
كما اتمنى ان اكون اضافة حقيقية لهذا المنبر الرائع ببصمات روعتكم في باقة من الجمال تجمع محبي الكلمة الدافئة والعبارة الصادقة .. سودانيزاولاين ..
ولكم مودتي دوماً،،،،
|
|
|
|
|
|
|
|
Re: شكراً بكري أبوبكر،،، (Re: محمد نجيب عبدا لرحيم)
|
سلامات عوافي
دعني ارحب بك هنا ..
واضم صوتي معك لايصال صوت الشكر الي ادارة سودانيزاونلاين ممثلة في اخي بكري ابوبكر ..
والموسيقار الجميل .. الموصلي ..
الذي اوصلني الي هنا مشــكوراً ..
واتمني ان يكون قبولنا اضافة حقيقية الي منتداكم ..
ولكل الاعضاء هنا التحية والاحترام ..
| |
|
|
|
|
|
|
Re: شكراً بكري أبوبكر،،، (Re: حاتم تاج السر المبارك)
|
حتومي يا لذيذ،،،
الحوش منور بوجودكم ... وبي ناس الباوقة كمان ههههه....
ويالهليت فرحت قلوبنا إطريتنا الليلة وجيتنا كنا فرشنا السكة ورود لو كلمتنا كان بالجية خطوة عزيزة ويوم موعود الخلاك تطرانا شوية
ومنتظرنك تاني تعود ،،،
| |
|
|
|
|
|
|
Re: شكراً بكري أبوبكر،،، (Re: محمد عوض السيد)
|
يا دفعة ،،،
الجماعة شايلين هم من موسم شهر 6 .....!!!
أن شاء الله كل خير وبركة ...
ومشكوووور أخوي محمد عوض السيد على الترحيب، وكذلك أضم كلمات الود وا لترحيب لترسم أرق العبارات ترحيباً لشخصكم الكريم في تسجيل عضويتكم من خلال هذا المنبر الرائع...
وأكرر الشكر للاستاذ بكري أبوبكر مرة أخرى ... وتحية خاصة ملفوفة بباقات الورد الخالص للموسيقار الموصلي وعلى قدر الشوق،،،
مع أحلى الاماني،،،
| |
|
|
|
|
|
|
Re: شكراً بكري أبوبكر،،، (Re: nada ali)
|
الاستاذ خبير
تحية طيبة ونورت الدار , ننتظر مشاركاتك خصوصا نبض التقنية هذا المقال الاسبوعي الذي نطالعه بلهفة عبر صحيفة الخرطوم .
لك التحية وللاستاذ بكري ابوبكر صاحب الحوش الفسيح سودانيزاون لاين واريحيته.
مع تقديرى
تيجاني
ز
| |
|
|
|
|
|
|
Re: شكراً بكري أبوبكر،،، (Re: التيجاني عبد الباقي)
|
أستاذي المحترم / التيجاني
لك أرق تحايا ممزوجة بعطر الورد الفاخر ... وتحية عامة لأسرة سودانيزاون لاين بالحوش الفسيح وحيث الهمبريب،،،
ومشكووور أستاذي تيجاني على الترحيب والمرور،،،، والدار منورة بيكم والله وبأسرة رابطة الإعلاميين السودانيين بالخارج ...
وان شاء الله سوف أكون عند حسن الظن،، عبر عمودي الموسوم بـ(نبض التقنية) عبر صفحة الساحة والصفحة الالكترونية بجريدة الخرطوم .. وبعض المواضيع والمشاركات المتنوعة، إضافة الى حلو الكلام عبر كلمات الاغاني...
مع خالص الشكر والتقدير لكم مرة أخرى وللاستاذ بكري أبوبكر ،،،
في أمان الله،،،
| |
|
|
|
|
|
|
Re: شكراً بكري أبوبكر،،، (Re: ابي عزالدين البشري)
|
ماهو باين فى العيون وين حنهرب منو وين الهوى البعث الليالى العامره بى ذاد الشجون يفتح قلوبنا ديار محبه ديار محبه ديار حياه للعائدين
يا هلا ومرحب بالاستاذ أبي عز الدين البشرى ،،،
سودانيز اون لاين منورة بأهلها ... سعدت بوجودك،،،
وهااااك الحب والظروف ... للاستاذ الصحفي المحنك فضل الله محمد ،،،
لو تسافر دون رضانا بنشقى نحن الدهر كله ما بنضوق فى الدنيا متعة وكل زول غيرك نمله أقل حاجة تخلي سفرك حتى لو إسبوع أقله وإنت عارف نحن بعدك للصباح دايما نساهر
| |
|
|
|
|
|
|
Re: شكراً بكري أبوبكر،،، (Re: Abdlaziz Eisa)
|
المحترم / عبد العزيز عيسى
بعد التحية والسلام،،
الديار والحوش منورة بوجودكم .. وأنتم الخير والبركة، وسودانيزأون لاين مفخرة بكم ...
مشكووور أخي عبد العزيز ونقول إن شاء الله يا رب،،
تقبل تحياتي دوماً،،،
| |
|
|
|
|
|
|
Re: شكراً بكري أبوبكر،،، (Re: عبدالكريم عبدالله)
|
اصلو الشهر روح جرى ... شهر 6
إيديك العافية أستاذ عبد الكريم عبدالله،،،
نورتنا والله ومشكووور وكتر الف خيرك ،،، وجزيل الشكر لأستاذنا بكري أبوبكر،،،
وهاك كلمات حجة امنة،،،، حيث العقد الفريد،،،
حجة امنة اتصبري عارفة الوجع في الجوف شديد وعارفة كمان ما بتقدري جاهلك شكي وجاهلك بكي وفي بيتك المرق اتكي والشي بيحير ومابحير مابيها يا حجة الزكاة صبح الصباح لو ليك مراد يا حجة ما تطلع شمس والليلة ياحجة عندك زي امس لسه الرويدي من الصباح من مدة ما جاب ليك خبر كان جوفو زي جوف العيال من مدة داير ليه حجر والله علي الزمن الحجر المابي بالصبر يتكري وسرحتي يا حجة في هموم العيال كيفن يعملو مع الدروس وسرحتي في حق الفطور وباقي الامور البي القروش واحد زمن داير ردا واحد خلاص قلمو اتكسر زي التقول اكلو الصبر ومشيتي لي برج الحمام برجك صفيحتين ما بزيد كان تلقي ليكي جوز جديد يمكن بعد طلع الصباح يغشاك زول يشتري هبشتي جاي فتشتي جاي كان تلقي سكر بس محال باقي الرطيل الفي الكرت يا حاجة سفوهو العيال يا حليل زمان وايام زمان وسنين زمان يا حاجة لو تزكري عندي صبيان حرين الا بالعيب متوشمين دنقرو سرقو 150 الله وياسين دنقرو سرقو 150 الرهيد يوم جفاء لينا وجوز الوزين فارق ربوع ام زينة شجر ضليل ميت بزرا بيابا الطينة دلال العيال مات .... والحالة صعبة علينا دنقرو سرقو 150 وسمعتي صوت جاك من بعيد وبعد قليل بابك ضرب شالك تعب ختاك تعب يااااااا حاجة ناس الموية جووك اصلو الشهر روح جرى وبعد صراع وصراع طويل ياحاجة بينك وبين المحال مالقيتي في داك النهار شيتا يجو ياكلو العيال حبة عدس مابسوي شي وينو البصل وينو اللحم وحبة عجين مابسوي شي وينو الدقيق وينو الفحم من جاي لي جاي فتشتي جاي هبشتي جاي لازمك كتير تتقدري ياااااااا حاجة امنة اتصبري
| |
|
|
|
|
|
|
Re: شكراً بكري أبوبكر،،، (Re: خبير عثمان محمد)
|
Quote: حجة امنة اتصبري عارفة الوجع في الجوف شديد وعارفة كمان ما بتقدري جاهلك شكي وجاهلك بكي وفي بيتك المرق اتكي والشي بيحير ومابحير مابيها يا حجة الزكاة صبح الصباح لو ليك مراد يا حجة ما تطلع شمس والليلة ياحجة عندك زي امس لسه الرويدي من الصباح من مدة ما جاب ليك خبر كان جوفو زي جوف العيال من مدة داير ليه حجر والله علي الزمن الحجر المابي بالصبر يتكري وسرحتي يا حجة في هموم العيال كيفن يعملو مع الدروس وسرحتي في حق الفطور وباقي الامور البي القروش واحد زمن داير ردا واحد خلاص قلمو اتكسر زي التقول اكلو الصبر ومشيتي لي برج الحمام برجك صفيحتين ما بزيد كان تلقي ليكي جوز جديد يمكن بعد طلع الصباح يغشاك زول يشتري هبشتي جاي فتشتي جاي كان تلقي سكر بس محال باقي الرطيل الفي الكرت يا حاجة سفوهو العيال يا حليل زمان وايام زمان وسنين زمان يا حاجة لو تزكري عندي صبيان حرين الا بالعيب متوشمين دنقرو سرقو 150 الله وياسين دنقرو سرقو 150 الرهيد يوم جفاء لينا وجوز الوزين فارق ربوع ام زينة شجر ضليل ميت بزرا بيابا الطينة دلال العيال مات .... والحالة صعبة علينا دنقرو سرقو 150 وسمعتي صوت جاك من بعيد وبعد قليل بابك ضرب شالك تعب ختاك تعب يااااااا حاجة ناس الموية جووك اصلو الشهر روح جرى وبعد صراع وصراع طويل ياحاجة بينك وبين المحال مالقيتي في داك النهار شيتا يجو ياكلو العيال حبة عدس مابسوي شي وينو البصل وينو اللحم وحبة عجين مابسوي شي وينو الدقيق وينو الفحم من جاي لي جاي فتشتي جاي هبشتي جاي لازمك كتير تتقدري ياااااااا حاجة امنة اتصبري |
تسلم الأنامل......... خبير..مالك بتحبش في الغناوي الحزينة؟؟؟ اااااااااااااااااااااه حاجة امنة دي امي..اختي..الحنان وجارتي... الله يلعن الـــ كان السبب كريمو
| |
|
|
|
|
|
|
Re: شكراً بكري أبوبكر،،، (Re: عبدالكريم عبدالله)
|
الله يسلمك " كريمو" ،،،
السودان دا ما كلوا حزين ،،، زي حجة آمنة،،، ست الكل ...
نسأل الله أن يعم الخير والأمن والسلام جميع ربوع السودان الحبيب،،،
وتوصية مع الشكر لسعادة المهندس بكري أبوبكر بمد التسجيلات لشهر إضافي ،،،
مع فائق تحياتي يا كريمو تسجيلات شهر 6 ،،،
| |
|
|
|
|
|
|
|