|
|
 الشيوعي هاجس الموهومين, ادخل, اقرا, واضحك!!!!
|
منير شيخ الدين: الشيوعي هو الموجه لعمل الحركة بجنوب كردفان
كَشَفَ منير شيخ الدين القيادي بجنوب كردفان، المرشح السابق لرئاسة الجمهورية، أن الحرب في الولاية لم تكن وليدة الصدفة، وقال إنّه تَمّ التخطيط لها منذ أمد طويل وتداخلت فيها العديد من الأيادي التي لديها أجندة، بجانب الأفق الضيِّق لقيادات الحركة الشعبية في الولاية، وأضاف: لاحظنا بعد وقف إطلاق النار أن الحركة بجنوب كردفان تعمل على تجنيد الشباب وعسكرتهم ولها مناطق مقفولة تطلق عليها المناطق المحررة يتم فيها إعداد الكوادر العسكرية للحرب في ظل غياب المفاهيم الأخرى للأحزاب لهذا الشباب الغض الواعد. وأوضح شيخ الدين في حوار مع (سونا) أمس، أن الحركة في جنوب كردفان لم تستطع طيلة هذه الفترة الفكاك من الحركة الأم حتى بعد إختيارها الإنفصال، وأن الحركة ظلت تأخذ الأوامر من الجنوب وتسير بأفكار قيادات الجنوب وابتعدت برؤاها عن القيادات الأخرى في جنوب كردفان، وقال إن الشيوعي هو الموجه لعمل الحركة بالولاية. ولم يستبعد شيخ الدين أن تكون سرعة التصعيد في قضية جنوب كردفان ما هي إلا لتحقيق مكاسب لأعداء الشمال، وقال: نحن نرصد قيام الحركة بإعداد مراكز للتدريب، وانها زاهدة في السلام بالولاية، وظلت تعد نفسها للحرب.
http://www.rayaam.info/News_view.aspx?pid=1008&id=82090
|
|
 
|
|
|
|
|
|
|
 Re: الشيوعي هاجس الموهومين, ادخل, اقرا, واضحك!!!! (Re: فايزودالقاضي)
|
فايز ود القاضي
سلامات
| Quote: الشيوعيين ديل بقوا ينافسوا اسرائيل في عقلية الموهومين عندنا .. |
مش مبالغة يا فايز بالله!
الشيوعيين ديل يحوقو شنو ولا شنو?
يعني يقفلوا بلوفة الموية في الخرطوم عشان تقوم المظاهرات, ولا يمشوا يدربوا الجيش الشعبي في جبال النوبة?
والله يا فايز انا خايف بكرة يقولو الشيوعيين بدوا اسرائيل دروس عصر !
اي فاشل شماعتو الشيوعي.
| |
|
|
|
|
|
|
|
|
|
Re: الشيوعي هاجس الموهومين, ادخل, اقرا, واضحك!!!! (Re: بدر الدين احمد موسى)
|
هو انا شاكلتك متين؟
يا زول ماتطمن روحك ساي .. انت شكلي ما شفتولسه .. لم نستخدم القوة بعد!! .. او كما قال
نقطنا بسكاتك دي مسابقة ياخ .. و فيها جوائز .. شبال يليق بصلعة الخال .. و قيل بكري همسلف .. المافي شنو!؟
بس كدا دخلناك السحب على الجائزة الكبرى... دا ما شكل ياخ!
انا بقدر اشكالك ياخ!؟
انت البقيت تجليها واقفة ياخ!
البوست داك واقع لي في جرح ...
حبيبنا دكتور مجدي عاوز يثبت ليهو فرضية مستحيلة ..
مفادها انو " تسجيلات الربع التالت " خطيرة ؤكدا!!
و عجبني للمرقوت انو الناس استبيضو ليهو البوست الكسر ليو تلج لمن اثلج صدورنا* دا ذاتو
هل موضوع البوست داك خلاس بالخطورة دي؟
كلو من الشيوعيين بس
اسي التحليل الماركسي لمشكلتنا ( الحقوقية ) دي شنو!؟
مش انو دي حلقة من سلسلة الصراع التاريخي بين مالك البورض و الشغيلة البورداب البناضلو من أجل موازنة شرط العمل المايل هنا دا!؟
و تيب!!؟
مش حسين خوجلي قبل كدا قال انو راقب ليو فار بقرض في ( حاجة ) كدا، بهمة ماركسية للخراب المستعجل!!
تاني تيب
------
* لووووووووووب
بالنسبة لي دينا ..
لوووووولين تلاتة ياخ!
زماااااان اتجاوزنا مرحلة كسير التلج ..
انا رئيس رابطة المعجبين همسلف، في بورد من لا حقوق لهو دا
بتكون عارف نكتة ابكرونا مش؟
طيب نحكيها ليك تاني ... المافي شنو!؟
قليك ابكرونا في رمضان مشى يجيب التلج عصاري كدا ..
اها و كشفت - على مقياس سبعينات و تمانينات القرن المنصرم - فاتح زراير القميص لي صرتو ..
صاحبك بتاع التلج كل ما ينقر لوح التلج ببدال العجلة - رالي يا بنانية اصلية بعادمين - اها رزاز التلج المتطاير ما يلقى مستقراً لهو الا في صدر ابكرونا ... لمممممممممممن برد ذاتو على عطشة صيامو دي ..
فاطلق عبارته التي سارت بها الركبان : ( اثلجتم صدورنا ياخ! )
| |
|
|
|
|
|
|
|
|
|
Re: الشيوعي هاجس الموهومين, ادخل, اقرا, واضحك!!!! (Re: بدر الدين احمد موسى)
|
| Quote: بدر الدين احمد موسى |
على حس اسمك الفيهو (الدين) ده ..زميل لينا في كسلا اسمه علاء الدين واحد عايزه في شغلة اتصل عليهو في تلفون البيت لكن طلع التلفون خطأ ورد سيد البيت الخطأ على التلفون وزميلنا قال ليه : ياوالد ممكن اكلم علاء الدين ؟!! الراجل قال ليهو ياولدي والله بيتنا ده مافيهو حاجة فيها دين غير كتاب الدين ..اديك ليهو ؟!!!
وجود كتاب الدين في البيت مابالضرورة يؤكد عدم شيوعية ساكنيه ..
| |
|
|
|
|
|
|
|
|
Re: الشيوعي هاجس الموهومين, ادخل, اقرا, واضحك!!!! (Re: فايزودالقاضي)
|
الحزب الشيوعي يقف بقوة خلف عبد العزيز الحلو لإسقاط النظام بكافة الخيارات
الحزب الشيوعي وبكل طاقمه الفعال في جنوب كردفان دعماً لحملة الحلو حيا وميتاً
الحزب الشيوعي يرفق التفاوض مع النظام ويتبنى خيار إسقاط النظام
الحزب الشيوعي وبكافة السبل والوسائل يريد تغيير النظام
تقولي منير وهاجس وموهومين ؟؟؟
| |
|
|
|
|
|
|
|
|
|
Re: الشيوعي هاجس الموهومين, ادخل, اقرا, واضحك!!!! (Re: أمير فتحي)
|
امير ..سلامات ..
Quote: الحزب الشيوعي يقف بقوة خلف عبد العزيز الحلو لإسقاط النظام بكافة الخيارات
الحزب الشيوعي وبكل طاقمه الفعال في جنوب كردفان دعماً لحملة الحلو حيا وميتاً
الحزب الشيوعي يرفق التفاوض مع النظام ويتبنى خيار إسقاط النظام
الحزب الشيوعي وبكافة السبل والوسائل يريد تغيير النظام |
هو الحزب الشيوعي براه العايز يسقط النظام؟!!! ..السودان كله عايز يسقط النظام عدا الذين معه من القلة المنتفعين ..
| |
|
|
|
|
|
|
|
|
|
Re: الشيوعي هاجس الموهومين, ادخل, اقرا, واضحك!!!! (Re: أمير فتحي)
|
نعت كل مخالف للراي بالشيوعي هذه شماعه عفا عنها الزمن
المواطن مواطن اذا كان شيوعي او حركة شعبيه او غير ذلك
كيف يستقيم ان ننعت اي مواطن باي تسمية معتقدين انها ربما تندرج تحت باب التشويه والحرق
وكيف ننادي بالديمقراطية كما يدعون ونحن لا نؤمن بان الوطن للجميع
وان حق المواطنة هو ديدن كل مطالب بالحرية ويدعو لسودان جديد
| |
|
|
|
|
|
|
|
|
|
Re: الشيوعي هاجس الموهومين, ادخل, اقرا, واضحك!!!! (Re: قيقراوي)
|
Quote:
هو الحزب الشيوعي براه العايز يسقط النظام؟!!! ..السودان كله عايز يسقط النظام عدا الذين معه من القلة المنتفعين ..
|
شكراً ود القاضي.
سلامات يا بدرالدين شايف الكيزان الحرامية ديل يأكلوا مال الفقراء بالنهب و السلب و لم الناس تطالب بحقها يقولوا دا الحزب الشيوعي!. اٍذن عاش الحزب الشيوعي و دام نصيراً للفقراء. و الله الشيوخ المُلس، ذوي الفنانيس الغليدة، ديل أمرهم يحير.
| |
|
|
|
|
|
|
|
|
|
Re: الشيوعي هاجس الموهومين, ادخل, اقرا, واضحك!!!! (Re: بدر الدين احمد موسى)
|
قيقراوينا النحرير
Quote: يا بدرنا
ياخ ما تجي تصرف لي عدد ( واحد ) موهوم خلينا نتخارج ليكم من هنا ياخ!
المافي شنو!؟ |
المافي يا قيقراوينا انا!
عارف مشيت انوم نومة يوم السبت بتاعت لغاية الساعة اتناشر ديك, لكن المنبه ضرب الساعة تمانية شفت ليك
حسادة?
قلت لي انت رئيس رابطة معجبي دينا!
لكنها ما عزمتك عشا اليوم داك! ولا انت ما شفت البوست? هيهيهيهيهي
ياخ لغاية ما حردنا انا و عاصم فقيري ورجعنا نتناقش في الماركسية شفت ليك كربة?
اها لو رجعنا لموضوع الحقوق و الواجبات, ياخ ما اظن التعب بجيب حقه!
بعدين المواهيم ديل بريفليج"privilege" قايل بنصرفها لاي زول? ياخ لازم الواحد يكون اوتلاندش "outlandish
"حتى نديه لقب موهوم.
يعني العايز نسميه موهوم لازم يبدع ذي صاحبنا الفتحنا بيه البوست دا, لكن طبعا ما حصري ههههههه!
| |
|
|
|
|
|
|
|
|
|
Re: الشيوعي هاجس الموهومين, ادخل, اقرا, واضحك!!!! (Re: خالد العبيد)
|
امير فتحي
سلام
Quote: الحزب الشيوعي يقف بقوة خلف عبد العزيز الحلو لإسقاط النظام بكافة الخيارات
الحزب الشيوعي وبكل طاقمه الفعال في جنوب كردفان دعماً لحملة الحلو حيا وميتاً
الحزب الشيوعي يرفق التفاوض مع النظام ويتبنى خيار إسقاط النظام
الحزب الشيوعي وبكافة السبل والوسائل يريد تغيير النظام
تقولي منير وهاجس وموهومين ؟؟؟ |
زي ما قال خالد العبيد "المواهيم كتار", بس شقي الحال البقع في القيد!
يا امير فتحي?! هو جيش و شعبي و يدربه الحزب الشيوعي?
بعدين دعم حملة المرشح الانت بتشوف انه احسن دا جوهر عملية الانتخابات
طبعا اكيد مافي زول عاقل بتخيل انه الحزب ما يحاول يهزم احمد هارون المطلوب للعدالة في جرائم حرب ضد اهله!
هزيمة احمد هارون كانت واجب كل وطني غيور على السودان لكي لا يصبح الوطن مسخرة في الساحة الدولية.
لكن تاييد حملة الحلو لا تعني ان الحزب هو الذي يوجه الحركة الشعبية, ولا يعني ان الحزب و الحركة الشعبية في
نفس الجلابية!
اسقاط النظام واجب يجب ان لا نتقاعس عنه, وان طال الزمن يا امير فتحي, لو ما لاي حاجة بس عشان السودان
ومحمد احمد المطحون.
| |
|
|
|
|
|
|
|
|
|
Re: الشيوعي هاجس الموهومين, ادخل, اقرا, واضحك!!!! (Re: بدر الدين احمد موسى)
|
اخونا طارق مرغني
تحيات وسلام
Quote: نعت كل مخالف للراي بالشيوعي هذه شماعه عفا عنها الزمن
المواطن مواطن اذا كان شيوعي او حركة شعبيه او غير ذلك
كيف يستقيم ان ننعت اي مواطن باي تسمية معتقدين انها ربما تندرج تحت باب التشويه والحرق
وكيف ننادي بالديمقراطية كما يدعون ونحن لا نؤمن بان الوطن للجميع
وان حق المواطنة هو ديدن كل مطالب بالحرية ويدعو لسودان جديد |
كلام مية المية.
---
اخبار يوسف هاشم شنو?
| |
|
|
|
|
|
|
|
|
|
Re: الشيوعي هاجس الموهومين, ادخل, اقرا, واضحك!!!! (Re: بدر الدين احمد موسى)
|
محمد الخضر
تحياتي
Quote: علي اليمين يا قيقرا دي قراية تحليلية خطيرة جدا لا يمكن يتنبه ليها إلاّ شيوعي
وانا اقول قومة النفس في شنو؟ اتاريه الراجل ثورة مضادة طلع |
اقعد كبر لي راس قيقا دا لغاية ما يطير من الفرح
ياخ قيقراوي دا انا شايفو مباري الخدر عشان كدة انحنا طاردنو من الجنة وسقطها
لغاية ما يرجع زي زمان و يبقى ينتقد الانعطاف اللغوي حتى نسمح ليه يشيل اسمنا تاني هههههههه
مش كدة وبس كمان بقى رئيس جمعية معجبي دينا خالد ! ويكسر ليها تلج كمان!!!
حالته متاخرة خالس خالس.
اظنه قايل نفسه مستنير!
| |
|
|
|
|
|
|
|
|
|
Re: الشيوعي هاجس الموهومين, ادخل, اقرا, واضحك!!!! (Re: بدر الدين احمد موسى)
|
Quote:
مش كدة وبس كمان بقى رئيس جمعية معجبي دينا خالد ! ويكسر ليها تلج كمان!!!
|
انت ما مصدق و لّ شنو؟
Quote:
Quote:
رايكم شنو في رابطة معجبي دينا خالد ؟
بشرط واحد تبقوني الرئيس حقها
اها قلتو شنو ؟ . . اول مثني ح ابقيهو نائب الرئيس
كسارين التلج من الرجرجة و الدهماء اليبايعو ساي
و المعارضة ( المؤثرة ) على نفسها ولو كان بها خساسة اليشيلو سلاحم ساي و يواجهونا
|
هذه المداخله كتبها الأخ قيقراوى
فى أحد بوستاتها .
|
و قد كان ...
رابطة معجبى دينا خالد ,,
و الحذرت منو برضو قد كان
رابطة معجبي الست / دينا خالد (القوى الثورية ),,,
فقع مرارة بالطريقة الصاااح ذاتو قليك :
---
يا ود البشرى بطل اشانة سمعة ياخ
اسي بدرنا دا لو ما بقى زي ما قلت ليو فوق ( بجليها ثاااابتة ) ..
ما دي فرصة لحملة دفتردارية ما حصلت ذاتو ياخ!
هو ذاتو المشتهي الحنيطير اليطير ذاتو ياخ!
| |
|
|
|
|
|
|
| |
بدر الدين احمد موسى
فايزودالقاضي
قيقراوي
saif massad ali
البحيراوي
أمير فتحي
محمد البشرى الخضر
abubakr salih
خالد العبيد
فيس بوك
تويتر
انستقرام
يوتيوب
بنتيريست