|
|
|
 Re: مظاهرات فى شارع الاربعين (صورة) (Re: معتصم مصطفي الجبلابي)
|
| Quote: مظاهرات فى شارع الاربعين (صورة) |
واحده (مظاهرة) ولا اتنين (مظاهرتين) ولا مليون مظاهره(مظاهرات)
ولا اي احتجاج بتاع كمم نفر في الشارع كما كنا نسميها في الابتدائي مظاهرات
| Quote: الموية دى حتغطس حجر الكيزان |
بتتمني ولا دي قراءه مدروسه وتحليل منطقي
ولا ناحدوا كلام ساكت كلام جرايد
ولا مفروض نصدقوا
ولا بس كلام والسلام
زهجنا من تهويل المواضيع
وسقوط السماء
| |
 
|
|
|
|
|
|
|
|
Re: مظاهرات فى شارع الاربعين (صورة) (Re: ABUHUSSEIN)
|
صورة للتجمع النسوى المتظاهر ضد انقطاع المياه
ان لم تكن الصورة واضحة ..فانتظروا اخونا علاء
لما ينزل ليكم الصور والفيديو الاكثر جودة..
قطع شك صادف قيامها مروره بهناك ..
____________________________________________________________
| |
|
|
|
|
|
|
|
|
Re: مظاهرات فى شارع الاربعين (صورة) (Re: ASHRAF MUSTAFA)
|
Quote: ديل الظاهر عليهم منتظرين المواصلات!
لووووووووووووووووووووووووووووووب
على راي دينا خالد |
انا لا استعجل النتائج فيقينى ان الاحتجات التى لا تتجاوز سعة البص فى اليوم
الاول او الثانى .. ستملأ بصين وتلاتة واربعة فى الايام التالية
مهما تأخروا فانهم يأتون
| |
|
|
|
|
|
|
|
|
|
Re: مظاهرات فى شارع الاربعين (صورة) (Re: walid shingrai)
|
لن تكون هنالك مظاهرات فسيقوم النظام باستنفار كل قواته نظامية وغير نظامية شعبية ورسمية احتياطى مركزى ودرق وجندرمة وقوزاق وامن ومن سيخرج او يتجرا سيتم سحله ولجمه وكبحه وكجمه وفجخهحتى يلقى الرجل اخاه فيقول انج سعد فقد هلك سعيد! ولكن هل هكذا تدار الدول وتنهض الشعوب!
امر اكيد كما قيل هذا نظام موعود بقصم الظهر وهو مصير كل الطغاة والاحرار والشرفاء لا دعمون هكذا انظمة انما ينافجونها ولو بأضعف الايمان
ولكن هذا نظام لا بد انه سينهار ولو بعد حين
جنى
| |
|
|
|
|
|
|
|
|
|
Re: مظاهرات فى شارع الاربعين (صورة) (Re: ABUHUSSEIN)
|
الأخ الجبلابي...
اتفق مع على وجود تدني واضح في مرفق المياه.. ولا ينكر ذلك إلا مكابر
لكن يا عزيزي.. هناك فرق شاسع ما بين مظاهر مطلبية، وأخرى للمعارضة
مشكلة السياسة السودانية - بغض النظر عن الحزب الحاكم او المعارض - أن المعارضة
دائما ما تحاول النسج على خيوط معاناة الناس لتنطلق منها لمصالحها.. وتجعل كل
انتفاض (مطلبي) شاهداً على أن الشعب يكره النظام...
وفي الحقيقة.. الشعب السوداني (في عامته) يتعامل ببساطة لا يمكن تصنيفها عبر
منظار (حكومة/ معارضة)..
فهذا التحرك المطلبي تغذيه (العفوية) والحاجة... يعني بمجرد حل المشكلة فلن تخرج أي مظاهرات...
وبعد يومبن الجماعة ديل ممكن يعملوا زي ناس "الرميلة".. لما وصلوا ليهم الموية قاموا بتكريم (تيم) العمل
يعني في النهاية سيتم تجيير المسألة لصالح (ناس الموية) وسيعتبرانجاز (حكومي)
وبذلك سيكون الغرق من نصيب "المعارضة"
| |
|
|
|
|
|
|
|
|
|
Re: مظاهرات فى شارع الاربعين (صورة) (Re: د.محمد حسن)
|
| Quote: انشاء الله المشكلة تتحل |
سلامات يادكتور وهذا مرتجانا ..
نحن مازى الجبهة الاسلامية تخبئ العيش والدقيق
وقيل (ترميه فى البحر ) عشان المواطنين يثوروا
ضد النظام الديمقراطى..
نحن صفا واحدا مع ناس بانت
نريد حلا
| |
|
|
|
|
|
|
|
|
|
Re: مظاهرات فى شارع الاربعين (صورة) (Re: عماد حسين)
|
Quote: اتفق مع على وجود تدني واضح في مرفق المياه.. ولا ينكر ذلك إلا مكابر
لكن يا عزيزي.. هناك فرق شاسع ما بين مظاهر مطلبية، وأخرى للمعارضة
مشكلة السياسة السودانية - بغض النظر عن الحزب الحاكم او المعارض - أن المعارضة
دائما ما تحاول النسج على خيوط معاناة الناس لتنطلق منها لمصالحها.. وتجعل كل
انتفاض (مطلبي) شاهداً على أن الشعب يكره النظام...
وفي الحقيقة.. الشعب السوداني (في عامته) يتعامل ببساطة لا يمكن تصنيفها عبر
منظار (حكومة/ معارضة)..
فهذا التحرك المطلبي تغذيه (العفوية) والحاجة... يعني بمجرد حل المشكلة فلن تخرج أي مظاهرات...
وبعد يومبن الجماعة ديل ممكن يعملوا زي ناس "الرميلة".. لما وصلوا ليهم الموية قاموا بتكريم (تيم) العمل
يعني في النهاية سيتم تجيير المسألة لصالح (ناس الموية) وسيعتبرانجاز (حكومي)
وبذلك سيكون الغرق من نصيب "المعارضة" |
سلامات عماد:
بعض الناس يظن ان المعارضة هى التى تحترف السياسة او العمل السياسي ,وكثير من الناس
يظن أن السياسة ان تكون موظف حكومى رفيع تمتضى افره السيارات وتجلس على افخم
المكاتب ..او معارض تسعى الى الوصول الى تلك المناصب .. هذا من ضمن تفاسير البعض
للسياسة وبدون استخفاف بعقلية احد لكن هذه نظرة شائعة التمستها من بعض المداخلات
والتعليقات..فى البدء دعنى ازيل هذا اللبس..
إن الاحزاب هى قنوات للمشاركة الششعبية ومنابر لتحديد خيارات الشعب وأدوات للتنافس
الحر والديمقراطى وهى الجهة المسئولة عن الاداء السياسي وهى معنية بقضايا وهموم
المواطن و(خدمته)فى شتى المجالات وهى كذلك تنتج الكادر القيادى وتأهله للاطلاع بدوره
لخدمة البشرية ..لذلك لامشاركة شعبية بدون احزاب سياسية ولا ديمقراطية بدون مشاركة
وهذا ما تعلمناه من ادبيات حزبنا ..فالاحزاب هى عبارة عن آلية لقضاء حوائج الناس
وخدمتهم..
(إن لله عباداً اختصهم بقضاء حوائج الناس،حببهم إلى الخير،وحبب الخير إليهم،هم الآمنون من عذاب الله يوم القيامة )
ده الفهم البنبنى عليهو عملنا فى السياسة..
فى الانتخابات الاخيرة كان شعار حزب الامة فى هذا المعنى (دولة الرعاية لادولة الجباية)
والمقصود طبعا الرعاية الاجتماعية التى تتخذ سياسات اقتصادية ذات محتوى إجتماعى عدلى والهدف منها
(خدمة) المواطن فى كل الجوانب حتى لايخرج يوما حاملا باقته ويهتف بها فى الشارع فاذا كان هناك
تقصير فهذا التقصير يرجع على انا السياسي الذى عينت من قبل حزبى او انتخبت من قبل منطقتى
لانه هذا من صميم عملى ..ففى الانتخابات عندما يطرح المرشح برنامجه خصوصا فى بلدانا النامئة
يكون (مفوكس) على المشاريع الخدمية من نور وموية ومدرسة وشارع ظلط وكبرى بدل البنطون
ومركز صحى .. لذلك قال حميد فى احدى قصائده عندما زارهم مرشح دائرتهم وان لم تكن واقعة حقيقية لكنها بتعبر
عن مطلب شعبى قال (دايرين بوستة ومدرسة وسطى والشفخانة بديل النقطة) بل انه استنكر كثرة
بناء الجوامع مع تجاهل خدمات اساسية يحتاجها المواطن :(من حظك يالجابرية ده سابع جامع)
فى منطقتنا وفى اخر انتخابات ديمقراطية 1986 كان مرشح دائرتنا اسمه عبدالحكم طيفور
عن الحزب الاتحادى قبل ان تغير المصالح وجهته الى البقرة الحلوب (المؤتمر الوطنى)
كان الشعار الذى يردده القائمين على حملته الانتخابية (الموية والنور عبدالحكم طيفور)
يعنى عبدالحكم طيفور ده زول سياسة وبرنامجه (خدمى) .. لذا عندما يفوز فى الانتخابات
وما يحقق لينا (الخدمة) دى (الموية والنور) المره الجاية ما حنديهو صوتنا وحجتنا
نقول ليهو ياطيفور ياسياسى انك وعدتنا( بخدمات ) موية ونور وما حققتها لينا
ومن حقى انا كحزب ند او منافس ليهو ان استغل المسألة دى لصالحى واستفيد من اخطاءه
واحاول اتجاوزها فى الانتخابات القادمة واكون اكثر جدية فى تحقيق مطالب المواطنين
ماهو انا بشتغل سياسة لى شنو عشان بس احرق اللساتك فى نص الشارع وافلق بالحجار ..
سعى الوصول للسلطة حق طبيعى ومشروع لكن يمكننا ان نتحدث عن مشروعية الوسائل
ففى هذا الجانب الحكومة القائمة هذه استخدمت وسائل غير مشروعة للوصول الى السلطة
وهذا ينسف (حلالية) وجودها ومواجهتها فى القاموس (الانسانى ) بمثابة الحرب المقدسة..
المعارضة ان لم تقف مع المواطنين ومطالبهم فهى ليست منهم ..
المعارضةتشرب من نفس الماسورة المويتها مقطوعة فى بانت وفى برى وفى الرميلة ..مافى
صهريج مخصص لموية المعارضة ..اى صحى فى صهاريج مخصصة لناس الحكومة..هسه عبدالرحيم
محمد حسين والا بكرى حسن صالح مويتو بتقطع !!!!!!!!!!!!!HELL NO
لما الحكومة تزيد السكر المعارضة والناس الما تابعين للمؤتمر الوطنى وشغالين سياسة
من حقهم يطلعوا مظاهرات وينادوا بسقوط (العسكر الغلو السكر) ,الناس التابعين
للمؤتمر الوطنى او المستفيدين من المؤتمر الوطنى لايعنيهم الامر طبعا ويستخفون
بالعشرة والعشرين نفر الطلعو ينددوا بسياسة الحكومة ..
لو تعرضت صفية لاغتصاب او جلدت اخرى بدون اسباب ستخرج المعارضة للشوارع لنصرتهن
لو قتل مواطن فى جنوب كردفان او احرقت قرية فى دارفور او اغرقت قرى لسد كجبار
سنشهر هتافاتنا فى الشوارع مساندين لهم لان المسئولية الانسانية والدينية تحتم علينا التفاعل
مع قضيتهم قال الرسول الكريم (المؤمن للمؤمن كالبنيان المرصوص يشد بعضه بعضا)
ومن غير المؤمن لقد كان فتح الرسول لمكة استنصارا لقوم بينه وبينهم عهد..
وعهدنا مع المواطن فطرى من غير عهود ومواثيق نستنصره ولو ببوست ,وده من حقى
اتفاعل مع القضايا التى تهم مواطنيي بالشكل الذى اراه انا مناسب لا مايراه الاخرين لى..
نعم نحن لانتمنى أن تعجز الحكومة عن حل مشكلة الموية فى بانت او الرميلة او طوكر
بل هذا غاية مبتغانا لا ننا من المواطن وللمواطن والبيحملو الباقات فوق رؤسهم
بحثا عن الماء ديل اخواتنا وامهاتنا وبناتناو فاى ضمير حى وواعى يرضى بمشقتهم
وحومانهم وسط الحلال من اجل رشفة ماء .. الحكومة مطالبة (وكراعه فى رقبتها)
بحل قضاياهن ونحن نقف معهم لان ما ضاع حق من خلفه مطالب وحقا تحرسوا ولا بجيك
واذا كان الحكومة استجابت لمطالب اهل الرميلة لانهم خرجوا للشارع فهذه سنة كويسة
لاى واحد داير الحكومة تحل ليهو قضاياهو يطلع الشارع وبمرور الزمن بيزداد
حجم المطالب الى ان يصل
فكوا دربنا وجعتو قلبنا
ويبقى الحل فى الحل
مودتى
| |
|
|
|
|
|
|
|
|
|
Re: مظاهرات فى شارع الاربعين (صورة) (Re: معتصم مصطفي الجبلابي)
|
Ali Ibrahim ALmagrabi الرسول صلى الله عليه وسلم يقول فى مامعناه :
( لايمنع الناس من ثلاث : الماء والكلاء والنار ) وفى رواية اخرى :
( المسلمون شركاء فى ثلاث الماء والكلاء والنار ) صدق رسول الله
عليه وسلم . إ نهم الانقاذيون ماذا ننتظر منهم غير هذا الفساد والغلاء
| |
|
|
|
|
|
|
|
|
|
Re: مظاهرات فى شارع الاربعين (صورة) (Re: walid shingrai)
|
| Quote: بس خيبت ظني ما صنفتني كوز ولا مؤتمر |
ده ما الشئ الاساسى عندى ..ولا اعمل بمبدأ كل من يخالفنى
الرأى فهو ضدى.. لك مطلق الحرية فى ان تقول ماتشاء
وتعتقد فيما تعتقد...
لا يعنينى كثيرا ان كنت كوز او مؤتمر اوغيره .. نحن نتاقش
على الفكرة التى تحملها فقط
| |
|
|
|
|
|
|
|
|
|
Re: مظاهرات فى شارع الاربعين (صورة) (Re: معتصم مصطفي الجبلابي)
|
Quote: لا يعنينى كثيرا ان كنت كوز او مؤتمر اوغيره .. نحن نتاقش
على الفكرة التى تحملها فقط |
والله انتوا يا الانصار ديل كلامكم سمح بالحيل .. الواحد يقرررب يتحزب ويبقي أمه
لكن برضو خطباكم مع الاخرين ( كحزب ) وليس اراء شخصيه .. حقوا تخصصوا ليها ناس عديل كده
لانه ناس قريعتي راحت خاربين عليكم .. انتوا تبنوا وهم يهدموا ومفتكرين نفسهم ببنوا معاكم .. دي نصيحه لوجه الله
.......
المويه في البلد علي سؤها بقت معدومه ذاتو .. وكمان بركبوا ليها في عدادات جمره خبيثه .. قادر الله
| |
|
|
|
|
|
|
|
|
|
Re: مظاهرات فى شارع الاربعين (صورة) (Re: نوفل عبد الرحيم حسن)
|
Quote: والله انتوا يا الانصار ديل كلامكم سمح بالحيل .. الواحد يقرررب يتحزب ويبقي أمه
لكن برضو خطباكم مع الاخرين ( كحزب ) وليس اراء شخصيه .. حقوا تخصصوا ليها ناس عديل كده
لانه ناس قريعتي راحت خاربين عليكم .. انتوا تبنوا وهم يهدموا ومفتكرين نفسهم ببنوا معاكم .. دي نصيحه لوجه الله
|
تحية طيبة نوفل
والله انابة عن حزب الامة (وغنى لا امثله) نرحب بك فيه
واعلم ان حزب الامة به بعض الشوائب او اوجه القصور
وكتير من الحال فيه لايعجبنا .. لكن هذا ليس مبرر
ان نشرد منه او نتخلى عنه ففى الاطار الضيق لو فى
واحد فى عوجة في بيتو ما بيهرب من ها بل يسعى
لاصلاحها وإصحاحها ..فانتمائى لحزب الامة كانتمائى لبيت
اعالج فيه العلل ما استطعت .. لا نراهن بالقضاء عليها
كلية لكن نفعل ما بوسعنا لاظهار الحزب بشكل اكثر
جازبية ونقاء..
علاقتى بحزب الامة كموقف شخصى كعلاقة الروح بالجسد
اذا فارق احدهم الاخر انتفت حياته .. يعوس فى حزب
الامة العائسون ويتآمر عليه المتآمرون .. لكن يبقى
مصيرنا به عالق
لذا قلت
لو لم أكن حزب أمة لتمنيت أن اكون ...
مودتى
| |
|
|
|
|
|
|
| |
معتصم مصطفي الجبلابي
محمود الدقم
walid shingrai
ABUHUSSEIN
Tragie Mustafa
ASHRAF MUSTAFA
jini
عماد حسين
Kostawi
د.محمد حسن
Elbagir Osman
فيصل محمد خليل
نوفل عبد الرحيم حسن
Shaker Hamid
فيس بوك
تويتر
انستقرام
يوتيوب
بنتيريست