|
والي الخرطوم يفي بما يعد تركيب الجمرة الخبيثة للموية
|
تم تركيب عداد الموية الجمرة الخبيثة في بعض احياء الخرطوم يعني لو البلف حلج حقك راح
لازم بلفك كان 100%
اقيم في قلب صحراء نجد في رياض الخير لم يتجاوز ما ادفعه في الموية 50 ريال في السنة لا جمرة خبيثة لا جمرة حميدة
ياربي اليس من رجل رشيد يدير هذا البلد المنكوب ؟
|
|
|
|
|
|
|
|
Re: والي الخرطوم يفي بما يعد تركيب الجمرة الخبيثة للموية (Re: د.محمد حسن)
|
حسبي الله ونعم الوكيل حسبي الله ونعم الوكيل حسبي الله ونعم الوكيل حسبي الله ونعم الوكيل حسبي الله ونعم الوكيل حسبي الله ونعم الوكيل حسبي الله ونعم الوكيل حسبي الله ونعم الوكيل
Quote: وزي ما انتو عارفين والوالي عارف والله عارف الخزينة فاضية وده موسم الموية ذات عائد سريع لانو ما في زول بستغنى عنها حتدفع حتدغع غصبا عن عين ابو اهلك الكهربا اها ممكن تصبر يوم لكن الموية ما في طريقة طيب القروش عشان يعملو ا بيها شنو بسيطة عشان يدفعوها مرتبات لل 100 وزير |
((وَلاَ تَحْسَبَنَّ اللّهَ غَافِلاً عَمَّا يَعْمَلُ الظَّالِمُونَ ...))
قال رسول الله صلى الله عليه وسلم :
{ اللهم من ولي من أمر أمتي شيئا فشق عليهم فاشقق عليه ,
ومن ولي من أمر أمتي شيئا فرفق بهم فارفق به } .
(رواه أحمد ومسلم )
______________________
سلامي وتحياتي يا دكتور محمد
| |
|
|
|
|
|
|
Re: والي الخرطوم يفي بما يعد تركيب الجمرة الخبيثة للموية (Re: ابراهيم قناوي)
|
Quote: قال رسول الله صلى الله عليه وسلم :
{ اللهم من ولي من أمر أمتي شيئا فشق عليهم فاشقق عليه ,
ومن ولي من أمر أمتي شيئا فرفق بهم فارفق به } .
(رواه أحمد ومسلم )
|
حسبنا الله زنعم الوكيل
حكي لي احد الاصدقاء في ايام عنفوان الانقاذ 94 انه اعتقل واثناء التعذيب صرخ الله فضحك الضابط المسئول عن تعذيبه وقال له بالحرف ( هنا الله مافي ، الله برة هناك)
حسبنا الله ونعم الوكيل
| |
|
|
|
|
|
|
Re: والي الخرطوم يفي بما يعد تركيب الجمرة الخبيثة للموية (Re: د.محمد حسن)
|
لا بأس يا دكتور مادام المياه متوفرة بكثرة والناس ما شاء الله مسرفة للغاية والموية راقدة هبطرش على شواطئ الأنهر الثلاث ( يا س لام على ولاية الخرطوم ووفرة المياه الغير منقطعة!!!!)
طبعاً حيشيلوا قروشهم مقدماً وبعد داك لا خدمة ولا يحزنزن ،،، ما باقي إلا يركبوا عدادات للنفس الطالع والنازل ،،، ويا ويلك وسواد ليلك لو ما شحنت عداد النفس طوالي حتلقى نفسك في مقابر الرميلة .
| |
|
|
|
|
|
|
Re: والي الخرطوم يفي بما يعد تركيب الجمرة الخبيثة للموية (Re: Mohammed Awad)
|
تحياتي صاحب البوست وضيوفه المهم تحصيل قيمة العداد زائد التركيب (المصنعية)- كما حدث في عدادات الجمرة الخبيثة للكهرباء - صادروا عدادات المواطن القديمة بدون عوض - وركبوا العدادات الخبيثة بسعر خيالي وخصموا القيمة من المواطن كرها وغصبا. والأهم هو التحصيل تمشيا مع سياسة الوزير الهمام (وزير المالية) في توسيع مواعين الجبايات رأسيا وأفقيا بعد فقدان بترول الجنوب . تدفع تدفع ولو كانت الماسورة بتتنفس هواء ... المحير العداد قالوا بشتغل بنظام الماء الداخل لصاحب المنزل بالمتر المكعب وكده ... المحيرني العداد ده في ظل إنعدام الماء بقراء كيف ؟ حيروا إبليس وخلهوا قاعد ساكت يتفرج .. عليهم اللعنة ... في بلد زي السودان تنعدم فيه الماء الصالحة للشرب .. وكمان تباع على نظام الجمرة الخبيثة ؟ الشكية لغير الله مذلة الشفيع
| |
|
|
|
|
|
|
Re: والي الخرطوم يفي بما يعد تركيب الجمرة الخبيثة للموية (Re: د.محمد حسن)
|
تعرف يادكتور انا مؤرق من امبارح ولم استطع النوم وذلك لأنى كنت افكر فى ماذا سيفعل وزير الخارجية وملك ملوك تجار الأسمنت بالسودان ماذا سيفعل مع حوض السباحة الذى حفره فى قصره المنيف والذى من اجل توصيل المياه اليه قطعوا كل الأمداد المائى من منطقة برى بأسرها, فهم ممكن يشربوا من البحر دايركت (ما اصلو قريب منهم وعربات الكارو بالكوم والردوم). قلبى معك ياملك .
| |
|
|
|
|
|
|
Re: والي الخرطوم يفي بما يعد تركيب الجمرة الخبيثة للموية (Re: قلقو)
|
زمان كنا لمن اكتحنا الباظ الماش الخرتوم تكورك فيهن .... ناس الخرتوم بلد الراحة والنوم ناس الموية الساقطة والرغيف اها عجبني للمارقوت . . جاتكن رادة احملوها ولا ما تقدروا تشيلوا جوز الموية انتساجر فيكن اجر ساهي لله جوز الموية قراونتين والقروانة هي الصفيحة البجيبو فيها الطحنية ولا كان الزيت تقوم يا ود الخرتوم تجيب ليك خشبة قدر عرض الصفيحة ودق مسامير في الصفيحة حتى تخفس ... تخفس يعني تخفس الصفيحة وتدخل في عود الجوز وتربط حبل في الخشبتين .. واخد بالك ... وراس الحبل التاني زدرية .... اشرح لمتين انا اشرحكن البلا اللياخدكن .... خرتوم دي كلها بنتوها من قصيباتنا ديل والزمن دا كلو تاكلو في الشعيرية والرغيف التوسطة وتشربوا في الموية الساقطة . . الوالي بالله وريهم الطريقة المثلى للورود من البحر والماعاجبو اللشرب من البحر واجي راجع ..... وكمان التوجه الحضاري بوريك التسهيلات الدينية يعني بعد الرفث تمشي البحر وتغتس غتسة واحدة وتخرج كما انك لم ترفث بعد والوضؤ كان البحر بعيد والاذان قال الله واكبر ممكن تصلي بالوضؤ القديم وكان عندك اسهال التراب الترابة في خشمك بس غربلوا ما اقوم اسلوي ليك شبشة والخرتوم كلها تبقى مشبشة وكاااااااااااااااااااااااااك
| |
|
|
|
|
|
|
Re: والي الخرطوم يفي بما يعد تركيب الجمرة الخبيثة للموية (Re: د.محمد حسن)
|
لمزيدٍ من الدراسة و التقييم والي الخرطوم يوجه بإيقاف تركيب عدّاد الدفع المقدّم للقطاع السكني
الخرطوم 19/6/2011م(سونا) وجّه د. عبدالرحمن أحمد الخضر والي ولاية الخرطوم وزارة البيئة و خدمات المياه وهيئة مياه ولاية الخرطوم بإيقاف تركيب عدّادات الدفع المقدّم للمياه لكل القطاع السكني وإخضاع الأمر لمزيد من الدراسة والتقييم الدقيق خاصةً وأن المياه خدمة حيوية ذات علاقة مباشرة بصحة الإنسان ولا ينبغي تعريض المواطن لأي مضايقات بقطع المياه بسبب عدّاد الدفع المقدّم على أن يستمر تركيب العدّاد للقطاعات الأخري
جاء ذلك في تصريحات صحفية في معرِض حديث الوالي عن السياسات الكلية تجاه أولويات الدولة تجاه المواطن
وأشار والي الخرطوم إلى ضرورة إخضاع تكلفة وتعرفة المياه لحوار علمي يشارك فيه المختصون والمجلس التشريعي بإعتباره الجهة التشريعية والرقابية بالولاية كما أن هنالك العديد من الخيارات لحساب تكلفة المياه يجب إستصحابها في الحوار علماً بأن الولاية تدعم المياه بنسبة 60% من إجمالي تكلفة إنتاج وتوزيع مياه الشرب .......
تحياتي اخ دكتور محمد حسن وقطعا هذا التراجع سببه الاحتجاجات التي قامت وتلك التي ستقوم
| |
|
|
|
|
|
|
Re: والي الخرطوم يفي بما يعد تركيب الجمرة الخبيثة للموية (Re: الشامي الحبر عبدالوهاب)
|
Quote: تركيب الجمرة الخبيثة للموية |
زمان عندي اختي كانت بتقول - الكيزان ديل شكلهم موية الله دي حيبقوها بالقروش - كانت بتقولا من باب السخرية و المبالغة ..لكن سبحان الله
اي شي في عهد الإنقاذ بقى جايز.. تتخيلوا تاني الحال حيكون كيف ..ما حيكون في سبيل في الشوارع .. الناس حتتشطف مافي استحمام كتير
الضيوف موية الزير دي تاني ما بشوفهوا .. الناس حتقتصد في زرع الاشجار في البيوت و الشوارع و المساحة امامكم كبيرة لتصور ما سيحدث.....
| |
|
|
|
|
|
|
Re: والي الخرطوم يفي بما يعد تركيب الجمرة الخبيثة للموية (Re: طارق عبد اللطيف نقد)
|
لمزيدٍ من الدراسة و التقييم والي الخرطوم يوجه بإيقاف تركيب عدّاد الدفع المقدّم للقطاع السكني
الخرطوم 19/6/2011م(سونا) وجّه د. عبدالرحمن أحمد الخضر والي ولاية الخرطوم وزارة البيئة و خدمات المياه وهيئة مياه ولاية الخرطوم بإيقاف تركيب عدّادات الدفع المقدّم للمياه لكل القطاع السكني وإخضاع الأمر لمزيد من الدراسة والتقييم الدقيق خاصةً وأن المياه خدمة حيوية ذات علاقة مباشرة بصحة الإنسان ولا ينبغي تعريض المواطن لأي مضايقات بقطع المياه بسبب عدّاد الدفع المقدّم على أن يستمر تركيب العدّاد للقطاعات الأخري جاء ذلك في تصريحات صحفية في معرِض حديث الوالي عن السياسات الكلية تجاه أولويات الدولة تجاه المواطن وأشار والي الخرطوم إلى ضرورة إخضاع تكلفة وتعرفة المياه لحوار علمي يشارك فيه المختصون والمجلس التشريعي بإعتباره الجهة التشريعية والرقابية بالولاية كما أن هنالك العديد من الخيارات لحساب تكلفة المياه يجب إستصحابها في الحوار علماً بأن الولاية تدعم المياه بنسبة 60% من إجمالي تكلفة إنتاج وتوزيع مياه الشرب و في سياق ذي صلة بالخدمات دعا والي الخرطوم جميع مواطني الولاية إلى الحرص على إستخراج بطاقة التأمين الصحي لأنه و بإكتمال أيلولة المستشفيات الإتحادية لولاية الخرطوم سيتم إلغاء العلاج المجاني والعمل بنظام التأمين الصحى
| |
|
|
|
|
|
|
|