كتب الكاتب الفاتح جبرا المتوفرة بمعرض الدوحة
|
|
 ناس الخليج.....مساعدة.
|
اظنى اكتر زول بيطلب مساعدات فى البورد ده.
مشكورين مقدما و ربنا يقدرنى على رد المعروف.
عاوزه اعرف مصاريف المدارس فى بلدكم دى كيف?. خاصة و انى عرفت ان الموضوع معقد. مدارس حكومية, مدارس خاصة, مدارس امريكية (او اجنبية). المصاريف شكلها كيف?
و الفرق بين المدارس دى شنو?
اى زول فيكم شغال فى شركة امريكية?
|
|
 
|
|
|
|
|
|
|
|
Re: ناس الخليج.....مساعدة. (Re: وليد عكاشة)
|
سلام سمارت أنا عندي تجربة في قطر دخول المدرسة الأمريكية صعب و الأولوية لابناء الدبلوماسيين مصاريفها في حدود العشرة ألف دولار. أولادي كانوا بدرسوا في أكاديمية الجزيرة برضه حوالي عشرة ألف دولار هي مدرسة فخمة جدا بس ما تتوقعي أي حاجة زي أمريكا "there is no place like America"
| |
|
|
|
|
|
|
|
|
|
Re: ناس الخليج.....مساعدة. (Re: وليد عكاشة)
|
وليد عكاشة
شكرا جزيلا....و الله عاجزه عن الشكر...اول مداخلة تصرفها على....كتر خيرك يا اخى.
انا حقيقي بسال عن قطر....الامارات (ابوظبى و دبى) .....و السعودية.
و شكرا تانى
| |
|
|
|
|
|
|
|
|
|
Re: ناس الخليج.....مساعدة. (Re: smart_ana2001)
|
سلامات عفراء سند و شكرا على الرد
عشرة الف دولار دى فى السنة صح???
ما اتوقع حاجه ذي المدارس الحكومية الامريكية حتى بالقروش دى كلها???. دى (قريبه) لمصاريف المدار الخاصة الامريكية فى امريكا
| |
|
|
|
|
|
|
|
|
|
Re: ناس الخليج.....مساعدة. (Re: smart_ana2001)
|
سلامات Dr. Ahmed Amin
و شكرا جزيلا على الرد..
عن المنهج ح احاول افتش مدارس امريكية سمعتها كويسه.
المصاريف هى اللى سمعت انها كتيرة و ممكن تكون من الاسباب اللى ح تخلينى ارفض وظيفة فى الخليح لو ما كانت مصاريف تعليم الاولاد فى مدارس امريكية مدفوعة من الشركة.
شكرا تانى
| |
|
|
|
|
|
|
|
|
|
Re: ناس الخليج.....مساعدة. (Re: smart_ana2001)
|
العفو يا ستى .. القصة ما مستاهلة هيصة و هليلة فى أول مشاركة و أصلاً الزول إشترك عشان يخدم الناس :D
أنا مقيم فى دبى .. و شايف دكتور أحمد أمين إتكفل بتوفير كافة المعلومات .. يعنى كفانا شر القتال
بالنسبة للشركات الأمريكية .. فى العادة ما بتدفع مصاريف الدراسة كاملة و إن كانت بعض الشركات بتتكفل بمبلغ ثابت و دا بعتمد على الوضع الوظيفى للزول..
الكلام عن تجربة و أنا كنت موظف Full time فى GE لغاية 2010 ..
| |
|
|
|
|
|
|
|
|
|
Re: ناس الخليج.....مساعدة. (Re: وليد عكاشة)
|
| Quote: انا حقيقي بسال عن قطر....الامارات (ابوظبى و دبى) .....و السعودية. |
السعودية تتراوح بين 2000 الى 5000 دولار للطالب والحج والعمرة مجانا
مدارس ال 2000 دولار دى الطالب يحتاج الى مساعدة ابوهو وعمو وامو وخالتو!
ومستويات المدرسين فيها حدث ولا حرج
جنى
| |
|
|
|
|
|
|
|
|
|
Re: ناس الخليج.....مساعدة. (Re: jini)
|
Quote:
سلامات عفراء سند و شكرا على الرد
عشرة الف دولار دى فى السنة صح???
ما اتوقع حاجه ذي المدارس الحكومية الامريكية حتى بالقروش دى كلها???. دى (قريبه) لمصاريف المدار الخاصة الامريكية فى امريكا
|
اليسمعك يقول عندك تسعة شفع!
السعودية هنا تقدرى تسكنى فى بيت عمدة لوس انجلس ما يقدر يسكن فيهو هنالك!
ادراج فى السرير ودواليب فى الحيط ومعلقين ليكم مشلعيب فى السقف!
تحترموا نفسكم وتسكتوا ساكت!
سمعتى بالبيت الشرعى!
هنا السودانيين تلقاهو كان ساكن فى اوضة واحدة فى نص الحوش الحيطة ارتفاعها نص متر وباب الحوش مفتوح اربعة وعشرين ساعة يجى السعودية يقول ليك داير لى بيت شرعى قسم الحريم مفصول وفيهو حمامين او تلاتة!
اذا جيتى هنا لازم تتغطى يا حرمة!
جنى
| |
|
|
|
|
|
|
|
|
|
Re: ناس الخليج.....مساعدة. (Re: jini)
|
غاليتنا سمارت
والله دا خبر سعيد إنك مفكرة تجيء الخليج
ياخي أمريكا دي بلد حلوة لكنها نار الله
الموقدة في الفواتير والمصاريف، والزول
ما بقدر يوفر فيها، أما الخليج فالعكس
صحيح، المصاريف والفواتير فيها شيء لايذكر
سألت ليك أصحابي العايشين في مدينة الخبر
بالمملكة العربية السعودية، والذين يدرسون
أولادهم في المدارس العالمية وهي نوعان
عدة مدارس تدرس على النهج البريطاني وأسعارها
منخفضة جداً
مصاريف دراسية لمدرسة البريطانية = 1300$ في السنة
مصاريف دراسية لمدرسة بريطانية أخرى = 2500$ في السنة
وهذه المدرسة مرغوبة جداً
أما المدرسة الأمريكية والتى تدرس المناهج الأمريكية
فمصاريف الدراسة = 11000$ في السنة
أي المصاريف الدراسية في المدارس العالمية في مدينة الخبر
تتراوح ما بين 1300$ إلى 11000$ في السنة
وبالمناسبة مدينة الخبر هى أغلى مدينة في المملكة العربية
السعودية ولذا فهذه المصاريف تسرى على جميع المدن ولو
ما نقصت ما بتزيد.
أما بخصوص سؤالك عن الشركات التى تدفع مصاريف المدارس
فهي:
1) شركة أرامكو السعودية
2) هيئة السلك الدبلوماسي
3) الجامعات السعودية تدفع للعاملين فيها المصاريف الدراسية
لأبنائهم.
أما الشركات الأمريكية فهى لا تدفع مصاريف الدراسة
تحياتي
| |
|
|
|
|
|
|
|
|
Re: ناس الخليج.....مساعدة. (Re: النذير حجازي)
|
ممكن طبعاً لكن إلا يعملوها ليك باللفة.. قصدى حكاية تغطية مصاريف المدارس .. ما ممكن يعملو إستثناء لزول واحد لأنو الموضوع دا بخلق ربكة شديدة لى ناس الـ HR
أحسن بلد فى الخليج من ناحية فايدة مالية هى السعودية .. الإمارات ما بتقدرى توفرى فيها أى حاجة .. يلمها النمل و يطاها الفيل ..
فى دبى المدرسة الأمريكية تصل مصاريفها لخمسة و سبعين الف درهم للعام الدراسى يعنى تقريباً 20 الف دولار فى السن للطالب الواحد ..
الدوحة السكن فيها غالى جداً .. أمسكى فى السعودية قوى و كفاية الحرية الإتمتعى بيها السنين الفاتت فى أمريكا .. ما تسمعى كلام جنى دا .. الزول دا مدبرس شوية شكلو ..
| |
|
|
|
|
|
|
|
|
|
Re: ناس الخليج.....مساعدة. (Re: النذير حجازي)
|
شكراً يا النذير. كتر خيرك يا اخي.
أنا لو في شيء جابني الخليج ح يكون عشان الأولاد يعرفوا عربي و دين كويس.
موضوع التوفير ده موضوع معقد جداً. لانه الخليج بتجي معاه مصاريف من نوع تاني. زيارات ناس السودان و زياراتي أنا للسودان الاتنين ح يزيدوا
صحيح أنا هنا بدفع للمدارس اكتر من أغلي مدرسة اتذكرت في البوست لكن الموضوع ما كعب مقارنة بالدخل هنا. و شكله الموضوع عاوزSpreadsheet عشان افهم الحاصل
| |
|
|
|
|
|
|
|
|
 Re: ناس الخليج.....مساعدة. (Re: smart_ana2001)
|
| Quote: أمسكى فى السعودية قوى وكفاية الحرية الإتمتعى بيها السنين الفاتت فى أمريكا |
سلام يا اسمارتي ..
أول حاجة الكلام الفوقاني بتاع اخونـا البفتي عن الحريات في السعودية وهو في الامارات ما ليهو اي علاقة بي اي واقع .. ودي دايما الحاجات الوهمية البكتبه البعض هنا وهم ما عارفين الحاصل .. زي واحد صاحبي في السودان .. شافني متصور بشرب في شيشة خته يدينو في راسو قالي بلاي بتشرب شيشة في السعودية ..؟ خلوك كيف تشرب شيشة..؟
قلت ليهو قاعد اشربه بالدس ..
المهم يا اسمارت .. في كتير من حملة الجنسيات الغربية .. امريكية كندية المانية هولندية سويدية .. إلخ وهم سودانيين وجدو مكانه مميزة ليهم في الخليج وتحديدا السعودية .. من كل النواحي .. سكن ، تعليم ، علاج .. ومجتمع سليم
من ناحية السكن يا اسمارتي زي ما قاليك جني .. ممكن تسكني في بيت .. يعادل بيت اجعص ناس في امريكا .. وممكن تسكني في كمباوند وتكوني محاطة بي جنسيات مختلفة ومتوفرة ليك كل حاجـة .. وممكن تسكني ليك في حتة بيئة جدا .. ودا كلو متاح وبالطريقة العايزاها ..
اها
انا سكنت في كل الخيارات دي . سكنت في كمباوند وفي فلل فاخرة جدا .. وسكنت في سطوح .. كلو جربتو .. وكلها فترة بتتوافق وحسب كمية الدخل والمعدل حقي ..
من ناحية العلاج .. دا بتوقف على المكان البتشتغلي فيهو .. وهو الزاما عليهو زي ما عارفه انو يوفر ليك ما يتعلق بالالتزام الطبي .. عندك مثلا .. انا الحمد لله المكان الشغال فيهو موفر لي تغطية علاجية كاملة لي .. ولي زوجتي وحتى طفلين علما بإننا لحدت الآن نفرين بس .. ودا في أكبر المستشفيات في المملكة والمستوصفات ..
من ناحية التعليم .. المدارس يا اسمارتي ما بقدر اتأكد ليك من المعدل الشهري أو السنوي .. لكن البعرفو انو في كتير من الأخوان هنا.. بيدرسو اطفالم في ارقى المدارس على مستوى المملكة .. وامورم ماشة كويس جدا
المهم يا اسمارتي .. فكرتك كويسة انك تجي هنـا .. البلد دي بي ورق مختلف الواحد بلقى فيها وضع كويس .. في ناس كتااار قاعدين هنا دا في السعودية دي وعاملين فيها رايحين .. ونوعية تانية .. بتقول في كلام بتسمعو من ناس سااي .. وما عارفة الحاصل شنو..
| |
|
|
|
|
|
|
|
|
|
Re: ناس الخليج.....مساعدة. (Re: tmbis)
|
غايتو بالنسبة للمدارس مافي زول ممكن يكون عنده المعلومات الجمعتها في الشهرين الفاتت في سبيل انه داير اسجل البت والولد السنة دي في المدرسة
لكن بصراحة المعلومات العندي ما مجانية لانها ابديت خالص وحقت العام الدراسي القدامنا دا
وكذلك بالنسبة لاسعار السكن و المعيشة وكله
لو دايرة معلومات مجانية انتظري اعمل الـ sale بعد كم شهر
| |
|
|
|
|
|
|
|
|
|
Re: ناس الخليج.....مساعدة. (Re: tmbis)
|
في مواقع كتيرة بتحكي تجارب ناس عاشت في الخليج عموما
دبي بتلقي معلومات اكتر اكتبي في قوقل cost of living in Dubai بيجيك موقع اسمو تقريبا Dubafaqs بديك فكرة كويسة عن الحياة في دبي
المدارس في الخليج بيكون الاحسن هي اللي بيدرس فيها مواطنون من تلك الدولة (يعني منهج بريطاني يدرسوهو خواجات مش هنود ولا باكستانيين) ودي بتكون غالية جدا في مدارس تانية بتدرس المهنج البريطاني او الامريكي بس بيكونو مدرسينها من دول تانية باكستان او هنود او عرب ودي ارخص كتير
ما تغشك الاسماء (العالمية والدولية وما الى ذلك) اسالي وشفي البلوقات في النت بتلقى الناس بتحكي تجربتها
الحياة في السعودية ماديا احسن يعني ممكن بحدود 20000 دولار في السنة يللا ولو دفعت اكبر الفيللا بتبقى اكبر وعادة بدل السكن بيكون اكبر من الايجار البتدفعيهو وده بيخليك من توفري منو
عايزة توفير تعالي السعودية لكن انسي حاجات تانية كتيرة entertainment, fun مافي الا تطلعي تتمشي في مول مع اولادك او تاجرو استراحة انتو واصحابكم بعدين انا انتي بتحبي الافلام هنا ما في سينما انا لما اكون خرمان لي فيلم وعايز اشوفو في السينما بسوق 500 كيلو متر عشان اتفرج عليهو في البحرين طبعا ممكن تشتركي في الشوتايم او اوربت
الامارت عموما نوع الحياة فيها مريح quality of life احسن كتير من السعودية بس غالية جدا وتاكدي قبل ما توقعي اي عقد انو الشكرة بتوفر ليك السكن والتعليم لانهم اكتر حاجتين بقصو الضهر التكاليف الباقية متشابهة وبتعتمد على الشخص نفسه
في ملف انا عاملو عن تكاليف الحياة في دبي حارفعو ليك بس بعد ما اعمل ليهو تحديث لانو فيهو معلومات في سنة 2010
مثلا ده تحت حاجة عن المدارس في دبي يمكن تديك فكرة لكن لازم التاكد بشكل شخصي من المدرسة لانو الرسوم بتتغير وكذلك بعض المدارس الامريكية لديها قوائم انتظار طويلة جدا ولكن ايضا لديها اتفاقات مع بعض الشركات الكبرى والتي لديها عدد كبير من الموظفين فتحتفظ لهم باماكن
ده جزء من ملف اكسل فيهو حاجات كتيرة عن تكلفة المعيشة في دبي تحديدا عملتو لما كان جاني عرض عمل هناك
| |
|
|
|
|
|
|
|
|
|
Re: ناس الخليج.....مساعدة. (Re: محمد إبراهيم علي)
|
يا فتاح يا عليم يا رزاق يا كريم .. الأخ تمبس دا مالو ؟
إحتراماً لصاحبة البوست و حاجتها الماسة للمعلومات ما حأجاريك فى إسلوبك يا تمبس عشان البوست ما يلحق أمات طه ..
بس نصيحة صغيرة .. حاول ياخى تخاطب مع الناس بشوية إحترام بالذات إنو دى أول مرة يحصل تداخل بيناتنا و مافى معرفة عميقة بتسمح ليك تخاطبنى بالطريقة دى مش ؟
أسلوبك منفر جداً و فى مليون طريقة توضح لى فيها إنو السعودية فيها حرية و إنو الفى راسى دا إنطباع غير صحيح .. ثقافة الفتونة دى ما بتنفع مع أى زول.. خليك زول عميق ياخ
| |
|
|
|
|
|
|
|
|
 Re: ناس الخليج.....مساعدة. (Re: وليد عكاشة)
|
| Quote: و مافى معرفة عميقة بتسمح ليك تخاطبنى بالطريقة دى مش ؟ |
..
والله لو ما الأخت اسمارتي .. كان ببقى معاك اعمق من كدا ..
معليش يا اسمارتي .. الزول دا شكلو عميق شويتين .. وعارف حاجات كتيرة ممكن يفتي فيها ..
| |
|
|
|
|
|
|
|
|
|
Re: ناس الخليج.....مساعدة. (Re: وليد عكاشة)
|
وليد عكاشة و تنبس استهدوا بالله. انتو (و الله) متفقين تماما فى ان السعودية كويسه. ما تتغالطوا و تتشاكلوا فى الفاضي.
عايزين تقعدوا تتغالطوا هنا و تخلونى اتمقلب انا...موش? انا عندى يومين بس ارد فيهم. اتشاكلوا لقدام....
نجى للجد
| Quote: في كتير من حملة الجنسيات الغربية .. امريكية كندية المانية هولندية سويدية .. إلخ وهم سودانيين وجدو مكانه مميزة ليهم في الخليج وتحديدا السعودية .. من كل النواحي .. سكن ، تعليم ، علاج .. ومجتمع سليم |
انا (لحسن الحظ او سؤ الحظ ...الله اعلم) من حملة الجواز الاخضر. عملنا فيها شريفة فاضل و قلنا ما بنقدم للجؤ. فى سودانيين غيرنا احوج ليه. المهم ...احنا ح نجى بجواز اخضاااار.
طمنتنى عن موضوع العلاج. لكن عندى سؤال...هل فى سقف للعلاج? هل بيقولوا بنعالجك لحدى خمسين الف دولار فى السنة??
و موضوع التعليم _من البوست حتى الان_ باين ان السعودية احسن من ناحية القروش.
شكرا جزيلا يا تنبس....يديك العافية
| |
|
|
|
|
|
|
|
|
|
Re: ناس الخليج.....مساعدة. (Re: smart_ana2001)
|
| Quote: لو دايرة معلومات مجانية انتظري اعمل الـ sale بعد كم شهر |
انا عارفاك يا اساسي من زمن( العدة و الملايات ) ما فيك فايده....لكن ما قايله للدرجة دى يا اخى!!!
اها لو عاوزه قبل السيل ....ادفع كم?
انا معاك...زول تعب فى حاجه ما يديها للناس ساى كده....اها عاوز كم? انا ما بقدر استنى شهور...فى مدير كبير مفروض نرد عليه فلا خلال ايام
| |
|
|
|
|
|
|
|
|
|
Re: ناس الخليج.....مساعدة. (Re: smart_ana2001)
|
محمد إبراهيم علي
شكرا جزيلا على المعلومات دى كلها. يديك العافية
مصاريف المدارس فى الجدول بالدرهم ام بالدولار???
| Quote: الحياة في السعودية ماديا احسن يعني ممكن بحدود 20000 دولار في السنة |
هل ده معناه انى بقدر اوفر من مرتبى حوالى 20 الف دولار زياده ? صح?
لكن بالمقابل ما فى سنما....ما فى مسرح....ما فى حفلات عصام محمد نور.!! ما اظن برضو يكون فى معارض رسم او متاحف.
انا ما بنتقد فى اى شئ...انا عاوزه افهم بس.
| Quote: الامارت عموما نوع الحياة فيها مريح quality of life احسن كتير من السعودية بس غالية جدا |
لما تقول quality of life قصدك العلاج و التعليم و الامن احسن فى الامارات? قصدك العيشه اريح? يعنى الشوارع ما زحمة شديده? ....الناس اظرف?? ام وسائل الترفيه اكتر?
تعرف الموضوع فى النهاية ح يبقي حسابات بالورقة و القلم....و لازم اخت قيمة لاى شىء. يعنى ممكن اوفر كم فى السنة عشان اتنازل عن انى لما تهف لى فى اى وقت امرق امشي احوم فى الشارع ساى كده. او ان البارك للاطفال على مسافة دقيقتين بالارجل. او ان الناس ظراف و لما عينك تقع فى عين زول (غالبا) بيقول : هاى.
انا بصراحة ممكن اتنازل عن الفوق ده بوفر 20 الف دولار زياده فى السنة...لكن ما للابد.
شكرا جزيلا على المعلومات عن المدارس....كتر خيرك و بارك الله فيك
| |
|
|
|
|
|
|
|
|
|
Re: ناس الخليج.....مساعدة. (Re: smart_ana2001)
|
محمد أبوالعزائم أبوالريش سلامات
شكرا جزيلا على الوصلات.
و الله اهلنا بختهم ....فكونا فى مدارس الحكومة كان فى السودان كان فى الخليج و خلصوا...يا اخى من بديت قراية لحدى ما خلصت جامعة ما بيكونا صرفوا على متين دولار. غايتو الحمد لله
| |
|
|
|
|
|
|
|
|
|
Re: ناس الخليج.....مساعدة. (Re: smart_ana2001)
|
| Quote: قصدك العلاج و التعليم و الامن احسن فى الامارات? قصدك العيشه اريح? يعنى الشوارع ما زحمة شديده? ....الناس اظرف?? ام وسائل الترفيه اكتر? |
انا عايش في السعودية اكثر من 12 سنة وبمشي ابوظبي ودبي بحكم عملي كتير جدا
حقيقي دبي او ابوظبي من الاماكن اللي الواحد يحب يعيش فيهم
من ناحية العلا ج اعتقد ما فرق كبير وان كانت السعودية تتميز بالاطباء السودانيين (ناس زمان قبل ثورة التعليم) وعدد كبير منهم اتي مباشرة من بريطانيا او ايرلندا
ده ما بيعني انو الامارات ما فيها اطباء سودانيين بس هنا بتلقيهم في مستشفيات كتيرة وطبعا في البلدين التامين الطبي بتاخديهو مع العقد باي ديفولت
التعليم اعتقد انو في الامارات والسعودية متشابه مع وجود بعض المدارس هنا ذات مستوى عالى جدا ولكن طبعا سعرها اغلى
الامن : الامارات احسن من السعودية وبفارق كبير جدا وهذا لا يعني انه لا توجد جريمة هناك ولكن نوعية الجرائم مختلفة هنا بصراحة لو عندك ولد عمرو 12 سنة بتلاوزي ترسليه البقالة في بعض الاحياء (التحرش الجنسي منتشر بكثرة) وده مرات ما عندو علاقة بالحي هل هو شعبي او راقي لان هؤلاء المرضي يتجولون بسياراتهم بحثا عن الفرائس
السرقات هنا تتم في بعض المرات بجرأة شديدة جدا فيمكن وانت تسحبين مالا من الصراف الالي يحاوطوك 3 ومعهم سلاح وياخدوا البقدرو يطلعو بيهو وحصلت لناس كتير بعرفهم
المعاكسات للسيدات والفتيات لا حد لها في الاسواق وفي الشارع ووامام مدارس البنات هذه لا اعتقد انها موجودة في الامارات
القيادة هنا نوع من انواع افلام الرعب الا للمتعود عليها فالتجاوز الخاطئ وتجاوز الاشارة الحمراء والمضايقة في الطريق من الاشياء اليومية والتي لاتثير دهشة اي زول هنا بالعكس من الامارات احترام قانون المرور بشكل كبير يجعلك تقودين سيارتك بارتياح مع العلم انه هنا غير مسموح للمراة بقيادة السيارة !!!!
الزحمة موجودة في الاتنين وان كانت دبي بعد الازمة اخف كتير بس ابوظبي مشكلة حقيقية في المواقف وزحمة السير
هنا ما في وسائل ترفيه الا القلتها ليك فوق ديك (تاخدي اولادك وتمشي مول او تاجرو استراحة مع اصحابكم وتساهرو فيها للصباح) في طبعا حفلات سودانية وبجو فنانين من السودان بالاضافة لفنانين مقيمين هنا ولكن برضو لما يجي فنان من السودان بتكون مشكلة كبيرة جدا من شدة الزحمة وعادة السودانيين بتاعة تاجير قاعة صغيرة جدا وبعد شوية تلقى روحك بتفتشي للهواء والموية طبعا في اعراس سودانية ودي طبعا الواحد بمشي ليها لما يكون على معرفة باهل العرس
السعودية هنا ممكن تلقي فيها اي حاجة سودانية وبسهولة شديدة يعني اي حاجة عايزاها للبيت زي ويكة دقيق كسرة او قراصة كنش (قرقريبة) دكوة حلو مر رقاق نبق تسالي دوم الملابس السودانية والخياطين بتاعينها (جلاليب عراريق..) وما ال ذلك متوفرة وبكثرة بل هناك حي في الرياض اخذ طابعا سودانيا حتى اسماء المحلات سودانية وهو حي غبيراء
تانيا مثلا اذا حبيتي تطلعي تاكلي برة البيت هنا في السعودية في مطاعم على مستوى جيد واسعارها معقولة ولكن يوج فيها قسم خاص للعوائل هناك في دبي زي ما عندنا في السودان او عندك في امريكا كلو على الهواء
ولكن الموضوع في النهاية بعتمد عليك وعلى نوعية الحياة البتفتشي ليها
انا بوصي بالامارات او قطر والاتنين فيهم الشغل على ودنو وممكن تشتغلي انت وزوجك - هنا احتمال انك تشتغلي لو جيت مع زوجك صعب شوية الا لبعض المهن وانا اعتقد انك مهندسة فصعب جدا تحصلي شغل هنا في مجالك اما اذا جيتي انت متعاقدة مع شركة اجنبية وزوجك جا مرافق معاك عشان يشتغل عايزة مباصرة لانها بالقانون ممنوعة
* الاسعار اعلاه بالدرهم الاماراتي (1USD=3.6DHS)
| |
|
|
|
|
|
|
|
|
|
Re: ناس الخليج.....مساعدة. (Re: محمد إبراهيم علي)
|
Quote:
انا عايش في السعودية اكثر من 12 سنة وبمشي ابوظبي ودبي بحكم عملي كتير جدا
حقيقي دبي او ابوظبي من الاماكن اللي الواحد يحب يعيش فيهم
من ناحية العلا ج اعتقد ما فرق كبير وان كانت السعودية تتميز بالاطباء السودانيين (ناس زمان قبل ثورة التعليم) وعدد كبير منهم اتي مباشرة من بريطانيا او ايرلندا
ده ما بيعني انو الامارات ما فيها اطباء سودانيين بس هنا بتلقيهم في مستشفيات كتيرة وطبعا في البلدين التامين الطبي بتاخديهو مع العقد باي ديفولت
التعليم اعتقد انو في الامارات والسعودية متشابه مع وجود بعض المدارس هنا ذات مستوى عالى جدا ولكن طبعا سعرها اغلى
الامن : الامارات احسن من السعودية وبفارق كبير جدا وهذا لا يعني انه لا توجد جريمة هناك ولكن نوعية الجرائم مختلفة هنا بصراحة لو عندك ولد عمرو 12 سنة بتلاوزي ترسليه البقالة في بعض الاحياء (التحرش الجنسي منتشر بكثرة) وده مرات ما عندو علاقة بالحي هل هو شعبي او راقي لان هؤلاء المرضي يتجولون بسياراتهم بحثا عن الفرائس
السرقات هنا تتم في بعض المرات بجرأة شديدة جدا فيمكن وانت تسحبين مالا من الصراف الالي يحاوطوك 3 ومعهم سلاح وياخدوا البقدرو يطلعو بيهو وحصلت لناس كتير بعرفهم
المعاكسات للسيدات والفتيات لا حد لها في الاسواق وفي الشارع ووامام مدارس البنات هذه لا اعتقد انها موجودة في الامارات
القيادة هنا نوع من انواع افلام الرعب الا للمتعود عليها فالتجاوز الخاطئ وتجاوز الاشارة الحمراء والمضايقة في الطريق من الاشياء اليومية والتي لاتثير دهشة اي زول هنا بالعكس من الامارات احترام قانون المرور بشكل كبير يجعلك تقودين سيارتك بارتياح مع العلم انه هنا غير مسموح للمراة بقيادة السيارة !!!!
الزحمة موجودة في الاتنين وان كانت دبي بعد الازمة اخف كتير بس ابوظبي مشكلة حقيقية في المواقف وزحمة السير
هنا ما في وسائل ترفيه الا القلتها ليك فوق ديك (تاخدي اولادك وتمشي مول او تاجرو استراحة مع اصحابكم وتساهرو فيها للصباح) في طبعا حفلات سودانية وبجو فنانين من السودان بالاضافة لفنانين مقيمين هنا ولكن برضو لما يجي فنان من السودان بتكون مشكلة كبيرة جدا من شدة الزحمة وعادة السودانيين بتاعة تاجير قاعة صغيرة جدا وبعد شوية تلقى روحك بتفتشي للهواء والموية طبعا في اعراس سودانية ودي طبعا الواحد بمشي ليها لما يكون على معرفة باهل العرس
السعودية هنا ممكن تلقي فيها اي حاجة سودانية وبسهولة شديدة يعني اي حاجة عايزاها للبيت زي ويكة دقيق كسرة او قراصة كنش (قرقريبة) دكوة حلو مر رقاق نبق تسالي دوم الملابس السودانية والخياطين بتاعينها (جلاليب عراريق..) وما ال ذلك متوفرة وبكثرة بل هناك حي في الرياض اخذ طابعا سودانيا حتى اسماء المحلات سودانية وهو حي غبيراء
تانيا مثلا اذا حبيتي تطلعي تاكلي برة البيت هنا في السعودية في مطاعم على مستوى جيد واسعارها معقولة ولكن يوج فيها قسم خاص للعوائل هناك في دبي زي ما عندنا في السودان او عندك في امريكا كلو على الهواء
ولكن الموضوع في النهاية بعتمد عليك وعلى نوعية الحياة البتفتشي ليها
انا بوصي بالامارات او قطر والاتنين فيهم الشغل على ودنو وممكن تشتغلي انت وزوجك - هنا احتمال انك تشتغلي لو جيت مع زوجك صعب شوية الا لبعض المهن وانا اعتقد انك مهندسة فصعب جدا تحصلي شغل هنا في مجالك اما اذا جيتي انت متعاقدة مع شركة اجنبية وزوجك جا مرافق معاك عشان يشتغل عايزة مباصرة لانها بالقانون ممنوعة
* الاسعار اعلاه بالدرهم الاماراتي (1USD=3.6DHS) |
وجهة نظر قوية ومؤسسة خاصة فيما يختص بفرص العمل
جنى
| |
|
|
|
|
|
|
|
|
|
Re: ناس الخليج.....مساعدة. (Re: محمد إبراهيم علي)
|
ده الرد التالت يتمسح
كان ما مشا
قطر دي خليها عديل ...
سلامات
فيما يخص قطر
لو الشركة ما بتدفع ليك المدرسة و السكن % حتتعبي شديد
ديل أغلي حاجة بالإضافة للمعيشة
الفضل شنو؟
قطر مريحة و فيها مساحة حرية متوفرة ، وما حتعملي حاجة غصباً عنك
لكن لو مفلسة ما حتعملي أي حاجة خالص
:)
عموماً لو عندك أوفر محدد وحبيتي تناقشي تفاصيل معينة ممكن الواحد يفيدك في الإيميل
| |
|
|
|
|
|
|
|
|
|
Re: ناس الخليج.....مساعدة. (Re: توما)
|
جنى....انت شكلك بالجد ادمنت.
الانسان-سبحان الله- بيتعود على كل شيء. يا اخى انا كنت قاعده فى الخرطوم كم وعشرين سنة مبسسسسوطه من غير مشاكل. هسي بمشي السودان من المطار بقعد انقنق ان الرجال فى السودان عايانيين (بعاينوا)....و فى السوق بيشاغلوا...(ما هم لابسه شنو... .توب...عباية...خيمة....).
اولادى ديل انا ما عاوزه منهم اى حاجه بعدين. معاشي بلم فيه من هسي. وبعد شوية بلم قروش دار العجزة كمان...بس يكون واحد فى بفرلى هلز... بس هم فى روحهم دى يكونوا ناس كويسين. يصلوا و يصوموا و ينفعوا العالم حولهم بعلمهم واخلاقهم و يعيشوا سعداء.
محمد إبراهيم علي
و الله ما قصرت كلو كلو... ده كلام واضح و مفيد.
كلامك ده عن الامن و عن الوظائف للنساء بخلى الزول يستبعد موضوع السعودية. انا ما بعرف اصحى من النوم الصباح اقعد اتلفت. و الحج يا جنى مره واحده فى العمر.
بعدين موضوع الدكاتره السودانييين ده براه بيطفش. انا فى بلد الفرنجه دى لو سمعت العياده فيها دكتور عربي ما بمشيها اصلا. ما عشان عندى شك فى قدراتهم (لا سمح الله). السبب انهم بيحاولوا يصاحبوك و زمن المقابلة يبقي ونسه. العلاقة مع الدكتور لازم تكون بروفشنال. دكتور الاولاد الباكستانى اول ما بقي يقول لى رمضان كريم و يحكى عن زيارته لباكستان غيرته على طول.
توما
لسه ما عندى افر معين...لكن فى فرص جايه و مفروض نقرر ح نمشي على اى واحده. قلت to do my homework عشان لما زوجى يجى يقول السعودية...اقول ليه انسي.
| |
|
|
|
|
|
|
|
|
|
Re: ناس الخليج.....مساعدة. (Re: smart_ana2001)
|
يا سمارتي لميتي ليك في عقد كارب في الخليج و بتحسبي في الخسارة و الربح?
النسوان ديل جنهم قروش! أها ما سألتي سعر رطل الدهب و التياب و الشقق وال BMW و الماكنتوش و الجزم الإيطالية.
حالتك صعبة!
أها الجرجير قام ولا ما قام?
| |
|
|
|
|
|
|
|
|
|
Re: ناس الخليج.....مساعدة. (Re: Kostawi)
|
كوستاوى ياخى كويس اللمينا فيك .. أصلو الزول لمن يكون جديد فى مكان بكون معرض للحقارة بعيد عنك ..
أنا زميل قديم فى سودان.نت .. من زمن البورد بالإنجليزى فى 1999 و بعدين سجلنا سوا فى دفعة مارس 2002 الشهيرة ..
جيناكم متأخرين شديد يا حاج .. إنشا الله عندكم لينا مقعد يا مولانا ..
| |
|
|
|
|
|
|
|
|
|
Re: ناس الخليج.....مساعدة. (Re: وليد عكاشة)
|
أختنا سمارت .. بعد الأزمة المالية دبى أصبحت الأفضل على الإطلاق من ناحية السكن .. يعنى ممكن تلقى فيلا تلاتة غرف بى حوض سباحة خاص فى حدود 100 لى 120 الف درهم .. و طبعاً فى مكان راقى و جمبك المول و السينمات و كافة وسائل الترفية و البلد آمن جداً ممكن تنومى و تخلى الباب فاتح .. بس ما حتوفرى ولا 20 دولار خلى 20 الف عشان تكونى عارفه ...
| |
|
|
|
|
|
|
|
|
|
Re: ناس الخليج.....مساعدة. (Re: Kostawi)
|
جرجير و الرجلة و الملوخية كلهم قاموا يا اخى. ح اديهم كم اسبوع كده و ابدا احصد. امس ضربت لامى اسال عن وصفة طبيخ الرجلة. غايتو ده ح يكون صيف اساسي.
سعر الدهب ابى ينزل كلو كلو . و كل المنظرين بيقولوا انها the gold bubble
اما الshopping فبجى اعملوا هنا فى كلفورنيا الجميلة....بس خلينى الم القروش من قطر. لازم يا كوستاوى نمشي نربط مواسير الاستادات ال ح يبنوها لكاس العالم ده ماسورة ماسورة
| |
|
|
|
|
|
|
|
|
|
Re: ناس الخليج.....مساعدة. (Re: توما)
|
| Quote: عشان اتنازل عن انى لما تهف لى فى اى وقت امرق امشي احوم فى الشارع ساى كده. او ان البارك للاطفال على مسافة دقيقتين بالارجل. او ان الناس ظراف و لما عينك تقع فى عين زول (غالبا) بيقول : هاى. |
ههههههه سمارت والله ضحكتيني بكلامك ده ـ ده بنطبق عليهو المثل البقول ليك : الما عارف يقول عدس ـ كدي جربي امشي حومي عشان تلقي نفسك مقبوضة في هيئة الأمر بالمعروف والنهي عن المنكر في الملز :) ولحدي ما تتفكي يكون المطاوعة ديل سمعوك من الفارغة والمليانة لمن تتخيلي نفسك من كفار قريش..
والواحد ما عاوز يكسر مقاديف زول.. لكن أنا شخصياً لمن جيت السعودية ما كنت عارف الحاصل بصراحة كده ولا عندي عنها أي فكرة سوى أنها بلد قروش ، وأنا شخصياً لو كنت عارف بس 1% من الحاجة الشفتها بعيني وعشتها على أرض الواقع لو السعودية دي تبقى شنو داك ما كنت بعتبها ـ أهو كنا بنشوف الناس بتجي من السعودية مرطبين ومرتاحين، لكن أصلو ما كانوا بقولوا الحقيقة لحدي ما جينا ولقينا نفسنا متورطين والواحد اتفاجأ بالشيء الحاصل..
والمهم غايتو ربنا يوفقك يا زولة في أي محلة تمشيها، وهي الحياة دي أصلها تجارب وفيها المر وفيها الحلو وفيها البين بين.. والمسألة كلها في الأول والأخير توفيق من ربنا العالمين والتقييم بختلف من زول للتاني.. وتجربة شخص ما بالضرورة تكون هي نفس تجارب الآخرين..
بالنسبة للجزء الأول من تساؤلاتك والمتعلق بمستوى المعيشة والجوانب الاقتصادية والمعيشية .. فأنا غايتو ما عشتا في السعودية بالمستوى المعيشي البتتكلموا عنو ده عشان أقدر أفتي وأنظر ليك أو أفيدك فيهو ): يعني يادوبك حاجة على قدرنا كده، فلست في مقام تقديم المشورة والنصح فيما يخص الجزء المتعلق بالمعيشة ومدارس الأطفال من تساؤلاتك
والحقيقة أنو أول مرة زاتو أعرف انو في مدرسة في السعودية ممكن تكلف طفل صغير عشرين ألف دولار في السنة.. عشان حا يتخرج شنو مثلاً ؟ خادم الحرمين الشريفين ؟
عموماً الحاجة البقدر أقولا ليك فيما يخص الجزء ده: السعودية فيها قروش بالهبل، والسيولة متوافرة في أيدي الكثير جداً من "السعوديين" بصورة قد تفأجئك لو لم يكن لديك سابق تجربة بالحياة فيها، والشغل فيها ساهل ـ بمعنى إنو الحصول على العمل (أي عمل) ليس بتلك المعضلة الكبيرة إذا كنت مؤهل أو مؤهل نص كم أو غير مؤهل حتى ـ لكن علاقات العمل وقوانينه غامضة للحد البعيد وفيها ظلم وتحامل على الأجنبي بصورة قد لا تجديها في أي مكان آخر على سطح الأرض.. وبالطبع فلا أعرف الكثير عن الشركات الأمريكية الموجودة في السعودية.. لكن لا اتصور أنها قد تطبق نفس المعمول به في الولايات المتحدة بنسبة مائة في المائة ـ وربما يصح في وضعهم الوصف بأنو (الطشاش في بلد العمي شوف)..
الجزء التاني المتعلق بالحرية وإنو يكونوا ظراف معاك.. فده هنا مربط الفرس يا سمارت، وهو مما يثير الضحك فعلاً
باختصار كده وبدون ما أدخل ليك في تفاصيل ما ليها لازمة وتصيبني أنا نفسي بالتوتر والغثيان كلما تذكرتها: السعودية هي الجحيم بعينه فيما يتعلق بمسألة الحريات هذه.. صغرت هذه الحرية أم كبرت، ولو قدر لك ربنا الذهاب إلى هناك فقد يتاح لك التعرف عليها عياناً بياناً..
وانتي عليك أن توازني بين هذين الأمر.. الفائدة الاقتصادية والمادية من جانب، والوضع الاجتماعي والنفسي السيء جداً المتعلق بسوء المعاملة وانعدام الحريات وإنو البلد عبارة عن سجن كبير ليس إلا من الجانب التاني، وخصوصاً كمان انك بتقولي انك حا تمشي بالجواز السوداني وهي دي مسألة بتفرق كتير جداً يا سمارت في الجانبين القلتهم ليك فوق ديل
| |
|
|
|
|
|
|
|
|
|
Re: ناس الخليج.....مساعدة. (Re: Elhadi)
|
Quote: كوستاوى ياخى كويس اللمينا فيك .. أصلو الزول لمن يكون جديد فى مكان بكون معرض للحقارة بعيد عنك ..
أنا زميل قديم فى سودان.نت .. من زمن البورد بالإنجليزى فى 1999 و بعدين سجلنا سوا فى دفعة مارس 2002 الشهيرة ..
جيناكم متأخرين شديد يا حاج .. إنشا الله عندكم لينا مقعد يا مولانا .. |
سلام يا وليد
شوف يا زول نحن في سودانيزأونلاين دي أولاد صغار جدا....شنو سنة 1999
بلاش فضائح معاك. أها كان إسمك منو في سودان نت? طبعا إسمارت دي كانت معاكم في sudan.net سنة 1919
| |
|
|
|
|
|
|
|
|
|
Re: ناس الخليج.....مساعدة. (Re: Kostawi)
|
ستي اسمارات ... بالورقه والقلم ... مادي او معنوي ... وخميس وجمعه تقطعي البحر وترجعي .... انا مع كلام جني ... جده
وعادي تسافري يوم الاربعاء دبي وترجعي الجمعه علشان السنما والسواقه
وعلي حسب الدخل بتلقي الوضع المريح (بدون البدلات مابين 8000 الي 12000 دولار شهري) اذا عايزه الحاجات التحت ديل
غير كده حتي نص المبالغ الفوق ديل برضو بتكون الحياة ساهله وسلسه وممكن توفري كمان وتشتري السكويا من اول سنه باقساط مريحه من عبداللطيف جميل.
السكن في المجمعات السكنيه وقطع شك استاندر عالي لدرجه تفووق التصور( ... 15000 الي 30000 دولار سنوي )
الدراسه علي حسب المراحل الدراسيه المطلوبه وبرضو استاندر مختلف من الكلام الذكروا الاخوان والي اعلي من كده بكتير من ناحية المصاريف تصل للطالب الواحد للسنه 11 او 12 حوالي 18000 دولار سنوي
العلاج متوفر وبرضو حسب نوع التامين الطبي
المعنوي ودي ذي ما ذكروا الاخوان واكتر
ولما تبقي جايه مستعدين لاي خدمه
احترامي واقديري
| |
|
|
|
|
|
|
|
|
|
Re: ناس الخليج.....مساعدة. (Re: willeim andrea)
|
محمد أبراهيم علي:
Quote: الامن : الامارات احسن من السعودية وبفارق كبير جدا وهذا لا يعني انه لا توجد جريمة هناك ولكن نوعية الجرائم مختلفة هنا بصراحة لو عندك ولد عمرو 12 سنة بتلاوزي ترسليه البقالة في بعض الاحياء (التحرش الجنسي منتشر بكثرة) وده مرات ما عندو علاقة بالحي هل هو شعبي او راقي لان هؤلاء المرضي يتجولون بسياراتهم بحثا عن الفرائس
السرقات هنا تتم في بعض المرات بجرأة شديدة جدا فيمكن وانت تسحبين مالا من الصراف الالي يحاوطوك 3 ومعهم سلاح وياخدوا البقدرو يطلعو بيهو وحصلت لناس كتير بعرفهم
المعاكسات للسيدات والفتيات لا حد لها في الاسواق وفي الشارع ووامام مدارس البنات هذه لا اعتقد انها موجودة في الامارات
القيادة هنا نوع من انواع افلام الرعب الا للمتعود عليها فالتجاوز الخاطئ وتجاوز الاشارة الحمراء والمضايقة في الطريق من الاشياء اليومية والتي لاتثير دهشة اي زول هنا بالعكس من الامارات احترام قانون المرور بشكل كبير يجعلك تقودين سيارتك بارتياح مع العلم انه هنا غير مسموح للمراة بقيادة السيارة !!!!
|
كلام حقيقي يدل على فهم عميق للبلدين ...
أقول ليك حاجة يا سمارت انا غايتو الإمارات ده ما ببدلها بأي مكان .. بلد الحياة فيها راااقية وهادئة وأمان بأعلى مستوى
شعب الإمارات قل أن تجدي مثله في الأخلاق والتعامل والطيبة, بلد ما في منها .. متعة والله ..
أنا في العين وهي مدينة الزهور والخضرة والهدوء .. كل مستويات المدارس موجودة وبجودة عالية وأسعار مناسبة .. وبالمناسبة
ما كل المدارس الغالية تعني مستوى أكاديمي متميز .. وكل التجارب ده خضناها وجربناها ..
السكن في العين ما رخيص الشقق تتراوح بين 45 الف درهم حتى 90 ألف حسب المساحة والموقع .. والفيلل من 120 الى 180 الف وهي قصور
شراء السيارات وسلفيات البنوك من أسهل ما يكون .. بس أبوظبي ناااار
نتمنى ليك التوفيق
| |
|
|
|
|
|
|
|
|
|
Re: ناس الخليج.....مساعدة. (Re: كمال مبارك)
|
أسمارت ... سلام ...
في خيار تاني بالنسبة للسعودية تضربي فيهو عصفورين بحجر ...
بالنسبة للخبر/ الظهران/ الدمام ... إذا ربنا وفقك في وظيفة كويسة ... ممكن تسكني في المنامة في البحرين ...
والتوجه ده حاصل بشده في الفترة الأخيرة ...
أنا معاي زملاء (خواجات وسعوديين ) عايشين في البحرين وشغالين في السعودية ...
وبرضه بعض السودانيين ... عاملين كده .. والكثير جداً من السعوديات بيدرسوا في جامعات بحرينية ..
البحرين بلد صغيرة ولذيذة ومفتوحة جداً ... والى حد ما السكن فيها معقول ...
والتعليم والمدارس الغربية متوفرة الى الجامعات ... وناسها لطيفين ...
والمشوار بين الخبر والبحرين ... كوبري فقط ...
...
بعدين في الفترة الأخيرة ... حكاية دفع المصاريف الدراسية لأبناء الموظف دخلت بشدة في الكثير جداً من الشركات الكبيرة ...
كنوع من أنواع إستقطاب الكفاءات ...+ بدل السكن برضه بيوصل الى 4 رواتب في السنة للسنير بوسيشنس ...
سلام
| |
|
|
|
|
|
|
|
|
 Re: ناس الخليج.....مساعدة. (Re: حاتم يوسف العبيد)
|
أنا قيييت نوورت البييييت
مع احترامي لي كلام الناس المروا من هنا جميعا ,
لكن أناجيت السعوديه وعمري سنه وواحده فقط , ودرست كل مراحلي الدراسيه(عدا الجامعيه) هنا ومن محاسن الصدف أني اتزوجت وعشتا هنا منجديد :)
واسي مستغرربه جدا في كلام الناس البيقولوا (يخموكي من الشارع) و(تنسي الحريات) و(الناس سخيفين) ...الخ
الفرق بين المملكه واي بلد خليجي اخر هو أنك ماحاتسوقي عربيه .. بسسسس !!
ربنا سبحانه وتعالى أداني أبو جنو وجن حاجه اسمها (ودينا السوق) ولا (ارح نجيب حاجات للبيت)
عمري دا كلو بمشي انا وامي (واحيانا كتيره) امي براها الى الاسواق والمجمعات والمولات والعيادات والخ الخ بي ليموزين ,
تركبي معززه مكرمه , وتنزلي وتدفعي قروشك , وابشررك كمان , بتاعين الليموزين بيقيفوا للنسوان أسرع من الرجال ,,
كل مشاويرك الشخصيه ممكن تقضيها بي نفسك بدون مايكون معاكي اي زول ,
ممكن تطلعي مع صحباتك المطاعم وتمشي في الاسواق وتأكلي الطعام ,,
حساباتك البنكيه وفواتيرك ومطوتك في جيبك ومافي اي فرق بينك وبين سمارت اناز هصبند الا سواقه العربيه ,,
مسأله النقاب متروكه ليكي تماما ,
عدد كبير من السودانيات (منهن بوردابيات معانا في المنبر دا) بيلبسوا طرح ملونه مع العبايه ,
ومنهن من يحوم في المولات بدون طرحه ,, والحاجه دي اكتر شي في اللبنانيين والشوام والجنسيات الاسيويه ,,
بالنسبه لي رسوم المدارس ,شايفه في أكتر من زول وفوا وكفوا في الموضوع دا ,
علما باني درستا في مدراس الحكومه من اولى ابتدائي لحدي الشهاده الثانويه , لا قرش لا تعريفه وجبتا مجموع مجزي جدا
بل وكنتا في العشره الاوائل على منطقتي , وفي الميه الاوائل على مستوى المملكه (اااي شاطره وكدا)
فرص العمل بالنسبه للسيدات متوفره بما انك زوله كواليفيد وكدا :)
حاصه في المجالات الطبيه ومجالات التدريس بالجامعات ,, ومريم بت الحسين خبررره ماشاءالله عليها في الموضوع دا
ممكن ترسلي ليها السي في بتاعتك وهي تدلك على أفضل العروض , أو تناقشيها في الاوفر اللي اتقدم ليكي واكييد حاتنصحك :)
صحباتي من السعوديات كتاار جدا , منهم من درست معاي من الابتدائي ,
وبالمناسبه فهم شعب طيب جدا ووفي جدا , ولو اتعودوا عليكي تاني يحلك الجليل الرحيم :)
الجو العام مختلف اكيييد عن امريكا ,
لكن اعتقد كفايه عليكي أنك ممكن تمشي العمره في الويك اند وقبل ما يبدا الاسبوع تكوني رجعتي :)
تمنياتي ليكي بالتووفيق , وانا جاهزه لاي استفسار :) :) :)
P.s في نوت في الفيسبوك بنفس موضوع بوستيكي دا مطروح من بوردابيه من بلاد المهجر عندها نفس الاسئله
حا أعمل ليكي تاق فيهو ^_^
| |
|
|
|
|
|
|
|
|
|
Re: ناس الخليج.....مساعدة. (Re: داليا الكباشى)
|
سمارت كيفك...
بما انك طنشتى الكويت تماما ....فاكيد حتفوتك كل الفرص اللى انتى بتسالى عنها من شركات تدفع مصاريف الدراسة والعلاج المجانى ومصاريف لتاثيث البيت وعضوية النادى وتامين على الحياة وصناديق توفير تساهم فيها الشركات مع وجود اسهم مجانية ..ووووووووووو.....
لمعلوماتك الكويت هى الاعلى فى الاجور ( المرتبات)يعنى اقل وظيفة مدير فما اعلى فى شركات الاستثمار من 7 الف دولار الى 30 الف دولار راتب اساسى فقط.
تمنياتى لك بالتوفيق اينما كانت وجهتك ومرحبا بك فى الكويت
| |
|
|
|
|
|
|
|
|
|
Re: ناس الخليج.....مساعدة. (Re: حامد محمد حامد)
|
كلام عجيب!!!
قريت البوست الآن
المداخلة الكتبتها أعلاه كتبتها بناء على مداخلة إسمارتي الأولة في بوستها... ما كنت عارف الموضوع قدر دا.
السؤال; يا إسمارتي هل عنوان بوستك تعني به موسم الهجرة للخليج لأنو الأولاد وصلوا سن المراهقة?!!!--- سؤالي ما جا من فراغ لأنو معظم العائلات في منطقتنا (منطقة واشنطون الكبرى) بعملوا كدا. و الغريبة السودانيين الفي الخليج بجوا هنا و لكندا لتعليم أبنائهم في الجامعات و بعضهم في الثانويات.
It is realy confusing
أتمنى أن أكون مخطئ تماما في كلامي الفوق دا
with my best regards
Khorda
| |
|
|
|
|
|
|
|
|
|
Re: ناس الخليج.....مساعدة. (Re: Kostawi)
|
شكراً جزيلاً يا جماعة علي الردود الوافية دي. ح اجيكم للرود براحة بس خلوني ارد علي الخرده كوستاوي في الاول.
كستاوي ما تكون بالجد قايلني قدرك ؟ مراهقة شنو كمان. أطفالي ياداب في بدايات السلم التعليمي
و سبب تفكيري في الخليج هو أني في المرحلة دي عاوزه اعمل ليهم اساس بتاع عربي و دين كويس مع عدم فقدان النظام الامريكي في التعليم. و عشان يا سيدي لما نصل مرحلة المراهقة دي نكون رجعنا لبلاد الفرنجة و قرينا فيها كم سنة و ظبطنا موضوع القبول لهارفرد او ييل
و عشان نضرب عصفورين بحجر، عاوزين شغل في مكان نقدر نعيش بصورة قريبة ( علي الاقل) من عيشتنا في بلاد العم سام و برضوا نوفر لينا حبة قروش زياده. ما تفتكر أني ما قاده أوفر في امريكا. أنا ذي اي مواطن امريكي صالح بوفر في المعاش بتاعي لأقصي مقدار تسمح بيه الحكومة الفدرالية و زياده عليه كمان. لكن ده ما بيمنع أني لو قعدت في الخليج حوالي 3 او 4 سنوات و طلعت برقم من ذوات الخمسة أصفار ، بيكون كويس.
صحيح ماشين بجواز اخضر لكن ح نمشيexpatriate ان شاء الله.
| |
|
|
|
|
|
|
|
|
|
Re: ناس الخليج.....مساعدة. (Re: smart_ana2001)
|
وليد عكاشة
| Quote: بس ما حتوفرى ولا 20 دولار خلى 20 الف عشان تكونى عارفه ... |
الله يطمنك
Elhadi
| Quote: وانتي عليك أن توازني بين هذين الأمر.. الفائدة الاقتصادية والمادية من جانب، والوضع الاجتماعي والنفسي السيء جداً المتعلق بسوء المعاملة وانعدام الحريات وإنو البلد عبارة عن سجن كبير ليس إلا من الجانب التاني، وخصوصاً كمان انك بتقولي انك حا تمشي بالجواز السوداني وهي دي مسألة بتفرق كتير جداً يا سمارت في الجانبين القلتهم ليك فوق ديل |
حتى مفهوم حرية مختلف من زول للتانى. كل زول بيكون شايف الحرية فى الحجات اللى هو بحبها
شكرا جزيلا على ردك لى. فى النهاية باين ان السعودية فيها قروش كويسه و فيها شوية حدود فى موضوع الحريات.
موضوع الامن اختلفوا فيه الناس تماما. وده بيجيبنى لكلام داليا و كلام محمد إبراهيم علي ....اللى انا ما شايفه تناقض بينهم (كنت فى البداية) ...الخلاصة ان الترفيه الوحيد للنساء هو السوق. و ممكن اكل فى المطاعم.و لازم الواحده تستحمل المشاغلات مرات مرات...و ده بالمناسبة فى السودان موجود.
الحاجه الكويسه لى البوست ده ان الناس مبسوطه و مستقرة فى البلاد اللى هم فيها
willeim andrea
| Quote: وعادي تسافري يوم الاربعاء دبي وترجعي الجمعه علشان السنما والسواقه |
تزكرة دبى دى اصلها بكم يا فرده ???
| Quote: غير كده حتي نص المبالغ الفوق ديل برضو بتكون الحياة ساهله وسلسه وممكن توفري كمان وتشتري السكويا من اول سنه باقساط مريحه من عبداللطيف جميل. |
السكويا اعمل بيها شنو كان ما ح اسوقها??? العربات ما للقشرة بس. العربات لمتعة السواقه يا اخى. اشترى سكويا لزوجى ??? ما حابيها نهائي
فى السعودية تعيش ذي ناس السعودية....من غير سنما و سكويا للنساء
| |
|
|
|
|
|
|
|
|
|
Re: ناس الخليج.....مساعدة. (Re: smart_ana2001)
|
يا سمارتي
و الله طلعتي أخرد من الخرد و زولة بتاعة قروش ساكت
أها يا ناس الخليج و السعودية أي واحد منكم يرسل 10 الف ريال أو دينار أو أي عملة من عملاتكم المهببة دي للخردة إسمارتي وتشوفوا لو تاني قالت ليكم عربي و دين!
إسمارتي جحمانة بتاعة قروش و بس
في زول بسيب الجنة و بوب مارلي و يمشي يفتش لبن لادن.
أنا السعودية دي قعدت فيها 3 شهور من عمري الغالي دا و تاني لو أدوني قروش البشير كلها ما برضى أشوف خلقتها و خلقة ناسها.
قلت لي عملتي كم في ال 401K
لو ما عملتي الخمسة أصفار ديك لغاية هسة إتوكلي و أمشي الدمام أو راس الخيمة...قالت عربي ودين! هو السعودية فيها عربي ودين?
| |
|
|
|
|
|
|
|
|
|
Re: ناس الخليج.....مساعدة. (Re: Kostawi)
|
Dr. Ahmed Amin
Quote: أقول ليك حاجة يا سمارت انا غايتو الإمارات ده ما ببدلها بأي مكان .. بلد الحياة فيها راااقية وهادئة وأمان بأعلى مستوى
شعب الإمارات قل أن تجدي مثله في الأخلاق والتعامل والطيبة, بلد ما في منها .. متعة والله ..
أنا في العين وهي مدينة الزهور والخضرة والهدوء . |
فى ناس كتار شكروا لى العين. و شكلى المره الجاية لى اجى بالماراتية مفروض اقعد كم يوم العين. و نشوف الحاصل.
الحمد لله انك قاعد فى حته جميلة و مبسوط فيها
كمال مبارك
| Quote: بدون شرح ،، انتى تبحثى عن مدينة الخبــــــر درة الخليج |
شكرا اخ كمال...المنطقة الشرقية شكلها عموما اكتر انفتاحا
حاتم يوسف العبيد
سلامات و شكرا على المعلومة المفيده
المسافة حوالى كم بين الخبر والبحرين ?
| |
|
|
|
|
|
|
|
|
|
Re: ناس الخليج.....مساعدة. (Re: smart_ana2001)
|
داليا الكباشى
سلامات يا داليا.... يا اخى انتى نورتى الدنيا كلها
Quote: بالنسبه لي رسوم المدارس ,شايفه في أكتر من زول وفوا وكفوا في الموضوع دا ,
علما باني درستا في مدراس الحكومه من اولى ابتدائي لحدي الشهاده الثانويه , لا قرش لا تعريفه وجبتا مجموع مجزي جدا |
اظن ان الان ما بيقبلوا طلبة اجانب فى مدارس الحكومة......ما متاكده, لكن سمعت كده.
| Quote: بل وكنتا في العشره الاوائل على منطقتي , وفي الميه الاوائل على مستوى المملكه (اااي شاطره وكدا) |
ما شاء الله
Quote: فرص العمل بالنسبه للسيدات متوفره بما انك زوله كواليفيد وكدا :)
حاصه في المجالات الطبيه ومجالات التدريس بالجامعات |
داليا ,صحبة خمستاشر سنة و ما عارفة انى مهندسة مدنية بتاعة موية ???
و انى بكره التدريس...و جربتو قبل كده !!!!
حكاية انى القي شغل دى ح اقنع منها نهائي فى السعودية....و لو القروش كتيرة شديد ممكن اعتبرها خدمة الزامية و اقعد فى البيت كم سن (٣ او ٤ ) عشان الاولاد يتعلموا العربى و بعدها نرجع بلدنا (السودان او امريكا....بقينا اصلا ما عارفين وطنا وين.)
شكلو يا داليا السعودية مصممة على ان النساء يقدروا يمشو السوق.
المشكلة انى I hate shopping . و نفسي اعين لى personal shopper . اقول ليها امشي جيبى لى بلوزه خضراء حرير تكون بتمشي مع الشبشب الاخضر ده ( و امد ليها الشبشب و القروش)
I am an outdoors person .عندنا عدة camping و عصايات بتاعة hiking و بحب اتريض فى الهواء الطلق. عارفه الجمعة الجاية كنا ماشين skydiving لكن حصلت لى مشكلة فى كتفى ما ح امشي بس زوجى ماشي.
بنحب الافلام و اكتر حاجه بنعملها انا و زوجى باستمتاع اننا نمشي comedy club. هو ذى والدك ...بيكره الاسواق و انا زوله بالى قصير على العزيل و الشرا
و للاسف يا داليا لو سالتى عننا اى زول هنا ح يقول الجماعة ديل ما اجتماعيين. بنقيف مع الناس لو احتاجوا لينا فى اى شيء. لكن الزيارات نادره جدا جدا. او فى الحقيقة فى المناسبات بس. و اظن ان فى السعودية الترفيه بالزيارات و التواصل الاجتماعى. و دى حاجه كويسه جدا جدا. لكن انا (مع فصاحتى فى النت) لو لقيتينى فى لمة ح اكون الزوله القاعده فى الطرف هناك و بتعاين بس
فى زوجات (ما شاء الله) عليهم الواحده بتكون قاعده فى البيت و بتكون بتسمع الاخبار و مثقفة و متنورة وعارفه الدنيا حاصل فيها....ذى امى ربنا يديها العافية. انا النوع البيقد فى البيت ....بتخلف على طول. لما كنا فى الجماعة فجاءة الكيزان قفلوا الجامعات ٩ شهور. بعد شهرفى البيت, امي بدت تضرب تلفون لكل معارفنا عشان يفتشوا لى شغل او تدريب فى اى مكان.
| |
|
|
|
|
|
|
|
|
|
Re: ناس الخليج.....مساعدة. (Re: smart_ana2001)
|
حامد محمد حامد سلامات ...كيفك? شغلتا العربى فى ال ipad ??
شكرا جزيلا على المعلومات المفيده. الكويت فى بالى و الله...لكن يا اخى حركم ده قالوا خرافى.
ما عندى اى شي ضد الكويت...بس اغلب الشركات اللى بنتكلم معاهم الايام دى شركات عنده مكاتب فى قطر و الامارات و السعودية. و من كلامك لو لقيت فرصة فى الكويت ح نفكر فيها جادين
شكرا تانى
Kostawi
| Quote: أها يا ناس الخليج و السعودية أي واحد منكم يرسل 10 الف ريال أو دينار أو أي عملة من عملاتكم المهببة دي للخردة إسمارتي وتشوفوا لو تاني قالت ليكم عربي و دين! |
و الله يا خرده لما اصحى باليل و اتذكر موضوع الدين والعربى النوم بيطير من عيونى
Quote: قلت لي عملتي كم في ال 401K
لو ما عملتي الخمسة أصفار ديك لغاية هسة إتوكلي و أمشي الدمام أو راس الخيمة |
دى اسرار عليا يا كستاوى...خلينا نقول ان الخمسة اصفار موجوده (فرضا) لكن الرقم الى على شمالها بيقرف لو كان ١ او ٩
| |
|
|
|
|
|
|
|
|
|
Re: ناس الخليج.....مساعدة. (Re: smart_ana2001)
|
Quote: حكاية انى القي شغل دى ح اقنع منها نهائي فى السعودية....و لو القروش كتيرة شديد ممكن اعتبرها خدمة الزامية و اقعد فى البيت كم سن (٣ او ٤ ) عشان الاولاد يتعلموا العربى و بعدها نرجع بلدنا (السودان او امريكا....بقينا اصلا ما عارفين وطنا وين.)
|
غاليتنا سمارت
تحياتي مجدداً
بالمناسبة يا سمارت مدينة الخُبر فيها شركات عديدة بتشغل المهندسات
وعلشان تاخدي فكرة عامة عن مدينة الخُبر، أغلب الشركات فيها شركات
هندسية جميع الأقسام (مدنية، كهرباء، معمار، ميكانيكا، ...إلخ) وتعمل
في مجالي المقاولات والاستشارات، وسبب تمركز هذه الشركات في مدنية الخبر
ناجم عن أن شركة أرامكو السعودية العملاقة هي التى تنشيء ملايين المشاريع
الهندسية وتعطيها لهذه الشركات لتصميمها وتنفيذها أي من طق طق إلى السلام
عليكم، وشركة أرامكو هي المالك وتدير هذه المشاريع، وتتحكم في 25% من بترول
العالم، وهو موجود في المحافظة الشرقية، والتى حاضرتها مدينة الخبر، هذا
توضيح في الجزئية بتاع عمل المهندسة في السعودية.
وهل تعلمي أيضاً إنو المرأة في كمبواند شركة أرامكو بتسوق العربية، موش كدا
بس، وكمان بتتريض بالشورت لو عايزة، شوفتي كيف؟ ومعظم سكان مدينتي الخبر
والظهران من الخواجات ومعظم الخواجات أمريكان، يعني أمريكا بطابع عربي.
وبرضو زي ما ذكر أحد الأعضاء، ممكن تعيشي في البحرين وتعملي في مدينة الخُبر
المسافة بالسيارة كلها نصف ساعة.
أما ماذكره بعض الأعضاء عن المشاغلات، والله في مدينة الخبر ما فيها أي مشاغلات
وبحترموا النساء جداً وبفسحوا ليهم الشارع وبغضوا عنهم البصر، وشدة إنو ما
بحترموا النساء لو واحد عايز ينزل ليهو نسوان من العربية ممكن يبركن في نص
الشارع والعربات كلها تقيف احتراماً للنساء.
أما حكاية التحرش الجنسي بالأطفال التى ذكرها بعض الأخوان في هذا البوست مستحيل
إنها تحصل في مدينة الخبر، والقوانيين هنا رادعة جداً فيها قص رقبة طوالي ما فيها
هظار، وبرضو من أكثر المدن أماناً في العالم، والسعوديين اللي فيها طيبين شديد
لمن يعقدوا الزول.
علشان كدا أنسب شركة لك ولزوجك هي شركة أرامكو السعودية والناس بتسميها جنة الله
في الأرض، بالإضافة الي المرتبات العالية وتوفيرالسكن والعلاج وتذاكر السفر
الشيء المغري جداً هو دفع تعليم الأبناء والذى قلماً ما تفعله الشركات الأخرى
وبالإضافة إلى ذلك يعطون العاملين فيها قروض بدون معدل ربح لشراء منزل
في أي مكان في العالم، ثم بعد ذلك "قس وات؟" بخصموا ليك 30% من القرض
هاهاها شوفتي الهنأ دا كيف؟ تجيء تقولي لي يا سمارت القروش ما مهمة؟ قال أحد
الفلاسفة:"عندما كُنتُ صغيراً كنتُ أعتقد بأن المال أهم شيء في الحياة، وعندما
كبرتُ تأكدتُ من ذلك".
علشان كدا أنا بنصحكم إنتِ وزوجك تجربوا ما خسرانين حاجة، أخدوا إجارة من غير مرتب
وتعالوا شوفوا الخليج، لو ما نفع معاكم ترجعوا تاني أمريكا
تقبلي تقديري الذي تعلمينه
| |
|
|
|
|
|
|
| |
smart_ana2001
Afraa Sanad
jini
النذير حجازي
tmbis
اساسي
محمد إبراهيم علي
محمد أبوالعزائم أبوالريش
توما
Kostawi
Elhadi
willeim andrea
داليا الكباشى
فيس بوك
تويتر
انستقرام
يوتيوب
بنتيريست