|
|
|
 Re: قبل عرس الزين (Re: بدر الدين الأمير)
|
يومى 16و17/6/2011م سوف يشهد مسرح قطر الوطنى
اول عرض مسرحى درامى سودانى من فصلين يعرض بدولة
قطر المسرحية ماخوذة من رواية عرس الزين للروائى
الكبير الراحل الطيب صالح والطيب صالح عاش لفترة
بدولة قطر حيث كان يعمل مديرا لوزارة الاعلام والثقافة
اي وزارة الثقافة والتراث والفنون حاليا والطيب صالح
كتب روايتين في قطر (مريود) وويوم مبارك على شاطىء امبابة)
| |
  
|
|
|
|
|
|
|
|
Re: قبل عرس الزين (Re: بدر الدين الأمير)
|
المسرحية تقع ضمن المسرح الجاد اي الهادف
يعنى ليس مسرح ربحى تجارى لذا حظيت بالدعم
والمساندة من قبل وزراة الثقافة والفنون والتراث
القطرية فلهم اجزل الشكر والتقدير
| |
|
|
|
|
|
|
|
|
|
Re: قبل عرس الزين (Re: بدر الدين الأمير)
|
مسرح قطر الوطنى يتسع لخمسمائة شخص
ومجهز باحدث تكنولوجا العروض المسرحية
دخول المسرحية مجانا لذا الحرص على الحضور
مبكرا هو الذى يضمن لك مقعدا بين المتفرجين
| |
|
|
|
|
|
|
|
|
|
Re: قبل عرس الزين (Re: نجلاء قرافي)
|
| Quote: قبل الشوف تهانينا للمجهود نرجو التوفيق للكاست العامل |
نجلاء
شكرا على المرور
مع اميتنا للسنى وللكاست المعه بالتوفيق
لكن بلمقابل التحدى كبير انه الطيب صالح
وانه عرس الزين والسنى قبل التحدى بكاست
معظمه من الهوا بل منهم من لم تطأ قدمه من قبل
خشبة مسرح والسنى كونه استاذ التربية المسرحية
بالمدارس القطرية اكتشف غالبية تلك المواهب
وعكف على تدريبها لكن في النهاية العرض هو الفيصل
والمشاركين في المسرحية مع المجموعات عددهم تجاوز الثلاثين
شخص
| |
|
|
|
|
|
|
|
|
|
Re: قبل عرس الزين (Re: بدر الدين الأمير)
|
الجمعة الماضى شهد منتدى الحروف بمركز اصدقاء البيئة
ندوة حول مسرحية عرس الزين ادرها الدكتور النورحمد الذى
قدم لنا قراية اوسياحة وجودية عميقة لرواية عرس الزين
وسلط الضو على العديد من النقاط التى تحفذك للعودة لقراية
الرواية مرة اخرى كما شارك في الندوة الفنان والكاتب مصطفى
احمد الخليفة وتحدث عن المسرح في روايات الطيب صالح كما شارك
فيها ممسرح العمل ومخرج محمدالسنى الذى اشار لاكثر من تجربة لفنانين
غيره تناولو رواية عرس الزين كعمل مسرحى وتحدث عن الزين في المسرحية
وهو طالب درسه السنى تربية مسرحية في المرحلة الاسطى والثانوية ويبدو
ان السنى معجب بموهبة هذا الفتى وقال انه حا يكون الزين بشكل مغاير
| |
|
|
|
|
|
|
|
|
|
Re: قبل عرس الزين (Re: بدر الدين الأمير)
|
في تلك الندوة سالت الفنان الصديق محمد السنى
ان تقدم مسرحية عرس الزين للطيب صالح بكاست معظمة
من الهواة ومنهم من لم تمس قدمه من قبل خشبة مسرح
اليس في الامر مجازفة فرد بقوله( مصطفى سيد احمد عمل
هنا مع فرقة موسيقية اغلبها من الهواة ولكن بالتدريب
نضجو وقدمو لنا اعمال موسقية خالدة كما انه ليس بالضرورة
ان يكون كل الكاست من المحترفين كى ينجح العمل بال بالعكس
احيانا ممكن يفشل والفريق الذى يعمل معى هم موهوبين وعاشقين
للمسرح والحكم بعد مشاهدة العمل على خشبة المسرح)
| |
|
|
|
|
|
|
|
|
|
Re: قبل عرس الزين (Re: بدر الدين الأمير)
|
سلام ود الأميـر،
الخيانات عليكم شنو؟
راجننا نغادر؟...
المهم عليكم بالصوت والإضـاءة.. والمكروفونات اللاسلكية مع كل ممثل..
أدو الصوت والإضاءة لمهندسين محترفين وأهزموا الأساطير المؤسسـة لعبارة "نحن سـودانيين"
.
| |
|
|
|
|
|
|
|
|
|
Re: قبل عرس الزين (Re: Abureesh)
|
Quote: المهم عليكم بالصوت والإضـاءة.. والمكروفونات اللاسلكية مع كل ممثل..
أدو الصوت والإضاءة لمهندسين محترفين وأهزموا الأساطير المؤسسـة لعبارة "نحن سـودانيين"
|
ابوالريش
اتلومت مع السنى لو مش حا تحضر عرس الزين ...
وياسيدى مسرح قطر الوطنى وهو تابع لوزارة الثقافة
والفنون والتراث هو مسرح مخصص للاعمال الدرامية والنسى
مثل على خشبة هذا المسرح عشرات المرات مع الفرق المسرحية
القطرية والمسرح مجهز باحدث تكنولوجا الصوت والاضاء وكل
المؤثرا التى يحتاجها اي عرض مهما كان
| |
|
|
|
|
|
|
|
|
|
Re: قبل عرس الزين (Re: بدر الدين الأمير)
|
| Quote: التحدى كبير انه الطيب صالح وانه عرس الزين والسنى قبل التحدى بكاست معظمه من الهواة بل منهم من لم تطأ قدمه من قبل خشبة مسرح |
و هذا هو دور الرواد و الاساتذة
______________
و كم كنا نتمنى ان نكون حضورا "لكن العين بصيرة و المسافة طويلة"
و التقدير لكم جميعا
| |
|
|
|
|
|
|
|
|
|
Re: قبل عرس الزين (Re: dardiri satti)
|
Quote: و هذا هو دور الرواد و الاساتذة
|
اسعد سعدنا لمرورك الانيق
ولعلنى اضيف ان محمد السنى هو اول فنان سودانى
اقتحم عالم الدرما الخليجية بشقيها المسرحى والتلفزيون
ولايوجد موسم مسرحى يخلو من مشاركة محمد السنى وكذلك
الاعمال الدرامية التلفزيونية الرمضانية
| |
|
|
|
|
|
|
|
|
|
Re: قبل عرس الزين (Re: dardiri satti)
|
| Quote: عرضين فقط لهذا العمل الكبير شوية شديد ... |
عرضين فقط لهذا العمل الكبير شوية شديد ...
شوية ونص
ويا السني لو مسرح قطر ما اداكم اكتر من يومين
البيت موجود والحوش كبير .... وتشرفوا
بالتوفيق ان شاء الله
وشكرا بدر
| |
|
|
|
|
|
|
|
|
|
Re: قبل عرس الزين (Re: حسن طه محمد)
|
Quote: مسرحكم دا وين؟؟،
والساعة كم ؟؟
تحياتي |
اهلا بالدرديرى وعلى الرحب والسعة ونتشرف بلقياك ومعرفتك
وياسيدى مسرح قطر الوطنى هو احد معالم هذه المدينة ويقع
على الكرنيش مقابل حديقة البدع العرض حايبدا الساعة الثامنة
والنصف
ومرة تانية الف مرحب ومرحب
| |
|
|
|
|
|
|
|
|
|
Re: قبل عرس الزين (Re: بدر الدين الأمير)
|
Quote: ويا السني لو مسرح قطر ما اداكم اكتر من يومين
البيت موجود والحوش كبير .... وتشرفوا
|
يعنى يامولنا قصدك تقول عرس الزين لازم يكون في حوش
ودا بخلينا نسأل محمد السنى عن سبب اختياره لمسرح قطر الوطنى
وفي البال ان مسرحية عرس الزين هى عمل درامى احتفالى يحتاج
لفضاء اكثر منه للعلبة الايطالية يعنى كان ممكن يتعرض في قلعة
الكوت مثلا
| |
|
|
|
|
|
|
|
|
|
Re: قبل عرس الزين (Re: معتز القريش)
|
اسعد الريفي لك المحبة والله كلامك ده كانك وصلتنا وشفناك
نتمنى حضورك قريبا بيننا
الديرديري ساتي المسرحي عاشق الفنون
حضورك يبهجنا ويزيدنا شرفا ان نلتقي برواد المسرح الجامعي الذين غيروا بتناول الاعمال الطليعية
منتظرين ومعنا الاشواق والمودة
مرحبا بكم
وما تنسى اخوك اراقي الشفيف
محمد المرتضى حامد جاينا ومتين عشان نكون في انتظاركم بالمطار
محبتي
| |
|
|
|
|
|
|
|
|
|
Re: قبل عرس الزين (Re: محمد سنى دفع الله)
|
الظلامي :
| Quote: وان شاء الله كمان يعينوه رئيس لجنة الدفاع عن النسوان ـ قسم شهادات الشرف |
هههههههههههههههه ،، لقد زبطت يومي ، يا زعمات كلام الخواجات ، ميد ماي داي
أضحك الله سنك الملوية وانار بصيرتك
هسع اكوك ده لو شالوه من الوزارة
أو غير وقلب وصار جمهوري ، مثلآ
إت ح تودي وشك وين ؟
| |
|
|
|
|
|
|
|
|
|
Re: قبل عرس الزين (Re: معتز القريش)
|
Quote: بالتوفيق للحبيب السني وفرقته
وحضور باذن الله
|
هارون صباح الخيرات
وصاحبك ابو السهروردى اليومين ديل عامل زي
ام العروس جارى في كل الاتجاهات وانت مسجل
غياب وانا عهدى بيك زول هميم في المناسبات
الكبيرة وعرس الزين مناسبة كبيرة جدا تحتاج
وقفة من كل الحبان ....
| |
|
|
|
|
|
|
|
|
|
Re: قبل عرس الزين (Re: بدر الدين الأمير)
|
معتز القريش شكرا على الصور الجميلة
ولعلنى اود ان اسجل صوت شكر وتقدير
لك ولكل الاسر الاطفالها مشاركين في
المسرحية حرصكم وصبركم وتشجعكم لاطفالكم
شى يفرح والاطفال في هذا العمل المسرحى
الكبير يشكلون نبض المسرحية وابنك مومن
ربنا يحفظة طفل كومديان بالفطرة .....
| |
|
|
|
|
|
|
|
|
|
Re: قبل عرس الزين (Re: بدر الدين الأمير)
|
بالامس كانت البروفة القبل الاخيرة على خشبة مسرح قطر الوطنى
كل الكاست كان عبارة عن خلية نحل كل فرد حريص على تجويد والاتقان
والسنى مرة يضحك ومرة يتوتر والفتيات عينى باردة حضور انيق وراقى
رشاقة في الاداء بدون تكلف واميرة الشيخ وهى تؤدى دور ام الزين ايقنت
كثيرا انو عندنا فائزة عمسيب جديدة
| |
|
|
|
|
|
|
|
|
|
Re: قبل عرس الزين (Re: معتز القريش)
|
Quote:
وما تنسى اخوك اراقي الشفيف
محمد المرتضى حامد جاينا ومتين عشان نكون في انتظاركم بالمطار
محبتي |
انا من زماااااان معاكم وقررررررببببببببت أرجع
وكان من المفترض إنه ناس
السلطان اندريايحضروني بروفاتكم،
لكن القدم ليهو رافع.
خبر جميل إنه مولانا الفنان حيشرف.
التحيات والأشواق للقاك وكل الكاست.
تحياتي
| |
|
|
|
|
|
|
|
|
|
Re: قبل عرس الزين (Re: dardiri satti)
|
Quote: عزيز ـ الشهير ب (دكين)
فنااااان وممثل جاهز لا تحس أبدا أنه يمثل
|
يامعتز دكين في هذه المسرحية بمثل دور الوغد الطاهر ود الرواسى
يعنى دكين يمثل نفسة هههههههه
ومن خلال البروفات رايت دكين الحريص جداجدا
على نجاح هذا العمل المفصلى له التحية
| |
|
|
|
|
|
|
|
|
|
Re: قبل عرس الزين (Re: بدر الدين الأمير)
|
Quote: عـــــزة - في دور (النعمة)
تفرد وروعة في الأداء
|
مع حضور مسرحى واداء ْ ياخذك لحيث تدرى ولا تدرى
وكل الفتيات في هذه المسرحية نعمة بمفردها وتفردها
الله يخلى قلب الزين الكبير الذى استوعبهن جميعهن ووصلنهن
لبيت العديل والزين
| |
|
|
|
|
|
|
|
|
|
Re: قبل عرس الزين (Re: بدر الدين الأمير)
|
هاتفت استاذى وصديقى الذى يحتفى بكل مبدع وابداع سودانى
مستشار وزير الثقافة والفنون والتراث نائب رئيس اللجنة
الدائمة لشؤون المسرح موسى زينل وطلبت منه حضور البروفة
الاخيرة اليوم لكى يبدى ملاحظاته وتوجيهاته قبل العرض ....
ضحك موسى وقال السنى ضمانك بعد العرض ممكن تقول شنو وقالها
على الطريقة السودانية ... قال سوف احال الحضور رغم مشاغلى
الكتيرة اليوم
| |
|
|
|
|
|
|
|
|
|
Re: قبل عرس الزين (Re: عماد الشبلي)
|
Quote: لأمير والسني
DVD ويرحمكم الله
بنشتريه بنشتريه بنشتريه
|
يادكتورة وبن دفي دى مع حقوق الملكية الفكرية وانت سيدة العارفين
لكن وحاتك في هذه المسرحية يوجد كمين من الفتيات والفتيان يخلوك
تدق صدرك وتقول انا سودانى ...
شخصيا اعادوا لى اخضرار الامال في اشياء
كتيرة كدت افقدها
تنهدات: اعطنى مسرح اعطيك وطن
| |
|
|
|
|
|
|
|
|
|
Re: قبل عرس الزين (Re: معتز القريش)
|
يالله من هذه الاجواء
ايوا كدا بالله طوالي
تحياتي لكم جمعا وقدحدث لي الشرف بحضور واحدةمن بروفات رسم الحركة
مبروك للسني هذا المولود الجا بسنونو
والتحية والاشوق الكثيرة لموسى ومصطفى
ليكم وحشةوالله يا شباب
سلام يابدر الدين
| |
|
|
|
|
|
|
|
|
|
Re: قبل عرس الزين (Re: د.نجاة محمود)
|
كعهدى به منذ ايام بروفات حفلات مصطفى سيداحمد
سعادة مستشار وزير الثقافة والفنون والتراث
نائب رئيس اللجنة الدائمة لشؤن المسرح استاذى
وصديقى انسان الخصال السمحة موسى زينل شرف بالامس
البروفة الاخيرة لمسرحية عرس الزين له الاجلال والتقدير
ولهذه البلد التى اكرمت وفادتنا
| |
|
|
|
|
|
|
|
|
|
Re: قبل عرس الزين (Re: بدر الدين الأمير)
|
Quote: والتحية والاشوق الكثيرة لموسى ومصطفى
ليكم وحشةوالله يا شباب
|
شباب عشان دفعتك بقيتيهم شاب
يادكتورة قولى للبنات وخالتهم يجو بدرى
وماتخافى مش حا اقول ليهم انك دفعة موسى
الامير ومصطفى احمد الخليفة
| |
|
|
|
|
|
|
|
|
|
Re: قبل عرس الزين (Re: بدر الدين الأمير)
|
الي مسرح قطر القابع علي ضفاف كورنيشها الموشح بخليج يجلس علي مرمي قدم اليوم لكي يمتع ميائه المالحة بواحدة من اروع الروايات السودانية وهي تزدهي وتتزين في سردياتها عبر سطوة المسرحي محمد السني دفع وموسي الامير ومصطفي وكل الكاست (حلوة الكاست دي) المميز المبدع الملهم..اميرة الشيخ ..دكين.. ابو جقادو والفتية الرائعين الذاهبين الي دروب الابداع بموهبة وحب كبير وفن سوداني مقيم اينما اقام سوداني الجووووه وجداني..
اتين اليوم حليقي الراس حتي نحتقي بسيرة (سيدي المبروك الحنين) وبعيون حمرة كالشرارة نحدر بها في وجه (الامام) تضامنا وتقليد للملاماتي الشهير بالزين في كجينته الشهيرة لذلك الامام... وسنخنق (سيف) ذلك الثري العربيد بقبضة تتحد مع قبضة (شيخي الزين)..ومع شلة محجوب وود الرواسي وفي حضرة ناس الواحة ملح الارض سنكون قرفصاء بحب كبير واحترام للفن السوداني عندما يشق عباب البحار ويسطع في سماء دولة قطر...
والمجد للاديب الراحل الطيب صالح في الاعالي
وعلي ومصطفي سعيد وجين مورس السلام ونتعشم ان يتواصل الابداع حتي نري صرعة الروايات السودانية وشهقتها (موسم الهجرة الي الشمال) تتهادي في خشب المسرح وخلفها المسرحي النحرير محمد السني دفع الله...
واذن مسرح قطر الوطني موعدنا...
وبي سكرا تملكني واعجبو كيف بي سكرو
| |
|
|
|
|
|
|
|
|
|
Re: قبل عرس الزين (Re: معتز القريش)
|
Quote: ميائه
سكرو
نخليكم ما بتخلو روحكم
* معتز القريش مركب مكنة أبوساندرا |
هلا يا كركبة
مداخلتي الجاية كانت حتكون عن النجم الصغير القادم بسرعة الصاروخ (مومن)
ولكن ما دام ياهو كلامك فانسي الموضوع (واعتبرو كنصل)واعتبرني ما حضرتو في بروفة ومن البروفات
وواصل في تركيبك لمكنة ابو ساندرا وانشا الله تبقي شيوعي زااتو (انا شن خساني) 
| |
|
|
|
|
|
|
|
|
|
Re: قبل عرس الزين (Re: عبدالكريم الامين احمد)
|
Quote: هلا يا كركبة
مداخلتي الجاية كانت حتكون عن النجم الصغير القادم بسرعة الصاروخ (مومن)
ولكن ما دام ياهو كلامك فانسي الموضوع (واعتبرو كنصل)واعتبرني ما حضرتو في بروفة ومن البروفات
وواصل في تركيبك لمكنة ابو ساندرا وانشا الله تبقي شيوعي زااتو (انا شن خساني) |
هههههههههاي
يا زول هوي أفرز الكيمان
معتز نجم كبير قائم بذاتو
ومؤمن نجم كبير قائم بذاتو
أكتب كتابتك بطل بطبطة
| |
|
|
|
|
|
|
|
|
|
Re: قبل عرس الزين (Re: معتز القريش)
|
سلام القريش و لبدر الدين صاحبك كمان سلام!
أنا سعيد جدا بأن مبدأ التفاؤل ما زال يعمل سحره في السودان !
ألا ترى أن الله يخلق نورا مؤمنا من الظلمات ؟
| |
|
|
|
|
|
|
|
|
|
Re: قبل عرس الزين (Re: عبدالكريم الامين احمد)
|
Quote: محمد المرتضى حامد جاينا ومتين عشان نكون في انتظاركم بالمطار
|
بالله معاك كمان ود شيقوق
مرحبتين استاذ مرتضي
بدر + السني
توقعاتي ان المسرح سيمتلئ عن آخره
لأن المسرحية زي هلال مريخ
والمابيجي بدري حقو راح
_________
منذ زمن كنت قد فقدت الامل في المسرح السوداني
لان الابداع بمختلف مكوناته يحتاج لفضاءات واسعةمن ومن ومن ومن .....وأقلاها فضاء الحرية ليبدع الفنان
ولكن مع وجود المبدعين وعلي راسهم الاصدقاء الاساتذة السني وموسي الامير ومصطفي الخليفةوهذه الكوكبة المبدعة من فناني المستقبل
أعدت النظر وقلت ما زال الوطن ( الحقيقة الباقي من الوطن ) بخير
وأن فضاءات الابداع ستمتد كتسونامي الهادي الهادر.
والي الملتقي علي مسرح قطر الوطني
والشكر للقائمين عليه .
| |
|
|
|
|
|
|
|
|
|
Re: قبل عرس الزين (Re: حسن طه محمد)
|
سلام القريش و لبدر الدين صاحبك كمان سلام!
أنا سعيد جدا بأن مبدأ التفاؤل ما زال يعمل سحره في السودان !
ألا ترى أن الله يخلق نورا مؤمنا من الظلمات ؟
| |
|
|
|
|
|
|
|
|
|
Re: قبل عرس الزين (Re: Masoud)
|
اليوم سنشهد عرس الزين ونحتفي بالجمال في الدوحة. دقت ساعة الأفراح...
يا بدر الدين شكرا لأنك إبتدأت هذه المرة من حيث كنت تنتهي دائما. ربما سحر
الزين وقداسة الحنين اعادتكا لصوابك، فهنيئا بهذا المقام الجديد...
| |
|
|
|
|
|
|
|
|
|
Re: قبل عرس الزين (Re: حسن طه محمد)
|
Quote: كبير واحترام للفن السوداني عندما يشق عباب البحار ويسطع في سماء دولة قطر...
|
كيكى
في حوار جانبى مع الاستاذ موسى زينل اثناء بروفة الامس
وبجانبنا كان يجلس الفنان مصطفى احمد الخليفة قال موسى زينل
غير موسى الامير ومصطفى في احد من الكاست قادم من خارج الدوحة قلت
لا قال يعنى كل الكاست من بنات وابناء الدوحة قلت نعم ...
ضحك وقال يعنى الدوحة تهدى الخرطوم فرقة مسرحية ضحكت وهم
موسى بالمغادرة وهنا انضم لوداع موسى كل من المخرج عبدالرحمن
نجدى وموسى الامير بجانب مصطفى احمد الخليفة ونحن نودع موسى
طفرت تلك العادة السودانية اي الاسئلة العميقة والحديث الحميم
حين يكون الضيف على الباب مغادرا سالنا موسى عن استاذه الطيب صالح
مدير وزارة الاعلام والثقافة حينها وحدثنا موسى بتفاصيل وعن تفاصيل
لم تحكى من قبل ومن ثم حدثنا عن الدوحة وكيف سميت بالدوحة ....
ولهذا حديث نأتيه بعد عرس الزين
| |
|
|
|
|
|
|
|
|
|
Re: قبل عرس الزين (Re: معتز القريش)
|
بدر الدين الامير
الف شكرا لك لهذا النقل القيم
الذي يجعل القارئ كانه يشاهد الاحداث بام عينه
نسال الله ان نشاهد المسرحية بالفديو
او نشاهدها علي الخشبة المرات القادمات باذن الله
| |
|
|
|
|
|
|
| |
بدر الدين الأمير
نجلاء قرافي
Abureesh
محمد سنى دفع الله
أبو ساندرا
اسعد الريفى
حسن طه محمد
هالة الأقرع
معتز القريش
haroon diyab
Asma Abdel Halim
عماد الشبلي
عبدالكريم الامين احمد
saif massad ali
فيس بوك
تويتر
انستقرام
يوتيوب
بنتيريست