|
|
|
 Re: عينة الضراع والطرفه البكايه فى ارض البطانه (Re: طارق ميرغني)
|
سجمن غرقن
ههههههههههههه
.
.
كلام العينات دا قولوا لزول ما بقطع الكنار سداري
اول عين الخريف العصا الرويانة
.
.
الطرفة البكاية دي في نص الخريف
حتين بعدا الخرصان البقول الحيطة الماشقيتنا انا تاني ما بنتشق
وبعد الخرصان يا سيد اللمنتي ليك اجي عوي البقول انا كان صحيت بقلب الخريف صبي
ثم السماك يا سماء كفاك ويا ارض امسكي ماك
.
ات قايلنا نحن ناس الموية الصاقطة والرغيف
اسع اجيك موسى الراجل اطلعك قمري ساي وانا اصلا مطلعي ام زبيري اكلي وطيري
.
.
ما زال الندم يعتريني لاني ما عرضت مع درماس في هاتيك الليلة القلت ليك فيها
نطلب اغنية انكسر المرق وانشتت الرصاص
خالد المحرب يا ممتاز
شكرا على هذه اللوحة الرائعة يا رائع
.
.
موسى الراجل عليك الله تعال داخل هنا وبيت المحرب دا اياهو بيتك
| |
 
|
|
|
|
|
|
|
|
Re: عينة الضراع والطرفه البكايه فى ارض البطانه (Re: عبدالله ود البوش)
|
كدي بالله خلينا نقول عين الخريف مع بعض
ان نسى احدنا فليذكره الاخر
.
.
كل عينة 28 يوم
العينة الاولى العصا الرويانة وتبدا من 5 مايو وحتى 2 يونيو
الرشاش من 3 يونيو وحتى 1 يوليو
التالتة خليتا لي موسى الراجل من 2 يوليو وحتى 30 يوليو
الطرفة من 31 يوليو وحتى 27 اغسطس
الخرصان من 28 اغسطس وحتى 26 سبتمبر
عوي من 27 سبتمبر وحتى 24 اكتوبر نهاية الخريف
السماك تفاصيل وتلاقيط ساهي مطرتو كعبة خلاس تخرب الطماطم
| |
|
|
|
|
|
|
|
|
 Re: عينة الضراع والطرفه البكايه فى ارض البطانه (Re: عبدالله ود البوش)
|
Quote: ما زال الندم يعتريني لاني ما عرضت مع درماس في هاتيك الليلة القلت ليك فيها
نطلب اغنية انكسر المرق وانشتت الرصاص
خالد المحرب يا ممتاز
شكرا على هذه اللوحة الرائعة يا رائع |
ما زال الندم يعتريني علي عدم قضاء سنين من عمري
في رحاب أرض البُطانة، وحات الله جد.
التحايا لكما شيوخنا خالد و ود البوش.
ارموا لقدآم وكت أصلنا ربنا ما رآد لينا سُكنة في
البطانة خلونا ننجم تحت ضُل نضميكم السمح دا...
| |
|
|
|
|
|
|
|
|
|
Re: عينة الضراع والطرفه البكايه فى ارض البطانه (Re: معاوية المدير)
|
الخبر الأكيد قالوا البطانة اترشت
شيخ خالد مالك علينا طريتنا أهلنا وجمال البطانة جنة الله على أرضه : الطراوة وريحة الدعاش، والخدار و"تبرطع" البهم ورغاء الجمال وثغاء الشياه "وقوقاي" القماري. يالها من لوحة رائعة وجمال أخاذ وانبساط وراحة بال.
سئل شيخ البناء عن سر حبه للجمال والسفر على ظهورها؟ فقال:" هناك هواء طيب بين السماء والأرض لا يستنشقه إلا راكبو الجمال".
درجة الحرارة عندنا هنا فوق الـ 50 درجة، قول يا لطيف ونعوذ بالله من النار وحرها
تحياتي يا شيخ العرب
| |
|
|
|
|
|
|
|
|
|
Re: عينة الضراع والطرفه البكايه فى ارض البطانه (Re: إسحاق بله الأمين)
|
Quote: الخبر الأكيد قالوا البطانة اترشت
شيخ خالد مالك علينا طريتنا أهلنا وجمال البطانة جنة الله على أرضه : الطراوة وريحة الدعاش، والخدار و"تبرطع" البهم ورغاء الجمال وثغاء الشياه "وقوقاي" القماري. يالها من لوحة رائعة وجمال أخاذ وانبساط وراحة بال.
سئل شيخ البناء عن سر حبه للجمال والسفر على ظهورها؟ فقال:" هناك هواء طيب بين السماء والأرض لا يستنشقه إلا راكبو الجمال".
درجة الحرارة عندنا هنا فوق الـ 50 درجة، قول يا لطيف ونعوذ بالله من النار وحرها
تحياتي يا شيخ العرب |
ات عارف يا مولانا شيخ اسحاق البطانه دى فيها سر عجيب كان نمت ليك ساعه واحده بى الليل بترتاح
يعنى تقوم نشيط وطبعا ليه علاقه بى الاوكسجين والهواء النقى الشى التانى فيها نباتات كل لقوها الخواجات
يشتروها بالثمن الباهظ لانها فيها من يصلح لصنع الدواء وفيها من يصلح لصنع العطور الباريسيه
عشان كدى من يجاورها تاتيه وهو لايعلم بالحاصل اهل البطانه يعرفون الفرق عندما يذهبوا الى المدن
لك التحيه وشكرا على الطله
| |
|
|
|
|
|
|
|
|
|
Re: عينة الضراع والطرفه البكايه فى ارض البطانه (Re: معاوية المدير)
|
Quote: ا زال الندم يعتريني علي عدم قضاء سنين من عمري
في رحاب أرض البُطانة، وحات الله جد.
التحايا لكما شيوخنا خالد و ود البوش.
ارموا لقدآم وكت أصلنا ربنا ما رآد لينا سُكنة في
البطانة خلونا ننجم تحت ضُل نضميكم السمح دا... |
ود المدير ات عارف انا السنه دى عندى النيه بعد رمضان تكون البطانه
فى اجمل حلة وكل شى بقا فى محلو باخد لى دور هناك دحين اول شى ات وين فى الوكت
دا اذا عندك طريقه نسق معاى وسوف تستمتع ايما ما متعه واصلك ما بتندم
لك تحياتى
| |
|
|
|
|
|
|
|
|
|
Re: عينة الضراع والطرفه البكايه فى ارض البطانه (Re: عبدالله ود البوش)
|
Quote: كلام العينات دا قولوا لزول ما بقطع الكنار سداري
اول عين الخريف العصا الرويانة
.
.
الطرفة البكاية دي في نص الخريف
حتين بعدا الخرصان البقول الحيطة الماشقيتنا انا تاني ما بنتشق
وبعد الخرصان يا سيد اللمنتي ليك اجي عوي البقول انا كان صحيت بقلب الخريف صبي
ثم السماك يا سماء كفاك ويا ارض امسكي ماك |
ود البوش يا حبيب مالو كلامك بقا زى ناس كدى
يعنى فرقت شنو تكون فى النص ولا فى البدايه
اما يانديمى داير اقول استمتع بى البطانه دى واتمنى ان تجمعنى
بك الظروف هناك محل الهواء البزبنجى والهواء البزبنجى دا يا عبدول
بى كلام الخواجات فرش ما فيه تلوث مثقال ذره
وبعدين الزول العندو سكرى وضغط يمشى البطانه ايام الخريف بجى زى الحصان
| |
|
|
|
|
|
|
|
|
|
Re: عينة الضراع والطرفه البكايه فى ارض البطانه (Re: خالد المحرب)
|
Quote: ود البوش يا حبيب مالو كلامك بقا زى ناس كدى
يعنى فرقت شنو تكون فى النص ولا فى البدايه |
يا شيخ العرب يا حبيب
ات اياك سيد البطانة وعارف دروبا ومطرا
وعارف دعاشا وهمبريبا
لكن نحن ناس ونسة ساهي
لكن اسع كان جاك موسى الراجل بخليك تضحك عديل وتصنقر على حيلك
وبالمناسبة موسى الراجل هو الذي دلاني على هذا البوس
وقدمت له الدعوة للجلوس معنا في فنقة البطانة
واكيد بجينا لانو زول خلا وصي
Quote: اما يانديمى داير اقول استمتع بى البطانه دى واتمنى ان تجمعنى
بك الظروف هناك محل الهواء البزبنجى والهواء البزبنجى دا يا عبدول
بى كلام الخواجات فرش ما فيه تلوث مثقال ذره
وبعدين الزول العندو سكرى وضغط يمشى البطانه ايام الخريف بجى زى الحصان |
اورررررررررررر
دعوة كريمة من اخ كريم واتمنى ان تتم
| |
|
|
|
|
|
|
|
|
|
Re: عينة الضراع والطرفه البكايه فى ارض البطانه (Re: عبدالله ود البوش)
|
Quote: لكن نحن ناس ونسة ساهي
لكن اسع كان جاك موسى الراجل بخليك تضحك عديل وتصنقر على حيلك
وبالمناسبة موسى الراجل هو الذي دلاني على هذا البوس
وقدمت له الدعوة للجلوس معنا في فنقة البطانة
واكيد بجينا لانو زول خلا وصي |
ود البوش مرحب بى اخونا موسى
ات عارف يا عبد الله فى البطانه مع البياح والبياح دى لى الناس الما بعرفوها
قبل طلوع الفجر اها مع البياح بتلقا الشرقرق فوق النار فيه مويه والطوه بى هناك
قلاية البن شغاله وريحة البن مع نسيم الصباح الذى يحمل فى طياته كل شى جميل مر عليه
اصلو ما بجيب ليك ريحه كعبه اها هنا ات بتكون اتكيفت قبل ما تشرب البكرى
| |
|
|
|
|
|
|
|
|
|
Re: عينة الضراع والطرفه البكايه فى ارض البطانه (Re: حبيب نورة)
|
Quote: هيععع
والله عاد كلام يا شيخ العرب
ــــــــــ
نعلك طيب والأهل كمان |
مرحب حبيبنا
مبروك انو الراويه شافت النور
عاوزين نسخنا ياحلو
اما البطانه ياحبيب والله امنيتى ان تجمعنا الايام هناك
قطع شرط بتكتب كلام الما انكتب مع ريحة التبر وزهرة الباشندى
الله كريم وبدى الجنه
تحياتى
| |
|
|
|
|
|
|
|
|
|
Re: عينة الضراع والطرفه البكايه فى ارض البطانه (Re: خالد المحرب)
|
ابشر بالخير الخال العزيز
العربي مرق من الإسبتالية قبل مايتم علاجو
الدكتور قال ليهو يازول اقعد كمل علاجك!
قال ليهو:
يادكتور الليلة البطاين اضحت تعولهن ماطرة
حمريبهن فتق جاب ريحة الفلير والــباترة
كان دورتهن بي اب حواجبا قاطـــــــــرة
بلقي العــافيــة من غير بنسلين ودكاترة
هــيييييع.
| |
|
|
|
|
|
|
|
|
|
Re: عينة الضراع والطرفه البكايه فى ارض البطانه (Re: عبدالعزيز الفاضلابى)
|
Quote: ابشر بالخير الخال العزيز
العربي مرق من الإسبتالية قبل مايتم علاجو
الدكتور قال ليهو يازول اقعد كمل علاجك!
قال ليهو:
يادكتور الليلة البطاين اضحت تعولهن ماطرة
حمريبهن فتق جاب ريحة الفلير والــباترة
كان دورتهن بي اب حواجبا قاطـــــــــرة
بلقي العــافيــة من غير بنسلين ودكاترة
هــيييييع. |
حباب ود بتنا الفاضلابى
مرحب بيك وحبابك الف بى القديم
مسك القبلة في كوع الشمال براقِك
وقشط سدرو في عامر سحابو وساقِك
تبونك قرنن والسيل دهك شقاقِك
الضايق نشوقك حار عليهو فراقِك
لك التحيه ولى شقبه تحيا كتار
تحياتى ...... خالك
| |
|
|
|
|
|
|
|
|
|
Re: عينة الضراع والطرفه البكايه فى ارض البطانه (Re: خالد المحرب)
|
أعْضاي انْشَوَتْ والارْضْ بِقَتْ مَلاله
وعُمري بَلا لماكْ قط ما بَشُوفْ لو طَلاله
بِتْ السُّرَّة كان حَكَمَتْ عَلَيْ بي لاله
رَضْيَانْ إن بقيتْ ودُّوني لي الشَيَّالَه
وقال الشاعر ايضا
يا ظبية بساتين العلو المسايف
وممطور برقو يلفح همبريب وعسايف
يا مكلوفة المصرى ام ضميرا هايف
حورا وفر وشامك خلى نومى جسايف
وقال
وا اسفى كان الموت يجى يعجلى
قبال المنزه فيه اكمل غلى
يا شهور الظلام الغبتى ابيتى تهلى
اشوف الفرو بنسف فى السحاب الكلى
| |
|
|
|
|
|
|
|
|
|
Re: عينة الضراع والطرفه البكايه فى ارض البطانه (Re: خالد المحرب)
|
Quote: الشامى ياخوى الدفنه دى ما كفايه فيها ما تخلينا ناخد لينا جبده نفس
ونروح عن نفسنا شويه وتسمع شورى ونكلم العوض المسلمى
وناخد لينا دور فى ام هبج بعد رمضان قت شنو زياره وتجاره بالنسبه
ليك هههههههههههههههههههه |
ام هبج يا اخ خالد عندي معاها وفيها ذكريات جميلة
منذ ان كنت طالبا كنت اقطعها جئة وذهابا عندما كنت في حلفا الثانوية
ويأسرني دائما المقطع البقول(صقائع سبعة ديل كانن مراتع نوق ...يا حليلن وعليهن كتير وطال الشوق)
فكم وقفت في هذه الصقائع لانها كانت قريبة من وسط المدينة
عموما ان شاء الله ربنا احقق الاماني ونلتقي هناك
تحياتي يا خالد
| |
|
|
|
|
|
|
|
|
|
Re: عينة الضراع والطرفه البكايه فى ارض البطانه (Re: الشامي الحبر عبدالوهاب)
|
سلام ودالمحرب سلام ود البوش و الجميع
فتحت البوست وشفت براريقه قلبى عمل شح والعين قالت تح ورجعنى ورى زمن بعيد قربت ادخل بطن امى الله يرحمها
زمن كان حلو وسمح كان زادنا الهجرج لسه ما عرفنا مطاقشه البنادر
وبدايه الخريف بعد ما تقع التريا و الطلح يناوى والهبوب تقلب وينزلو المكلق للمربوطات عشان الجهال الما نشقوا من العيمه
تجى العصى العطشانه و الرويانه وفيها الرميض وقالوا مطرا ختى العصى قسى وفيها بتطلع الشوقاره وبتجيب العقارب و ابو اندقيق و النمل ابو جنحين
يوم 7/7 الضراع يبرق الاعيسر (القبلى) ينكت السحاب من تحت زى رفاس بواخر جده العانيه سواكن وعيش الضراع ينكل و ينباع
وتجيك النتره يوم 20/7 وبعدها الطرفه البكايه وفيها الضحويه و السرايه البتشيل الليل
وتجى الجبهه بتعمش الزرع و الناس ما يتزرع فيها و ميها حار
والبوست فوق حده الدرت و الطليق انشاء الله
| |
|
|
|
|
|
|
|
|
|
Re: عينة الضراع والطرفه البكايه فى ارض البطانه (Re: موسي الراجل)
|
اوووووووو اخونا الكلس موسى الراجل
والله يا خالد المحرب موسى الراجل دا اعزم فيهو لي يومين عشان
اجينا هنا في الفنقة دا
موسى دا اخو عزيز خلااااااس
وعندو محبة في الفيافي والخلا والصي
ونضميهو نضما سمح والله اداوي الجرح المنوسر
.
.
اها يا خالد اخوي امتعونا انت وموسى دا
شكرا موسى لاستجابة الدعوة وابقا لا جوة البيت بيتك والخلا خلاك
وان شاء جيتك دي تبقى ليكن سبب محبة وعشرة طويلة ات والمحرب
| |
|
|
|
|
|
|
|
|
|
Re: عينة الضراع والطرفه البكايه فى ارض البطانه (Re: عبدالله ود البوش)
|
شكرا ود البوش على عزيمه اهل الضرا
سلام ود المحرب سيد الصقريه على ضرب السيوف مدرب سلام بندق الحجاز اليوت محرب وشك صبوح بتلاقى الضيفان مكرب قعده فى ام هبج كايسها الشقى الفات خيراتها و اتغرب وعمره ذى غاز اللمبوبه مسرب
الله يفك كربتنا ويرد غربتنا وعلى هباب القد تتحكر وتشرب بكريك و تناك وكبشورك منكسر من الريم وحس البهم و المتلب يزيدك كيف
| |
|
|
|
|
|
|
|
|
|
Re: عينة الضراع والطرفه البكايه فى ارض البطانه (Re: mona altom)
|
سلام ود المحرب
سلام ود البوش
أي كلام عن البطانة طبعا ما بنفات رغم الظروف
بالنسبة للعصي يا ود البوش، العصا الأولى صيف وقد يبدأ فيها الرشاش، والعصا التانية إن صحت خريف وهذا نادر، ولذلك يسمونها العصا الرويانة، وإن بطلت صيف أو رشاش
الخريف عند أهل البطانة يبدأ رسميا بدخول الضراع في 7 يوليو ثم تليه
النترة
الطرفة
الجبهة
الخيرصان
الصرفة
العوا
السماك
وكل عينة 13 يوم وليست 28 يوم، ما عدا الجبهة التي قيل أنها 14 يوم
وكل عينة لها وصفها الخاص وميزتها
وهذا ما نأمل أن نأتي به بعد زيارة أو اتصال بأهل العلم في السودان
مع أطيب تحياتي
إلى أهل البطانة وكل من أحب البطانة وأهلها
| |
|
|
|
|
|
|
|
|
|
Re: عينة الضراع والطرفه البكايه فى ارض البطانه (Re: b_bakkar)
|
اخونا الكريم
b_bakkar
اشكرك للتوضيح والتصحيح
ياخي هذا التراث الجميل بدأ يندثر وسط ركام مخلفات الطفرات التقنية المتواترة
فصار الواحد منا يتعب ليتذكر بعض منها رغم انها كانت من اساسيات حياتنا اليومية
.
.
ياخي قبل كم يوم كدا كنت بحسب في الشهور العربية بلهجتنا العامية
وماسك اصابعي احسب شهر شهر
سايق
رجب
قصير
رمضان
اللفطار اللتنين
الكرامات التلاتة
الوحيد
كدي عشر شهور وسجيت في الشهرين اللتنين غلبني
فكان ابني الصغير ( 9 سنوات ) يلاحظ لحركة اصابعي البغمت وافك فيها
وقال لي الليلة يعني عندك عشرة ريال بس
اديني ريال واحد
فضحكت وقلت له انا بحسب في الشهور العربية السودانية
حسبت عشرة والباقي لي اتنين
انا بديك الريال لكن بشرط تحفظ العشرة شهور دي
ولمن تمش السودان تقولن لي حبوبتك بتوريك الشهرين الباقيين
.
.
عليكن الله اسع في الزمن العلينا دا في زول حافظا الاتناشر
.
.
وحالتي انا اتقطعت عشان اتذكر اسماء عين الخريف
وفعلا كلامك صحيح كل عينة 13 يوم
واسمائها كما ذكرت
شكرا جزيلا اخي الكريم
.
.
اتو راعي البوست وين ؟
| |
|
|
|
|
|
|
|
|
|
Re: عينة الضراع والطرفه البكايه فى ارض البطانه (Re: HAIDER ALZAIN)
|
Quote: وان دار البطان سوطنا اضان فيل قاعد حارسو
|
على الطلاق يا حيدر ات البطان دا علا كان تاخد بنج كامل
ولا موضعي من الصرة ولا فوق
قال بطان قال
شوف كمان كارب صليبو
.
.
يا ود الزين ما تخفس معانا للبحرين *
امك ... بقيت شاعر
.
.
.
* في الحالة دي سمك بخارك تكبو لابو السعن
| |
|
|
|
|
|
|
|
|
|
Re: عينة الضراع والطرفه البكايه فى ارض البطانه (Re: عبدالله ود البوش)
|
Quote: سلام ودالمحرب سلام ود البوش و الجميع
فتحت البوست وشفت براريقه قلبى عمل شح والعين قالت تح ورجعنى ورى زمن بعيد قربت ادخل بطن امى الله يرحمها
زمن كان حلو وسمح كان زادنا الهجرج لسه ما عرفنا مطاقشه البنادر
وبدايه الخريف بعد ما تقع التريا و الطلح يناوى والهبوب تقلب وينزلو المكلق للمربوطات عشان الجهال الما نشقوا من العيمه
تجى العصى العطشانه و الرويانه وفيها الرميض وقالوا مطرا ختى العصى قسى وفيها بتطلع الشوقاره وبتجيب العقارب و ابو اندقيق و النمل ابو جنحين
يوم 7/7 الضراع يبرق الاعيسر (القبلى) ينكت السحاب من تحت زى رفاس بواخر جده العانيه سواكن وعيش الضراع ينكل و ينباع
وتجيك النتره يوم 20/7 وبعدها الطرفه البكايه وفيها الضحويه و السرايه البتشيل الليل
وتجى الجبهه بتعمش الزرع و الناس ما يتزرع فيها و ميها حار
والبوست فوق حده الدرت و الطليق انشاء الله |
حباب موسى الغياب حال دون المشاركه لى تلات يوم خارج الرياض
والله ضيف عزيز وكلامك سمح ونضمك زين ات عارف ود البوش دا اصلو
ما بجى من وراه الا السمحين الزيك فالشكرله ايضا اه بى رواقه كدى بجيكم راجع
وشايف ضيوف عزاز زارونا كل زول بياخد حقو فى الونسه
| |
|
|
|
|
|
|
|
|
|
Re: عينة الضراع والطرفه البكايه فى ارض البطانه (Re: خالد المحرب)
|
Quote: مع أطيب تحياتي
إلى أهل البطانة وكل من أحب البطانة وأهلها |
الاخ بشير الله يحيك
البطانه فيها تناغم عجيب جدا بين ساكنيها من الانس والجن والطيور والحيوانات
ولذلك تحس فيها بمعنى الحيا ه
البطانه اخى بشير تحس فيها بغروب الشمس وشروقها ودى نعمة محرومين منها ناس كتار
قمر 12 و13 و14 دا بكون عباره عن لوحه لايعرفها الا اهل الباديه حتى اكون دقيق ذكرت الباديه
لان البطانه تتفرد باشياء غير موجوده فى الباديه
النجوم فى الليالى التى يغيب فيها القمر دا منظر بديع
| |
|
|
|
|
|
|
|
|
 Re: عينة الضراع والطرفه البكايه فى ارض البطانه (Re: خالد المحرب)
|
الاخ المحرب
عندى اغنية جديدة من كلمات مدنى النخلى اسمها وعد الموج مطلعها
على وعد الموج البتلاطم
بتعدى الريح الخواية
من قلب الوجع العارفاه
بتطل الشمس الضواية
والارض الفاتحة مساماتها
بتجيها الطرفة الباكية
والنيل
النيل مشتاق مستنى سفن
لفت انتباهى جد هذا المغزى للطرفة البكاية
فشكرا على هذا البوست القوى
لو داير الاغنية برسلها ليك
| |
|
|
|
|
|
|
|
|
|
Re: عينة الضراع والطرفه البكايه فى ارض البطانه (Re: إبراهيم عبد الحليم)
|
زمااااان يا خالد لمن كنا صغار حبوباتنا بقولن لينا
لو قمت نص الليل في قمرة 14 في شهر قصير
والناس المابتعرف قصير هو الشهر البعد سايق وقبل رمضان
اها كان قمت نص ليلة 14 في شهر قصير
وما شفت ضل راسك ما بتحضر السنة الجاية
وطبعا في الليلة ديك ما في شافع برفع راسو لفوق
.
.ما عارف المقصود منها شنو
يا ربي الحبوبات ديل في الليلة ديك عندهن مآرب اخرى ولا شنو ؟
كدي خلي صلاح غريبة اسعل لينا حبوبتو واقول ليها اوعك تكضبي يا حبوبة
كااااااااااااااااااااااااااااكات
تحاياي
او كما البشاري صاحبي
| |
|
|
|
|
|
|
|
|
|
Re: عينة الضراع والطرفه البكايه فى ارض البطانه (Re: إبراهيم عبد الحليم)
|
Quote: الاخ المحرب
عندى اغنية جديدة من كلمات مدنى النخلى اسمها وعد الموج مطلعها
على وعد الموج البتلاطم
بتعدى الريح الخواية
من قلب الوجع العارفاه
بتطل الشمس الضواية
والارض الفاتحة مساماتها
بتجيها الطرفة الباكية
والنيل
النيل مشتاق مستنى سفن
لفت انتباهى جد هذا المغزى للطرفة البكاية
فشكرا على هذا البوست القوى |
الاخ ابوخليل احييك وعبرك احى الشاعر مدنى النخلى
الارض الفاتحه مسامتا دى ما الارض المشققه يعنى مفلح تفلح
الارض الخصبه ودى بسموها الخصوبه الزايده جات المطره بى هنا
تلقا بكره الحنتوت والتبر قايم زى التقول اضافوا ليه هرمون بقا كبار
بلاهى ارسلها لى عشان امخمخا كويس واشوف مدنى قاصد شنو
ه
| |
|
|
|
|
|
|
|
|
|
Re: عينة الضراع والطرفه البكايه فى ارض البطانه (Re: خالد المحرب)
|
Quote: .ما عارف المقصود منها شنو
يا ربي الحبوبات ديل في الليلة ديك عندهن مآرب اخرى ولا شنو ؟
كدي خلي صلاح غريبة اسعل لينا حبوبتو واقول ليها اوعك تكضبي يا حبوبة
كااااااااااااااااااااااااااااكات
تحاياي
او كما البشاري صاحبي |
والله يا عبد الله المأ رب التى ذكرتها فى فهمى فى ليله مقمره زى دى مستحيل
لان الحياه كان سيد الحاجات وكل شى بتم فى كبس الظلام واداء واجب بس
ديل يا عبد الله اخوى كانو كل شى عندهم زى شراب ابو الرقيع نختلف او نتفق معهم
ولكن كانو يمثلون الكرم والعفه وكانو السودان بشبهن وهم بشبهوه
| |
|
|
|
|
|
|
| |
خالد المحرب
حبيب نورة
الامين موسى البشاري
عبدالله ود البوش
معاوية المدير
إسحاق بله الأمين
عبدالعزيز الفاضلابى
الشامي الحبر عبدالوهاب
mona altom
HAIDER ALZAIN
إبراهيم عبد الحليم
فيس بوك
تويتر
انستقرام
يوتيوب
بنتيريست