|
|
 شركة زين واللامبالاة والتعامل الشين مع المشتركين
|
شركة زين للإتصالات او موباتل سابقاً
اول شركة هاتف سيار بالسودان وصاحبة اسوء تعامل مع الزبائن ...قمة في التعالي وعدم الإهتمام ..
من المفترض ان تكون هذه الشركة قد إستفادت فائدة كبيرة وجنت أموال طائلة بحكم أقدميتها في سوف الإتصالات في السودان ويجب أن تكون صاحبة الأسعار الأرخص والخدمات الأفضل والتعامل الأحسن
ولكن للأسف تتعامل زين مع المشتركين بسياسة قبيحة وإستفادت من إنطباعية السودانين في التعامل مع الأشياء بحكم الأقدمية والتعامل بقاعدة الولف كتال
احكي لكم تجربتي مع هذه الشركة ووبالرغم من ضالة المبلغ الذي خسرته ولكن الإستهبال حاااااار
قريت اعلان في جريدة عن خدمة لحنا وهي خدمة بتسمع صوت لحن للزول المتصل بيك اثناء جرس المكالمة وقمت خشيت موقع زين في النت والرابط http://www.sd.zain.com/Arabic/Entertainment/L...a/Pages/default.aspx ووجدت ملف PDF فيه مجموعة كبيرة جدا من الأغنيات من شكر الله لمحمد وردي مرورا بالمادحين والفنانين العرب وأخترت لحن للأستاذ الكابلي أغنية فتاة الغد ورقم الأغنية 4476
وحسب الأرشادات في الملف رسلت قصيرة للرقم 1717 وقامت خصمت مني مبلغ 230 قرش او 2300 جنيه بالقديم .. وبعد شوية قمت ضربت من تلفون عشان اجرب النغمة واتفاجا بنغمة معتز صباحي بحبكـ موت .. لا حولا نغمة عجيبة وانا شغال لي في محل رسمي وبضربوا لي ناس في شغل رسمي نغمة الكابلي معقول وهادئة لكن يسمعوا معتز صباحي من اول جرس بحبك موت ... دي كارثة شنو دي ... قمت طوالي ضربت خدمات المشتركين 123 وجاتني بت طبعا بعد ما ادللت تمام بصوت عجيب واسئلة سمجة الرقم الضارب منه كم واسمك منو قمت قلت ليه الرقم الظاهر عندك ده ياهو الضارب منو زاتو .. سكتت وقالت لي طيب مشكلتك شنو ..حكيت ليها بالمشكلة قامت قالت لي خليك معاي على الخط وانتظرت زي ثلاثة دقائق رجعت لي ثاني وقالت نحن متاسفين فعلا في خطا في الكود بتاع الأغنية وممكن تنزل أي أغنية تاني لو عائز او نديك الكود الصحيح لأغنية الكابلي وحتخصم منك تاني لا حولااااااا (تصدقوا بالبساطة دي ) ..قلت ليها تغلطوا انتو وادفع انا ليه ...قالت خلاص نبلغ القسم الفني وهم بيعالجوا ليك المشكلة دي .. قتل ليها طيب النغمة النزلت دي اعمل ليها شنو قالت انتظر ناس القسم الفني قلت ليه بيحذفوها متين قالت لي ما معروف هسه بعد شوية يوم ما معروف.. انـــا لله
قلت ليها طيب ممكن أحذفها براي قالت ممكن وقمت حذفتها براي وقالت لي خلاص انتظر ناس القسم الفني ...
بعد يومين قريب المغرب اتصلت علي خدمات المشتكرين من الرقم 0912000000 وتاني حكيت ليها قصة التمساح الأكل الفريسة دي قالت لي طيب نحن حنحول المشكلة دي للقسم المختص (الكترابة) قلت ليها يعني قروشي تتخصم في اقل من ثانية والمشكلة تتحل في يومين انتو أصلكم شغالين بالبوستة ولا شكاويكم دي بتودوها بالسيرك بعجلة رالي قديمة ردت وقالت لي والله ده دورنا نحاول المشكلة وبعد داك بجيك الرد
وتاني أتصلت على خدمات المشتركين مرتين وكان نفس الجواب
يعني انا لحدي الليلة من يوم 6/6 الي يوم 6/12 والبلاغ بتاعي لافي مكاتب زين من قسم لقسم وهم بجهزوا في المفكات والزرديات عشان يحلوا لي مشكلتي النووية دي
شكيتكم لله يا ناس زين وقروشي ما عافيها ليكم
|
|
 
|
|
|
|
فيس بوك
تويتر
انستقرام
يوتيوب
بنتيريست