|
|
 عشان أمـونة ما تكون دائماً محتاجة وذليلة ومكسورة الجناح!! + صـور
|
حاربنا واستشهدنا وفقدنا..! وما زلنا ولسع عايزين نبيع أمونة دي بأبخس الأثمان....!! وليه بس أمونة الدارفورية هي الضحية وعلى الدوام...!!
امونة الصباح
قالت له النعال والطرق انهرن
ما قالت له جيب
شيلن يا الحبيب غشهن النقلتي
والترزي القريب
بس يا ام الحسن
طقهن آآآ بفيد
طقهن آآآ بزيد
انطقن زمن
وانطق الزمن
لازمك توب جديد
وبي اية تمن
غصباً للظروف والحال الحرن
شان يا ام الرحوم
ما تنكسفي يوم
لو جاراتنا جن
مارقات لي صفاح
او بيريك نجاح
ده الواجب أذن
وايه الدنيا غير
لمة ناس في خير
أو ساعة حزن
|
|
  
|
|
|
|
|
|
|
|
Re: عشان أمـونة ما تكون دائماً محتاجة وذليلة ومكسورة الجناح!! + صـور (Re: احمد محمد بشير)
|
امونة الصباح
قالت له النعال والطرق انهرن
ما قالت له جيب
شيلن يا الحبيب غشهن النقلتي
والترزي القريب
بس يا ام الحسن
طقهن آآآ بفيد
طقهن آآآ بزيد
انطقن زمن
وانطق الزمن
لازمك توب جديد
وبي اية تمن
غصباً للظروف والحال الحرن
شان يا ام الرحوم
ما تنكسفي يوم
لو جاراتنا جن
مارقات لي صفاح
او بيريك نجاح
ده الواجب أذن
وايه الدنيا غير
لمة ناس في خير
أو ساعة حزن
للشاعر ؟؟
النص من موقـع صحيفة صدى الاحداث.
| |
|
|
|
|
|
|
|
|
 Re: عشان أمـونة ما تكون دائماً محتاجة وذليلة ومكسورة الجناح!! + صـور (Re: احمد محمد بشير)
|
سِفر الصراخ
إن رأيتَ وأنت مغمضَ العينين
صورةَ طفلٍ يرضعُ ثدي أمه الميتة
فتعلمَ أنّ هذا الشقي
من دارفور!!
إن سمعتَ، وأنت في سباتٍ الأولين
صديً يترددُ في جهاتِ الكونِ
لعويلٍ
وصرخات
امرأةٍ ثكلي تُغتصبُ
في
الصحراءِ
بعد أن تخلت عنها الأرضُ والسماءُ
تأكد بأن تلك المرأة
من دارفور!
إن شاهدت،وأنت مسبلَ العينين علي شاشات العالم
ساسةً مترفون
أُمميون ومحليون
ومستعربون
يتقاسمون ملفاً ينز دماً
وديدناً
وقيحاً
تأكد بأنهم
لا شيء
لا شيء
لا شيء
سوف يفعلون!!
إن قرأت قصيدةَ شاعرٍ حداثي في القرنِ الحادي والعشرين
فرّت كلُ قواميسِ اللغةِ منه
وصارت مخيلتُه لا تري غيرَ صحراء
منذ بدء الخليقةِ كائناتَها منذورةً للموتِ والبوارِ
تأكد بأنك تقرأ قصيدةَ شاعرٍ حاول
قبل انتحاره أن يكتبَ سيرةَ أهلِه
في دارفور!!
للشاعر عفيف اسماعيل
محمد الحسن سالم حميد
بوست جميل
ولك كل التحية
| |
|
|
|
|
|
|
|
|
|
Re: عشان أمـونة ما تكون دائماً محتاجة وذليلة ومكسورة الجناح!! + صـور (Re: احمد محمد بشير)
|
أم اليتامى
شعر: محجوب شريف
بين العمل والبيت
فصّد جبينها عرق..
أم اليتامى بكت
لمن حسابها فرق
ماهية تمشي السوق
مركب مصيرها غرق
حق اللبن والزيت
الكسرة والكراس
هم في عيونها برق
الما بحس ما بهم
والخان همومو سرق
هذا المرتب تب
ما بسدها الفرقة..
القعدة في المكتب
والإمضا في الورقة
العبرة في الخبرة
الأيدي لو تعمل
جرح الزمن ببرا
اتباصرت مكنة
ماكوكها يتقدّل
بين خيطها والإبرة
زي ما القلب ساساق
الخطوة ساساقة
وعيونها منتبهة
تباري زقزاقها
لا شك ولا شبهة
والسترة أشواقها
والشفع القصر
والدمعة رقراقة
يا حليل شريك العمر
الدنيا فراقة
اتيقنت أحسن
من تبقى نقناقة
شقشق مقص في ليل
نامت خلايق الله
طاير سُقد حلّق
في بيتها واتدلّى
تدّي الولاد بصة
وتجرب القصة
وتقلّب الحلة
جاهز عمل بكرة
أسأل تقاريرها
السرية والسمعة
هل ركلست يوماً
حتى ولو جمعة
مشكورة في المكتب
مستورة في الحِلة
رغم الشجن هبت
لم تعرف الذلة
ما فارقت سرباً
تتفهم الموقف
تستدرك العلة
ولم تعد أماً
مسكينة بتشفِّق
تفرتق وترتق
قُصاصة في إيدها
كالوردة بتبتِّق
ريانة منشرحة
هدِم قدِم يصبح
في لمحة كم طرحة
لا بد من تكية
لا بد من بكية
لا بد من غمدة
لا بد من سرحة
أنعم بها أماً
بين العمل والبيت
يا مرحىَ يا مرحىَ
| |
|
|
|
|
|
|
|
|
|
Re: عشان أمـونة ما تكون دائماً محتاجة وذليلة ومكسورة الجناح!! + صـور (Re: احمد محمد بشير)
|
تبقي نقطة ضو.. لحظة الميلاد.
**محجوب شريف **
في اللحظة ديك والتو
لحظة الميلاد كنت نقطة ضؤ
فرهدت بيك فرهيد ....
وانتشيت بالريد
وطرت بيك الجو
قالو ايضا بت .....
قلت مالو ولو
بختي بختي
انت بتي ..
امي واختي..
همي شيلي ..
شيلي مني..
مني ختي
بتي
بشوفها عز التبتبة
بتي البريدة مرتبة
دولابا داك والمرتبا
جات من قبيل من مكتبا
ادت ابوها مرتبا
سددنا دين دكان حسين
كستني توب نجدنا كم.. كم مرتبه
جيهت بيتنا القديم
السقف داك والمسطبة
قيرا قيرا يا مهيرة
ياشتلاية جاتا مطيرة
تكبري انت تشيلي حملنا
وتزيدينا ترانا كملنا
نسمع عنك ما يفرحنا
الاستاذة دي كتر خيرا
يوم تلقانا هي ...بتوصلنا
وتحصلنا ...تفك الحيرة
ما بتتصنت و ما بتتعنت
ما بتاوق في حق غيرا
| |
|
|
|
|
|
|
|
|
|
Re: عشان أمـونة ما تكون دائماً محتاجة وذليلة ومكسورة الجناح!! + صـور (Re: احمد محمد بشير)
|
عشة كلمينا ميري ذكرينا
**محجوب شريف**
عَشّه .. كلّمينا
ميرى.. ذكّرينا
كل سنكى أحسن
يبقى ..مسطرينا
نحن شعب أسطى
يلا ..جيبو مونا
نبنى ..نبنى نبنى
مسرحاً..ونــــادى
مصنعــاً ..وبوسته
حرب لا لا لا لا
كبرى..استبــاليه
صالــه للثقــافــه
تســرح الغزاله
جنبها ...الزرافه
ركَ قمرى طار
قيره قيره قيره
نطَط الصغار
صفّق الترولى
طمّن ..القطار
حلقت ..وحلقت
حمامة المطار
كلّ طلقه..بينا
نحن تبقى وفر
سمسماً ..وبفره
سكراً وشاى
تترا سايكلين..
جاى وجاى وجاى
مافى حاجه ساى
كلّو عندو دِين
كلّو عندو راى
بور..وبورسودان
بارا.. والجنينه
عبرى ..ولاّ واو
حاجه مش كويسه
كلّ زول براو
هى سودانا بكره
من سودانا ناو
تكتب انت تقرا
تعرف السياسه
فى محل حراسه
حجرة الدراسه
تمشى انت تلقى
فى الضلمه..لمبه
ألف ضحكه حلوه
تسندك بجنبه
بى تمن طبنجه
حسن الكمنجه
أحلى شتل منقه
أحسن الحليب
إيد .. وإيد وإيد
نزرع الجديد
غابة النشيد
إيد..وإيد وإيد
مافى بينا سيد
إيد..وإيد وإيد
نلحق البعيد
نحنه مش مرقنا
حته واحده جينا
جينا لى السرقنا
حقّنا..وعصينا
دمّنا..وعرقنا
ولّعوا الرتينا
*
| |
|
|
|
|
|
|
|
|
|
Re: عشان أمـونة ما تكون دائماً محتاجة وذليلة ومكسورة الجناح!! + صـور (Re: احمد محمد بشير)
|
ســت الــبنات
**
ست البنات اتمالكت اعصابا
احلامها اتكت
بكت الشبابيك
التي نورا انطفا
فقدت حنان الهمبريب
والالفة والشمس البتضحك
وانسياب الدردشة
نار الكوانين انطفت
إلا البتوقد في الحشا
حق الفطور
يمه العشا
ما باباليكم يا جناي
اصبر كفى
أدت رضيع الأشهر الأولى .. القفا
ثم انكفت
غرقت غرق في دمعتا
عشم العشم نقطة حليبا تسكتو
ولا حتى كسرة تسند
من ما مشى
ما اشرف الدمع الجسور
إذا جرى
من عين والدة سعت
وبكل ما ملكت يداها وصحتا
داست هموما الداستا
مرقت تفتش في الشغل
كم مهنة حامت كاستا
نكتت شهادات الزمن
ما كان تخلى دراستا
رمت اللقيمات الدغش
والكسرة قامت عاستا
كم حاجة عندها باعتا
دبلة زوجا وساعتا
ترخص حياتا .. وكل شئ
بس سمعتا
ياالله ما اطول خميسا وجمعتا
احد أحد.. احد احد
جر السبت حبل الأحد
احد احد
واليوم يجر الثاني والثالث
كما ود الأحد
احد احد
احد احد
احد احد حيلا انتهى
يا منتهى الصبر البخلي السترة
قاب قوسين وادنى
من الذي ما يشبها
يا منتهى الصبر البخلي السترة
ترخص حياتا .. وكل شئ
بس سمعتا
بس سمعتا
***لـ محجوب******شريف***
| |
|
|
|
|
|
|
|
|
|
Re: عشان أمـونة ما تكون دائماً محتاجة وذليلة ومكسورة الجناح!! + صـور (Re: احمد محمد بشير)
|
والله يا احمد بوست جميل
اسمح لينا نشاركك ببعض لوحات صديقتي ميسون عادل
 راكوبه واسمها منزل الريح بتهد من حيله بتقلق ليله مطيره امك والصحه بتنزل بتمغرب قبل عصيره يا حليل العرق اتصبب فصّد والله جبينه واتدني همقلوبينه اخوانك شفع قصذر لسع ما بفشو غبينه  والحيله قليله بليله مرات بي مويه كسيره روشته تخلي الحته اضيق من ثقب ابيره  ولذلك انت هنالك في ركن السوق الشعبي بت امك ما بتكوسي دروب الشك والذلّه جربتي الكسره تعوسي مابسمع حسك الا النجمه وديك الحله وعجينك في البستلّه في ليل الصاج الداكن ترميه قميره قميره  كفتيره تفك الحيره يابت احسن من غيره حليمه النيمه تلمك في ضلها كتّر خيره 
(عدل بواسطة محمد هشام on 06-13-2011, 00:33 AM)
| |
|
|
|
|
|
|
| |
احمد محمد بشير
محمد هشام
ذواليد سليمان مصطفى
محاسن زين العابدين
فيس بوك
تويتر
انستقرام
يوتيوب
بنتيريست