|
من المسؤول عن إرتفاع أسعار الاسمنت
|
تلاحظ وفي خلال عشرة أيام ارتفاع اسعار الاسمنت عشرة جنيهات من 19 الى 30 للجوال الواحد فمن الذي تسبب في هذه الطامة هل هم اصحاب المصانع قد اتفقوا على عدم الانتاج الى ان ترتفع الاسعار لكي يغطوا التكلفة الكبيرة وسداد مديونيات البنوك أم ان الامر فيه اسباب خارجة وقاهرة لا نعلمها
ام ان هناك أحد المسؤولين الكبار يهمه ذلك حيث ان له من المخزون ما خشي عليه فتسبب في رفع الاسعار_ بالتأثير على اصحاب المصانع _ كي يخارج مخزونه باسعار علية ليكسب كسب غير مشروع
على أي حال فان المسؤولية الكبيرة يتحملها الاخ وزير الصناعة فهو المسؤول الاول لانه إن لم يوفي اصحاب المصانع بالتزاماتهم فينبغى على الوزير فتح الاستيراد من مصر او غيرها حتى يحافظ على الاسعار
من واقع تجربتي العملية انحى بالائمة على الحكومة وعلى الادارات المختصة والوزارات المختصة في ارتفاع اي سلعة تكون مهمة للمواطن خاصة في هذه الايام ونحن مقبلون على خريف سخن هذا وما اريد الا الاصلاح ماستطعت
|
|
|
|
|
|
|
|
Re: من المسؤول عن إرتفاع أسعار الاسمنت (Re: Adil Hamza)
|
اعزائي المتداخلين شكرا لكم جميعا الفيرنس هو احد الاسباب ولكن فعلا العرض كبير وعاجلا ام آجلا سينخفض السعر
اما مشكلة السكر فهي فعلا مشكلة عويصة نصدر السكر وترتفع اسعاره
غايتو انا قلبي مع المساكين وربك يهون ويلطف
كسرة السيدح انت داير تبني ولا شنو ؟؟
| |
|
|
|
|
|
|
Re: من المسؤول عن إرتفاع أسعار الاسمنت (Re: معاوية عبيد الصائم)
|
Quote: غايتو انا قلبي مع المساكين وربك يهون ويلطف
|
تعرف يا المكاشفى المساكين ديل انتو معذبنهم عذاب شديد خلاص انتو بتأيدو اي كارثة تعملا الحكومة دى بدون اى تفكير لماذا تكون اسعار السكر بهذا الغلاء فى بلد به مصانع سكر
عذاب لمدة 22 سنة و برضو تقول لى قلبك مع المساكين اختشى ياخى قال اسمنت قال ان شاءالله الاسمنت اسعارو تزيد تانى .. هو فى زول قادر يبنى غيركم
عادل
| |
|
|
|
|
|
|
Re: من المسؤول عن إرتفاع أسعار الاسمنت (Re: Adil Hamza)
|
عادل حمزة كدا روق شوية وبرد انت بتعرف عني شنو يا عمك ؟ دا كلام دا خلي عندك اخلاق واملى قاشك يا ظريف وكلام زي دا ما تقولو لى امش قولو لزول تاني انت ما عارفني ولا شنو ؟ شنو اختشي وزول قادر يبني غيركم انت بتعرف عني شنو ؟ شفتني وين ؟ تعال شوف بيتنا عشان تاني كلام زي دا ما تقولو تعال في الجزيرة اسلانج شمال امدرمان واسئل من بيت ناس المكاشفي وبعدين تعال قول كلامك دا
امش شوف الناس البتبني في العمارات قول ليهم كلامك دا
ما تحكم ساي وتقول كلام انت ما عارف عنو اي حيثيات
شوف يا عادل انا في المنبر دا انادي وارفع صوتي لمساعدة الفقراء والمساكين انت لو داير تكورك معانا اهلا وسهلا ولو ما داير تجيب الحجار حقو تلم كلامك دا عليك يا حبيب تنزيل
| |
|
|
|
|
|
|
|