|
Re: من داخل صيدلية بشير احمد بجده نرحب بكم (Re: بشير أحمد)
|
أنشاءالله عمرة مباركة يا أخ محمد عادل . بعدين شايف في الصورة في سجارتين في الطفاية في داخل الصيدلية . تدخين في داخل الصيدلية ؟؟ أنا غايتو ما عارف القوانين في السعودية . الا بس لو سحبتو صورة الطفاية يكون كويس عشان ما تكون في مشكلة للصيدلية تحياتي لكم ( ومعليش )
| |
|
|
|
|
|
|
Re: من داخل صيدلية بشير احمد بجده نرحب بكم (Re: MOHAMMED ELSHEIKH)
|
الاخ/محمد الشيخ
تحياتي؛؛؛
Quote: يا بشير ورينا سر العكاز الفي الصورة الأولي باقي طاريين لينا غداء في جدة |
تعرف يامحمد العكاز ده ليهو8 سنوات معاي وليهو إستخدامات كتيرة ؛ بعض الحرامية وسليطي اللسان من الزبائن ليهم نصيب فيهو نمرة اتنين بيشتغل ريموت كنترول للمكيف لانو مرتفع جدا وتبريدو بيكون مباشرة علي المكتب يعني لرفع وانزل الشيش . وتالت هم اهش وانش بيها الغنم.
ومرحب بيك في جدة ولمّن تجي قول عووك والغداء جاهز.
| |
|
|
|
|
|
|
Re: من داخل صيدلية بشير احمد بجده نرحب بكم (Re: nazar hussien)
|
Quote: أب عقال دا بشير احمد والله سعيد العويران؟ |
يازول عقال شنو البلبسو ؟ ده زبون جا سلّم علي محمد عادل وقال ليهو مرحب يادكتور وطوالي قال ليهو :يادكتور عندي غنم عيانه وووووو الزبون البعديهو قال ليهو إنت بالجد سوداني ؟
_______
تحياتي يانزار وجمعة مباركة.
| |
|
|
|
|
|
|
Re: من داخل صيدلية بشير احمد بجده نرحب بكم (Re: بشير أحمد)
|
تحية ....العكاز مهم يا دكتور (العصا لمن عصا)...شريطة الا يكون في نهاية الععكاز صامولة..في هذه الحالة يكون في مرتبة وسطي بين الكريز والنبوت...
سنة حميدة الاحتفاء بزملاء المنبر وتقديم ما يلزم...ياكم اهل الكرم والجود...(يبدو الغير علي ذاتهم ...يقسمو اللقمة بيناتهم ..حتي ان كان مصيرهم جوع...) يا سلام...
لك وللمحتفي به الاحترام..
| |
|
|
|
|
|
|
Re: من داخل صيدلية بشير احمد بجده نرحب بكم (Re: بشير أحمد)
|
أنت شكيتكـ على الله يا محمد عادل العرفت درب بشير أحمد دا في يوم واحد في جدة ...
نحن لينا عشرة سنوات في جدة دي لم نعرف فيها درب بشير احمد دا (وجه ضاحكـ)
سلام يا بشير ... وشكراً على إستضافتكـ لمحمد عادل
والعكاز دا يا بشير اكبر منكـ كيف بتتعامل معاهو
صورة للسيد دينق للإحتياط من عكاز بشير ههههههههه
| |
|
|
|
|
|
|
|