|
|
 جاك يا سَـطح العمـارة يكوسه فَـرده سِـفنجة
|
جاي كايس ليو سِفنجة !!!
لما فَتَح وشافه جَنبو
شمي ريحة الشية هبا
الخَدم في عبدو طبوا
عبدو ما كائِس مغبه
فجاءة إتأبط أباطو
عبدو ما صبحت وطاطتو
الكَلِب في زورو شبا
فكى ليك فيو السِفنجة
طلعت البلكونة غادى
وبي طريق الصٌدفة صَحت
نَبضِ إحساسو القيادى
جاك يا سطح العمارة يكوسه َفرده
لكانو شافك يا بلادي
في شكل وَرده
وانشاء الله ما كانت ِسفنجة
الفرق واضح بين شيكاغو وبين دى سـِنجه
وبين دى جَده
وقبلما نَغير كلامنا الرامى ضلو علي الظروف المٌستَجده
وقبلما تحلحل مشاكلنا الطَبَنجه
رجعنا لي بيـتـنا الِمجلكن
وجَرينا ... في الحوش َعنقريب
وكتين يفوح ياسمين عمارتو
بنِشم زِبالة عَم عِـشـيب
حاصل شنو !!
بالمقصة انشقي القليب ؟ ما حَصل
وهَل حصل محروق حشي
بكاهو صوت الَعندليب ؟
في بٌرجِ أحزانو أكتسي
من تٌقـلو مات العَنقريب
ورسل جنازتو مع المشي
وسيدو عاش لحـدما
حبالو رَبت ليها شيب
حيلو شايلو بدون عشي
و في سرو صَدح العندليب
ناس تموت مِيتة وخَلاص
وناس تموت ساى إختشي
وناس تَكٌب في روحه جاز
في جوفه نار بتحَرِشه
محمد الفاتح خالد
|
|
 
|
|
|
|
|
|
|
|
Re: جاك يا سَـطح العمـارة يكوسه فَـرده سِـفنجة (Re: salah ismail)
|
Quote: شاعرية...
رسالة امينة الحروف
تصوير رائع...
يا ريت تعمل تسجيل صوتي للقصيدة
فهي تحتاج لي صوتك
وايقاعك الجميل |
الاخ صلاح اسماعيل
شكراً يا دكتور
طلتك يا غالى بي الدنيا وطلبك رخيص
بتفق معاك اللغة العامية السودانية بتحنطه النصوص ( بتجيك ما مقَشرة ) بتلاقي صعوبة في الهضم ..
يعنى بدون تسجيل صوتى بتحس بيها نصوص ناشفة كدا و فاقدة الروح والبريق
أما الشق الاخر الحِفظ والالقاء والمايك دا أسهل من الكتابة لكن - الكتابة - ما دايرة تحضير شعور وتلميع ضفور
شكراً ونحن في انتظار وترقب لما سيسطره يراعك الخصيب يا دكتور
محمد الاتح خالد
| |
|
|
|
|
|
|
|
|
|
Re: جاك يا سَـطح العمـارة يكوسه فَـرده سِـفنجة (Re: محمد الفاتح خالد حسون)
|
الحرامي احتار ودَنقر
لما يوم قدام عمارتك قلبو صَنقَر
كيف حا يسرق في البسرق ليهو عَنبر
ولو هسه فوق الحيطة نطه
يلقي يوم مولانا فاتح
دارو جامع للفواتح
وأسمو مكتوب فى المحطه
وهو الحرامي
وهو الامام
ويا سلام
هى هييي يكا
بي الناس بصلي
للناس بقسِم في الزكا
طبقة طبقة وتاني طابق
وكِرعينو ظاهرة مَكَندكه
طبقة طبقة الحِنه طابق
والحِنه ساكت حَندكه
وكلما يعلالو طابق
يكتب اسمو على السِقالة على المطابق
سماها بٌرج الفَندَكـه
محمد الفاتح خالد
| |
|
|
|
|
|
|
|
|
|
Re: جاك يا سَـطح العمـارة يكوسه فَـرده سِـفنجة (Re: سيف اليزل برعي البدوي)
|
الاخ سيف البرعى
أبو ليينا
كيف أحوالك
أنا ... يا داابي بجرب في جميع الاواني والقوالب ... لحدي ما ألقي ليك ماعون خاص بي ... الوقت داك بقراه ليك واحد من الشفوت
ما تمِد ليا مايك ... إلا تلقاني ذي الفي جيبو بَخـره
خلينا نوثق في الاول ونسمع بقية الاعضاء بعدين الحبال الصوتية بنشده شده
الواحد بي قدرت قادر بخش البوستات إنت موش في بوسطن حقتنا دي
زورني لو سمحت مرتين علي اسواء الفروض وتكون طالبنى فووووووووق
محمد الفاتح خالد
| |
|
|
|
|
|
|
|
|
|
Re: جاك يا سَـطح العمـارة يكوسه فَـرده سِـفنجة (Re: محمد الفاتح خالد حسون)
|
Quote: يلقي يوم مولانا فاتح
دارو جامع للفواتح
وأسمو مكتوب فى المحطه
وهو الحرامي
وهو الامام
ويا سلام
|
الاستاذ محمد الفاتح
شكر جزيلا علي هذا الجمال
مافي الاقتباس
صورة جميلة جدا
و هي واحدة من الصور الانيقة التي يزخر بها النص
استمتع في الشعر بتسلسل و توارد الصور المفاجئة
نص شعري لطيف و خفيف الظل
طه جعفر
| |
|
|
|
|
|
|
|
|
Re: جاك يا سَـطح العمـارة يكوسه فَـرده سِـفنجة (Re: طه جعفر)
|
محمد الفاتح ديار الافرنج
شوق مكوم محتاج لترحيل اليك بلورى هينو
أما حكاية العمارة
فقد تم بناءها وتم طرطشتها ولما ضربها المطر المخلوط بالغبار
أصبح العمارة لونها مخستك
لون غباشنا ال ما بيغبانا
شعرك فيه رائحة الدلكة وعصير القونقوليس وطين البحر
وريحة برش قديم مدلدل من عرش راكوبة بعد المطرة تقيف
كتر لينا منو بالله
| |
|
|
|
|
|
|
|
|
|
Re: جاك يا سَـطح العمـارة يكوسه فَـرده سِـفنجة (Re: محمد النيل)
|
Quote: صورة جميلة جدا
و هي واحدة من الصور الانيقة التي يزخر بها النص
استمتع في الشعر بتسلسل و توارد الصور المفاجئة
نص شعري لطيف و خفيف الظل
طه جعفر |
أستاذ طه جعفر
تشكر على الحضور والكلمات المطربة ... يكفيني وميض قلمك لي مليون سنة فكـــــــــــــــــرية ... وأنا في انتظار الجديد من روائعك
هدا حيل صبرى الترقب
شاكر وممتن ولو متاخر ... ياكا البعزرني
محمد الفاتح خالد
| |
|
|
|
|
|
|
|
|
|
Re: جاك يا سَـطح العمـارة يكوسه فَـرده سِـفنجة (Re: محمد الفاتح خالد حسون)
|
Quote: محمد الفاتح ديار الافرنج
شوق مكوم محتاج لترحيل اليك بلورى هينو
أما حكاية العمارة
فقد تم بناءها وتم طرطشتها ولما ضربها المطر المخلوط بالغبار
أصبح العمارة لونها مخستك
لون غباشنا ال ما بيغبانا
شعرك فيه رائحة الدلكة وعصير القونقوليس وطين البحر
وريحة برش قديم مدلدل من عرش راكوبة بعد المطرة تقيف
كتر لينا منو بالله |
الاخ محمد النيل ............ النيلاتى
ماعارف ابدا من وين
لكن شوف العين ما كتلو عمارة .... اجدع لينا الصور ياخ سريع
قلتا ليا الغباشة الواحدة ديك والمطر لو ما خلطو الغيار .... كان الخلط حصل وجاب ليك يايابا السونامي الفيرطق رواكيب الخريف الحار ليلاَ نهاراَ .
اخبارك يالحقت سيد بيكاب وحا يلحقك في بلدك دى ود عرمان
إنشاء الله دائما متهنيين
بجيك بعد صورة صورتين للغباشة المابتمسحها الموية
محمد الفاتح خالد
| |
|
|
|
|
|
|
|
|
|
Re: جاك يا سَـطح العمـارة يكوسه فَـرده سِـفنجة (Re: محمد الفاتح خالد حسون)
|
وكان هسا داير
من طوكيو...
حا يجيب السراير
ومن موسكو طفايت السِجائر
والمغاسل من ايطاليا
في نجيلتو الخضرة طالية
ونحنا ليه بنقول قبيحه
العمارتو الليلة برذت ***** بي الطوابق المستميخه
البَخيل القلنا أهبل ***** الليضنة القلنا خيخة
من كوريا استورد ستاير *** * والمهندسة شان تناول ليو صفيحه
ونحن ما لاقين سليقة **** روحنا تمرٌق في الفَسيخه
ياخي قوم أدخل عمارتك *** الحِته ذاتها بقت مَسيخه
من يوم بنيت هذه المٌسلح *** وجكست قالوا كمان زَليخه
لو راجِل أفتح باب عمارتك *** وأربط الكَلـبه اللديحه
محمد الفاتح خالد
| |
|
|
|
|
|
|
|
|
|
Re: جاك يا سَـطح العمـارة يكوسه فَـرده سِـفنجة (Re: محمد الفاتح خالد حسون)
|
العمارتو ... الليلة قامت من خراب بيت فاطمة تنطح
قالوا من بواب في طنطا
فكر ... ينجح بالاوانطة
شطارتو يلهف
ومرة يَلقف
وكان للجدل
قالو خريج بالبدل
أول الدفعة الطٌراحة
في شِهادتو راسمين البَغل
لا عندو دين ...
لا قشه مٌـــره
شعارو .. أخنِـق .. وتانى فَطِـص
وذيد وعليها القٌصرة
العندو القِرش في قرشو بقطِس
وسيرتو لي أم در بالقٌطرة
محمد الفاتح خالد
| |
|
|
|
|
|
|
| |
محمد الفاتح خالد حسون
salah ismail
سيف اليزل برعي البدوي
طه جعفر
محمد النيل
سيف الدولة كامل
فيس بوك
تويتر
انستقرام
يوتيوب
بنتيريست