|
|
 ماسورة يعنى شنو ؟ وكمان عمك ده لمنو ؟
|
الاعزاء
غبت عن السودان لسنوات طوال وكما يقول المثقفاتية مرت مياه كثيرة تحت الجسر
لم يدهشنى مافعلة الكيزان من الانقلاب وحتى انفصال جنوب السودان
ولكن الذى لم استطيع ان ابلعه اللغة الجديدة او المصطلحات الشائعة شكلوا الواحد ما مواكب لمن سألت اخى عن ماذا يعنى ببعض ماذكر من حديث قال لى انت بره الشبكة
مثلا الزول ده ماسورة كبيرة دى بحس بيها زى النبز - الزول ده ماسورة اسع دى قلة ادب بخشم الباب
قلت اشرحوها لى فتم ربطها بلاعب كرة قدم مستورد (محترف) وماجاب اهداف ومرة فى التمرين جاب هدف فقام واحد قال الماسورة نقطت
المهم دخلوا بحمد وطلعوا بخوجلى وانا ما فاهم حاجة
ومره بتكلم عن زول فى عمره تقريبا اقوم اقول لى عمك ده - اها دى ما وقعت لى نهائى محتاج لى لمترجم وفهامة فى المسطلحات الجديدة
عشان الواحد ما ابقى بره الشبكة وماسورة كبيرة
اخدو فينا الاجر ونورونا
|
|
 
|
|
|
|
|
|
|
 Re: ماسورة يعنى شنو ؟ وكمان عمك ده لمنو ؟ (Re: متوكل بحر)
|
الف حمدا لله علي السلامة اولا ..
يا متوكل يا عزيزي بخصوص ياعمو ويا عمك فانا اعتقد جازما انها تقال للعم المباشر يعني نحن زمان بنقول ياعمي , ولكن الحداثة
او التطور يقولون ان هذه الكلمات خفيفة ,في حين اري انها نوع من الانحطاط الاخلاقي اصيب به المجتمع ..
| |
|
|
|
|
|
|
|
|
Re: ماسورة يعنى شنو ؟ وكمان عمك ده لمنو ؟ (Re: بخاري عثمان الامين)
|
متوكل تحياتي
ماسورة مفرد والجمع منها سوق المواسير
ماسورة يعني ماسورة حاجة شبية بالخرطوش
مفتوحة من الجانبين ، يمر من خلالها الهواء
يعني بتجيب الهواء
وأهلنا قالوا : الباب البجيب (الهواء) سدو عشان تستريح
لعلي أكون ساعدت في تقريب المعني
على فكرة قالوا الماسورة رجع من تاني
عشان ليبيا قفلت.
| |
|
|
|
|
|
|
|
|
|
Re: ماسورة يعنى شنو ؟ وكمان عمك ده لمنو ؟ (Re: ود الخليفه)
|
العوض المسلمى
تحياتى
اعتقد انو بس فى مساحة كبيرة بينا وبين الاجيال الموجودة انا لا اجرمهم فقد كنا فى الزمن السابق نستخدم مصطلحات
زى الفارة والداقس وتقول لى زول شتت وطريقك زراعى المهم اى جيل بى حاجاتو بس العايز اعرفوا انها نبز وبتزعل لما تتقال
ولا اقول الى اى فارة ماسورة بس بينى وبينك ماسورة مخيفة شوية
| |
|
|
|
|
|
|
|
|
|
Re: ماسورة يعنى شنو ؟ وكمان عمك ده لمنو ؟ (Re: متوكل بحر)
|
طيب النقولوا شنو وما نقولوا
نقعد ساى كده زى الباسطة
تفتح خشمك وتنتقد اقولوا الزول جنو نقة
تسكت ساى اقولوا بره الشبكة
تقول تشارك فى الونسة بكلام زمان وحق الله بق الله اقولوا زول مفلهم
اقعد فى الكلام
يا اعرف الكلام البقلوه شنو
ولا ارجع محل ماجيت
ويا انتى يا اغرق
| |
|
|
|
|
|
|
|
|
|
Re: ماسورة يعنى شنو ؟ وكمان عمك ده لمنو ؟ (Re: ود الخليفه)
|
Quote: غبت عن السودان لسنوات طوال وكما يقول المثقفاتية مرت مياه كثيرة تحت الجسر
لم يدهشنى مافعلة الكيزان من الانقلاب وحتى انفصال جنوب السودان
ولكن الذى لم استطيع ان ابلعه اللغة الجديدة او المصطلحات الشائعة شكلوا الواحد ما مواكب لمن سألت اخى عن ماذا يعنى ببعض ماذكر من حديث قال لى انت بره الشبكة |
اسمع يا شاب هنا دا !!!
يعني افهم من الكلام دا انك في السودان؟
| |
|
|
|
|
|
|
|
|
|
Re: ماسورة يعنى شنو ؟ وكمان عمك ده لمنو ؟ (Re: متوكل بحر)
|
يابحر سلامات
السبب الذي سيق اليك في خصوص معاني الـ ماسورة اعتقد انه جانبه الصواب..
ماسورة دي قصتها كالاتي:
قال ان قردا مشاغبا كان يمرح بالقرب من لبوة وزوجها الاسد ..
فبالغ القرد قليلا فصار يغمز الى اللبوة ويكثر من بعض الاشارات ذات الدلالات الجنسية السافرة..
فاستفز صمت الاسد اللبوة فقالت في زعل لزوجها الاسد:
انتا ماشايف الحيوان ده بسوي في شنو ..ماتقوم تفهمو حاجة..
واذا الاسد مطنش وكأنه لم يسمع شيئا..
وهكذا استمر القرد في افاعيله الجريئة والتي حتما لم تعجب اللوبة فقامت من ظلها تطارده في شراسة..
فسلك القرد مسارا حريفا انتهى به الى ماسورة كبيرة من مواسير شركات بترول السافنا الفقيرة كان متروكا في العراء بانتظار الانستوليشن..
فدخل من جانبه وخرج راكضا من الجانب الاخر..فحاولت اللبوة في مطاردتها السريعة الدخول من حيث دخل القرد والخروج من حيث خرج.. ولكنها انحشرت في الماسورة لكبر حجمها..
فسار نصفها الامامي داخل الماسورة ونصفها الاخر خارج الماسورة..
فجاء القرد السفيه من ورائها مستغلا هذا الانحشار وفعل بها مايفعل القرد بقردته..
ونفض يدينو وقشا خشمو واتخارج..
بعد نص ساعة اللبوة قدرت تمرق نفسها من الماسورة ..فعادت كسيرة الخاطر منكسرة العين الى مضارب زوجها الاسد..
وما ان راءها الاسد منسكرة حتى قال مبتسما شامتاً:
وداكي الماسورة؟
ــــــــــــــــــــــــــــــ
وهكذا جرى اطلاق الماسورة على كل ورطة..
ولاتلتفت الى مادون هذا التفسير..
| |
|
|
|
|
|
|
|
|
|
Re: ماسورة يعنى شنو ؟ وكمان عمك ده لمنو ؟ (Re: DKEEN)
|
عزيزي الفاضل
ماسورة مصطلح راج كثيرا واشتهر اكثر فى وصف محترف المريخ وارقو وفى الاصل له عدت مصادر واغلبها اجتهادات وأصلها فى اعتقادي جاء من وجبة الكوارع(ما تستغربوا)ومعلوم لدي الجميع أن الكوارع تأخذ من عدت مناطق من البقر او الضان وافضل قطعة و يفضلها اهل الخبرة هى الاضلاف وتشتهر بإسم(الكدارة) واقلها طلب ولا يتم طلبها إلا فى أخر الليل هى عظمة الساق وتشتهر من زمن طويل بأسم(الماسورة)وذلك لكبر حجم العظم من الخارج وتجوفيه من الداخل ولا يحتوي علي نسبه ضيلة من النخاع(اللزيز)و قليل جدا من اللحم لذي وصف بأنه ماسورة وبعد ذلك انتشر وسط رواد الكوارع كوصف لكل شحص عديمة الفائدة عكس مظهره وبعد ذلك انتشر المصطلح وسط العامة وبصفة خاصة وسط مشجعي كرة القدم والجامعات
ودا الموضوع حسب اعتقادي يا عمك
| |
|
|
|
|
|
|
|
|
|
Re: ماسورة يعنى شنو ؟ وكمان عمك ده لمنو ؟ (Re: متوكل بحر)
|
حبيب الكل
سلامات
| Quote: ماسورة مصطلح راج كثيرا واشتهر اكثر فى وصف محترف المريخ وارقو |
دى الرواية التى تم توصيلها لى
اما الكوارع وبما اننى من المحترفين فيها فكلامك سليم فيما يخص الساق او الماسورة فى الكوارع
ولكن لا اذكر انه تم استخدامها كم تستخدم اليوم وحشرها فى موضوع ووصف كل شئ بها
| |
|
|
|
|
|
|
|
|
|
Re: ماسورة يعنى شنو ؟ وكمان عمك ده لمنو ؟ (Re: متوكل بحر)
|
الرفاعى حجر
لك تحياتى
البعد الجنسى هو لب الموضوع اذا كان هو كذلك ما برضى اسخدمها ولا اريد ان اوصف بها يعنى بحصل ضرب
حتى ان قصة لاعب المريخ المحترف تحتها خطين وكمية من علامات الاستفهام لماذا قيل له ماسورة ؟
ولماذا تم استخدام وصف ماسورة له ليه ما قالوا ليه بلف محلوج ومخستك ولا لستك ضارب
ليه ماسورة ؟
المهم اريد ان اتوخى الحزر
ولا اريد ان اكون كمن خاض مع الخائضين
لو كانت كلمة بريئه نعرف اما اذا كانت تحمل دلالات اخرى برضو نعرف وزى ما قال الشبلى نعمل زغبير
| |
|
|
|
|
|
|
| |
متوكل بحر
العوض المسلمي
بخاري عثمان الامين
EMU إيمو
محمد البشرى الخضر
وليد محمد المبارك
ود الخليفه
سفيان بشير نابرى
عماد الشبلي
7abib_alkul
الرفاعي عبدالعاطي حجر
امير طمبل
فيس بوك
تويتر
انستقرام
يوتيوب
بنتيريست