|
|
 ملاحظة: البوردابيات أطول عمراً من البوردابيين
|
من ملاحظاتي منذ انضمامي إلى هذا المنبر لم أرَ
يوماً واحداً قد سُود المنبر، وكان المتوفي
امرأة فدائماً الذين ينتقلون إلى الرفيق الأعلى
رجال، ولعدم وجود إحصائية جيدة في السودان، لإحصاء
العمر بين الجنسين في السودان، قد تقودنا هذه الملاحظة
في المنبر إلى إحصائية أن المرأة أطول عمراً من الرجل في السودان،
فهذا المنبر يُعتبر سوداناً مُصغراً.
|
|
  
|
|
|
|
|
|
|
 Re: ملاحظة: البوردابيات أطول عمراً من البوردابيين (Re: النذير حجازي)
|
انت حاسد ولا بقران!!!!!!!!!!!!!!
الاعمار بيد الله ياااااااااخ النذير
وبعدين مافي فرق كون المتوفى بوردابي او بوردابية
لانو الشعور بالحزن والاسى والاسف واحد في الحالتين
لفقد عزيز لديك في المنبر
غايتو ما عارفة موقفك وشعورك حيكون شنو لو المرة الجاية المنبر اتسود بسبب وفاة بوردابية
| |
|
|
|
|
|
|
|
|
|
Re: ملاحظة: البوردابيات أطول عمراً من البوردابيين (Re: ناصر البطل)
|
Quote: انت حاسد ولا بقران!!!!!!!!!!!!!!
الاعمار بيد الله ياااااااااخ النذير
وبعدين مافي فرق كون المتوفى بوردابي او بوردابية
لانو الشعور بالحزن والاسى والاسف واحد في الحالتين
لفقد عزيز لديك في المنبر
غايتو ما عارفة موقفك وشعورك حيكون شنو لو المرة الجاية المنبر اتسود بسبب وفاة بوردابية |
سلام يا ميادة الكوزة
يا ميادة والله لا حاسد ولا بقران بالعكس سعيد
إنو الموت ما بختار بوردابية لأنو وفاة الأم
أصعب من وفاة الأب، وبعدين حكاية موقفي وما وقفي
أنا مؤمن بأنو الأعمار بيد الله، وكل نفس ذائقة الموت
يعني هسا قصدك إنو لو إتوفت بوردابية أنا ح أكون
جبت ليكم الكج!!!
تحياتي
| |
|
|
|
|
|
|
|
|
|
Re: ملاحظة: البوردابيات أطول عمراً من البوردابيين (Re: سيف النصر محي الدين)
|
Quote: اذا كان البورد عينة يا النذير فهو عينة غير عشوائية و هو لا يمثل المجتمع السوداني
باي حال من الاحوال.
طولة العمر للجميع. |
سلام يا دكتور سيف
يا دكتور سيف أي نعم سودانيز أون لاين لا تمثل كل السودان
ولكن ستظل عينة عشوائية، بمعنى أدق فهي تمثل:
1) عينة عشوائية للمثقفين السودانيين
2) عينة عشوائية من الطبقة الوسطى في السودان
فالغاليبة من رواد المنبر يمثلون الطبقة الوسطى
وإنعدام الطبقة الفقيرة
3) عينة عشوائية للمغتربين السودانيين (فمعظم رواد المنبر
من المغتربين والمهاجرين)
4) عينة عشوائية من مستخدمي الإنترنت من السودانيين
هذا ما استحضرته الآن والقائمة تطول
تحياتي
| |
|
|
|
|
|
|
|
|
|
Re: ملاحظة: البوردابيات أطول عمراً من البوردابيين (Re: نوفل عبد الرحيم حسن)
|
العزيز النزير.
كيف يا راجل نسيت الراحلة الشاعرة صلحة الكارب؟
المرحومة كانت عضوة بالبورد والبال توك يا النزير.
<a href="http://www.sudaneseonline.com/cgi-bin/sdb/2bb.cgi?seq=print&board=109&msg=1137264635&rn=" target=_self>نعى اليم الزميلة صلحة الكارب فى رحمه الله
بالمناسبة.
أنت ما جاي واشنطن قريب؟
| |
|
|
|
|
|
|
|
|
|
Re: ملاحظة: البوردابيات أطول عمراً من البوردابيين (Re: Deng)
|
الفاضل النزير حجازي سلام
غريبه فات عليك حسك الاحصائي
اذا العضويه تفوق ال 8000 هنا و النساء منهن لا يتجاوزن ال 100
فبالله عليك من وين النسبه و التناسب هنا؟!
ثانيا:
الشريحه التي تكتب هنا من النساء
هم شريحه متوسطة العمر وذات دخل جيد
ومتعلمات يبقى طبيعي ان تقل نسبة الوفيات بينهن.
بينتبهن للكلاسترول
وما بيدخنن وما بيشربوا الكحول وبيتريتضن!
كفايه رعاية الاطفال هي ذاتها رياضه و القيام باعمالهن .
اها الرجال يحبوا الدعه و الكسل
وبتدخنوا وبتشطموا و الما بيشطموا بيموتوا في اللحمه
والمؤمن حلوي؟؟
وبعد ده انجهونا!!!(هههههههههه)
| |
|
|
|
|
|
|
|
|
|
|
Re: ملاحظة: البوردابيات أطول عمراً من البوردابيين (Re: ود الخليفه)
|
Quote: الأخ النزير
سلام من الله عليك
فعلا ملاحظة قوية خايفين ندلو بدلونا
تقوم تجينا جهولة ام سكاسك و تسل لسانها
لانها ساكنة هنا سكنة
مع امنياتي بطول العمر لبقية الاخوات
بطول العمر
تحياتي |
العزيز طمبل، شكراً على الثنية
وفعلاً أنا قربت أبلع البوست
وأقول لي بكري أحذفو، فالبعض
قد ذهب تفكيره بعيداً عن الإحصاء
وأقول معك أمنياتنا لجيع أخوات
بطولة العمر
تحياتي
| |
|
|
|
|
|
|
|
|
|
Re: ملاحظة: البوردابيات أطول عمراً من البوردابيين (Re: النذير حجازي)
|
Quote: العزيز النزير.
كيف يا راجل نسيت الراحلة الشاعرة صلحة الكارب؟
المرحومة كانت عضوة بالبورد والبال توك يا النزير.
نعى اليم الزميلة صلحة الكارب فى رحمه الله
بالمناسبة.
أنت ما جاي واشنطن قريب؟ |
العزيز دينق، لا حول الله، والله يا دينق لقيت ذاكرتك
حديد، وفعلاً العقل السليم في الجسم السليم، تخيل نسيت الزولة
الملكة دي، وربنا يرحمها ويغفر لها، ياخي الزولة
دي كانت فردتي شديد في البالتوك، وبتدخل باسم بت
الخليل، وشدة ما متكيف منهاعملت ليها بلو نك نيم، وكل
ما أدخل البالتوك تشكرني عليهو، والموت دائماً بخطف
الناس الرائعين.
والله يا دينق، أخوك بقى بتجدع وعمل ليهو دريبات في أوروبا
وكل إجازة بقيت بشرشح في أوروبا، لكن إن شاء الله الإجازة
الجاية دي ح أجيء أزوركم في دي سي، ولو ما دي سي بيوتها
غالية كان الواحد إشترى فيها بيت واستقر فيها، فيها أحسن
السودانيين، والله يا دينق بختكم د. ناهد محمد الحسن معاكم
اليومين دي، والله فاتتني، وما أوصيكم عليها.
تحياتي ليك يا ملك
| |
|
|
|
|
|
|
|
|
|
Re: ملاحظة: البوردابيات أطول عمراً من البوردابيين (Re: النذير حجازي)
|
Quote: الفاضل النزير حجازي سلام
غريبه فات عليك حسك الاحصائي
اذا العضويه تفوق ال 8000 هنا و النساء منهن لا يتجاوزن ال 100
فبالله عليك من وين النسبه و التناسب هنا؟!
ثانيا:
الشريحه التي تكتب هنا من النساء
هم شريحه متوسطة العمر وذات دخل جيد
ومتعلمات يبقى طبيعي ان تقل نسبة الوفيات بينهن.
بينتبهن للكلاسترول
وما بيدخنن وما بيشربوا الكحول وبيتريتضن!
كفايه رعاية الاطفال هي ذاتها رياضه و القيام باعمالهن .
اها الرجال يحبوا الدعه و الكسل
وبتدخنوا وبتشطموا و الما بيشطموا بيموتوا في اللحمه
والمؤمن حلوي؟؟
وبعد ده انجهونا!!!(هههههههههه) |
غاليتنا تراجي، ويين يا فردة ومشتاقييييييين
وفعلاً كلامك صحيح إنو عدد الذكور في البورد أضعاف
عدد الإناث، وعلشان كدا نسبة وفاة الإناث أقل
وبرضو عجبتني ملاحظاتك عن شريحة الإناث التى تدخل
البورد، وإنو ما بدخنو وما بطشموا هاهاها، عشان
السببين ديل أعمار الإناث في الوطن العربي والدول
الإسلامية أطول من الذكور، لأنو معظم الذكور في الوطن
العربي والدول الإسلامية بدخنو وبطشمو إلا من رحم ربي
وبالمناسبة يا تراجي ممكن تضيفي ليهم سبب تالت وهو
تعدد العلاقات الجنسية عند الرجال السوانيين أكثر
من النساء ودي بتجيب أمراض مهلكة وعلى رأسها عمك
إدريس هاهاها.
تحياتي يا ملكة
| |
|
|
|
|
|
|
|
|
|
Re: ملاحظة: البوردابيات أطول عمراً من البوردابيين (Re: النذير حجازي)
|
Quote: دا لانه الرجال اكثر عددا من النساء في البورد وطبيعي الوفيات تكون بالنسبه دي
ربنا يطول في اعمار الجميع ويديهم الصحه والعافيه |
العزيز نوفل، فعلاً كلامك مظبوط قد يكون سبباً أساسياً
ولكن بعد الملاحظات التى أدلت بها تراجي، فمعظم
الرجال السودانيين عرضة للموت من تناول الكحول
والمخدرات والتدخين، وكلها أسباب تؤدي للوفاة
وشركات التأمين على الحياة دائماً تضع هذه الأشياء
نصب عينها، وتزيد من فاتورة التأمين على حياة
الرجال لهذه الأسباب.
تحياتي
| |
|
|
|
|
|
|
|
| |
النذير حجازي
mayada kamal
ناصر البطل
سيف النصر محي الدين
امير طمبل
نوفل عبد الرحيم حسن
Deng
Tragie Mustafa
ود الخليفه
فيس بوك
تويتر
انستقرام
يوتيوب
بنتيريست