|
|
|
 Re: بنات ونساء عيانات خطرات على الامن الاسري (Re: د.نجاة محمود)
|
اخبرني صديق عزيز وهو رب اسرة ممتاز ويحب زوجته جدا
انه عاد ذات يوم من العمل ليجد شنط في الحوش وزول على اهبة السفر
وجد زوجته غاضبة جدا جدا وفي انتظار ابنتها تعود من الجامعة لتأخذها وتغادر الى منزل اهلها
طالبة الطلاق
لانه واحدة في التلفون قالت ليها زوجك عايز يتزوج فلانة دي
وانه هوفلانة دي النهار كله مع بعض وهو يحبها جدا ومنتظر فرصة يكلم زوجته وستكون بعد امتحانات
المدارس ..
اها قومي كدي يا المرة صدقي كلام فتاة التلفون الما بتعرفها عن زوجها الذي تعيش معه لاكثر من 20 سنة
المهم ارسل الزوج لاخ زوجته وحضر وتم تناول الامر واقسم في المصحف
انه لا ينوي الزواج مرة اخرى وفلانة هذه يعرفها معرفة عابرة حضرت كم مرة مع طالبة
المهم بعداك قرر تتبع الرقم ومعرفة من هي المتصلة
انقررا طلعت منو؟
طلعت ياها فلانة ذاتها عايزة الزوجة تمشي ودا يقع ليها منهار بين اديها
التفاهة وصلت هذا الحد..
| |
 
|
|
|
|
|
|
|
|
Re: بنات ونساء عيانات خطرات على الامن الاسري (Re: AMNA MUKHTAR)
|
| Quote: واعطاء أمل لبعضهن فى الزواج وبعدين يزوغوا منهن . |
امونه ياختى الليلة مالك داقه فى العارضه ...
يعنى المشكلة فى انهم بيدوا امل وبزوغوا ؟
يا دكتورة سلامات ...
ـــــــــــــــــ
المشكلة فى مؤسسة الزواج نفسها ..
دى كلها ظواهر لسبب واحد .. الظواهر ما بتتعالج
الا بعلاج السبب ... لوووووووووووب يا دكترة خلينا
نناقش الموضوع الاساسى بالله .. 
العالم كلها متملمة من القصة دى وعلى الهبشة
اصدق رد كتبوا اخ فوق قريتو ؟؟
| |
|
|
|
|
|
|
|
 Re: بنات ونساء عيانات خطرات على الامن الاسري (Re: حواء سليمان ابراهيم)
|
Quote: دكتورة ..سلام ..
غايتو الشريعة دي لو كانت الزمت الراجل يتزوج الاربعة دفعة واحدة كان ارتحنا من الوشايات الزي دي ..والنوسان ذاتن كان ملوا فراغن بالونسة الجماعية ..بس يعفونا من المهر والدهب ..
|
فيوز كيفك يا ود أمى
خلاص مستعدين نخطب ليك ونزوجك التلاته الباقيات عشان ترتاح
لوووووووووول
| |
|
|
|
|
|
|
|
|
|
Re: بنات ونساء عيانات خطرات على الامن الاسري (Re: حواء سليمان ابراهيم)
|
| Quote: ودا واحد من استخدامات التلفون بصورة ما حضارية عند نساء بنات كجة |
سـلام يا دكتورة والجميع.. أفتكر كلامك الفوق دا عن استخدام التلفون هو المهم لأنو الإشاعات الزي دي موجودة من زمان بعيد، لكن ظاهرة استخدام التلفونات دي لأنها على الأقل في ظن مطلق الإشاعة أو الكذبة، راجل أو مرة، بتوفر ليه السرية..
السنة الفات مشيت السودان وعايز اشتري لي (شريحة) زي ما بقولوا، وكنت فاكر إنو شرايح الدفع المقدم دي زي ما اعتدنا عليها في أوربا انها مفروشة حرفيا في الشارع وبتشتريها زيها وزي أي سكر من البقالة دون أسئلة، لكن موظف شركة الإتصال طلب مني بطاقتي الشخصية وأن أملأ فورم طويل وعريض بكل بياناتي، استغربت للموضوع وسألتو عن السبب وهي في النهاية خدمة دفع مقدم يعني ما ما ح يكون علي فواتير واشتري رصيد وكت عايز بالمبلغ الأنا عايزو، قالي:(ودا طبعا بناء على نوع المشاكل البتجيهم): يعني لو اتصلت أو رسلت رسالة لي زول شتمتو يعرفوك كيف؟!.. قلت ليهو: أفرض شتمت زول قدامو، أها المشكلة وين، ما يومي على الله الناس بتتشاكل وبتتشاتم وجها لوجه (المشاكل بين الكماسرة والركاب أنصع مثال)..
المهم، عرفت إنو فعلا في ناس بتفتح بلاغات لأنو في ناس شتموهم بالتلفون الخ..
برضو حكى لي أخ عزيز إنو في واحدة بترسل ليهو هو وزوجتو، يعني بتقول لي زوجتو شايفا راجلك مركب فلانة في عربيتو، وبتقوليهو هو نفس الشي: شايف مرتك ماشة مع فلان.. اللذيذ إنو هم عاملنها نوع من التسلية ومتونسين بيها وكمان عارفنها..
أما سوء استخدام التلفونات بشكل عام في السودان، فما شفت مثيلو نهائي ودا موضوع تاني وطويل..
| |
|
|
|
|
|
|
|
|
|
Re: بنات ونساء عيانات خطرات على الامن الاسري (Re: فايزودالقاضي)
|
Quote: ايتو الشريعة دي لو كانت الزمت الراجل يتزوج الاربعة دفعة واحدة كان ارتحنا من الوشايات الزي دي ..والنوسان ذاتن كان ملوا فراغن بالونسة الجماعية ..بس يعفونا من المهر والدهب ..
|
سلامات يا فائز
لوووووول قلت لي اربعة مرة واحدة
نسيت انه محلل ليك الطلاق برضو
كل ما تشوف واحدة سمحة وعيتم تزوغ تقول نطلق واحدة ونعرسها
مشكلتك وشاية في حالة ذي دي
كان ما سممتك المرة الاولى تسممك المرة الثانية وكان مرقت من الثانية تسممك التالتة
ولو مرقت من ديل كلهن لا محالة مسمم من الرابعة
خليكم بوحيدتكم دي وامسك عليك عيونك ديل العوجة مابتجيك
ارعى بقيدك يا يا مان
| |
|
|
|
|
|
|
|
|
|
Re: بنات ونساء عيانات خطرات على الامن الاسري (Re: د.نجاة محمود)
|
| Quote: برضو حكى لي أخ عزيز إنو في واحدة بترسل ليهو هو وزوجتو، يعني بتقول لي زوجتو شايفا راجلك مركب فلانة في عربيتو، وبتقوليهو هو نفس الشي: شايف مرتك ماشة مع فلان.. اللذيذ إنو هم عاملنها نوع من التسلية ومتونسين بيها وكمان عارفنها. |
سلامات
لوووووووول @ متونسين بيها دي
تعرف قبل كم سنة كدا في اشاعة قوية جد لما وصلت السودان انه زوجي تزوج ماليزية
وانتشرت هنا برضو... بعد تحقيق ومبارية لاصل الاشاعة عاملين انا وزوجي ذي كونان ومساعدته الحسناء(زول مدردق)
من بروف فلان لعلان لعلان لبروف فلان
وصلنا انه مصدر الاشاعة دي واحدة هنا عاملة صاحبتنا الى الان ما قدرنا نعرف ليه عملت كدا
لانه اصلو ما واجهناها مستمتعين بفصول النفاق لما تلاقينا ليك وتتنفض للسلام وتسلم على زوجي بحرارة
شديدة وانا بالبوس والاحضان لما نفسي يتقطع,ونعاين ليها جوة عيونها ..ونستغرب في شرور ناس الدنيا دي الماليها حد
وبلا سبب خاصة شخص مثلها قدم لها زوجي مساعدات جمة وعرفني بها وطلب مني زيارتها
لانه يعرف زوجها من ايام الجامعة ..بعد دا كله عملت كدا بدون اي مبرر
وهي لم تكن تعرف ان القانون الماليزي لا يسمح للرجل بالزواج الثاني بدون اذن الزوجة الاولى
ودقست اختارت جنسية الزوجة ماليزية.
رغم انها زعلتنا شديد في البداية الا الان صارت مصدر تندر في الاسرة وونسة
اعجبت جدا بصديقك وزوجته وثقتهم العالية في بعض
والا لخربوا بيتهم بمثل هذه الو شايات المؤلمة
واتمنى البوست دا بفتح عيون كثير من النساء انهن لا يصدقن وشايات الاخرين
مشاركات من الخارج اكتبوا لي تجاربكم ونصائحكم
[email protected]
| |
|
|
|
|
|
|
|
|
|
Re: بنات ونساء عيانات خطرات على الامن الاسري (Re: د.نجاة محمود)
|
سلام يا دكتورة
واحد صاحب لينا (مشترك) مرتو طوالي شاكه انو عندو علاقات متعدده اها مرة قالت ليهو :-
شافوك ماشي مع واحده في السوق العربي .
قال ليها :- شافوني ماشي ماشي يعني بي كرعيني ؟
قالت ليهو :- ايوة ومع بت كمان
قال ليها :- كضبو عليك لانو انا اصلاً مابمشي مع بت ما عندها عربية .
| |
|
|
|
|
|
|
|
|
|
Re: بنات ونساء عيانات خطرات على الامن الاسري (Re: د.محمد بابكر)
|
دكتورة نجاة
الإخوة والأخوات الكرام
ســـلام
الموضوع مهم وإيجاد الحلول أهم وإلا الفاس سوف يقع في الراس،
نحن كمسلمين ينبغي بأن تكون العلاقة بيننا نساء ورجال وفقا لضوابط الشريعة الإسلامية
وإقتداء بالرسول صلى الله عليه وسلم وصحابته الكرام،
ونظرتناللمراة ينبغي بأن تستند على أنها تمثل نصف المجتمع
فهي الأم والأخت والزوجة وبها يكتمل نصف الدين وبصلاحها يصلح كل المجتمع.
وأي إشاعة ينبغي التعامل معها وفقا لقول الله تعالى:
({يَا أَيُّهَا الَّذِينَ آمَنُوا إِن جَاءكُمْ فَاسِقٌ بِنَبَأٍ فَتَبَيَّنُوا أَن تُصِيبُوا قَوْماً بِجَهَالَةٍ فَتُصْبِحُوا عَلَى مَا فَعَلْتُمْ نَادِمِينَ }
الحجرات 6
({يَا أَيُّهَا الَّذِينَ آمَنُوا اجْتَنِبُوا كَثِيراً مِّنَ الظَّنِّ إِنَّ بَعْضَ الظَّنِّ إِثْمٌ وَلَا تَجَسَّسُوا وَلَا يَغْتَب بَّعْضُكُم بَعْضاً
أَيُحِبُّ أَحَدُكُمْ أَن يَأْكُلَ لَحْمَ أَخِيهِ مَيْتاً فَكَرِهْتُمُوهُ وَاتَّقُوا اللَّهَ إِنَّ اللَّهَ تَوَّابٌ رَّحِيمٌ } الحجرات 12
لكن وبما أن هنالك بنات ونساء ورجال وشباب يشكلون خطورة على الأمن الأسرى
قي مجتمعنا الحاضر وأصبحت تكنلوجيا الاتصال مساعد رئيسي لإنتشار ذلك الخطر
يصبح الحل هو تعدد الزوجات.
وكثير من علماء المسلمين يعتبرون الأصل في الزواج هو التعددإستنادا للأية الكريمة:
( فَانْكِحُوا مَا طَابَ لَكُمْ مِنَ النِّسَاءِ مَثْنَى وَثُلَاثَ وَرُبَاعَ فَإِنْ خِفْتُمْ أَلَّا تَعْدِلُوا فَوَاحِدَةً
أَوْ مَا مَلَكَتْ أَيْمَانُكُمْ ذَلِكَ أَدْنَى أَلَّا تَعُولُوا (3) (سورةالنساء ) .
المرأة بحكم طبيعتها البشرية لا تقبل بالتعدد ولكن التعدد يصبح ضرورة
لعلاج كثير من مشاكل المجتمعات الإسلامية ومن آجل ذلك نساء اليوم مطلوب منهن
بعض التنازلات والقبول بالتعدد، خاصة بأن هنالك أنواع كثيرة وخطيرة للزواج
أفضلها زواج المسيار الذي تتنازل فيه المرأة عن بعض حقوقهالصالح تكوين أسرة .
وفي المقابل فإن إختلال التوازن العددي بين الرجال والنساء في كثير من بلاد المسلمين
أدى الى إزدياد عدد غير المتزوجات الأمر الذي أحسبه إحدى الأسباب الخطيرة على الأمن الأسري.
وهنالك جانب مهم تقع مسئوليته على الحاكم والدولة المسلمة وهو إيجاد الحلول للغلاء والبطالة
وأزمة السكن التي تؤدي الى تراجع حالات الزواج بنسبة كبيرة الأمر الذي قد يؤدي الى إزدياد
العلاقات المحرمة وإرتفاع نسبة الأطفال فاقدي الأبوين( دار المايقوما مثالا) في ظل وجود ملايين النساء والرجال بدون زواج .
وعدم توفر السكن والإعاشة لطلاب وطالبات الجامعات الأمر الذي يشجع ضعاف النفوس من الطرفين للزواج العرفي هروبا من مصاريف الدراسة.
أخيرا ولست أخرا - لو النفوس تطايبت البيت الواحد بيشيل اسرتين بل وثلاثة واربعة .
للمزيد يمكن الدخول للروابط التالية:
http://www.binbaz.org.sa/mat/1660
http://www.4uarab.com/vb/showthread.php?t=17133
مع تحياتي
صلاح حمد
| |
|
|
|
|
|
|
|
|
|
Re: بنات ونساء عيانات خطرات على الامن الاسري (Re: صلاح حمد)
|
Quote:
سلام من الله عليكم يا دكتورة نجاة
الموضوع هام وحيوي في اعتقادي وما حفزني للمشاركة أن لدي تجربة مريرة مع الاستخدام السيئ للتلفونات من ذوي النفوس الضعيفة.... فبعد قصة حب طويلة وصاخبة عقدت قراني وبعد فترة ليست بالطويلة تحصلت علي منحة لنيل الدكتوراة خارج السودان......وغادرت علي امل ان تلحق بي زوجتي بعد ترتيب الاوضاع في البلد الذي سافرت اليه.....بعد 3 شهور وانا ساعي لاستقدامها... طلبت الطلاق بحجة اني مصاحب بنات....وانه في واحدة بتضرب ليها تلفون وتكاويها بانها بتعرفني..... شيلك ختك رجعت السودان بعد اسبوع من طلبها الطلاق ..... بعد بحث استمر لمدة شهر كامل من خلال علاقات في شركات الاتصال عرفت منو البنت الدايرة تخرب بيتي ..... لن تتخيلي ابدا يا دكتورة ..... بت عم زوجتي شخصيا..... الحكاية طلع انه ود عمها كان دايرها قبل ما انا اخش في الصورة .... فاتفق مع اخته انه في غيابي ممكن يخربو العلاقة من خلال تشكيك زوجتي في سلوكي .........طبعا بعد معرفتي بهذا السلوك الغير سوي من اقارب زوجتي ما كان مني الا ان طلقتها غير مأسوف عليها......
الثقة بين الازواج اهم من الحب....خلاصة تجربتي من زواجي الاول.....
|
لا حولة شوفو القصة دي
مهما يكن الزول حيكون اتالم جدا واصدم جدا واصبح تعيس جدا
كله لخبطة وخفة راس زوجة كان يجب انت تكون اذكى من ان تسمع وشوايات عن رجل تحبه واختراها وتزوجها
واحيانا رغم الالم بيكون الفرق افضل والا يعيش مع امرأة سميعة وراسها خفيف..
| |
|
|
|
|
|
|
|
|
|
Re: بنات ونساء عيانات خطرات على الامن الاسري (Re: د.نجاة محمود)
|
| Quote: ولكن هناك من يثير الفتن بمكالمات كاذبة يزيد في معدل التوتر |
نجو يختي ..البنات ديل ما برسلن من فراغ و لا بكذبن ..لو ما الراجل عشما في زواج مابتندفع و ترسل رسايل ..مافي دخان بدون نار
ما معناها انه التصرف بتاعا صاح ..طبعاً ده تصرف ما بنبع من بت متربية لأنه في النهاية الزوجة المسكينة القاعدة تخدم في الزوج الخاين و في اولاده
ما عندها دخل عشان ترسل ليها رسايل تنكد عليها.. و المشكلة كلها في الازواج هم البعشموا البنات و هم السبب في خراب البيوت مافي مرة قاعدة تختا على زوجها من غير سبب
| |
|
|
|
|
|
|
|
|
|
Re: بنات ونساء عيانات خطرات على الامن الاسري (Re: د.نجاة محمود)
|
Quote:
ما معناها انه التصرف بتاعا صاح ..طبعاً ده تصرف ما بنبع من بت متربية لأنه في النهاية الزوجة المسكينة القاعدة تخدم في الزوج الخاين و في اولاده
ما عندها دخل عشان ترسل ليها رسايل تنكد عليها.. و المشكلة كلها في الازواج هم البعشموا البنات و هم السبب في خراب البيوت مافي مرة قاعدة تختا على زوجها من غير سبب |
سلامات يا سناء
انت يبدو طولتي من السودان في نسوان متزوجات بيألفن قصص وينسجنها ويتصلن بالبيت ويسجلوا مسجات ########ة جدا
للزوج لتأليم الزوجة .. تصدقي بس شر ساي وامراض نفسية وحقد وحسد
في ازواج ما بيكونوا بعرفوا الزولة دي منو ذاتو ولا شافوها وهي بتكون تارجتنق الزوجة
عشان تغلغلها..والله تقعد ي تسمعي القصص في السودان مابتصدقي حيث هذه ا لشرور
تحدث ساي كدا
بيور شر وار لخراب البيوت
| |
|
|
|
|
|
|
|
|
|
Re: بنات ونساء عيانات خطرات على الامن الاسري (Re: د.نجاة محمود)
|
و تغلغلا لييه؟؟ ما اكيد في شيئ.. و الزوج بكون طرف اساسي في الموضوع ..لو الموضوع ما عندو علاقة بالزوج بتغلغلا بطريقة تانية و الزوجة بتكون
عارفة او شاكة في الشخصية البتغلغلا لأنها بتكون عارفة اعدائها منو و معادينها في شنو لكن من تكون الشخصية مجهولة للزوجة و الغلغلا بي زوجك حيتزوج فيك
و النوع ده من الكلام ..صدقيني هو بكون طرف اساسيييي في الموضوع.
| |
|
|
|
|
|
|
|
|
|
Re: بنات ونساء عيانات خطرات على الامن الاسري (Re: د. ياسر عبد القادر)
|
اللّى عايز يتجوز على زوجته أو زوجاته يكون عملى زى ناس على كرتى .شاف البنت فى نيوىيورك ، إتفق معاها، حًصّّلتو
فى الخرطوم، عقد عليها وطوالى البيت العمارة جاهزة ومفروشة وسلّموها المفتاح بجوار عمائر ضرّاتها ولا ضرر ولا ضرار،
ولا قلنا ولا قالوا!!
مع أطيب التحايا يادكتورة.
| |
|
|
|
|
|
|
|
|
|
Re: بنات ونساء عيانات خطرات على الامن الاسري (Re: محمد أحمد الريح)
|
| Quote: .و تغلغلا لييه؟؟ ما اكيد في شيئ.. |
سنو قلت ليك في نسوان عيانات
ما سمعتي بواحدة شافت ليها زول في صورة والزول وسيم شديد شرط للارض
قالت ما بتخلي مرته تتهنى بيه مشت فتشت تلفون البيت بقت تسجل ليه
فيالانسرنق مشين اها جاي متين وامبارح شنو وكلام عجيب
لما عملوا تحقيق لقوها في بلد تانية ؟؟
اقوليك الرجال ديل كعبين لكن ما طوالي مرات بكونوا ضحابا برضو ..
في نسوان عياااااااااااااااانات شديد
| |
|
|
|
|
|
|
|
|
|
Re: بنات ونساء عيانات خطرات على الامن الاسري (Re: د.نجاة محمود)
|
Quote: اقوليك الرجال ديل كعبين لكن ما طوالي مرات بكونوا ضحابا برضو ..
في نسوان عياااااااااااااااانات شديد |
النسوان مفروض يكونن كلامن واحد
أي زوجة حزمت شنطتها يفترض ما ترجع في كلامها تاني هو لعب عيال!
عشان يكون البقاء للأقوى!
الزوجة القوية هي التي تبقى
وأيما امرأة تساسق أخبار السيللولار فلتطلق زوجها ولتتزوج السيللولار
الراجل حكموا عليه بالإعدام لمن رفعو حبل المشنقة تاح انقطع وجاء واقع منبهت!
قام قال لناس المقصلة: إنتوا مجانين ما تشنقوا كويس أنا جاي هنا ألعب!
قالوا ليه الحكم بالإعدام شنقاً اتنفذ، ياللا أمشي بيتكم. بس خيبوا ليه ظنه هو كان راسم على الموت.
| |
|
|
|
|
|
|
|
|
|
Re: بنات ونساء عيانات خطرات على الامن الاسري (Re: آدم صيام)
|
Quote: وهي لم تكن تعرف ان القانون الماليزي لا يسمح للرجل بالزواج الثاني بدون اذن الزوجة الاولى
|
عشام كدا شايف في ظاهرة جديدة وهي أن معظم النسوان من الأسر المقتدرة بقن يقترحن على أزواجهن الهجرة لماليزيا "عشان الأولاد يقروا في جامعات ومدارس كويسة".
| |
|
|
|
|
|
|
|
|
|
Re: بنات ونساء عيانات خطرات على الامن الاسري (Re: shammashi)
|
تحياتي يادكتورة وضيوفها الكرام / الكريمات
طيب وعن ظاهرة البنات وتصفية الحسابات حدث ولا حرج ... في وفاة الوالدة في ديسمبر الماضي بمدني - وفي بدعة جديدة ختمة القران لروح الوالدة ومناسبة نسائية بحتة لا دخول ولا دخل للرجال بها ... بعد إنتهاء المناسبة فقدت أختي الصغير الجوال ... إصرار الأمهات الكبار حال دون البوح بالموضوع مراعاة للمناسبة ومن حضر ... بعد يومين إذا بالمباحث تطلب وتأخذ أختي ... لنجد أن هناك شاكية ضد أختي وصلتها رسائل (بذئية) من شريحة أختي ؟ وبعد تحريات وكشف المكالمات من السرقة حتى فتح البلاغ اتضح أن الشاكية لديها خلافات مع التي سرقت الجوال والشريحة ... كانت فرصة نسترد الجوال والشريحة .. ونشطب البلاغ للتسوية ....
فعلا بنات ونساء خطر على أسرهن ....
مع السلامة
الشفيع ابراهيم
| |
|
|
|
|
|
|
|
|
|
Re: بنات ونساء عيانات خطرات على الامن الاسري (Re: Alshafea Ibrahim)
|
سلامات يا الشفيع
الله يرحم الوالدة ويتقبلها قبولا حسنا
شوفتا كيف؟
ياريت لو ما عملتوا تسوية وخليتوها تسجن عشان الناس تتناقل قصتها ويخافوا
بعدين سرقة التلفونات برضو مبااااااااااااااااااالغة
في واحدة محترمة جدا ومتزوجة رجل ممتاز جدا و مقتدر سرقت تلفون وقبضوها
وبرضو عملو تسوية. وانا كنت متحيرة جدا جدا لهذه السرقو العجيبة
واسع دابوا الكلام وقع لي
. تكون عندها حسابات عايزة تصفيها..
| |
|
|
|
|
|
|
|
|
|
Re: بنات ونساء عيانات خطرات على الامن الاسري (Re: آدم صيام)
|
| Quote: وأيما امرأة تساسق أخبار السيللولار فلتطلق زوجها ولتتزوج السيللولار |
سلامات يا آدم
يا زول الفتنة اشد من القتل اتخيل تضرب ليك واحدة تقوليك انا فاعلة خير
وانا ما عايزة اشوفك مخدوعة وعايزياك تنتبهي لبيتك العايز يخرب
وراجلك عايز يعرس عليك فلانة..
طبعا النوعية دي بتكون منقنعة جدا في مجتمع بيؤمن انه اي راجل في باله عرسة
لازم تتأثر
تعرف اشاعة ان الزوج عرس ولا عايز يعرس حتى لو المرأة متأكدة برضو بتخلف اثر مرير
| Quote: قالوا ليه الحكم بالإعدام شنقاً اتنفذ، ياللا أمشي بيتكم. بس خيبوا ليه ظنه هو كان راسم على الموت. |
راسم على الموت عشان يتخارج ولا لانه قرر يموت؟
هي والله مافي شئ بخوف الرجال ديل غير الموت
| |
|
|
|
|
|
|
|
|
|
Re: بنات ونساء عيانات خطرات على الامن الاسري (Re: د.نجاة محمود)
|
Quote:
عشام كدا شايف في ظاهرة جديدة وهي أن معظم النسوان من الأسر المقتدرة بقن يقترحن على أزواجهن الهجرة لماليزيا "عشان الأولاد يقروا في جامعات ومدارس كويسة". |
اقنورد يا فلان الفلاني المدعو شماشي لانك رجل خواف مدسي وراء اسم يشبهك جدا
عشان تشتم الناس وتقل ادبك عليهم ابقى رجل تعال باسمك
| |
|
|
|
|
|
|
|
|
|
Re: بنات ونساء عيانات خطرات على الامن الاسري (Re: د.نجاة محمود)
|
Quote:
اللّى عايز يتجوز على زوجته أو زوجاته يكون عملى زى ناس على كرتى .شاف البنت فى نيوىيورك ، إتفق معاها، حًصّّلتو |
سلامات يا جنابو
بالله حتى بنات نيويورك دسبرد كدا وماديات
بعد قدة السلك تجي تعرس ليها راجل عجوز وتبقى ضمن القطيع؟
حكمتو بالغة
وعلى كرتي بعدين حيندهش جدا لما اولادو يكونو عندهم اضطرابات نفسية ووجدانية
| |
|
|
|
|
|
|
|
|
|
Re: بنات ونساء عيانات خطرات على الامن الاسري (Re: د.نجاة محمود)
|
سلام عليكم كلكم
اها يا جماعة في طريقة أسهل من الواحد يسرق تلفون بان يسوي سواتو كوولها ولو انعرف يقول والله تلفوني اتسرق من اسبوع!!
اما دي
| Quote: راسم على الموت عشان يتخارج ولا لانه قرر يموت؟ |
ذكرتني قريبنا العايز يزوق من المسئوليةالأسرية الكبيرة وسجل اسمو في الدفاع الشعبي-المجاهدين- للسفر للجنوب ايام استعار الحرب: موت موت حياة حياة.
اها جاء الكشف النهائي للمجاهدين المغادرين للحرب واسمو غير موجود (شكلهم الجماعة قدروا ظروفوا والعيال).
الراجل جاء زعلان يتنفض ويهرج:" والله ياناس الجبهة قصتكن قصة:الموت الواااحد دا بقى عندكم فيهو فرز"
| |
|
|
|
|
|
|
|
|
|
Re: بنات ونساء عيانات خطرات على الامن الاسري (Re: MOHAMMED ELSHEIKH)
|
Quote: وصلنا انه مصدر الاشاعة دي واحدة هنا عاملة صاحبتنا الى الان ما قدرنا نعرف ليه عملت كدا
لانه اصلو ما واجهناها مستمتعين بفصول النفاق لما تلاقينا ليك وتتنفض للسلام وتسلم على زوجي بحرارة
شديدة وانا بالبوس والاحضان لما نفسي يتقطع,ونعاين ليها جوة عيونها ..ونستغرب في شرور ناس الدنيا دي الماليها حد |
اختى الدكتورة نجاة
سلام:
تقول الحكمة :
إحذر عدوك مرة واحذر صديقك ألف مرَّة . . فلربما انقلب الصديق فكان أعلم بالمضرة
لا اذكر قائلها لكنها من ابلغ الحكم التى قالتها العرب
فالمرء يتخذ جانب الحيطة و الحذر دائما حتى مع الاصدقاء. فالنفس الانسانية بطبعها امارة بالسوء
وكل امرئ خطاء. لكن خطا الصديق (او الصديقة) قد يكون قاتلا خاصة اذا كان ملما بادق الاسرار فى حياة
صديقه (صديقته). والانسان دائما يحتفظ بتفاصيل من حياته لنفسه ولا يبوح بها.
اما الكذاب الذى يريد تخريب علاقات او تخريب زيجات الناس فهو سيدمر نفسه بنفسه. والمسالة فى غاية
البساطة. وهى ان نتركه يخوض فى غيه ولعبه القذر. والزمان كفيل بان يكتشف الناس كذبه. فالرد عليه يعطيه
الفرصة لكى ينسج اكاذيب اضافية يدعى فيها بصحة ما ذهب اليه. هذا لا يعنى ا لا يتناقش الشريكان فى الامر
فيما بينهما واستخلاص الدروس والعبر لمشوار الحياة الطويل.
تحياتى
| |
|
|
|
|
|
|
| |
Hisham Ibrahim
AMNA MUKHTAR
دينا خالد
فايزودالقاضي
سناء عبد السيد
حواء سليمان ابراهيم
سفيان بشير نابرى
العوض المسلمي
د.محمد بابكر
صلاح حمد
آدم صيام
MOHAMMED ELSHEIKH
M A Muhagir
فيس بوك
تويتر
انستقرام
يوتيوب
بنتيريست