|
|
 الجــــــــلابة ووزيـــر المالـــــيه
|
الجــــــلابه العميان شايل المكسر في مولد الوزير الكوز ...
صحفييين وناس ساكت مغمضين عين ومفتحين تانيه
_________________________________
جــــــاييكم انتو والوزير بتاعكم
|
|
 
|
|
|
|
|
|
|
|
Re: الجــــــــلابة ووزيـــر المالـــــيه (Re: Elsanosi Badr)
|
طبعا الجلابه اهلهم (مصوا) البلد لامن عيونها (غرودت ) وضرعاتها (غرزن) وجف الزرع من حولها ... وده كلو ما شافوه ...
اليومين ديل كوزهم شايل الشويعي وبعثيهم (حاضن) الطائفي يتحدثون عن الفساد والوثائق
_____________________________________
جاييكم يا جلابه
| |
|
|
|
|
|
|
|
|
|
Re: الجــــــــلابة ووزيـــر المالـــــيه (Re: Elsanosi Badr)
|
العزيز بدر السنوسي
يلاحظ فعلا كثافة الهجوم على وزير الماليه المسكين.
الزي ما قلت ما ادهوا الوزاره دي الا بعد قطرها قام
عشان كل الاستقطاعات و الشظف يتم في عهده بغد شفطوا البترول الجماعه
والفضل شالوا اهله الجنوبين!
البارحه ما طالبني حليفه برضو في اخ فاضل
طلب مني افتح بوست في نصرة هذا الوزير رغم كوزنته
لانه ما غائب علينا بجاحة الهجومر الفي اغلبه عنصريه عليه.
وحتى تحدثنا عن شراستنا في مواجهة بعضنا وصمت بعضنا عن جرائم
وتعديات الجلابه في حقنا.
يعني مثال:
لما هاجم ابراهيم بقال وزير الماليه لا فضل عربي كردفاني ولا دارفوري
ساكت....الآن بالغين السنتهم مالهم وهم شايفين كما قلت تعديات الجلابه
بكل الوان طيفهم السياسي على هذا الوزير؟!
اها كثر خيرك في فزعتك
ونعي تماما الفرق بين النقد العنصري
وبين النقد الموضوعي.
التحيه لك ومتابعين معاك....انكتوا لهم بالله يا بدر تاليه وواليه
ولا تنسى برطعة التعويضات لناس مروي البراجع فيها نافع الآن....
وكيف نخلى الشايقه ب 3 مليون ونخلة المناصير بنصف مليون تخيل!
وبعين قويه ناس الطاهر الساتي الكانوا بالعين السنتهم ايام
برطعة سد مروي دي حسه سالين أقلامهم عن وزير الماليه هذا؟!
| |
|
|
|
|
|
|
|
|
Re: الجــــــــلابة ووزيـــر المالـــــيه (Re: Tragie Mustafa)
|
جاييهم يا تراجي بس خليني النطلع من (معمعة) نهاية السنه دي واجازة الاولاد
جايييهم كلهم بوزيرهم الكوز الجربان ...
الطاهر الساعاتي* اقصد الطاهر الساتي جاييك برضو
___________________________________________
* الساعاتي بيكون قافل عين ومفتح التانيه او بيكون خاتي في واحده تلسكوب والتانيه (مغروده)
| |
|
|
|
|
|
|
|
|
|
Re: الجــــــــلابة ووزيـــر المالـــــيه (Re: Elsanosi Badr)
|
والصحافي ابو القاسم جلابي ؟؟
وبعدين الفساد ما عندو جنسية ولاقبيلة ولاجهة
طيب مش كان اشرف لغير الجلابة ان يكون سجلهم مثل الصيني
اهو واحد غرابي اؤتمن على المال العام وطلع اكبر فاسد في حلفة
الانقاذ التي تدير اليوم
يا رجالا
الفساد مرفوض بغض النظر عن جنسية وقبيلة وجهة ولون وعرق الفاسد
اللهم بالفاسدين
جلابة
زرقة
عرب
بجة
دينكا
.
.
.
| |
|
|
|
|
|
|
|
|
 Re: الجــــــــلابة ووزيـــر المالـــــيه (Re: محمد على حسن)
|
Quote: والصحافي ابو القاسم جلابي ؟؟
وبعدين الفساد ما عندو جنسية ولاقبيلة ولاجهة
طيب مش كان اشرف لغير الجلابة ان يكون سجلهم مثل الصيني
اهو واحد غرابي اؤتمن على المال العام وطلع اكبر فاسد في حلفة
الانقاذ التي تدير اليوم
يا رجالا
الفساد مرفوض بغض النظر عن جنسية وقبيلة وجهة ولون وعرق الفاسد
اللهم بالفاسدين
جلابة
زرقة
عرب
بجة
دينكا
|
| |
|
|
|
|
|
|
|
|
|
Re: الجــــــــلابة ووزيـــر المالـــــيه (Re: أمير فتحي)
|
Quote: وبعدين الفساد ما عندو جنسية ولاقبيلة ولاجهة
|
العزيز محمد علي حسن ... انا هنا لا اتحدث عن فساد الوزير ... فالوزير كوز وليس هناك ذنب بعد الكفر (الكوزنة)...
لكن انا ما بصدده هو تغميض عين وتفتيح العين ... ومحاولة قراءة ما خلف سطور الساعاتيه الجلابه...
| |
|
|
|
|
|
|
|
|
 Re: الجــــــــلابة ووزيـــر المالـــــيه (Re: Elsanosi Badr)
|
الحديث كان عن الفساد ولم يتطرق اى كان لقبيلة او اثنية المفسدين وعندما يتم الهجوم هنا فى المنبر على قوش لا يتعامل الشايقية مع هذا الانتقاد على انه انتقاد موجه لقبيلتهم ولكنهم يتفهمونه على انه انتقاد لمجرم فرد ضمن منظومة اجرامية وكذلك يفعل الجعلين فى التعامل مع عمر حسن ونافع
يا السنونسى اكبر انتصار يمكن تحققه الانقاذ انه تدفع الناس لتحميل جرائمها لقبائل منتسبيها وتدفع القبائل للدفاع عن مجرمى الانقاذ
| |
|
|
|
|
|
|
|
|
|
Re: الجــــــــلابة ووزيـــر المالـــــيه (Re: رغيم عثمان رغيم الحسن)
|
| Quote: الحديث كان عن الفساد ولم يتطرق اى كان لقبيلة او اثنية المفسدين وعندما يتم الهجوم هنا فى المنبر على قوش لا يتعامل الشايقية مع هذا الانتقاد على انه انتقاد موجه لقبيلتهم ولكنهم يتفهمونه على انه انتقاد لمجرم فرد ضمن منظومة اجرامية وكذلك يفعل الجعلين فى التعامل مع عمر حسن ونافع |
ازيك يا رغيم
مرات كده بجيني احساس انه الكيزان ديل بي وسـخم ده افضل بي كتيير من المرضى العنصريين اللامانا معاهم المعارضة دي 
| |
|
|
|
|
|
|
|
|
|
Re: الجــــــــلابة ووزيـــر المالـــــيه (Re: عبدالمجيد الكونت)
|
| Quote: مرات كده بجيني احساس انه الكيزان ديل بي وسـخم ده افضل بي كتيير من المرضى العنصريين اللامانا معاهم المعارضة دي |
السيد كونت ... كالعاده دائما مغرد خارج السرب
______________________________________
يا سيد كونت اوعا تكون غاشي روحك وقايل نفسك معارضه*
| |
|
|
|
|
|
|
|
|
|
Re: الجــــــــلابة ووزيـــر المالـــــيه (Re: عبدالمجيد الكونت)
|
| Quote: قايل دي قاصد بيها شنو من الاول وقت ما عندك صكوك |
يا سيد كونت عليك الله خلي (الورجغه) وركز... في غميض العين وفتيحو ...
كل مافي الموضوع انو تركو الزول الجلابي ومخصصاتو ومسكو الناس ضنب الككو ... يا سيد كونت يا سيد كونت لا يخلو من شيلني وبشيلك ... في فساد في كل نقطه من البلد المسمي السودان ده ... الساتي الساعاتي ما بخيسين عملو لكين الليبقا كلس ويمسك في الككو ويخليننا( ندلدل) معاهو ...
عارفك بتغرد خارج السرب لكين كمان ما تبقي لي زي صاحبك امير فتحي الجا معتل ارث العدل والمساواه في ضهرو
* بعدين اتا زعلت من قصة اتا ماك معارضه دي ولا شنو؟؟ ... الكلام ده ياسيد كونت صاح ... الفكي الصادق المهدي يقول معارضه تعارضو يقول تهتدون تقوموا تعقلون والي الانقاذ توالون والي الشوك لا تجرون...
| |
|
|
|
|
|
|
|
|
|
Re: الجــــــــلابة ووزيـــر المالـــــيه (Re: رغيم عثمان رغيم الحسن)
|
| Quote: يا السنونسى اكبر انتصار يمكن تحققه الانقاذ انه تدفع الناس لتحميل جرائمها لقبائل منتسبيها وتدفع القبائل للدفاع عن مجرمى الانقاذ |
العزيز رغيم انا لا ادافع عن الكوز وزير الماليه ولا تجمعني صلة قرب معه ولا قبيله ولا جهه ... لكن ما بصدده هو غض الطرف عن الحاصل ده ... مخصصات الجلابي (المدير) بيعروفوها صحفي الفساد (ناس الساعه خمسه وعشرين) ... الذين مسكو الناس ضنب الككو اقصد ضنب الوزير والجلابي صاحب المخصصات نايم (ومعطون) في مخصصاتو ...
_____________________________
يا رغيم اتا قايل الانقاذ دي قعدت المده دي كيف ما ياها طريقتهم في حشر الناس في قبايلها وجنس البسوو فيهو الساعاتيه ده من غميض عين وفتيح التانيه
| |
|
|
|
|
|
|
|
|
|
Re: الجــــــــلابة ووزيـــر المالـــــيه (Re: أمير فتحي)
|
اخر شخصية عامة كان دخلها محور جدل هو اخو البشير ..
المواضيع الزي دي في زمن زي ده / حكومة زي دي ، لو ما عندك مستند ما تفتحا .
السنوسي محاولة التقليل من اي جهد يقوم به شخص معارض بمثل هذه المفاهيم لا يخدم احدا ، لو وجد الطاهر مستند يكشف راتب البشير شخصيا لكتب عنه .
الشغل بتاع مؤامرات الجلابة ده كلام بتاع عجزة عايزين يقشوا احباطاتهم وفشلهم في اقرب حيطة.
تحياتي السنوسي والبقية
| |
|
|
|
|
|
|
|
|
|
Re: الجــــــــلابة ووزيـــر المالـــــيه (Re: أمير فتحي)
|
Quote: وماذا عن كيزان حركة العدل والمساواة ؟؟
أم أنهم عادو الى حظيرة الإسلام وكراهية الجلابة؟؟ |
السيد امير فتحي كلامك الفوق ده توجهه لناس حركة العدل والمساوه والمنبر ده مليان منهم ...
اما لو سؤالك لي عن الراي امتاعي عنهم فالموضوع اعلاه لا علاقة لهم البته به وقلمنا ده دائما مسنون لاي طرف
| |
|
|
|
|
|
|
|
|
|
Re: الجــــــــلابة ووزيـــر المالـــــيه (Re: Elsanosi Badr)
|
Quote: الشغل بتاع مؤامرات الجلابة ده كلام بتاع عجزة عايزين يقشوا احباطاتهم وفشلهم في اقرب حيطة.
|
العزيز عبدالله ادريس ... يعني نقعد ندفن راسنا في الرمله يعني ولا شنو يا عبدالله اخوي ... قصة الجلابه ومؤامراتهم في ناس شالو ليها سلاح والدم وصل فيها الركب والجرح الزي ده لازم( يقعورهوا) ويطلعوا منو القيح في شان يبرأ لانو لو خلوهو بعفن وبنشم ...
انا لا ابخس الساتي في طريقته في كشف الفساد ... لكن كمان ما يمسكنا ضنب الككو ممثل في الوزير ... في جلابي مخصصاتو واضحه ودي سنه كانت في الوزاره ... الساتي خلي الزول ومخصصاتو وحاول يمسكنا نحنا ضنب الفيل
والود موجود
| |
|
|
|
|
|
|
|
|
|
Re: الجــــــــلابة ووزيـــر المالـــــيه (Re: Elsanosi Badr)
|
الفاضل السنوسي
ســـــلام
Quote: قصة الجلابه ومؤامراتهم في ناس شالو ليها سلاح والدم وصل فيها الركب
والجرح الزي ده لازم( يقعورهوا) ويطلعوا منو القيح في شان يبرأ لانو لو خلوهو بعفن وبنشم ... |
اولاً كما قال الأخ محمد علي حسن (الفساد لا قبيلة له)
ثم ان المهاجمة التي ذكرتها كانت اكثرها على مدير سوق الأوراق المالية ولعقده الخرافي
ولك الود
| |
|
|
|
|
|
|
|
|
|
Re: الجــــــــلابة ووزيـــر المالـــــيه (Re: ASHRAF ABUELHASSAN)
|
طرح غير موفق
ابو القاسم الصحفى الذة كشف الفساد غرابى
و نور شمبال ريس القسم الاقتصادى فى السوانى هو ايضا غرابى
و ريئس تحرير الصحيفة نفسها عربى من الجزيرة و من اكثر مناطقها تهميشا (المناقل)
ثم انك براك شايف الانقاذ معطت ريش قوش الشايقى كيف
و حتى البيت طلعوا منو زى الحرامى
بينما لم يجرى اجراء ضد وزير المالية الغرابى
الا كواريك ناس سودانيز الما بتودى و لا بتجيب دى
و يوم امس تمت احالة مدير الحج و العمرة للتحقيق الجنايئ و هو جعلى من النيل الابيض
و الوزير الغرابى قاعد و ما فى زول قاليهو تلت التلاتة كم
و قبل اسابيع تم طرد وزير الدولة للصحة و هو من الشمالية
وطرد ايضا وكيل وزارة الصحة على شبهة مخالفات ادارية و هو جعلى
| |
|
|
|
|
|
|
|
|
|
Re: الجــــــــلابة ووزيـــر المالـــــيه (Re: ASHRAF ABUELHASSAN)
|
Quote: اولاً كما قال الأخ محمد علي حسن (الفساد لا قبيلة له)
ثم ان المهاجمة التي ذكرتها كانت اكثرها على مدير سوق الأوراق المالية ولعقده الخرافي |
عزيزنا اشرف ابو الحسين ... انحنا دايرين غير اجتثاث الفساد شنو... اي كوز وغطايتو يكشوفوهن من بعض ... لكين ما يقرأ بين السطور يعبر بخلاف ده ...زي ما قلت وزير الماليه كوز ومافي فساد اكبر من انو الفرد يكون كوز ...ومرادنا يتعلق من لسانوالليله قبال باكر ... لكين امور الجلابه ام تلات ورقات ياها المانافعه.. مخصصات مدراء الادارات من الجلابه في مفاصل الدوله السودانيه معروفه ومخصصاتهم كمان معروفه لكل الصحفيين واقربائهم ... وقدامك غابات الاسمنت النابته في احشاء الخرطوم وملاكها من الجلابه ... جابوها من وين؟؟؟ ... ملاكها بالامس القريب كانوا بتاعين (تموت تخلي)... يعني ده لو ما فساد يقولوا عليهو شنو؟؟؟
الموضوع ما قبيلة فلان وخشم بيت ناس علان ... الموضوع في غميض العين وفتيحو
الود عمرو ما بروح يا ابوالحسين
| |
|
|
|
|
|
|
|
|
|
Re: الجــــــــلابة ووزيـــر المالـــــيه (Re: Elsanosi Badr)
|
عزيزنا ودكتورنا عوض ... يعني برضو ندفن راسنا في الرمله ... يا عوض اخوي انا ما بدافع عن الكوز الجربان وزير الماليه عشان هو من الغرابه او غيرو... استهجاني للطريقه الجلابيه الممعنه في في التخييير ... وزي ما قلت فوق يا عوض راجع ماكتب عن الوزير... الفساد ما عندو قبيله دي ما بختلف فيها لكين كمان الناس البتكتب عنو تشوف تحت رجلينها في شنو ...
| |
|
|
|
|
|
|
|
|
|
Re: الجــــــــلابة ووزيـــر المالـــــيه (Re: موسي الراجل)
|
السنوسى سلام
لا يمكن مقارنة قوش بوزير المالية, قوش لديه اطماع فى السلطة و ينافس الاخريين و بالتالى كان لازم يواجه بالعنف من قبلهم بموجب نظرية اناو ابن عمى على الغريب و انا و اخوى على ابن عمى!! الهجوم على وزير المالية و ترك صاحب الامتيازات امر غير مبرر , واذا سلمنا جدلا بديوسته الواضحة وتمريره للصفقة لكن لا اظن عند الكيزان الموضوع دا يعالج بالاقالة! هنالك حالات مماثلة كثيرة من وزراء متنفذيين ما فيش حد قال بغم! و الانقاذ كلها فاسدة يعنى خلاص اقالة وزير ماليتها يطهرها من الاثم و الدنس!! يا خوانا كيف تحكمون؟! نحن نطالب باقالة البشير مش اخوانه و نسوانه عاثوا فى مالنا فسادا!! رايكم شنو؟؟
| |
|
|
|
|
|
|
|
|
|
Re: الجــــــــلابة ووزيـــر المالـــــيه (Re: علاء الدين يوسف علي محمد)
|
| Quote: يمكن مقارنة قوش بوزير المالية, قوش لديه اطماع فى السلطة و ينافس الاخريين و بالتالى كان لازم يواجه بالعنف من قبلهم بموجب نظرية اناو ابن عمى على الغريب و انا و اخوى على ابن عمى!! الهجوم على وزير المالية و ترك صاحب الامتيازات امر غير مبرر , واذا سلمنا جدلا بديوسته الواضحة وتمريره للصفقة لكن لا اظن عند الكيزان الموضوع دا يعالج بالاقالة! هنالك حالات مماثلة كثيرة من وزراء متنفذيين ما فيش حد قال بغم! و الانقاذ كلها فاسدة يعنى خلاص اقالة وزير ماليتها يطهرها من الاثم و الدنس!! يا خوانا كيف تحكمون؟! نحن نطالب باقالة البشير مش اخوانه و نسوانه عاثوا فى مالنا فسادا!! رايكم شنو؟؟ |
| |
|
|
|
|
|
|
|
|
|
Re: الجــــــــلابة ووزيـــر المالـــــيه (Re: حذيفه ابراهيم الكباشي)
|
العقد اول من وقعه عوض الجاز في العام 2009 الغريبة ما في صحفي جاب سيرة عوض الجاز بكلمة مع انو هو الجاب الزول واداهو المخصصات المليارية دي بعدين في نقطة قانونية مهمة جدا العقد ده في صالح على محمود وهي انو العقد ده مدته ثلاث سنين (2009 الى 2011) يعني على محمود ما عندو طريقة يعمل منو ياع يعني هو ملزم يوقع
المسؤول الاول هو عوض الجاز وليس على محمود والصحف مفروض تتلكم في الحتة دي لكن انفعال على محمود وقبقبتو للصحفي خلا الموضوع يمشي في اتجاه تاني والصحافة تمسك على محمود كربون لمن فقد المنطق وقال الكلام في المخصصات دي انصرافية ومفروض الناس تركز كيف انو مستندات الدولة تتسرب !!!!!
| |
|
|
|
|
|
|
|
|
|
Re: الجــــــــلابة ووزيـــر المالـــــيه (Re: محمد إبراهيم علي)
|
عندما اخطأ ابراهيم بقال
في نقد الوزيره ادنا نمط كتابته .
الآن لو هبشنا نقد الجلابه طوالي الناس عايز تيادبنا بالاتهام بالعنصريه؟؟!!
اقعدوا في الواطه يا شباب
وحاتكم في ظل مجانية الانترنت ثاني كلام بيتضارى مافي ومحل الهريفه تنقد.
اديك مثال يا بدر للادعياء بانه نقد لا جهوي.
الايام دي
كل جالية السودانين بهاملتون مشعوله جدا بتأديب امام مصري
وصف اوباما بالعبد في نقده لمقتل بن لادن!!
وطبعا صاحبنا دخل في جحر ضب
وبقى يبرر....عايز يستغل العواطف الدينيه!!
الناس قالوا له بوضوه ممكن تنتقد اوباما وسياسيته ما شاء لك الله
زي ما قاعد تنتقد رؤساء امريكان كثر لكن ان تترك سياسيته وتذهب لعرقه فلا و الف لا.
اها
انا لا طالعته ما كتب بحق الوزيره ولا عندي زمن اطالعه
بس اثق تماما مادام الامر حرك بدر السنوسي و آخرين...لاني سمعته
من اكثر من جهه يبقى الامر واضح في عنصريه.
| |
|
|
|
|
|
|
|
|
|
Re: الجــــــــلابة ووزيـــر المالـــــيه (Re: Khalid Kodi)
|
تراجى مصطفى
سلام و مودة
لا يخفى على اى لبيب وجود هيمنة من مجموعات محددة على السلطة و الثروة فى بلادنا
لكن الذى جرى فى وزارة المالية ليس فيه اى شبهة عنصرية
فاطراف الحادثة كلهم من غرب السودان
1. الوزير
2. الصحفى ابو القاسم الذى حضر لتقصى الفساد
3. و حرس الوزير الذى ضربه
4. و ريئس قسم الاقتصاد فى السودانى الذى ارسل ابو القاسم (انور شمبال) و نال نصيبه من اهانات الوزير
اذا حاولنا ايجاد اى مظلة حماية قبلية او جهوية لحماية الانقاذيين فيجب الا نلوم الجعليين او الشايقية اذا تكتلوا قبليا لحماية
ابناء قبائلهم و هم اس الفساد فى بلادنا
| |
|
|
|
|
|
|
|
|
|
Re: الجــــــــلابة ووزيـــر المالـــــيه (Re: Elsanosi Badr)
|
د.السنوسي
تحياتي
قرأت هذا الخيط، ودخلته عدة مرات، ولم أتجرأ للتداخل معكم فيه بسبب رفعة مكانتكم لدي وتخييبك لظني فيك!
فهكذا لغة، تفرق ولا تجمع، وخاصة عندما تأتي من مثلكم، فقد قرأناها لكثير من الرعاع ولكن لم نلتفت لها،
يا ناس دارفور، أليس منكم رجل رشيد؟ يستطيع بمكانته العلمية وفهمه الجمعي للمكون السوداني لإقناع الحكومة
ليتم تكليفه بملف دارفور؟ وإذا كان واحدا مثل د.السنوسي بدر والذي يرجي منه الكثير وينزلق لهذه اللغة؟
والله تعجبت!!!!
فوزير المالية أخطأ، وربنا كشف المستور، الجمهور حنبك، وأنا شخصيا وصفته بالوزير المسطح، والحكومة فوتت
فرصة محاسبته كسابق عهدها مع المدللين من أبنائها، وأولهم علي عثمان في أخطائه في قضية محاولة إغتيال
حسني مبارك، وخطأه القاتل الآخر بتمرير حق تقرير المصير في نيفاشا، وغيره كثر، وأخطاءهم مستمرة ومتكررة
كأخطاء وزير الدفاع ( الهناي طار وضرب الهناية)، لكن كل ذلك لا يحتم النزول لهذا المستوى الهابط جدا من
الخطاب العام، ... فالناس هؤلاء الى زوال وستبقى أرض السودان وسيعمرها بشر، فأتركوا لهم فرصة التعايش.
فيا دكتور أسمع نصيحة أخوك، ألف نطة ولا بعبوص، إتخارج من هذا البوست وخليه يمشي الخور................
| |
|
|
|
|
|
|
|
|
|
Re: الجــــــــلابة ووزيـــر المالـــــيه (Re: حماد الطاهر عبدالله)
|
العزيز حماد الطاهر لك الموده ...
ياخي شكرا علي الثقه الاوليتمونا ليها وقمنا نحنا خيبنا ظنكم فيها (معليش في دي)...
لكن يجب ان تسمع منطلقاتي للقضيه اعلاه...
اولا ياسيدي حماد الطاهر انا لا ادافع مطلقا عن الوزير الجبهجي بقدر ما انظر اليه علي اعتبار انه سبوره يكتب فيها الجلابه رسالتهم لتوصيلها لغير الجلابه من المهمشين...
من المنطلق ده خلينا نحلل ما حصل برويه ودون دفن الرؤوس في الرمال ...
اولا الوزير (الكوز) وخلينا نثبت لقب انو كوز _عشان تنتفي الفكره باننا مدافعين عنو_ اخطأ في ما يسمي ادارة وزارة الماليه وعمله كغفير وعساس للمال العام وده شئ يحسب لكاشفي الفساد والخروقات في المال العام ... اتفقنا ...
اوكي
حيثيات الخروقات في العقد المبرم لم تكن وليدة فترة الوزير الكوز وسبقه فيها الزبير ومن بعده الجاز ... وسوق الاوراق الماليه الذي يدار فيه التداول بالطبشيره والبشاوره وبعض (الدلاقين) لمسح سعر الدولار الماخوذ من مواقع الانترنت للكرنسي ايكسيجينج كأسوأ مثال للتدوال في العالم الحديث والمتأخر حتي ... ما علينا
الحمله التي تلت كشف الفساد لم تكن موجهه للوزير في شخصه (كدلدول) كان ملزم بابرام العقد المبرم اصلا و المستفيد منه الجلابي ... هنا كان اهتمامانا بالساعاتيه ... لحدي هنا ونحنا لسه مؤمنين بان الفساد لا جنس له ولا طعم له ... اتفقنا...
اوكي
الساعاتيه من الجلابه ... اهتمامهم بالفساد خيار وفقوس ... وين الحمله ضد الزول البياخد قرابة مية مليون عشان اشتري منهم كلسونات وفنايل داخليه ؟؟؟... طيب ده كله خليناهو ... وين الاهتمام بمن ابرم العقد من الجلابه العساسين الذين مروا علي وزارة الماليه؟؟؟ ...
قبض الصحفي الغرابي وسجنه واستعمال الوزير لصلاحياته في البطش بالصحفي وزقايته موية ليمون عند ناس الامن ده اسمو ضنب الككو يا الطاهر اخوي... والتقاط الجلابه لقفاز الفساد في الحته دي هو ايضا ضنب الككو... لكين التقل او الككو العايزنو نحنا الجلابي ابو كلسونات والذي ابرم له الاتفاق من ذي قبل ... يعني ذي قبل دي تهمنا اكثر عشان نقدر (نعرب ) اي جمله تقال فيما بعد ولا شنو؟؟
قرأت ما كتبه البعض من الجلابه ولم يكن القصد منه الكشف عن الفساد بقدر ما ليييه الزول ده يكون في منصب زي ده ؟؟... ودي العوجه هنا ... لاننا نعلم ان الانقاذ لم يكن فيها معيار الكفاءه وفيها مما يطلق عليه شيلني بشيلك وبرامج الرفقه الميمونه عند الرجال من الكيزان...
كاشفي الفساد لنا تجاههم التقدير اذا بيطعنوا في الفيل وليس ظله ... وان لا يكون غيره... لكن ان يوهمونا بغير ذلك فنحن نفوق العديد منهم دهاءا ومكرا ...
بخصوص الرشد ... الرشد بقي زي عفيط(ألبل) في هذا الزمن الاغبر وليس هو كما متعارف عليه ايام شيخ السنوسي في صحرائه والشرتاي ابكر في حاكورته وصالح في دانقايته بالبندر ... لكن ابشرك ان الرشد الذي عند اؤلئك النفر من الرعيل الاول موجود بقد الدهاء الذي يتمتع به الجيل الحالي منهم...
لن يستطيع كائن من كان ان يرفض فكرة تغلغل القبليه حتي نخاع هذا المجتمع المتشكل بارض السودان وما نتج عنها من اتخاذ قرارات تجاه ما يكتب في صحف الخرطوم السياره ودهاليز سلطاتها من (الدانق) المرصوص علي قارعة طريق النيل
نعود
| |
|
|
|
|
|
|
|
|
|
Re: الجــــــــلابة ووزيـــر المالـــــيه (Re: محمد إبراهيم علي)
|
العزيز محمد إبراهيم علي لك جزيل الموده Quote: العقد اول من وقعه عوض الجاز في العام 2009 الغريبة ما في صحفي جاب سيرة عوض الجاز بكلمة مع انو هو الجاب الزول واداهو المخصصات المليارية دي بعدين في نقطة قانونية مهمة جدا العقد ده في صالح على محمود وهي انو العقد ده مدته ثلاث سنين (2009 الى 2011) يعني على محمود ما عندو طريقة يعمل منو ياع يعني هو ملزم يوقع
المسؤول الاول هو عوض الجاز وليس على محمود والصحف مفروض تتلكم في الحتة دي لكن انفعال على محمود وقبقبتو للصحفي خلا الموضوع يمشي في اتجاه تاني والصحافة تمسك على محمود كربون لمن فقد المنطق وقال الكلام في المخصصات دي انصرافية ومفروض الناس تركز كيف انو مستندات الدولة تتسرب !!!!! |
شكرا لك لوضع النقاط علي الاحرف ولك منا جزيل الامتنان للقراءه الصاح
| |
|
|
|
|
|
|
|
|
|
Re: الجــــــــلابة ووزيـــر المالـــــيه (Re: موسي الراجل)
|
| Quote: نرجو التحديد بدقه حتى نعرف موقعنا بالضبط منه الجلابى ومنه الما جلابى ؟ |
عزيزنا موسي الراجل ..... الجلابي ياخي معروف ما محتاج لاي دقه ... بس اتلفت واقرأ ما خلف اي سطر عشان تعرف منو الجلابي من غيره بدون اي مساحيق ولون ... لانو لو تابعت اللون بتضهب
ولك الموده
| |
|
|
|
|
|
|
|
|
|
Re: الجــــــــلابة ووزيـــر المالـــــيه (Re: Elsanosi Badr)
|
العزيز الصادق الزين لك مودتنا التي تعرف ...
| Quote: واذا سلمنا جدلا بديوسته الواضحة وتمريره للصفقة لكن لا اظن عند الكيزان الموضوع دا يعالج بالاقالة! هنالك حالات مماثلة كثيرة من وزراء متنفذيين ما فيش حد قال بغم! و الانقاذ كلها فاسدة يعنى خلاص اقالة وزير ماليتها يطهرها من الاثم و الدنس!! يا خوانا كيف تحكمون؟! نحن نطالب باقالة البشير مش اخوانه و نسوانه عاثوا فى مالنا فسادا!! رايكم شنو؟؟ |
ده برضو راينا ... لكين عايزين رأي الساعاتيه شنو ولا رايك شنو ؟؟؟
| |
|
|
|
|
|
|
|
|
|
Re: الجــــــــلابة ووزيـــر المالـــــيه (Re: وليد محمد المبارك)
|
Quote: انت يالسنوسي شنو شابكنا جلابة وشطر نعجة وخلافة
عاوز تقول شنو بالظبط |
عزيزنا وليد المعروف بالشفت ...
يا وليد الجلابه ماسكين الشطر وبيتلاعبوا بيهو ما دايره ليها (دقري) وبحوث ...
العايز اقولو الحمله ضد الوزير الكوز فيها خيار وفقوس وما تناوله الجلابه في معرض عرضتهم تجاه الزول الوزير قائم علي خلفيات اثنيه وجهويه في تبني محاربة الفساد ... ما عندنا مانع الوزير يشيليهو يلتخو بيهو الجنبو ... بس كمان الحمله ما تكون انتقائيه بخلاف ما يكتب عن صاحب الحظوه بتاع بدل اللباسات والكلاسين ...
Quote: انت الوزير ده قريبك ولا شنو
كايس ليه مخارجة |
انا و الوزير الكوز لا نتلقي في علاقة قرابه ولا قرابه فكريه ابدا ... وما عندي ما نع يعلقوه من لسانو في فساده وانبطاحه وضعفه العام ..
انا احارب فتيح العين وغميضو ... ما عندي قريب وخال في اتجاهاتي الفكريه
| |
|
|
|
|
|
|
|
|
|
Re: الجــــــــلابة ووزيـــر المالـــــيه (Re: Elsanosi Badr)
|
يا السنوسي
تصدق او لا تصدق
لحدي كلامك ده ما كنت عارف وزير المالية ده جنسو شنو
واقول ليك شي
كنت قايلوا شايقي
يا زول بصورة مباشرة
الوزير ده كان جلابي
ولا كان موغل في الافريقانية
غلطاااااااااااااااااان وبتاع ناسات اكتر من الجلابة
الوزير ده ذات نفسو هو من وقف حوافز العملين جلابة وغير جلابة
وهو نفسو منح حافز واحد فقط للعيد 90 ملوين لزول واحد
سبب التركيز على الوزير ده تحديدا
انو قبل اسبوع واحد كان بكوررك وبقول انو الصرف من العاملين في الدولة غير راشد
ثم نكتشف انو هو ذات نفسو مؤسس للصرف الغير راشد ده
هسع نحن بقينا عاوزين نعرف هو زاتو بصرف كم
يعني يشيل قروشنا يديها لي زول واحد
وتشبكونا جلابة وكركابة
| |
|
|
|
|
|
|
|
|
|
Re: الجــــــــلابة ووزيـــر المالـــــيه (Re: وليد محمد المبارك)
|
| Quote: اما اذا كان السيد الوزير لا يستطيع حتى التصرف فى مخصصات احد مرؤسيه فما الذى يبقيه فى هذا المنصب الصورى |
الاخ السنوسي خلينا من جلابة و غرابة , هو الوزير دا لمن عارف انو قاعد دلوكة ساااكت كدة- المقعدو شنو؟؟
اوعك تقول لي ليس بعد الكوزنة كفر و الحنك البيش دا ...
المبادئ هنا لا تقبل القسمة علي اتنين... من ينادي بنبذ العنصرية عليه البدء بنفسه اولا
you gotta walk the talk and follow what you preach
----------------
manubia
| |
|
|
|
|
|
|
|
|
|
Re: الجــــــــلابة ووزيـــر المالـــــيه (Re: مازن فيصل هلال)
|
الاخ السنوسي
اذا متابع صحف الخرطوم الايام دي شاتين مدير الحج و العمرة و اظنوا جلابي ....
في بوست بخصوص الموضوع ده :
(احالة مدير هيئة الحج والعمر ة الى التحقيق .. ( الاهداء الى المدافعين عن احمد عبد الله ))
..........
الحاجة التانية الصحفيين الشاتين الوزير ده مشكلتهم الاساسية معاهو هي انو الوزير امر بالقبض على الصحفي و انت اظن عارف انوا البتشبك مع الصحافة بعملوا فيهوا شنو ؟؟؟
| |
|
|
|
|
|
|
| |
Elsanosi Badr
Tragie Mustafa
محمد على حسن
أمير فتحي
رغيم عثمان رغيم الحسن
Abdullah Idrees
ASHRAF ABUELHASSAN
الصادق الزين
حذيفه ابراهيم الكباشي
علاء الدين يوسف علي محمد
محمد إبراهيم علي
Khalid Kodi
الغالى شقيفات
الصادق يحيى عبدالله
مدثر صديق
فيس بوك
تويتر
انستقرام
يوتيوب
بنتيريست