|
|
|
 Re: العيــب ياطيــر ،،، ( قال معارضة قال؟ ) (Re: HAIDER ALZAIN)
|
حيدر الزين
سلام
المعارضة تحارب نظاما فاسد مراوغ قوامه عصابات من القتلة و المجرمين ممن يفوقون المافيا اجراما
يعنى لو عايز تحاربم بنظافة الا تنتظر نافخ الصور
متى التزم القتلة معايير الاخلاق حتى نلزم بها معارضيهم
اى شئ جايز فى سبيل خلاص شعبنا من هؤلاء القتلة المجرمين
حتى بالمعايير الاسلامية هناك:
الحرب خدعة
خذل عنا القوم
ياخى نظام قتل و شرد و اجاع ملايين البشر بعد كايسين تحاربوهو بالفير بلى؟
| |
 
|
|
|
|
|
|
|
 Re: العيــب ياطيــر ،،، ( قال معارضة قال؟ ) (Re: HAIDER ALZAIN)
|
متفق معاك جدا يا حيدر نحنا بنعارض الانقاذ لاسباب اخلاقية فى المقام الاول قبل ما تكون اسباب سياسية او غيرو
وما ممكن نستخدم وسائل غير اخلاقية فى معركتنا معاها لانو نحنا كدا ما عندنا فرق منها
قبل كم يوم كان حايم فى البورد فديو لى كوز فى جامعة دنقلا الطلبة برغموه على انه يقول انا مؤتمر وطنى عفن ما تتخيل انا قرفت من الفديو دا كيف لانو جانى فى بالى سؤال واحد طيب نحنا بنكره الامنجية ليه؟؟؟؟؟؟؟؟؟؟؟
| |
|
|
|
|
|
|
|
|
|
Re: العيــب ياطيــر ،،، ( قال معارضة قال؟ ) (Re: HAIDER ALZAIN)
|
سـلام يا حـيدر، لأني عارفك زول ما (مغـرض)، عشان كدة ما شايف إنو ما نشره موقع إلكتروني طوالي نقول دي (المعارضة)! في مقابل الحكومة.. حتى لو كانت هذه المواقع هي جهات معارضة (بكسر الراء).. يعني المقاشرة المكسينة دي زاتا تلقاها من منو؟ وهي المعارضة دي منو وشنو؟ هل هي تحالف جوبا أو التحالف الوطني أم المؤتمر الشعبي أم الحركة الشعبية أم قطاع شمالها أم الجبهة العريضة أم حركات دارفور التي لا تحصى ولا تعد أم أم؟؟ يعني أي عمل صحيح أم خطأ قام به أي واحد من ديل وغيرهم طوااالي نقول دي (المعارضة)؟.. ياخي أقول ليك حاجة إنت عارفا: إنت زااااتك معارضة! ولكن ترفض التزوير والكذب لأنه يضر بقضيتك كمعارض(ة) ومثلك كثير من الأفراد والمنظمات والتظيمات المعارضة.. الكونلوشن على قول ود الصايم: الذين قاموا بالتزوير إن صح ذلك ينسب لهم هم وحدهم ويتحملوا مسؤوليتو كأفراد أو صحف أو مواقع إنترنيت الخ مش المعارضة.. المفروض ما نشارك الحكومة في محاولات الإساءة للمعارضة بالحق والباطل..
| |
|
|
|
|
|
|
|
|
|
Re: العيــب ياطيــر ،،، ( قال معارضة قال؟ ) (Re: HAIDER ALZAIN)
|
ابداً يا اخي عيسي
تعليقاً على المقتبس مفروض انا - انت - اي معارض اخر
يخت نفسو انه ممثل لمجموع الرافضين للنظام
وزي ما قال رغيم عثمان انه التقزز ما مرتبط بمعارض او فلوتر مرتبط بكل مواطن ومشاهد
ـــــ
نغير شنو لو جينا بوجوه مختلفة لكن بنفس الأخلاق.؟
| |
|
|
|
|
|
|
|
|
|
Re: العيــب ياطيــر ،،، ( قال معارضة قال؟ ) (Re: نادية عثمان)
|
الدكتور عوض محمد أحمد:
Quote: يعنى لو عايز تحاربم بنظافة الا تنتظر نافخ الصور
متى التزم القتلة معايير الاخلاق حتى نلزم بها معارضيهم
اى شئ جايز فى سبيل خلاص شعبنا من هؤلاء القتلة المجرمين
حتى بالمعايير الاسلامية هناك:
الحرب خدعة
خذل عنا القوم |
والله يا دكتور كلامك ده عجييييييييب!
وزي ما قالت الدكتورة نجاة، ما أظنك قاصد معناه:
| Quote: اى شئ جايز فى سبيل خلاص شعبنا من هؤلاء القتلة المجرمين |
| |
|
|
|
|
|
|
|
|
|
Re: العيــب ياطيــر ،،، ( قال معارضة قال؟ ) (Re: صلاح عباس فقير)
|
والله ياحيدر ياخوي الحكومة تقطع في العجين
وناس المعارضة يرموا في الفرن ؛يطلع خبيز يطلع رغيف ما فارقة معاهم؛
وعن تجربة
كدي انت انجر ليك اي مستند في الويرد وارميهو في اي ايميل مناضل وتعال شوف النتيجة شنو !!!
الكيزان مُنظمين خالص وده ما بختلف فيهو مناضلين اتنين
ما من السهولة تطلع منهم مستندات حقيقية وتدينهم.
___________
تحياتي ياعريس.
| |
|
|
|
|
|
|
|
 Re: العيــب ياطيــر ،،، ( قال معارضة قال؟ ) (Re: بشير أحمد)
|
مراحب دكتور بشير ..
Quote: والله ياحيدر ياخوي الحكومة تقطع في العجين
وناس المعارضة يرموا في الفرن ؛يطلع خبيز يطلع رغيف ما فارقة معاهم؛
|
انت كمان ما تصور لينا دي انها لا تهزم..
زي اسرائيل مطلعة اشاعة للعرب انه اي مصيبة تحصل ليهم من تحت راسها
وديل صدقوا وبقوا يشوفوها بعبع
ابداً والله الحكومة دي اضعف حكومة بالمنطقة كلها .. والكيزان بغباء من مكان
كدي شوف تصريحات بعض المسئولين زي بتاع البلوف البتنقفل او البيتكلم عن انه
البنقو ليس من المخدرات ..
وبتعرف اننا شعب مُبتلى .. تسليط نظام الانقاذ دا ابتلاء ندعو الله يرفعو عننا
وبعض المعارضين البيفنجطو برضهم ابتلاء على الشعب المغلوب على امره
تحياتي
| |
|
|
|
|
|
|
|
|
|
Re: العيــب ياطيــر ،،، ( قال معارضة قال؟ ) (Re: صلاح عباس فقير)
|
والله ياحيدر الحيرة كتلتنا ياخ
طيب من اين لنا بقيادة لمعارضة رشيدة
تنظم وتنادى بحقوقنا ومطالبنا وتعمل من اجل التعبئة ومن ثم التغيير بالطريقة الصاح
لانو حكاية كل يوم ينطلينا واحد بى بوست عن فساد فلان ولا علان
دى مرحلة اظن اتجاوزا ولا يحتاجها المواطن السودانى اليوم فالفساد بين ولا يحتاج لوثائق تنشر ولا يوجد مواطن سودانى لم تزكم انفه رائحة فساد هنا او هناك
وان اكتفينا بفساد الادارة السياسية للبلاد سيبك من الافراد والحزب خلال ال 20 سنة الفاتو ديل دا براو سبب كافى للزوال والتغيير للنظام الحاكم.
بس كيفن وإزاى ؟؟
فضلاً قودونى الى النور
| |
|
|
|
|
|
|
|
|
|
Re: العيــب ياطيــر ،،، ( قال معارضة قال؟ ) (Re: احمد الأمين على إدريس)
|
سلامات يا احمد الامين ..
كترت الكلام عن الفساد وكشفه اعتقد ممكن نقول هو التعبئة العامة الانت بتنادي بيها..
فقط لو التزم الاخوة بانها تكون من مصادر حقيقة وموثقة ..
زي ما حصل في قصة عقد المدير النشرتو صحيفة سوداني..
لكن تزوير بعض اعضاء الحركة الشعبية .. وصحيفة حريات
وفبركتهم ..
مرفوض وبيخصم من الناس ولا يضيف اليهم
بل بيبين انهم بكرة لو حكمو بمبدا الغاية تبرر الوسيلة
ممكن يزورو ويفبركو برضو ..
ــــــــ
وحكمة الله مزورين وشتامين شتيمة كمان ..!!!
| |
|
|
|
|
|
|
|
|
|
Re: العيــب ياطيــر ،،، ( قال معارضة قال؟ ) (Re: HAIDER ALZAIN)
|
| Quote: دكتور عوض ما ممكن والله كلامك دا انت جاد فيه؟ |
دكتورة نجاة
سلام
فى حياة بعض الامم يبلغ الطغاة مدى من الظلم لشعوبهم لا مجال بعده للحديث عن اى سقف اخلاقى لمواجهتهم
خذى مثلا هل كان للحرب العالمية ان تنتهى لولا استخدام الامريكان للقنابل الذرية و تدمير المدينتين
و فى تاريخنا الاسلامى هل كان للنبى ان يوقف غدر اليهود لولا القتل الجماعى ليهود بنى قريظة و سبى نسائهم
و خذى هذه الايام هل كان لعصابات القذافى ان تخفف من تنكيلها بشعب ليبيا لولا افهام القذافى انه و عائلته ليسوا بمنجى من غارات قوات التحالف
الدولى
و حتى هذا النظام فى مواجهاته لاهل الجنوب و دارفور كان يلجا لسياسة الارض المحروقة: يحرق ارض الخصم بقراها و اطفالها و نسائها لكيلا يتخذها
الخصوم درعا فاى اخلاق هنا
| |
|
|
|
|
|
|
|
|
 Re: العيــب ياطيــر ،،، ( قال معارضة قال؟ ) (Re: عوض محمد احمد)
|
Quote: متفق معاك جدا يا حيدر نحنا بنعارض الانقاذ لاسباب اخلاقية فى المقام الاول قبل ما تكون اسباب سياسية او غيرو
وما ممكن نستخدم وسائل غير اخلاقية فى معركتنا معاها لانو نحنا كدا ما عندنا فرق منها
قبل كم يوم كان حايم فى البورد فديو لى كوز فى جامعة دنقلا الطلبة برغموه على انه يقول انا مؤتمر وطنى عفن ما تتخيل انا قرفت من الفديو دا كيف لانو جانى فى بالى سؤال واحد طيب نحنا بنكره الامنجية ليه؟؟؟؟؟؟؟؟؟؟؟ |
يا سلام ياخ!
مرحبا برغيم الابن وحيدر الزين في صفوف الرمادية!!
| |
|
|
|
|
|
|
|
|
|
Re: العيــب ياطيــر ،،، ( قال معارضة قال؟ ) (Re: HAIDER ALZAIN)
|
معارضة ومناضلة جسورة ومدافعة عن قضايا الهامش
بتتغزل في رجل الانقاذ الثاني ومهندس عملية بقاء العسكر بالسلطة على عثمان محمد طه
ـــــ
بالله لو ما اكل العيش حرّ البيخلى على عثمان يبقي عقل شنو؟
وتمشي وتجي تقول ليك نيفاشا حقتو
الحقنة ام خمسة بوصة نيفاشا حقت زنقة انتي الزنقكك شنو عشان تجري تكوسي وراء الكيزان
| |
|
|
|
|
|
|
|
|
|
Re: العيــب ياطيــر ،،، ( قال معارضة قال؟ ) (Re: HAIDER ALZAIN)
|
كلللو كوووم
وذو اليد مصطفي سليمان او منوكدة كووووم
وصاحبي الفردة صاقعة معاوية عبيد* كوووم
ـــــ
* معاوية ركز معانا بالله وخليك من قالوا جيب ديكيومنت انتا رجل بتاع ادارة ومحاسبة وعارف اهمية الديكومنت لا اكذبك ابداً لكني احتاج لشئ ثابت انطلق منه للكلام عن فكرتك
وما تقول لي مثلي لا يُسال عن مصدر فقد قالتها قبلك كوزة وبلعتها وطرشتها وتاني لحست طراش كلامها:)
| |
|
|
|
|
|
|
|
|
|
Re: العيــب ياطيــر ،،، ( قال معارضة قال؟ ) (Re: HAIDER ALZAIN)
|
حيدر الزين
سلامات تاني
تابعت البوست المذكور ولاحظت غير الكذب والتزوير
المتعودة عليه أم زرد
أنو البوست عنصري لحد مخجل جداً
وكل من ساهم فيه انحاز لقبيلته بعنصرية فاضحة جداً
الطامة الكبرى ان كل من ساهم في تاجيج هذه العنصرية
معظمهم يحسبون في هذا البورد من المعارضة
عشان كده يا حيدر بمجرد ما اختلفت معاهم طلعوك فاقد تربوي
وساقط تاريخ وكوز وغلام الطيب مصطفى
بالله انت كوز يا حيدر وغلام الطيب مصطفى؟؟؟!!
ولك خالص التحية
| |
|
|
|
|
|
|
|
|
|
Re: العيــب ياطيــر ،،، ( قال معارضة قال؟ ) (Re: ASHRAF ABUELHASSAN)
|
حبيبنا اشرف ابو الحسن .. سلامات ومرحب بيك ثاني وثالث وباي وقت
ديل يا ابو الحسن عندمها متلازمة من انواع عنصروفوبيا .. بترجهم لغاية النخاع
لدرجة الواحد فيهم بيهش ضبانة وشو لانها ضبانة عنصرية ازعجتو لانه ما جعل ولا شايق ولا دنق
اي زول بيقرب منهم ويقول يا جماعة الكلام دا عيب..
عاك عوك كييك تقوم الجرسة دا كوز .. اي لو ما كوز ما بيقول لينا غلط.. امنجي مندس
اي حتي بالامارة عنصري وتبع الطيب مصطفي.. وهكذا..
كلامهم دا اوات من ينقال وتكتر الشتايم اعرف انه انتا ماشي صاح وهم خلاص وقت هروبهم جاء
وبيكسحو بعد شوية .. لكن المقتنع بيها انه علاج تاني مافي.. يعني نو وي .. حايفضلوا
كدة لغاية القبر .. عاين زي البوست دا بالله :
ذواليد .. هذه المرة لن تفلت مني اما أن تثبت م... سأحيلك للقضاء .....
وشوف المرض استفحل كيف ونخر في العظام ..
دي اصبح عندها زهايمر علق ليها مع لازمة عنصروفوبيا حقها وحا تفضل مشنطة
كدة ومنغلقة على ذاتها وتكورك جلابة جلابة..
زي ما قال اخونا عادل - لو جوها الملكين بالقبر منكر ونكير يسالوها حا تشبكهم انتو جلابة تسالوني ليه ؟
| |
|
|
|
|
|
|
|
|
|
Re: العيــب ياطيــر ،،، ( قال معارضة قال؟ ) (Re: ابراهيم قناوي)
|
الحبيب حيدر تحياتي،،
المشكلة أنو الاكاذيب ينطوي عليها الكثير من الإشكالات
وتأجيج الصراع الإثني في السودان (إنطلاقا من داخل البورد)
دون المساس أو زعزعة أركان الحكومة التي تزيد من سيادة القبضة
الحديدة وإعمال آلتها العسكرية لحسم القضايا المعلقة بعد
أن فقدت الأمل في محاورة المعارضين الذين تشحنهم الأفاعي
من هنا وهناك،،
في حكامات هنا يحسن التأثير على بعض قادة المعارضة الهشة
وبهذا نتوقع إطالة أمد الحرب إلى أن نعدم نفاخ النار!!
أين أصوات العقل ؟وأين من بيننا الداعون إلى إصلاح ذات البين
والعودة إلى طاولات الحوار؟؟ هل ستنهي الحرب هذا الصراع؟؟
كاذب وغبي من يقول بمثل هذا المنطق ويؤمن به!!
أوقفوا الحرب وأدعو لذلك !! إنه درب الخلاص،،
حاربوا الأغبياء في كل طرف الذين يفلحون في تأجيج الصراع قاتلهم الله!!
| |
|
|
|
|
|
|
|
|
|
Re: العيــب ياطيــر ،،، ( قال معارضة قال؟ ) (Re: ابراهيم قناوي)
|
| Quote: أخبارك بالله يا ولدنا؟ |
تمام والله يا دكتور .. لو اتجاوزنا حتة ورم الفشفاش وفقعان المرارة
والشلل الرعاشي البيجينا بين فترة وفترة في سواة بعض الناس من دعاة
العنصرية ومحترفي الاكاذيب وترويج الشائعات ودق صفائح الفتن ديل
تاني كلو تمام وصحة بمب :)
| |
|
|
|
|
|
|
|
|
|
Re: العيــب ياطيــر ،،، ( قال معارضة قال؟ ) (Re: HAIDER ALZAIN)
|
Quote: تمام والله يا دكتور .. لو اتجاوزنا حتة ورم الفشفاش وفقعان المرارة
والشلل الرعاشي البيجينا بين فترة وفترة في سواة بعض الناس من دعاة
العنصرية ومحترفي الاكاذيب وترويج الشائعات ودق صفائح الفتن ديل
تاني كلو تمام وصحة بمب :) |
وهذه مشكلة البلد يا حيدر
ومشكلتك إنك مسكت محل الوجع
لكن لازم تتحك الحتة دي
وزي ما بقولوا أهلنا حك الدبرة لمن تجيب الدم
عشان تبرى
وتلك لعمري مهمة صعبة دونها خرط القتاد
لكن يظل هناك بعض العقلاء ممن يعول عليهم
في ايقاظ النائم وتذكير الناسي
وتجاوز المصر المعاند
لك التحية أخي حيدر
وربنا ييسر ومن أراد التغيير فليتحمل
تبعات ذلك من ما يشبه تحريك الجبال
فقد كانت السيدة عائشة رضي الله عنها تقول
عن المصطفى صلى الله عليه وسلم: ( أنه كان يصلي جالساً
بعد أن حطمه الناس) وهذا صاحب الوحي
الصادق المصدوق فما بالك بمن دونه؟
سلام لك وللمرور الكرام
| |
|
|
|
|
|
|
| |
HAIDER ALZAIN
سفيان بشير نابرى
علاء الدين يوسف علي محمد
رغيم عثمان رغيم الحسن
الشفيع وراق عبد الرحمن
بدر الدين اسحاق احمد
بشير أحمد
احمد الأمين على إدريس
محمد عبد الماجد الصايم
ABUHUSSEIN
ASHRAF ABUELHASSAN
ابراهيم قناوي
فيس بوك
تويتر
انستقرام
يوتيوب
بنتيريست