|
|
 تسلم أخوى محجوب.. شفاك الله وعافاكَ (مسادير)
|
تسلم اخوى محجوب شفاك الله وعافاك
تسلم أخوى محجوب شفاك اللهُ وعافاكَ
دعوات من قلوب النًاس الشلت هموما عارفاكَ
تكادح من زمن قمتَ شريف محبوب فى دٌنياكَ
تَبْ لاخُنت لاسرٌاق نقٌاكَ الله وصفٌاك
مـاك الوليد العاق ودعــوات اُم مباريــاك
تســــــلم وليد مــريم شفاك الله وعافاك
--  
[ ---
بذٌكر وكِت فرحَك نِحنا وابوى جينا
لابس بلدى ياحبوب تعرض تهِز فينا
مهرك سيف وكتاب وعروسة اميرة فى زينة
فى دار نوٌرت بيكم وكواكب من شوادينا
وكيفن مرُت الايام وسنابلك فرهدت لينا
مـريم ومى براعم خــدرا أيدينا
تسلم وليد مـريم وقول ياربى غتينا
---- ---
دعوات من قلوب النٌاس العلٌمتَ أجيالا
بالطبشيرة والاقلام وكيف عايشت أحوالا
وكُل ما عن نضال تسأل تقيف وجاوبا سؤالا
شيٌال للحِمل بالحيل ودايماً إنت فى بالا
--- IMG]http://www.sudaneseonline.com/uploadpic11/april/sudansu...udan1sudan1.jpg[/IMG]
حِـــــــــــــــروفك
كم بنت أشعار سكنٌا أنحنا فى دارا
وكت تتبدل الاحوال ملاذنا وفيها نِضارا
وطن لى كُلِ زول غلبان سُحُب توعدنا بشارة
رذاذه غناوى للاطفال رياضاً فيها تٌجارا
حِـــــــــــــــــــــروفك
تنبع من ضميرشعباً تليد تاريخو بحضارة
ناسجة نضالو فى رايات ترفرف عالية فى منارة
رصاص فى وِش الظلم تصيب أهدافا بمهارة
هتاف يلهب الثورات غضب أمُة وبركانا
دليل لوطن شامخ نموت نفديهو فى الحارٌة
وطن حــــــدادى مـــــــــــدادى
لكن قَسَموهو يا خســـــــــــــارة!!!!!!!
تســـلم أخوى محجوب ألف سـلامة كفــــــــــلرة
ود البدوي أبوفاطمة
واشنطون /5/17/11
|
|
 
|
|
|
|
ازهرى بدوى
فيس بوك
تويتر
انستقرام
يوتيوب
بنتيريست