|
Re: اهتدينا ليله بتشبه الوطن امس يا عبد اللطيف بكرى فى وطن تانى (توجد صور واكتشاف مواهب ) (Re: ساميه حامد)
|
Quote: لا ادري هل اقدر اوصف روعة الناس ام سحر المكان ؟ ليلة من اجمل الليالي التي قضيتها في الرياض اصبح الصبح واذن الاذان وذهبنا ومعنا بقية من الدهشة والاندهاش شكرا لكل الذين صنعوا هذه الدهشة والانبساط ولي عودة وعودات |
اخى قريب الريس الامريكى السابق ود البوش انت رجل تستاهل كل خير انسان صبوح العلى لسانك فى قلبك سعدنا بك وبى طرفك وقصصك الجميله وسعدنا بوجود اسرتك الكريمه وضيوفك انا اطلب رجاءا من العازف الموهوب تمبس مدنا بالصور كما ذكرنا فى عنوان البوست تحياتى للجميع
| |
|
|
|
|
|
|
Re: اهتدينا ليله بتشبه الوطن امس يا عبد اللطيف بكرى فى وطن تانى (توجد صور واكتشاف مواهب ) (Re: فايزودالقاضي)
|
شكرا أبو أحمد المحرب
لفتة بارعة من أخونا العزيز عبداللطيف على إختيار ذلك المكان الهاديء الجميل رغم بعد المكان إلا أن الجو كان يسكب راحة في النفس و خاصة بوجود هؤلاء الزملاء الأعزاء و صخب الأطفال المكان كان ينقصه الأخوة المعتذرين عن الحضور
لقد نسيت يا أبو أحمد أن تذكر أن عبداللطيف صوت و عزف د. محمد الحسن عزف و نصف صوت تمبس عزف و نصف صوت أنا عزف بدون صوت
تخريمة : الزميلات صراحة خمونا في العشا. قالوا إنتظروا الشية و قامن بالبوفيه
واصل
| |
|
|
|
|
|
|
Re: اهتدينا ليله بتشبه الوطن امس يا عبد اللطيف بكرى فى وطن تانى (توجد صور واكتشاف مواهب ) (Re: محمد عبد الماجد الصايم)
|
Quote: نحن نطالب بالمساواة مع المرأة |
من ما الله خلقني ما بكره شي في الدنيا أكتر مع (المساوه) دي :) أنا شخشيا بطالب بي حقوق اضافيه زياده على حقوق الرجل :) وأولها افتتاح البوفيهات ^_^ وبما أن عبداللطيف راجل ظريف .. بالاضافه الى أنو زول كلاس وراقي وجانتيييه خالص :) حقيقه أعتقد انو الناس من أمثاله انقرضوا .. الناس اللي بيقولوا (لو سمحتي) و (شكرا) و (عن أذنك) و(اتفضلي يا مدام) ^_^ بالاضافه الى حبه لاقتناء كل ما هو جميل , وترتيبه وتنظيمه واطلاعه الثقافي والمعرفي والفني الغزير :)
عبداللطيف البكري ,, شكرا جميلا على كل شيء .. (بلا تفصيل) ^_^
| |
|
|
|
|
|
|
Re: اهتدينا ليله بتشبه الوطن امس يا عبد اللطيف بكرى فى وطن تانى (توجد صور واكتشاف مواهب ) (Re: بدر الدين الأمير)
|
Quote: اجمل مافي اليوم التقينا السيده الفضلى زوجة اخونا حسن الشايقي وحقا عليه ان يجعل شعاره في الحياه فاوضني بلا زعل من تكون شريكته بمثل صفاتها لا يمكن ان الزعل يطرق له باب انسانه قمة الروعه تشعر بالطمانينه اليها بمجرد ماتقع عينك عليها |
والله يا عفاف نفس الإحساس الحسيتو إتجاه قريبتي الراقية بت النضيف
يا اخي دي انسانة جميلة ورائعة وهي طبعا ملائكة رحمة وتجتمع فيها صفات الملائكة
ويكفي إنها شايقية وبس وما ننسى اختنا زوجة ود البوش وجد كانت ونسة جميلة واليوم كلو كان رائع
شكرا اخي عبد اللطيف لانك جعلت هذا ممكنا وربنا إريحك دنيا وآخرة لانك انقذتني من مصيبة كانت على وشك الحدوث
| |
|
|
|
|
|
|
Re: اهتدينا ليله بتشبه الوطن امس يا عبد اللطيف بكرى فى وطن تانى (توجد صور واكتشاف مواهب ) (Re: خالد المحرب)
|
ليلة وليس ككل الليالي الهدؤ والصخب التقيا فيها القمر والشمس كانا حاضرين القمر خالها والشمس عمتا بت اعم ابوها هذه الليلة هذه الليلة سكنت وما بتطلع الا بالتي اقوى واشد والحلف بالله ما خلا حاجة ومافي زول طالبني حليفة وبرا حليفة كتل الخليفة والله اول مرة احس باني سكرت من غير مسكر يا ربي البتيخ كان مخمر ؟ هذه الليلة يصعب وصفها بالكلمات والصور اصدق تعبير عنها . . عزف تمبس على العود عزف ماهر متمكن وكمان غنى وانا ما عارف البلم الجن على السرحة شنو ما عارف ؟
انه سحر المكان ...... وهو لو ما جن انا العولاق دا غنيت مع عبداللطيف بكري ياخي بدري على الهموم بدري بدري على الوجل نحن في بداية طريقنا ليه تقول لي مستحيل انا اغني اذن انا ما موجود قرصت روحي قرصة حارة قلت انشوف دا انا ولا حبوبة ونسيني سنة يا انا لقيت روحي دا انا غايتو في الليلة ديك كان لاقتني عنز في مخرج 13 كنت ح اقول ليها زيك يا خالتي انا منو انا العتود الم اقل لكم ان سحر المكان والناس الحولك يخلوك زي السكسكانية بحلاوة جكسا
| |
|
|
|
|
|
|
Re: اهتدينا ليله بتشبه الوطن امس يا عبد اللطيف بكرى فى وطن تانى (توجد صور واكتشاف مواهب ) (Re: عبدالله ود البوش)
|
حبيبنا الأرباب
والله فاتتنا اللمة الجميلة دي .. رغم تنسيقي مع حبيبنا أبو الحسين .. وكنت أود أن أحضر برفقة الوالد الأرباب سعيد ولكن بعد زيارة الطبيب نصح بأن يجلس بالمنزل حفاظ لغيار الجرح ..نسبة لبتر بصباع رجله .. فمنع الشديد القوي ..
لكين الجايات أكتر من الرايحات .. طالبنكم واحد شية + واحد فلبيني .. وكمان طالبينكم ( فاصل أمدرماني من حبيبنا تامبا + فاصل غنى شوايقة من حبيبنا الريس عبد اللطيف + فاصل حلفاويين من حبيبنا أبو النسب أبوجهينة + فاصل حقيقة من د. محمد الحسن ) .. وفوق ده كله .. فاصل دوبيت من الأرباب وود البوش ..
تحياتي، أخوكم/ خالد الأرباب
| |
|
|
|
|
|
|
Re: اهتدينا ليله بتشبه الوطن امس يا عبد اللطيف بكرى فى وطن تانى (توجد صور واكتشاف مواهب ) (Re: أيمن دياب)
|
Quote: بالهنا والله ياجماعة.. وهنيئاً لعبداللطيف بكري المختفي طوعاً من هذا المكان..
|
ورسالة خاصة لصديقي أيمن دياب أكثر الذين نوهوا لغيابي وطالبني بالعدول عن الغياب،،
شكراً لك اخي العزيز واتمنى يتواصل إخاؤنا في هذا المحفل وكلنا إحترام لبعضنا وحفظاً لحدودنا ولا نتعدى على احد،،
كذلك شكر خاص للاخ قمربوبا والصديق محمد يوسف الزين ومجموعات قاطلونيا الانفصالية وكل الصحاب والاخوان في هذا المكان
وشكري الخاص للمهندس بكري أبوبكر على تفهمه وياريت يسعفنا بباسويرد للاستاذ احمد جبريل مرعي القوني،،
شكراً ايمن
| |
|
|
|
|
|
|
|