|
|
|
 Re: ياناس زراعة الجروف علي النيل السقايه كيف سؤال لاهل الخبره والدرايه (Re: willeim andrea)
|
تحياتي يا أندريه
أنا عندي مزرعة على بعد 2 كيلو من النيل الأزرق جنوب مدني على طريق سنار مدني .. حفرت المترة (13) متر ، مواسير (دق) 6 متر اصبح العمق تقريبا 19 متر ... الدق معناه لمن تجي الموية ويصعب مواصلة الحفر بواسطة العمال بقوموا بدقوا المواسير في الوحل .. وتتم التجارب للتأكد من استمرار نبع وتدفق الموية (العين ثابتة) ...
أشتريت مولد كهرباء (ديزل) قوة 12 كيلو فولت مربوط قرب البئر ... ليكون مصدرا للكهرباء لموتر وطرمبة الموية مقاس (3) بوصة .. يعني يلزم صديقك شراء موتر كهرباء بطاقة اقل من طاقة المولد الخارجي يعني الموتر الكهربائي يكون 8 كيلو فولت ... يتم تثبيت الموتر الكهربائي وطرمبة الماء (طرمبة سحب الماء تكون 3 بوصة) على جسرين (كمرتين) تكونا على ارتفاع مترين من قاع البئر حتى لا يتأثر الموتر الكهربائي وطرمبة الموية بأي أرتفاع لموية البئر أيام الخريف .. يعني يتم تشغيل طرمبة الموية بالموتر الكهربائي طبعا دورات الطرمبة اسرع وثابتة وتدفق الموية للأعلى ثابت ومستمر ... أرى أنها أفضل من طرمبة الموية التي يتم توصيلها مباشر مع المحرك الخارجي بسيور طويلة متدلية لأسفل البئر ..
جاهزين لأي مساعدة ... بس صدقني الزراعة مملة ومكلفة وما فيها فائدة لعد تجربة 2 سنة
الشفيع ابراهيم
| |
 
|
|
|
|
|
|
|
|
Re: ياناس زراعة الجروف علي النيل السقايه كيف سؤال لاهل الخبره والدرايه (Re: Alshafea Ibrahim)
|
Quote: حفرت المترة (13) متر ، مواسير (دق) 6 متر اصبح العمق تقريبا 19 متر ... الدق معناه لمن تجي الموية ويصعب مواصلة الحفر بواسطة العمال بقوموا بدقوا المواسير في الوحل .. وتتم التجارب للتأكد من استمرار نبع وتدفق الموية (العين ثابتة) ...
أشتريت مولد كهرباء (ديزل) قوة 12 كيلو فولت مربوط قرب البئر ... ليكون مصدرا للكهرباء لموتر وطرمبة الموية مقاس (3) بوصة .. يعني يلزم صديقك شراء موتر كهرباء بطاقة اقل من طاقة المولد الخارجي يعني الموتر الكهربائي يكون 8 كيلو فولت ... يتم تثبيت الموتر الكهربائي وطرمبة الماء (طرمبة سحب الماء تكون 3 بوصة) على جسرين (كمرتين) تكونا على ارتفاع مترين من قاع البئر حتى لا يتأثر الموتر الكهربائي وطرمبة الموية بأي أرتفاع لموية البئر أيام الخريف .. يعني يتم تشغيل طرمبة الموية بالموتر الكهربائي طبعا دورات الطرمبة اسرع وثابتة وتدفق الموية للأعلى ثابت ومستمر ... أرى أنها أفضل من طرمبة الموية التي يتم توصيلها مباشر مع المحرك الخارجي بسيور طويلة متدلية لأسفل البئر |
الحبيب الاستاذ الشفيع
الف شكر علي الايضاح بالمعلومات المجربه .... بس حكاية الزراعه مشروع ممل وزي الفاشل دي تخوف ... لو كلمته صاحبي اكيد حيبطل لانو مجال جديد عليه
والا رايك شنو
احترامي وتقديري
| |
|
|
|
|
|
|
|
|
|
Re: ياناس زراعة الجروف علي النيل السقايه كيف سؤال لاهل الخبره والدرايه (Re: willeim andrea)
|
الحبيب أندريه
وأنا صادق ما شفت خيرها ... إنفاق مبالغة ... زيوت شحوم محروقات ... سكن عمال أكل عمال ... بذور واسمدة مضروبة ...بأسعار خيالية ... صيانة مملة ومتعبة بدون خبرات ... سوق وتسويق وهو أم المشاكل غير مشجع ... تتصل الخرطوم يقولوا (السماسرة) سعر الطماطم كم ما عارف ... تصل الخرطوم يقولوا ليك دخلت قدامك كم عربية نزل السعر .. تبيع بحق مشوار العربية الأجرة ... الله كريم ... يمكن يكون محظوظ ... نحن ما عندنا حظ..
الشغيع ابراهيم
| |
|
|
|
|
|
|
|
|
|
Re: ياناس زراعة الجروف علي النيل السقايه كيف سؤال لاهل الخبره والدرايه (Re: willeim andrea)
|
االأخ وليم أندرية
تحية ومحبة
غايتو أنا من ناس الشمالية والشغل ده عندى فيه خبرة كبيرة ،،
طبعا حأنسى السواقى حيث ولى زمنه ولم تعد هنالك ساقية فى زماننا هذا
ونسبيا حأنسى الشادوف الذى كنا نقول عليه بلغتنا ( الكييى ) وهو عبارة عن أستعمال طاقة يديك وقوتك فى رفع الماء من النهر إلى الجدول الرئيسى الذى يوزع الماء فى الأحواض ،، وهذا الشىء يستعلمه بعض الناس حتى يومنا هذا لسهولة عمله وعدم إحتياجه لأى شىء غير طاقتك .
أما البوابير فهنالك نوعين :
1- النوع الأول هو ما يطرح فى جرف النهر ويسحب الماء مباشرة من النهر ويرميه فى الجدول الرئيسى ليقوم الجدول بتوزيع الماء فى الجداول الفرعية ،، وهذه النوعية من البوابير تسحب للأعلى كلما تحرك مياه النيل للأعلى فى زمن الدميرة ،، وتحرك للأسفل عندما ينحسر الماء عند إنتهاء الدميرة ،، ومثل هذه البوابير تبدأ بأى مقاس ،، من بوصة 3 و حتى البوابير الكبيرة التى تتبع للتعاونيات .
2- أما النوع الثانى من البوابير فهى التى ذكرتها أنت ،، حيث يحفر بئر وسط الحى بعيد من نهر النيل بأية مسافة وغالبا ما يكون منسوب الماء على بعد حوالى 5 إلى 10 أمتار من سطح الأرض ،، وأغلب البوابير التى تركب فى مثل هذه الآبار بوابير صغيرة من النوعية التى تعمل بالبنزين وذات مواسير صغيرة ،، وفى الغالب تكون المساحة المزروعة بمثل هذه البوابير محدودة جدا وكما قلت أنت فقط لأستزراع الجرجير وبعض الخضروات وكذلك لخدمة أهل صاحب الوابور وجيرانه فى توفير الماء لهم وخاصة إذا كانت بيوتهم بعيدة من نهر النيل .
مع خالص التحية ،،
ماهر
| |
|
|
|
|
|
|
| |
willeim andrea
فيس بوك
تويتر
انستقرام
يوتيوب
بنتيريست