|
|
|
 Re: ماعاوز اسمع واحد تاني يقول الخدمة المدنية سيئة في السودان 00 سامعين !!!!! (Re: ابوحراز)
|
وصلت الجامعة
ولا أي حد مافي
المكان خالي تماماً
حتى ناس المرور الممكن تقابلهم في الأحلام لاوجود لهم
وفي زاوية قصية ست شاي
يادوب توقد في نارها
وقلت هذه سانحة أتنونس معاها وأسألها من المسجل
وربما هي تعرف مداخل ومخارج كثيرة جداً
وبالمرة الواحد يشرب ليهو شاي وقهوة
طبعاً كنت لابس { بدلة } جميلة جداً
ومثل هذه البدلات مرات بتخلع بعض المسئولين في السودان
لهذا كان لابد من إستخدام أدوات النصب !!!
| |
  
|
|
|
|
|
|
|
|
Re: ماعاوز اسمع واحد تاني يقول الخدمة المدنية سيئة في السودان 00 سامعين !!!!! (Re: Tragie Mustafa)
|
الأخت تراجي 00 والله مشتاقين بالأكتر
Quote: (ههههههههه)سجمك مع ست النفر
لو حسبت قريشاتك قبال تطلع
ياها المصدقه انك عزمته لك جكس ########ته القريشات فيها |
تعرفي انتي
ويوسف الموصلي
وتماضر شيخ الدين
حا أقول ليكم عبارة زين العابدين بن علي
الآن { فهــمــتــكــــم }
عاملة طناش انتي وقلت ليك كم مرة عاوز أهاجر كندا
والله الواحد بعد كده الا يرفع ليك الــ {V}
والغريبة تماضر بس تضحك معاك الله يديها العافية
يوسف الموصلي كل مرة اقول ليهو ماعاوز ليك زول يعتل ليك الآلات الموسيقية؟؟؟
والله ست النفر فارضة علينا رقابة شديدة جدا
في شنو ؟؟ ماعارف
رغم انو الواحد مدة صلاحيتو انتهت
وبدات تظهر التجاعيد
والمؤسف بدأ يقوم لينا { صووووووووووووف } في اماكن غير مرغوب فيها !!!
بعدين آمنت فعلاً أن للمراة حاسة سابعة وثامنة
والله العظيم كان شربت شاي تعرفك شربت شاي
قلت ليها والله تقول عندك رادارت
مفروض بس شفتي تشتغلي مع ناس الجيش
وأول شيء ينقلوك بورتسودان !!!!
قال الدفاع الجوي قال !!!!
| |
|
|
|
|
|
|
|
|
|
Re: ماعاوز اسمع واحد تاني يقول الخدمة المدنية سيئة في السودان 00 سامعين !!!!! (Re: قرشـــو)
|
أخي قرشو 00 تحية
Quote: سلام يا ابوحراز
والله لو قلت لي من الاول كان لقيت ليك واسطه ياخى
مع انى ما بعرف الراجل ده
المهم انا مبسوط انك ساكن فى صالحه
لانه لى زمن بسأل عن صالحة دى ما لاقى زول يفيدنى
اصلو لميت لى فى واطه ( اتبرعوا لى بيها والله ) فى صالحه
وقبل ما اقول كلمة عاوز زول يفتينى فيها ياخى
بركة اللقيتك والله |
يا أخي انت مغترب ليك 30 سنة ما شاء الله
مفروض على الأقل يكون عندك واحدة من الفلل الرئاسية
تجي في آخر الزمن تفتش على صالحة
والله مشكلتك كبيرة جداً
انت تعرف انا اشتريت بدري في مربع 24 حي الجامعة
ملاصقة للحوش الطويل بتاع ام درمان الاسلامية
وبرضو رضينا لأنو السكن جوار الجامعة دي يخليك تكون على وضوء 24 ساعة
لكن لمن شفت البنيان 3 طوابق واربعة طوابق حقيقة اندهشت
واصابني الاحباط
فمعظم المغتربين الذين اشتروا في هذا المخطط لم يستطيعوا بناء قطعهم
كل مغترب يجي يعاين في القطعة والاجازة تنتهي ويقوم راجع
الناس الذين شيدوا منازلهم قاعدين في سودان الله أكبر
حتى أن جاري باني طابقين او ثلاثة ماعارف خرج وعزمني شاي بعد صلاة المغرب
ورحب بي شديد جدا
وقال لي اها عاوز تبني
وللا عاوز تعاين وترجع
قلت ليهو الأخيرة دي 00 ضحك
حتى انه ذكر لي أن الواحد لو ماعندو امكانيات ماحايقدر يسكن في مخطط 24
يازول زهجت وبعت القطعة
عشان قلت ياخي لو الواحد هنا عاوز يشحد ليهو ملاح او شطة من جارو يشحد كيف
قلت اخير صالحة
تناول جارك بي فوق الحيطة
ويناولك بي فوق الحيطة
اها في الخاص ارسل لي بيانات القطعة في صالحة أم القيعة
والمربع ورقم القطعة
حا أتصل على ابن أختي لديه مكتب عقاري بصالحة عشان يوريك كل التفاصيل
وما تشيل اي هم ولو عاوز تتصل انت برضو ممكن انا سجلت ليك الرقم في بوست السماسرة
| |
|
|
|
|
|
|
|
|
|
Re: ماعاوز اسمع واحد تاني يقول الخدمة المدنية سيئة في السودان 00 سامعين !!!!! (Re: أبوعبيدة محمد الأمين)
|
Quote: صديقي الباشا كان يخاف موت من الــــــكـــــلاب
يوم أبوه رسلوا الدكان
بس الــــكــــلب بعرفك لمن تكون خائف
وقام ساكي صاحبنا
وصاحبنا خت جلابيتو في خشمو وقام جاري صووووووووووووووووووووووف ناحية البقالة
والـــــكــــلب جاري وراهو
فجأة يطلع ليك راجل من البقالة
قام الباشا قبـــّل على الكـــــلب
وقام الكــــــــلب جاري والباشا جاري
عارف الراجل دا منو ؟؟
والله استاذ الرياضيات !!!
بالله شوف زمان كيف كانت هيبة المعلم !!!
|
..
ياخى ابوحراز لقد اضحكتنى اضحك الله سنك
ياخى انا عندى تجلابة مريرة مع عضة ال###### دى
واصل ...متابعين
| |
|
|
|
|
|
|
|
|
|
Re: ماعاوز اسمع واحد تاني يقول الخدمة المدنية سيئة في السودان 00 سامعين !!!!! (Re: حامد محمد حامد)
|
Quote: يا أخي انت مغترب ليك 30 سنة ما شاء الله
مفروض على الأقل يكون عندك واحدة من الفلل الرئاسية
تجي في آخر الزمن تفتش على صالحة
والله مشكلتك كبيرة جداً
انت تعرف انا اشتريت بدري في مربع 24 حي الجامعة
ملاصقة للحوش الطويل بتاع ام درمان الاسلامية
وبرضو رضينا لأنو السكن جوار الجامعة دي يخليك تكون على وضوء 24 ساعة
لكن لمن شفت البنيان 3 طوابق واربعة طوابق حقيقة اندهشت
واصابني الاحباط
فمعظم المغتربين الذين اشتروا في هذا المخطط لم يستطيعوا بناء قطعهم
كل مغترب يجي يعاين في القطعة والاجازة تنتهي ويقوم راجع
الناس الذين شيدوا منازلهم قاعدين في سودان الله أكبر
حتى أن جاري باني طابقين او ثلاثة ماعارف خرج وعزمني شاي بعد صلاة المغرب
ورحب بي شديد جدا
وقال لي اها عاوز تبني
وللا عاوز تعاين وترجع
قلت ليهو الأخيرة دي 00 ضحك
حتى انه ذكر لي أن الواحد لو ماعندو امكانيات ماحايقدر يسكن في مخطط 24
يازول زهجت وبعت القطعة
عشان قلت ياخي لو الواحد هنا عاوز يشحد ليهو ملاح او شطة من جارو يشحد كيف
قلت اخير صالحة
تناول جارك بي فوق الحيطة
ويناولك بي فوق الحيطة
اها في الخاص ارسل لي بيانات القطعة في صالحة أم القيعة
والمربع ورقم القطعة
حا أتصل على ابن أختي لديه مكتب عقاري بصالحة عشان يوريك كل التفاصيل
وما تشيل اي هم ولو عاوز تتصل انت برضو ممكن انا سجلت ليك الرقم في بوست السماسرة |
سلام حبيبنا ابوحراز
اضحكتنى اضحك الله سنك
ياخوى انا الفلل الرئاسية دى لو جيت ماشى بى جنبها حايفتكرونى عميل اسرائلى واقعد افتش لى رقبتى ما القاها ثانى ...
نسيبى خال المدام يأتى للسعودية كل كم شهر ويقترح على فى شراء القطع فى وين ووين ما عارف ويقول لى دي رخيصة ياخى بى عشرين خمسة وعشرين مليون وانا اتميز غيظا منه ولو مافى بيتى كان طردتو ...
المهم يا سيدى نحن غربتنا دى والله راحت شمار فى مرقة وما عارفين ليها اول من آخر والبركة فى كوم العيال والمرتين ياخى ....
اها بيناتنا كلام فى الخاص يا سيدى
ولكنى اود ان اشكرك مقدما على تفضلك لمساعدتى بعد ما ضيعت على قطعة حنتوب بى جشعك وطمعك :(
| |
|
|
|
|
|
|
|
|
|
Re: ماعاوز اسمع واحد تاني يقول الخدمة المدنية سيئة في السودان 00 سامعين !!!!! (Re: قرشـــو)
|
والله ياقرشو انت على نياتك 00 تاريك من زمن ناس 20 مليون وخمسة عشرين مليون
لاتوجد قطعة حالياً في صالحة بهذا السعر
معظم القطع في صالحة من اربعين مليون وانت طالع
بالنسبة لقطعتك سوف ازودك بالتفاصيل في الخاص
وقد كلفت ابن أختي بوم امس بان يقف عليها في الطبيعة
لم يتمكن من الذهاب ولكنه وعدني بانه سيكون اليوم في القطعة مباشرة
وايضاص يمكنك المتابعة معه على الأرقام التالية :
00249912399427 اسمه ايمن
وكذلك تلفونه الثاني سوداني نفس الرقم السابق بدون 9
وسيخدمك كثيراً فلديه مكتب عقاري
ولديه مغالق بصالحة وحي المنصورة
وثق تماماً أنك ستجد معلومات صادقة جداً
فقط قول ليهو انا من طرف خالك { عثمان }
| |
|
|
|
|
|
|
|
|
|
Re: ماعاوز اسمع واحد تاني يقول الخدمة المدنية سيئة في السودان 00 سامعين !!!!! (Re: حامد محمد حامد)
|
أخي حامد محمد حامد 00 كيف أخبارك
Quote: ياخى ابوحراز لقد اضحكتنى اضحك الله سنك
ياخى انا عندى تجلابة مريرة مع عضة ال###### دى
واصل ...متابعين |
انت تعرف الليلة الحكاية ذكريات أليمة
عضة الــــكــــلب
وكمان الحكاية جابت ليها أزيـــار سبيل 00 عاد ربك يستر
جني وجن أزيار السبيل
مما أشوفها تمسكني كاروووووووووووووشة
فقد كنت في المرحلة الثانوية بداية المراهقة كنت قد تعرفت على واحدة بالخرطوم
زولك عامل فيها ماشي يشتغل في الإجازة
تاريها الحكاية اتقلبت عواطف وحب من نوع قيس وليلى
المهم كان أجمل حتة للجكس حسب خبرتنا المتواضعة هي السوق الشعبي
وكنا نتقابل في كافتيريا هناك
ونحن أهل العوض طوالي بنطلب جوافة
والزولة دي خرطومية 100%
مابتشرب الا برتقال اناناس
المهم يوم تواعدنا كالعادة
وعند حضوري الكافتيريا ذكر لي البائع بان أحدا من ابوظبي خطبها يوم امس
اها انا من السوق الشعبي لحدي الفتيحاب { كداري }
وأي { زير سبيل } قابلني في الطريق اخذت منو { جغمة }
قبل شهر كنت راكب سيارة خاصة من الفتيحاب للسوق الشعبي
وصلت في 45 دقيقة
والله ختيت يدي في راسي
معقولة ياجماعة أنا المسافة دي كلها مشيت كداري !!!!
والله يمكن وصلت الفتيحاب في عشرين دقيقة
| |
|
|
|
|
|
|
|
|
|
Re: ماعاوز اسمع واحد تاني يقول الخدمة المدنية سيئة في السودان 00 سامعين !!!!! (Re: أبوعبيدة محمد الأمين)
|
أخي ابوعبيدة 00 كيف حالك وشكراً على الاستمتاع
طبعاً أنا اغلب المعجبين بكتاباتي من الرجال !!!!!!!!
Quote: مستمتع قديم بحكاويك ياحكاي
سؤال: الحقن حقت ال###### طعنوك ليها وين؟
ولفائدة أبوحراز والقراء الزول البعتل الآلات الموسيقية والساوند يسمى - بعامي -
من بعام يا أبوحراز عشان ماتفتش كتير وبتعرف البعام مش كدي؟ |
الحقن كانت حول { السرة }
وتظل آثارها باقية لفترة طويلة
وكما الأم تقول ليك أضبح الكديسة في شهر العسل
فانا لم أكن أحتاج لضبح كديسة
وقد سألتني المدام عن هذه النتوءات
فقلت لها دا كــــلــــب سعران
ومن يومها أول ما أبدأ أكورك فيها تقوم جارية المطبخ
سبحان الله مصائب قوم عند قوم فوائد
ومرة سمعتها بي إضاني دي تقول لي صديقتها { السعران دا قعد يكورك فيني } !!!
طبعاً لو اعرف الشغلانية دي هم { البعام } نهائي ما كان اتصلت على يوسف الوصلي
أكره في الدنيا عشرة اشياء
البعاعيم
محمود عبد العزيز
أمين حسن عمر
حنان بلوبلو
عمرو ديب
القعونجة
الأقاشي
ملاح القرع
حلاوة قطن
رجاء الجداوي
مرة موسيقار قال كان عندنا حفلة وجينا ليها بـ هايس
قال لقينا البعاعيم 16 { ياخي ديل ناس باردين جدا }
المهم لمن الحفلة انتهت
جماعتك البعاعيم ديل ركبوا في الهايس بتاعت الفرقة الموسيقية
واتحكروا واتوهطوا في الكراسي كلها
شوف ليك بالله برودة أعصاب
جاء رئيس الأوركسترا { المايسترو }وصعد في الحافلة
يلقى ليك الكراسي كلها مليانة
قام قال ليهم { أوعا يكون في مويسقار مضايقكم } !!!! ؟؟؟
| |
|
|
|
|
|
|
|
|
|
Re: ماعاوز اسمع واحد تاني يقول الخدمة المدنية سيئة في السودان 00 سامعين !!!!! (Re: ابوحراز)
|
هههههههههههه ياخي مش معقول والله ضحكت بأعلى صوت
حتى أن المدام التي تقف من خلفي الآن قالت لي ضحكنا معاك
بينما الأميرة أمل تضحك من ضحكي
ياخي أي كلمة كتبتها تحتاج ضحكة مجلجلة بالذات البعامة ديلاك
خارج النص: مرة جدي عليه رحمة الله مشى للشريف ودالأبيض
قال لقى كمية من الناس والعرب داخلين ومارقين على الشيخ
قال لي جات واحدة للشيخ قالت ليهو الدباي عذبنا ياسيدي الشيخ
الشيخ قال ليها سوو البف باف
جات واحدة تاني قالت ليهو الفار جننا آيابا الشيخ
الشيخ قال ليها سوولكم كديس
قالت ليهو لا لا آيابا اللشيخ كديسنا إت
وحيث أنك سيد البوست فكديسنا ات الليلة ومافي أي إضافة تاني
ومنتظرين
| |
|
|
|
|
|
|
|
|
|
Re: ماعاوز اسمع واحد تاني يقول الخدمة المدنية سيئة في السودان 00 سامعين !!!!! (Re: أبوعبيدة محمد الأمين)
|
أخي ابوعبيدة
Quote: هههههههههههه ياخي مش معقول والله ضحكت بأعلى صوت
حتى أن المدام التي تقف من خلفي الآن قالت لي ضحكنا معاك
بينما الأميرة أمل تضحك من ضحكي
ياخي أي كلمة كتبتها تحتاج ضحكة مجلجلة بالذات البعامة ديلاك
خارج النص: مرة جدي عليه رحمة الله مشى للشريف ودالأبيض
قال لقى كمية من الناس والعرب داخلين ومارقين على الشيخ
قال لي جات واحدة للشيخ قالت ليهو الدباي عذبنا ياسيدي الشيخ
الشيخ قال ليها سوو البف باف
جات واحدة تاني قالت ليهو الفار جننا آيابا الشيخ
الشيخ قال ليها سوولكم كديس
قالت ليهو لا لا آيابا اللشيخ كديسنا إت
وحيث أنك سيد البوست فكديسنا ات الليلة ومافي أي إضافة تاني
ومنتظرين |
والله طبعاً انا اكثر شيء محيرني في هؤلاء البعاعيم برودة أعصابهم
لدرجة أنني قلت للمدام لو يوم انا دخلت مستشفى واحتجت لـ { دم }
بس تشوفوا ليكم أقرب { بعامي } وتاخذوا منو قزازة
لأنني أنا مرات أنفعل بشدة في أشياء لاتستحق
ووجود هذه القزازة حتماً سيجعل دمنا الفائر هاديء الأعصاب
وكل ما أكورك او انفعل طوالي المدام تحبطك
وتقول ليك إنت حاتموت موتة ضااااااااااااااااااان !!!
كمان عندنا جدنا مما يشوفك شهقت يجيب كوز الموية ويبدأ يلقنك الشهادة
عندنا واحد خنقتو عجورة
وقعد يشهق
والبنات قعدن يكوركن ابوي ابوي
صاحبك سمع الكواريك وجاء جاري
وزولنا بتاع العجورة بخاف شديد من الموت
المهم جدنا طوالي للبت جيبي كوز موية
وقعد يشّهد في الراجل { أشهد لا اله الا الله 000
صاحبنا الخواف ختف الكوز وشرب الموية
قال عجورة قال !!!
| |
|
|
|
|
|
|
|
|
|
Re: ماعاوز اسمع واحد تاني يقول الخدمة المدنية سيئة في السودان 00 سامعين !!!!! (Re: طه إبراهيم عبد الله)
|
أخي طه كيف الحال 00 ومعليش للعضة
Quote: كامل تضامني وتعاطفي معك لأنو الأربعتاشر حقنة دي عمري ما أنساها
ويا ريت لو كانت أقنعت أهلي ..
عليك أمان الله ودوني الطلحة ود الطريفي وجلوطني بالطينة ديك
..
لكن برضو مسجل الكلية بالغ .. ( يا ريتك حضرت زينب الطاهر ) ودي خليها في سرك
v |
الطينة بتاعت ود الطريفي قريبة من قريتنا
ودي نحن كان بيسقونا ليها عصير
وفي حالة يعضيك { كـــــلــب } والله تلقى جسمك كلو طين
طبعاً بتكون ما لابس اي شيء
قبل ثلاثة شهور شفت لي منحوته راقدة في الواطاة في كلية الفنون الجميلة
بس الواحد لمن يعضيهو كـــــلــــب بيكون بيشبه المنحوته دي
اها زينب الطاهر دي قصتها معاك شنو ؟؟
واحد عضاهو كــــلــــب
كان خايف جداً من موضوع الحقن
قال للدكتور الواحد في اي حالة ينطعن الحقن دي ؟؟
الدكتور قال ليهو لو الـــكــــلب } مات لازم تنطعن الحقن
الراجل السعران قال للدكتور أها كيف اعرفو مات
الدكتور قال ليهو تمشي تتاكد بي نفسك
مشى شاف الـــكـــــلب 00 الـــكـــلب } عضاهو تاني !!!
| |
|
|
|
|
|
|
|
|
|
Re: ماعاوز اسمع واحد تاني يقول الخدمة المدنية سيئة في السودان 00 سامعين !!!!! (Re: ابوحراز)
|
حمدلله على السلامة اخى ابوحراز
تحياتى لك ولقلمك السيال الضاحك واكثر ما اعجبنى نقدك اللاذع لكثير من الاشياء بلغة جميلة ومضحكة وخاصة .. احترام هيبة المعلم الذى كان فى وطننا وكيف ان ال###### السعران تهيب استاذ الرياضيات ..
لكن الان وين الهيبة التى ضاعت للمعلم وللموظف عموما وتم احتكار الهيبة فى وطننا بين اعضاء الحزب الحاكم وغاسلى الاموال من الحرامية اضافة لناهبى اموال الدولة هؤلاء هم اهل الهيبة الان فى وطننا المنكوب ولعن الله من ضيعها ومن شارك فى هذا الضياع
تحياتى لك
ما تطول علينا نحتاجك دوما لنضحك باسلوب مختلف
| |
|
|
|
|
|
|
|
|
|
Re: ماعاوز اسمع واحد تاني يقول الخدمة المدنية سيئة في السودان 00 سامعين !!!!! (Re: قلقو)
|
أخي المهندس قلقو
Quote: ما أسعدك بتلك النتوءآت يابوحراز .
هل فى طريقة لعمل مثل تلك النتؤآت صناعيا؟ دفاعا عن النفس وكدة . |
لازم صناعية 00 انت عارف نسوانا بخافن من أشياء كثيرة جداً
وسوف أعطيك وصفة بسيطة الآن
وتاني ان شاء الله ما حاتجيك عوجة
95% منهن بيخافن من الضب والدودة
بس لو في طريقة تربي ليك ديدان من النوع الأخضر
ولو شعرت بان هناك اي هجوم تقوم ترفع ليها واحدة
أو حتى خلي في جيبك ضب بلاستيك
جرب الوصفة دي
واذا كل هذه الأشياء لم تنجح الا نشوف ليك فيكي ابكر يعمل ليك {V} أو {H} !!!
| |
|
|
|
|
|
|
|
|
|
Re: ماعاوز اسمع واحد تاني يقول الخدمة المدنية سيئة في السودان 00 سامعين !!!!! (Re: SHIBKA)
|
على قول القمر بوبا 00 البوست كلو بقى سعران
اها نوريكم الحاصل شنو
انا عارف صبر ماعندكم 00
ما قلت ليكم 00 كنت ألبس جزمة جميلة جداً
صينية { لكن والله من شدة ماقاعدة تلمع } تقول ايطالية أو اسبانية
بعدين فيها ميزة عجيبة جداً
تعمل ليها شوية { فيري } فيري دي صابون سائل
مش فير آند لفلي }
المهم 00 تعمل ليها الصابون السائل تلقاها لامعة بشدة
سألت واحد بيغسل عربات عن المسجل 00 لوى خشمو وقال لي بجي بعد شوية
كل الناس دي مستاءة من الراجل دا
مالقيت واحد شكرو أو حتى قال كلمة جميلة عنه
الجميع مستاء من التعامل معه
من الغطرسة
من البروقراطية العجيبة والغريبة
قلت للراجل بعد مايجي صاحبنا لازم توريني ليهو لأني أحتاجه ضروري
فحطم كل معنوياتي حينما قال لي لو خلصت بعد اسبوع يكون كويس
وصلت سيارة بيضاء آكسنت موديل قديم شوية
نزل أحدهم وهو يلبس بنطلون رمادي وقميص أصفر
ألوان طبعاً غير تمناسقة
ولكن لو سألني رأيي شنو فيما يلبس لقلت له ذوقك عالي جداً
نزل صاحبنا وهو المسجل نفسه
ويشهد الله انه من صباح الرحمن مادي بوزو
وحينماتنظر اليه تحلف الزول دا لو { كلكلتو } مايضحك ليك !!!
| |
|
|
|
|
|
|
|
|
|
Re: ماعاوز اسمع واحد تاني يقول الخدمة المدنية سيئة في السودان 00 سامعين !!!!! (Re: ابوحراز)
|
يا أبوحراز ياخي تعال فكنا من المدام المصاقرانا اليوم ده كلو ومنتظره نهاية الفيلم بتاعك ده
شابكاني صاحبك البعامي عمل شنو؟
قلت ليها الزول ده بزعل منك رغم إنك المعجبة الوحيدة لحدي الآن من خارج البورض
في واحد قريبنا حكاي لكن روحو طويلة
اها مرة يحكي في قصة مثيرة وفيها آكشن
لكنه يكثر من عبارة معاك في عقب كل جملة يقولها
وكان هناك عم لنا وخال للرجل الحكاي وهو رجل قلق وشفقان شديد
منتظر نهاية القصة وزولنا ده يقول ليهو كلمة وبعدها معاك في
تاني كلمة ومعاك في
عمنا ده زهج منو قال ليهو ياخي معاي مافي ورينا الحصل شنو
هههههههه
معاك في؟
| |
|
|
|
|
|
|
|
|
|
Re: ماعاوز اسمع واحد تاني يقول الخدمة المدنية سيئة في السودان 00 سامعين !!!!! (Re: حامد محمد حامد)
|
تحياتي أبو حراز
و كالعادة تتحفنا بهذه الحكايا الشيقة بأسلوبك السلس المتميز
وسألني سؤال مباغت 00 أها دكتور عمر عمل شنو مع موضوع البحث ؟؟
طبعاً هو يتحدث وانا لا أدري في ماذا يتكلم
قلت ليهو دكتور عمر منو
فرك عيونه ونظر لي نظرة مريبة
قال لي كيف دكتور عمر مش معاكم
قلت ليهو ما معانا
انت مش دكتور خالد ؟؟
قلت ليهو خالد منو ؟؟
ياراجل مامعقول نهائي والله
انت مادكتور خالد ؟؟ والراجل يصفق بيديه الأثنين
يا خي انا من أهل الععوض اسمي عثمان ابراهيم ابوحراز !!!
إنت هنا ما فهمت ترياق الــ V بتاعة الفكي ... لأنها بتخلي الناس تشوفك حسب ما تعتقد ...
غايتو حنجرب الطريقة دي هنا
تحياتي للأسرة
| |
|
|
|
|
|
|
|
|
|
Re: ماعاوز اسمع واحد تاني يقول الخدمة المدنية سيئة في السودان 00 سامعين !!!!! (Re: ابو جهينة)
|
الشاعر الرائع والكاتب المرهف ابوجهينة
صدقني لقدامى المحاربين طعم خاص
ونكهة متفردة
جونا سناير جدد ياكافي البلاء ةلابعرفةنا
دخلت بوست اسمو { نفسك تشوف منو 000 }
عليك امان الله زول واحد عاوز يشوفنا مافي
لاضكر ولا نتاية
حتى تماضر شيخ الدين مالقيت ليها خبر
ومهيرة
وبت قضيم
وشيري الجميلة
والملا عمر
وهشام شيخ الدين
وناس قرشو
وقرجة
والله رحنا فيها روحة شديدة 00 كان لينا شنة ورنة
معقول تكون مدة صلاحيتنا انتهت ؟؟ الله يستر يا ابوجهينة
Quote: إنت هنا ما فهمت ترياق الــ V بتاعة الفكي ... لأنها بتخلي الناس تشوفك حسب ما تعتقد ...
غايتو حنجرب الطريقة دي هنا
تحياتي للأسرة |
اها ماتقوم تتعاور زي صاحبك ابوحراز وتجربها ضد المدام
عارف حاتشوفك 11 11 !!!!
قال شنة ورنة قال !!!
| |
|
|
|
|
|
|
|
|
|
Re: ماعاوز اسمع واحد تاني يقول الخدمة المدنية سيئة في السودان 00 سامعين !!!!! (Re: حامد محمد حامد)
|
أخي حامد 00 تحية
| Quote: وعليكم الشكر ... سايبنى رايح وين ...ووين فكى ابكر دة لازم تورينا ليه... |
يبدو لي ان سودانيز اليوم اتهكر
فقد دخلت بوستي ووجدت مجموعة { شوارب } حايمة هنا وهناك
فآثرت التوقف عن الردود ريثما نشوف الهكر أخبارو شنو
البوست دا مفروض يكون محصن بالـ {}
لكن ماعارف الزول دا دخل هنا كيف ؟؟
انت عاوز ليك فكي كارب
نحاول نتصل ليك بـ فكي كابو
ولديه قصة عجيبة مع أحد المحكومين
طبعاً لو قلناها ليكم هنا بكرة بكري حايوقف حسابي
لكن ممكن في الخاص نرسلها ليكم ان شاء الله
| |
|
|
|
|
|
|
|
|
|
Re: ماعاوز اسمع واحد تاني يقول الخدمة المدنية سيئة في السودان 00 سامعين !!!!! (Re: عزيز عيسى)
|
أخي عزيز عيسى 00 مشتاقين 00 كيف انت
Quote: أبوحراز كيف حالك،
ياخي إنت ما حريف..
إنت ما سمعت بالمثل بتاع أولاد بمبة البقول:
لو عندك حاجة عند ال###### قولو يا سيدي!
وعلامة (V) ترفعها بعد ما تكسب قضيتك. |
طبعا اكيد سمعت باخونا سواق التاكسي كان بقيف جوار قاعة الصداقة
وكل يوم بتاع المرور يطردو ويقول ليهو هنا ممنوع
والراجل كان مستفيد من الحتة دي
لكن بتاع المرور ضايقو خالص
حكى مشكلته للمدام
والمدام قالت ليهو تمشي الدمازين هناك في فكي كارب
فعلاً مشى والفكي قال ليهو { الورقة } دي تختها في طبلون السيارة
وبوليس الحركة ما حايشوفك نهائي
زولك بكرة جاء وقف مطمئن في نفس الحتة
وكمان بالمرة رفع كرعينو فوق طبلون السيارة
بعد شوية جاء بتاع المرور
ونهر ليك السواق
يازول ماقلنا ليك ماتقيف هنا
السواق قال ليهو : إنت هسي شايفني ؟؟؟
| |
|
|
|
|
|
|
|
|
|
Re: ماعاوز اسمع واحد تاني يقول الخدمة المدنية سيئة في السودان 00 سامعين !!!!! (Re: محمد عبدالرحمن)
|
كيفك يامحمد عبد الرحمن
00الله مشتاقين
Quote: هو بعامى الليلة ولاامس ..عتل الساوند مع ازهرى دياب
لما روحو طلعت ..بعدين تعال هنا ..انت السكنك الصالحه
شنو ؟..مسافة الصالحة من الخرطوم زى مسافة ودربيعة للخرطوم..
سكن لى سكن كان تسكن عند اهلك ... |
كمل القصة خلينا نمشى نشوف اشغالنا ...
أزهري دياب من دخل كلية الموسيقى نسانا
اصبح يصابح ليهو جنس لطيف
وأداني كارت احمر
وياحليل زمن الساوند 00 بعناهو زمان
الجماعة طلعونا متفلهمين
اي واحد يقول ليك كدي النقعد في ضل الساوند بتاعك 00 في اشارة الى عدم وجود بيت
اها قلنا نبيع الساوند عشان اول شيء نشتري القطعة
أما موضوع البيت موضوع طويل
والظاهر ما بتحل باخوي وأخوك
اتفقت مع ست النفر إني اتزوج معلمة جامعية هنا بالسعودية
وبالمرة عرس وبنيان
قالت لي ان شاء الله نقعد في راكوبة
قال جامعية قال !!!
صديقي معاي هنا بالسعودية كان راكب { عجلة }
عليك امان الله الجنزير بتاعا كل يوم واقع
اها اتزوج واحدة جات هنا مع أبوها
هسي راكب لاندكروزر
والصلعة بدت تختفي
خلى الصاعوط
والكرش ماشاء الله
واهم شيء اشترى بيت !!!!
اها عليك الله انا كلامي فيهو غلط ؟؟؟
| |
|
|
|
|
|
|
|
|
|
Re: ماعاوز اسمع واحد تاني يقول الخدمة المدنية سيئة في السودان 00 سامعين !!!!! (Re: أبوعبيدة محمد الأمين)
|
أخي أبوعبيدة
اها بعد تمينا القصة ان شاء الله زولتك { انفشت }
ياخي شكراً ليها وشكراً للإعجاب
البوست ياكافي البلاء كلو ضكور
يعني انا ما باقي الا اعمل صيوان واشيل الفاتحة
الظاهر كده { 3 } نسوان شاركن في البوست
والبقية ماشاء الله
بس حقو الواحد يفتح ليهو بوست بعنوان
{ بورادبية لاتدخل بوستاتي } !!!
Quote: يا أبوحراز ياخي تعال فكنا من المدام المصاقرانا اليوم ده كلو ومنتظره نهاية الفيلم بتاعك ده
شابكاني صاحبك البعامي عمل شنو؟
قلت ليها الزول ده بزعل منك رغم إنك المعجبة الوحيدة لحدي الآن من خارج البورض
في واحد قريبنا حكاي لكن روحو طويلة
اها مرة يحكي في قصة مثيرة وفيها آكشن
لكنه يكثر من عبارة معاك في عقب كل جملة يقولها
وكان هناك عم لنا وخال للرجل الحكاي وهو رجل قلق وشفقان شديد
منتظر نهاية القصة وزولنا ده يقول ليهو كلمة وبعدها معاك في
تاني كلمة ومعاك في
عمنا ده زهج منو قال ليهو ياخي معاي مافي ورينا الحصل شنو
هههههههه
معاك في؟ |
عندنا واحد برضو بتاع قصص
والقصص مشكلتها طويلة وقديمة
يعني من زمن عنقريب { القد }
طبعاً ياويلك لو بدأ يحكي ليك قصة
اقل شيء 3 ساعات وما حاتفهم اي شيء
والمشكلة مرات سجم الرماد دا بيضحك لمن يقرب يقع
المهم الجماعة كلهم عارفين زولك وقصصو الطويلة
اها لمن يدخل غرفة ويبدأ يحكي 00 العزابة بتسللوا واحد بعد واحد
لمن يلقى نفسو لحاله بياخد ليهو سفة وبيرقد
المهم يوم هجم ليك الجماعة مع الغداء وبدأ يحكي في قصة سفره من الطائف للدمام
والمشكلة نزل في كم حتة 00 الرياض والقويعية وحتة اسمها الدوادمي
يعني دي كلها مناطق أحداث
وماتنسى الرجوع
يعني معناها القصة حا تنتهي بالميت مع نهاية صلاة العشاء
ربك رب الخير يجينا ضيف
بس الجماعة كلهم مرقوا وخلينا الضيف الذي طلع ضحية لصاحبنا
والله الضيف يحنن
مرات يدقس
وزولك يصحيهو
يعني انا جيت داخل عليهم الساعة خمسة لقيتو يادوب اتحرك من الدمام وبيستف في الشنط عشان الرجوع
شوف ليك برودة ناااااااااااااااااس !!!
| |
|
|
|
|
|
|
|
|
|
Re: ماعاوز اسمع واحد تاني يقول الخدمة المدنية سيئة في السودان 00 سامعين !!!!! (Re: SHIBKA)
|
شبيكة 00 سلام
| Quote: سلامي لست النفر وقول ليها خفي شوية |
ومرحب بيك
خفي شوية 00 يعني تخفف الغيرة وللا شنو ؟؟
طبعاً نسوانا نحن من النوع { الياباني الأصلي }
يعني الواحدة بتمسك في راجلها بي يديها وكرعيها
ةبتحاول تحافظ عليك
وما بتخلي ضنبك يلعب هنا وللا هنا
لكن لو كان الواحد اتزوج من النوع { الكوري }
او النوع { الصيني } الذي ظهر مؤخراً كان الحكاية حاتكون فاكة شوية
لأنو النوع الأخير دا ولابشتغل بيك شغلة
مشغولات ياخي مع مهند ونور
ودي كابريو
وتوم كروز !!!
قال خفي قال !!!
| |
|
|
|
|
|
|
|
|
|
Re: ماعاوز اسمع واحد تاني يقول الخدمة المدنية سيئة في السودان 00 سامعين !!!!! (Re: حامد محمد حامد)
|
أخي حامد
Quote: كوكتيل يعنى يا ابو حراز ولا زمان كان اسمه برتقال انناس
لو تصدق يأخى دة انا اليوم من صباحة ربنا مبوز من غير سبب ..بس يشهد الله انك ببوستيك دة غيرت يومى الى ضحك وفرح. |
ياخى نور الله قلبك .....وواصل وعلى مهلك وما تسمع كلام اخونا قمر بوبا
جميل أن يخرجك البوست من حالة الدبرسة
الى حالة الفرح
الزولة دي ياتشرب برتقال يا اناناس
بعدين نحن شفطة واحدة ونجيب خبر الكباية
يعني نحن بنكرطع العصير
والزولة دي عليك أمان الله ساعتين عشان تكمل الكباية
يا أخي مشكلة حينما يلتقي أهل العوض وأهل العمارات
هناك بون وفرق شاسع بيننا
عشان كده قلنا احسن الواحد يقع أهل العوض هنيين ورضيين وجميلين وسمحين
السجمانة دي قالوا طلقوها بعد اربعة شهور
تستاهل
عشان تاني الواحدة ما تتسرع وتخمها المظاهر
| |
|
|
|
|
|
|
|
|
|
Re: ماعاوز اسمع واحد تاني يقول الخدمة المدنية سيئة في السودان 00 سامعين !!!!! (Re: GamarBoBa)
|
قمر بوبا 00 تحية
| Quote: ياخوا زحونا من سيرة الكـلاب خلو الراجل يخش الجامعة عشان نعرف عمل شنو |
اها ان شاء الله واصلت الرحلة معانا
دخلنا الجامعة
والجامعة الا تقرا آية الكرسي عشان تدخل فيها
أناس لايبتسمون وكأنهم قادمون للتو من ديوان الضرائب
ياخي انا مشيت الكلية الكندية 00 سبحان الله
لازم تقول الصلاة على النبي
والله الواحد يحلف يقول تاني مايرجع
صراحة بتشعر انك خارج السودان
غايتو نحن الواحد أخذ عذابوا بالكامل
دنيا وآخرة
بقينا كل مانشوف لينا كلية الواحد يعضي خشمو ويتحسر
كليتنا كلها كانت مذكر
| |
|
|
|
|
|
|
|
|
|
Re: ماعاوز اسمع واحد تاني يقول الخدمة المدنية سيئة في السودان 00 سامعين !!!!! (Re: الكيك)
|
أخي الكيك 00 شكرا من الأعماق
وأتمنى أن يكون قلمي كثير الهطول
وأن يدخل عبر نوافذ قلوبكم ليغسل عنها الحزن
وينفض عنها غبار الوجع والأنين
وكم نحن في زمن مليء بالآهات والمعاناة
Quote: حمدلله على السلامة اخى ابوحراز
تحياتى لك ولقلمك السيال الضاحك واكثر ما اعجبنى نقدك اللاذع لكثير من الاشياء بلغة جميلة ومضحكة وخاصة .. احترام هيبة المعلم الذى كان فى وطننا وكيف ان ال###### السعران تهيب استاذ الرياضيات ..
لكن الان وين الهيبة التى ضاعت للمعلم وللموظف عموما وتم احتكار الهيبة فى وطننا بين اعضاء الحزب الحاكم وغاسلى الاموال من الحرامية اضافة لناهبى اموال الدولة هؤلاء هم اهل الهيبة الان فى وطننا المنكوب ولعن الله من ضيعها ومن شارك فى هذا الضياع |
أين الهيبة 00 ؟؟
الآن بعض المعلمين يشحد { سفة } من الطالب
كان لدينا مدير صارم جداً
والله لايضحك الا نهاية الشهر
يوم أن يستلم الماهية
وتاني عيييييييييييييييييييييييك 00 لو كنت عاوز تشوفه ضاحك تنتظر ليك شهر كامل !!!
خلي المعلم وهيبة المعلم
والله كان لدينا مساعد طبي الله يرحمه لايقل هيبة عن الناظر وبقية المعلمين
علي بالطلاق حيرنا عديل لاتعرفو معلم ولاتعرفوا مساعد طبي
لايمكن بتاتاً أن يلين قلبه ويقف مع الطالب
بل كان يقف الى جانب الحصة
وانت عارف مرات الواحد بيحاول يتهرب من بعض الحصص الغير مهضومة
كنت اكره الضمائر
لأنها تتشابه زي الأرانب
ولا اعرف نهائياً التفريق بينهما يعني هم وهن وهي وهؤلاء !!!
المهم يوم الحصة تكون ضمائر الواحد بيمسك بطنو
وعلى طول لدفتر العيادة
غايتو يبدو لي ان المساعد الطبي كان بعاين في الوش
ومابعاين في البطن نهائيا
عليك امان الله عندو دواء سائل مثل { الجير } ابياااااااااض
طوالي تكرطع ليك جرعة منه
ويقول ليك أمشي ياحيوان للحصة
الدواء في { قزازة } خضراء فاقع لونها
لو عندك اي شيء ان شاء الله نفسيات برضو تشرب منه
والغريبة الواحد بينعس بعد أن يتناول هذا الدواء العجيب
القزازة مرسوم عليها جمل لاوي رقبتو بطريقة عجيبة
تصدق اتضح لينا في النهاية حينما كبرنا أن القزازة خاصة بـ { عرقي ماركة الجمل }!!!
سبحان الله 00 عشان كده الواحد كان بينعس
| |
|
|
|
|
|
|
|
|
|
Re: ماعاوز اسمع واحد تاني يقول الخدمة المدنية سيئة في السودان 00 سامعين !!!!! (Re: ابوحراز)
|
رغم طرافة البوست
إلا أنني زعلت جدا أنني لم أستعمل وصفة ( عضة الكلـــب السعران )
لإرهاب ( العدو ) وصديقاتها وأهلها
المزعلني أكثر أن ( حبكانتي ) وقتها و ( بعلتي ) حالياً كانت تعلم وتتابع قصة هذه الحقن
أخذت ( تسعة وأربعين حقنة ) حول السرة
نعم ( 49 ) وأربعين حقنة بالتمام والكمال
( في زماننا ) كانت الجرعة عبارة عن ( 28 ) حقنة حول السرة متواصلة يومياً .
يجب ألا تنقطع وإذا إنقطعت لأى سبب وفي أى مرحلة من مراحل العلاج تبدأ الجرعة مرة أخرى ومن أول وجديد
( خربشتني ) قطة مجهولة وكنا عزابة في مدينة السجانة وكان منزلنا مرتعاً لقطط الحى الضالة
( المصل ) لم يكن متاحاً إلا في السلاح الطبي
كنت أذهب يومياً واستلم الوصفة من صيدلية السلاح وآخذ الحقنة
لم تستطع ( كل الواسطات ) التي أتيت بها ليعطوني كامل الجرعة
عند الحقنة رقم ( 22 ) أخبرني الصيدلي أن الدواء خلص عندهم لكن سوف يأتي بعد ساعتين
إستمرت هاتات الساعتان حتى اليوم البعدو وأنا جالس معهم وأردد جملتي الوحيدة
" يا أخوانا المصل دا لو ما جا اليوم أنا يا أسعر يا أعيد الجرعة من أول وجديد "
قضيت ذاك اليوم وتلك الليلة جنب شباك الصيدلية
وكانوا جد كرماء معي ولم يطردونني
بل وتغديت مع وردية وتعشيت مع وردية أخرى وأفطرت اليوم التالي مع وردية ثالثة وأتى المصل ظهر ذلك اليوم
وبدأت الجرعة الجديدة ( 28 ) حقنة في بطن العدو
___________________
سلامات أبوحراز
عوداً حميداً
| |
|
|
|
|
|
|
|
|
|
Re: ماعاوز اسمع واحد تاني يقول الخدمة المدنية سيئة في السودان 00 سامعين !!!!! (Re: عاطف عمر)
|
أخي عاطف عمر 00 قدامى المحاربين
تحية من الأعماق 00 وحمداً لله على السلامة
Quote: رغم طرافة البوست
إلا أنني زعلت جدا أنني لم أستعمل وصفة ( عضة الكلـــب السعران )
لإرهاب ( العدو ) وصديقاتها وأهلها
المزعلني أكثر أن ( حبكانتي ) وقتها و ( بعلتي ) حالياً كانت تعلم وتتابع قصة هذه الحقن
أخذت ( تسعة وأربعين حقنة ) حول السرة
نعم ( 49 ) وأربعين حقنة بالتمام والكمال
( في زماننا ) كانت الجرعة عبارة عن ( 28 ) حقنة حول السرة متواصلة يومياً .
يجب ألا تنقطع وإذا إنقطعت لأى سبب وفي أى مرحلة من مراحل العلاج تبدأ الجرعة مرة أخرى ومن أول وجديد
( خربشتني ) قطة مجهولة وكنا عزابة في مدينة السجانة وكان منزلنا مرتعاً لقطط الحى الضالة
( المصل ) لم يكن متاحاً إلا في السلاح الطبي
كنت أذهب يومياً واستلم الوصفة من صيدلية السلاح وآخذ الحقنة
لم تستطع ( كل الواسطات ) التي أتيت بها ليعطوني كامل الجرعة
عند الحقنة رقم ( 22 ) أخبرني الصيدلي أن الدواء خلص عندهم لكن سوف يأتي بعد ساعتين
إستمرت هاتات الساعتان حتى اليوم البعدو وأنا جالس معهم وأردد جملتي الوحيدة
" يا أخوانا المصل دا لو ما جا اليوم أنا يا أسعر يا أعيد الجرعة من أول وجديد "
قضيت ذاك اليوم وتلك الليلة جنب شباك الصيدلية
وكانوا جد كرماء معي ولم يطردونني
بل وتغديت مع وردية وتعشيت مع وردية أخرى وأفطرت اليوم التالي مع وردية ثالثة وأتى المصل ظهر ذلك اليوم
وبدأت الجرعة الجديدة ( 28 ) حقنة في بطن العدو |
يعني نحن السعر بتاعنا كان مرة واحدة
وإنت أصابك السعر مايقارب اربعة مرات
أقول ليك سر 00 كل إمراة لو عرفت شفرة { خوفها } فإنك ستعيش مرتاح البال
أبحث في اكوادها
وأيقوناتها
ربما تعثر صدفة على مايخيفها ويرهبها
وحينما تفك الشفرة تصبح حياتك سمن على عسل
كلهن خوافات مووووووووووووت
ماتشوف الفصاحة دي
لكن انت لازم تجتهد
يعني نحن لو كنا سعرانيين زيك كده كان الجماعة غادرونا زمان
هسي بس حتى لو قالت ليك { دق لي دهب }
طوالي تقوم { تجعر } فيها
وبعد شوية تنسى الدهب وتبقى في نفسها
عندنا واحد زول حافظ القرآن وعامل فيها ماقاعد يخاف
والمشكلة كل يوم محاضرات في الناس
لازم تتحصنوا
ولازم تحموا أنفسكم من الجن والشياطين
المهم كان معاهو صاحبو ومشوا الحواشات عشان عاوزين يسقوا المحصول
أها واحد عارفهم وكانت الموية في ازمة
وكان عاوز يشرب هو
يازول الراجل مشى وملص ملابسو نص الليل وغتس في { أب عشرين }
وهو بالمناسبة قناة صغيرة متفرعة من الترعة { التعريف لزوم الحناكيش }
صاحبك راقد والدنيا ظلام
جماعتنا وصلوا ونزلوا في الموية
زولنا العريان ظهر ليهم فجأة
أها جماعتك قاموا جاريين
زولنا العادي قال لبتاع القرآن
ياعمك وين قرايتك
وين ترتيلك
رد عليهو ترتيلي خلو 00 خارج نفسك أول !!
| |
|
|
|
|
|
|
|
|
|
Re: ماعاوز اسمع واحد تاني يقول الخدمة المدنية سيئة في السودان 00 سامعين !!!!! (Re: محمد علي شقدي)
|
الشيخ/ أبوحراز
تحياتي
طبعا إنت لو ما شيخ بتكون ولد مشايخ، ولا مجاور مشايخ عشان كدة قلت لك الشيخ.
بعدين المشيخة باينة عليك، إذ جعلت غشاوة على عيون الموظف، فنظر إليك فإذا بك كما يحب هو أن يرى.
بس دقست في حكاية ال######.....
والخدمة المدنية مش شيئة، هي وعاء، والمشكلة فيمن يكون داخل هذا الوعاء، إما خمر معتق، أو لبن سائغ شرابه.
بصراحة حبيت أشاغلك وأجرب فيك كلمة السر الجديدة، نظرا لأن كتاباتك شيقة وحكاوي ممتعة تمررها بسلاسة وصدق.
وفي الختام يا الشيخ أبوحراز تفزعني.......
| Quote: ماعاوز اسمع واحد تاني يقول الخدمة المدنية سيئة في السودان 00 سامعين !!!!! |
| |
|
|
|
|
|
|
|
|
|
Re: ماعاوز اسمع واحد تاني يقول الخدمة المدنية سيئة في السودان 00 سامعين !!!!! (Re: حماد الطاهر عبدالله)
|
أخي حماد 00 تحية غالية جداً من شيخك !!!
Quote: الشيخ/ أبوحراز
تحياتي
طبعا إنت لو ما شيخ بتكون ولد مشايخ، ولا مجاور مشايخ عشان كدة قلت لك الشيخ.
بعدين المشيخة باينة عليك، إذ جعلت غشاوة على عيون الموظف، فنظر إليك فإذا بك كما يحب هو أن يرى.
بس دقست في حكاية ال######.....
والخدمة المدنية مش شيئة، هي وعاء، والمشكلة فيمن يكون داخل هذا الوعاء، إما خمر معتق، أو لبن سائغ شرابه.
بصراحة حبيت أشاغلك وأجرب فيك كلمة السر الجديدة، نظرا لأن كتاباتك شيقة وحكاوي ممتعة تمررها بسلاسة وصدق.
وفي الختام يا الشيخ أبوحراز تفزعني....... |
قال شيخ أبوحراز قال
حينما أتيت السعودية لأول مرة نزلت مع عزابتنا
والوالد عليه الرحمة حافظ للقرآن وهو شيخ ياباني اصلي
وصاحبك ابوحراز عليك أمان الله يادوب { سورتين } لزوم الصلاة الجهرية
ولو كانت هناك صلاة فيها ثلاث ركعات جهر فالرماد كال حماد
الا نتمها ليهم بـ { طلع البدرو علينا } !!
لكن العزابة كانوا يعتقدون أن القبة تحتها فكي !!
فأخذني أحدهم بعيداً وأنا في ذهول وقال لي انه يعمل في سوبر ماركت
وبجواره سوبر ماركت آخر يعمل بطريقة جيدة
بينما هو فقد زبائنه ويريدهم أن يعودوا وينتعش الدكان وتعود له الحياة !!!
طبعاً صاحبك يسمع في هذا الكلام وغير مصدق مايحدث
ولكنني لا اريد أن اخزل الرجل
فطلبت منه أن ياتيني بورقة وقلم
فرسمت نجمة كبيرة للمريخ العظيم حيث كنت اشجعه
وكتبت حولها أسماء اللعيبة
واصبح هناك مكان شاغر وبقدرة قادر تذكرت اسم المدرب وأنزلته مع لعيبته
وطبقت الورقة جيداً بطريقة مثلث
وقلت له تضعها في الدرج على أن تكون طاهراً
زولك المسكين دخل الحمام واغتسل وتوضأ وذهب السوبر ماركت صباحاً
وأتى الثانية ظهراً ويكاد يطير من الفرح
فمنحني خلسة 100 ريال سعودي وكانت اول مائة تدخل جيبي
وآمنت فعلاً أن القروش في السعودية { خم } !!
قال لي صاحبي أن السوبر ماركت لأول مرة يبيع الفين ريال !!!
ياسبحان الله
واعطاني في اليوم الثاني مائة ريال
وفي اليوم الثالث مائة ريال
ومثلها في اليوم الرابع
في اليوم الخامس رفدوووووووووووووه من العمل !!!
المشكلة زولك بعد كم شهر
وبعد أن علم أنني أشجع { قريش } طوالي قال الا يرجعوا ليهو قروشو !!!ّ!
| |
|
|
|
|
|
|
|
|
|
Re: ماعاوز اسمع واحد تاني يقول الخدمة المدنية سيئة في السودان 00 سامعين !!!!! (Re: محمد علي شقدي)
|
ياااااااا حليلك يا ابو حراز
و حليل ست النفر
ياخي نحن متابعين من زمن كنتو (جكس)
Quote: واحد عضاهو كــــلــــب
كان خايف جداً من موضوع الحقن
قال للدكتور الواحد في اي حالة ينطعن الحقن دي ؟؟
الدكتور قال ليهو لو الـــكــــلب } مات لازم تنطعن الحقن
الراجل السعران قال للدكتور أها كيف اعرفو مات
الدكتور قال ليهو تمشي تتاكد بي نفسك
مشى شاف الـــكـــــلب 00 الـــكـــلب } عضاهو تاني !!! |
موبااااالغة
| |
|
|
|
|
|
|
|
|
|
Re: ماعاوز اسمع واحد تاني يقول الخدمة المدنية سيئة في السودان 00 سامعين !!!!! (Re: توما)
|
توما 00 تحية
Quote: ياااااااا حليلك يا ابو حراز
و حليل ست النفر
ياخي نحن متابعين من زمن كنتو (جكس) |
قال جكس قال
زولتك هسي قام ليها ريش
كانت هنية ورضية
والله عليك أمان الله اقل حاجة تقوم تنهرك 00
قالت كلامي كتير 00 هسي انا كلامي كتير
أمس واحد كان بيحكي لي قال غاب من السودان اربع سنوات
اها بعد رجع أمو قالت ليهو والله تاني ماترجع السعودية الا تعرس
زولك مما جابوا ليهو سيرة العرس ساب الحلة مرة واحدة
ومشى قروش العرس اشترى بيها ارض بـ 20 مليون
هسي الأرض جابت ليها 300 مليون !!!!
اها بكل براءة جيت لست النفر وحكيت ليها الحاصل
قلت ليها بالله العوير فينا منو
انا وللا صاحبي 00 صاحبي ابى العرس واشترى ارض
وأنا سمعت كلام إمام الجامع وقع فينا شمال يمين وخلانا نبكي
وقال المابيكمل نصف دينه فإنه سيهوى به في الدرك الأسفل من النار
قمت جيت جاري طوالي وعرستك 00
اها رايك شنو ياست النفر عوير انا وللا صديقي ؟؟
شوفي ردها 00 والله عوير انت !!!!
هسي كان اشتريت ليك ارض وجيت تاني عرست بعد خمسة سنوات مش كان يكون أحسن لينا كلنا !!
قال يكمل نصف دينه قال !!!
| |
|
|
|
|
|
|
|
|
|
Re: ماعاوز اسمع واحد تاني يقول الخدمة المدنية سيئة في السودان 00 سامعين !!!!! (Re: إدريس البدري)
|
أخي إدريس 00 تحية
Quote: دكتور خالد...أقصد أب حراز هاهاها
ياخ انت قصاصن بصورة عجيبة
يديك العافية يابعام (سابقاً) |
قال بعام قال
عندنا كان ساوند زي ماذكر أخونا محمد عبد الرحمن 00 لكن اتلحس للأسف
طبعاً هناك فني للساوندمسئول عن وزن الساوند والمحافظة عليه
أها مرة جيت لقيت الجماعة بيعتلوا في السماعات والمواسير { دعائم } للسماعات
يعني يمكن 7 اشخاص
اها قلت ليهم الجماعة ديل البيحاسبهم منو
قالوا لي ديل كلهم بعاعيم ماعندك اي مشكلة في الناحية دي
لكن شايف الفنان كان مستاء جداً من الشغلانية دي
وحسب نياتي قلت له : ياخي جميل جداً الناس دي بتساعدك وكمان بالمجان
فقال لي : صحيح 00 ولكن يسببون لنا أزمة في { العشاء }
يعني سيد البيت لو عاوز يجيب صينية واحدة
بس الله يكون في عونه ويشوف ليهو احتياطي كده صينيتين
ياحليل زمن ناس حيدر بورتسودان وخالد الصحافة
مرة قالوا جاء حيدر بورتسودان عندنا في { أهل العوض }
طبعاً هو والأورغان
يعني لابعاعيم ولايحزنون
وأهل العوض على نياتهم
قال ليك جوك { 15 } شايلين الصينية
اها حيدر سألهم ياجماعة دا شنو البتعملوا فيهو دا ؟؟
قالوا ليهو : دا عشاء { الفنانين } !!!!!!!!!!!!!!
| |
|
|
|
|
|
|
|
|
|
Re: ماعاوز اسمع واحد تاني يقول الخدمة المدنية سيئة في السودان 00 سامعين !!!!! (Re: معتصم دفع الله)
|
أخي معتصم 00 تحياتي يارجل 00 كيف أخبارك
أها كيف عامل مع الحياة الجديدة
أظنك خلاص ودعت العزوبية ودخلت الى قبيلة { المجلودين }
صاحبك أساسي كان مكرهنا البورد
من يوم { عرّس } تاني ماقامت ليهو قايمة
ماقلتو نوووووووووووووووووووووبة !!!
قال رومانسي قال
تلقاهو كلو شيء طار ليهو في راسو
وبتذكر دايماً نكتة صاحبنا الشفقان لمن دخل الفندق لقضاء شهر العسل
اها طوالي قام قال للمدام { الليلة ووووووووووووووووووووووووووب } !!!
بعد شهرين بقى نعسان تعبان كحيان
اها يوم جاء داخل والمدام منتظرة
توووووووووش على السرير واتغطى بالبطانية
جات رفعت البطانية من صاحبك
وقالت ليهو { الليلة وووووووووووووووووووووووووب ياحيوان } !!!!!
ياخي نسوانا ديل مرات بنات لذينة !!!!
| |
|
|
|
|
|
|
|
|
|
Re: ماعاوز اسمع واحد تاني يقول الخدمة المدنية سيئة في السودان 00 سامعين !!!!! (Re: عادل نجيلة)
|
عادل نجيلة كيف حالك
مشتاقين ياخ
| Quote: أب حراز .. هل كنت أحد المتزعمين للخدمة المدنية...! |
قال متزعمين قال !!!!
انا لو كنت زعيم كان أول شيء لهفت لي أرض حدادي مدادي
ياخ انا قلت لي ناس حلتنا أمسك ليكم صندوق الجامع وقفوا الف احمر
تجي تقول لينا خدمة مدنية
ياريت من خشمك ياعادل وللسماء
والله رجعنا السودان لقينا أصحابنا وزملاءنا في العمل تطور موبااااااااااالغة
شيء بقر
وشيء دواجن
وأراضي
وسيارات أشكال وألوان
والمشكلة بيوت عقد
ونحن لسه في الغربة لاعارفين أخدر ولا ابيض
كل مرة تنزل السودان تكمل قريشاتك بامية مفروكة
وكمان بالمرة دي حملت ودي ولدت
وأختك عاوزة تطهر اولادها
بعد شهر تبدأ اتصالاتك مع السعودية عشان الرجعة
لكن لو لقينا شغل في السودان خلاص حانستقر
عاوزين نشوف الناس دي بتنبي كيف ؟؟
عليك أمان الله واحدكان شغال معانا في السودان
خليتو ريالتو سايلة
هسي ماشاء الله عيني باااااااااااردة
دكاكين
واراضي
وبيت مسلح
و{ مرة } تقول اليسا !!!
| |
|
|
|
|
|
|
|
|
 Re: ماعاوز اسمع واحد تاني يقول الخدمة المدنية سيئة في السودان 00 سامعين !!!!! (Re: ابوحراز)
|
ابو حراز سلآم.
غريبة إنّك تطلع شبه دكتور!!! مع إني كنت خاتي ليك صورة
مغايرة تماماً من يوم شفتك حايم في بوست الكديسة.
تصدق لا حظت هنا الناس لآمن يشوفونا بيضايروا كـلآبهــم!!!
قلت ليهم يا جماعة الحاصل شنو عقدتونا؟؟؟
قالوا لي: ما تتعقد، أصلوا العضة الوآحدة بيرزعوا فيها الـكـلـب
بخمسطاشر حقنة زي الرصاص.
قلت ليهم: يققققققققطع قلبكم، انا جدي أُمحوّمد ود همزة يا ملقطين.
تحياتي وأشواقي.
الوآحد تكنو بيعرفك من زمااااان،
شفت الصلبطة دي!!!؟
| |
|
|
|
|
|
|
|
|
|
Re: ماعاوز اسمع واحد تاني يقول الخدمة المدنية سيئة في السودان 00 سامعين !!!!! (Re: القرشي منعم منصور)
|
الأستاذ الجميل عاطف عمر
لك التحية والتجلة
Quote: ( في زماننا ) كانت الجرعة عبارة عن ( 28 ) حقنة حول السرة متواصلة يومياً .
|
ياخى فعلا كل شىء اصابه التضخم
فقد اعدتنى الى زمن بعيد جدا هو نهاية السبعينيات حينما قامت قطة ضالة فى خلاء جبل سركاب بعضى رغم اننى كنت ادافع عنها وازود عنها من ضرب الزملاء وكان نصيبى هو عدد 14 حقنة حول الصرة بصورة يومية..
بالله تضاعفت تماما حقن عضة الكديسة ؟؟؟
ياخى السودان ده حكايته غريبه خلاص ....
| |
|
|
|
|
|
|
|
|
|
Re: ماعاوز اسمع واحد تاني يقول الخدمة المدنية سيئة في السودان 00 سامعين !!!!! (Re: القرشي منعم منصور)
|
أخي القرشي منعم منصور 00 تحياتي الغالية
Quote: (عارف إتخيلت واحد مطعون 15 حقنة حول الصرة ولابس تي شيرت الصرة برة )
رعب دولي
تسلم يا من تسمو بالبهجة
و تسعد الروح |
الارهابيون ليس بالضرورة أن يكونوا تابعين للقاعدة !!!!
عندنا واحد طبعاً كانت سرته كبيرة جداً والجماعة أسموه { أب كوكة }
وهذا اللقب السيء كان كل من يذكره امام صاحبنا فإنه سيلقى حتفه فوراً
لكن الجماعة يتهامسون حينما يطل عليهم
أو حينما يغادرهم
وكان السيد أب كوكة يحمل سكينه في ضراعه على مدار الساعة
وكم وجدت هذه السكين طريقها الى أجساد كل من يسخر من عمك
طبعاً اسمو الأساسي { حاج محمد أحمد }
ولكن طغى اللقب وقضى على الاسم الحقيقي
فاصبح الناس لايعرفونه الا بـ أب كوكة
تبدلت ظروف حاج محمد أحمد وساءت وقرر الذهاب عمرة ايام كانت بالشيك
فاتصل على أحد اقاربه وكان مزنوق جداً
في حين أن التلفونات ايامها لم تكن على مايرام
فأتصل على أحد اقاربه وبدأ يحكي له عن معاناته
ومتلقي الاتصال لايسمع جيداً لرداءة الصوت
فكان يقول له معاي منو
فيرد عليه معاك عمك حاج محمد أحمد
والطرف الآخر لايسمع
ثم يكررها له معاي منو
ياخي قلت ليك عمك حاج محمد احمد
والطرف الآخر لايسمع برضو
قلت لي معاي منو ؟؟
عمك زهج وقال ليهو : معاك اب كوكاااااااااااااااااااااااااااااااا !!!
قال حاج محمد أحمد قال !!!!
| |
|
|
|
|
|
|
|
|
|
Re: ماعاوز اسمع واحد تاني يقول الخدمة المدنية سيئة في السودان 00 سامعين !!!!! (Re: معاوية المدير)
|
أخي معاوية
تحية 00 طبعاً انا صراحة اتخلعت لمن قريت اسمك
قلت خلاص الحمد لله بالطريقة دي وجدنا معجب بكتاباتنا
وممكن عن طريقه نشتري القطعة ونبني البيت 00 البيت الهاجس !!
كنت أظنك { معاوية البرير } !!!
ولكن يا للحسرة حينما فقت من دهشتي
وعرفت أنك معاوية المدير !!!!
Quote: ابو حراز سلآم.
غريبة إنّك تطلع شبه دكتور!!! مع إني كنت خاتي ليك صورة
مغايرة تماماً من يوم شفتك حايم في بوست الكديسة.
تصدق لا حظت هنا الناس لآمن يشوفونا بيضايروا كـلآبهــم!!!
قلت ليهم يا جماعة الحاصل شنو عقدتونا؟؟؟
قالوا لي: ما تتعقد، أصلوا العضة الوآحدة بيرزعوا فيها الـكـلـب
بخمسطاشر حقنة زي الرصاص.
قلت ليهم: يققققققققطع قلبكم، انا جدي أُمحوّمد ود همزة يا ملقطين.
تحياتي وأشواقي.
الوآحد تكنو بيعرفك من زمااااان،
شفت الصلبطة دي!!! |
انت عارف شبه الدكتور لزوم استخدام أدوات النصب
كان ذلك لمدة يوم واحد على طريقة المسرحية
مدير ليوم واحد !!!
هسي لو شفتنا وقد رجعت العرجاء لمراحها !!!!
رجعنا لنفس البشتنة الأولى 00
صراحة بوست الكديسة جميل جدا
وانا لسه والله مازلت زعلان من { كــــــــلاب } بحري
يعني كــــــلبـــــة أمها فرنسية وأبوها الماني تجي تزور السودان ترجع حاااااااامل
صراحة تصرف مش كويس من كـــــلابــــنا
على الأقل كان يعملوا حساب لمعايير وأصول الضيافة
هسي ولاعارفين { الكـــــــلبـــــة } الضيفة أخبارها شنو ؟؟
تكون ياربي ولدت
اها لو ولدت أكيد حايكون الأبو سوداني !!!!
قال ام فرنسية وأبو الماني قال !!!!
اها خموا وصروا الحكاية جابت ليها ابو سوداني
انتوا احسن مننا وللا أحسن مننا !!!!
| |
|
|
|
|
|
|
|
|
|
Re: ماعاوز اسمع واحد تاني يقول الخدمة المدنية سيئة في السودان 00 سامعين !!!!! (Re: ابوحراز)
|
Quote: ومثل هذه البدلات مرات بتخلع بعض المسئولين في السودان
لهذا كان لابد من إستخدام أدوات النصب !!!
|
أدوات نصبك ناقصة لحية ولًا بقت ما مهمة.
| Quote: في حين اننا كنا { نساكك } نص العمر في الطريقة التي نقابل بها الحبيبة |
زمان كنت فاكر إني لمًا أمشي سنة تانية، وادونا مساطر ال(T SQUARE) فإن البنات سيتسابقن علينا لكن
(عليك أمان الله) ما جابت أي حاجة
| Quote: ولديه مغالق بصالحة وحي المنصورة |
ود أختك دا أنصاري سِنة؟
نكتة عن فكي وموظف:
واحد قارئ عدادات في الكهرباء في المسلمية.
ما بقرأ أي عداد.
بس آخر الشهر إجيب ليه قراءات من راسو ويسلمها لرئيسه.
قاموا الجماعة كشفوه.
طقو شالوا من الشغل.
مشى لفكي.
الفكي قال ليه:
تقرأ ياسين 145 مرة.
رد عليه:
أنا لو بقرأ ياسين 145 مرة، كان قريت عدادات المسلمية. أوعى تقول لي قدييييمة.
تحياتي الرايع أبو حراز
| |
|
|
|
|
|
|
|
|
|
Re: ماعاوز اسمع واحد تاني يقول الخدمة المدنية سيئة في السودان 00 سامعين !!!!! (Re: محمد علي شقدي)
|
أخي محمد علي شقدي 00 تحية
Quote: تسلم يا ابو حراز وفاة عمنا الهادي كانت بنفس قياس العمق ولكن من الحزن
فبعد طول اغتراب كان لارض جزيرة الفيل الحق الكامل في احتضان جسده
له الرحمه والمغفره |
ياسبحان الله 00 رجل يفرض عليك قلبك أن لاتنساه
كنت حينما أحتاج الى جرعة من الضحك 00 أذهب اليه
وكنت حينما اشعر بارتفاع في الضغط فلا أتناول اسبريناً لسيولة الدم
بل ألتقيه
ومن ثم اعود لمنزلي تغمرني سعادة لامثيل لها
زرته في بيته بجزيرة الفيل وكان ذلك قبل وفاته بأشهر
ضحكنا
اعدنا الكثير من الذكريات
كان يزيد من غروري حينما يقول لي يا ابني !!!
سعيد انا بان ألتقيك هنا لتمتد العلاقة
التحية لك ولكل افراد أسرته
ولنا لقاء آخر لأسألك عن ابنه { عز الدين } وابنه محمد فقد انقطعت أخبارهم عني
| |
|
|
|
|
|
|
|
|
|
Re: ماعاوز اسمع واحد تاني يقول الخدمة المدنية سيئة في السودان 00 سامعين !!!!! (Re: عبد الحي علي موسى)
|
عبد الحي علي موسى
كيفك أخي عبد الحي 00 أخبارك شنو
| Quote: أدوات نصبك ناقصة لحية ولًا بقت ما مهمة |
والله فعلاً لم يكن لـ السيدة اللحية أي نصيب
يخيل لي عندها اسم تجاري ظهر مؤخراً { دعوني أعيش } !!!
المشكلة ما مشكلتي اناط
المشكلة مشكلة دكتور خالد ماعامل ليهو لحية
Quote: زمان كنت فاكر إني لمًا أمشي سنة تانية، وادونا مساطر ال(T SQUARE) فإن البنات سيتسابقن علينا لكن
(عليك أمان الله) ما جابت أي حاجة |
ياخي أحمد ربك 00 نحن قرينا في كلية لو ما اتوضيت ماتقدر تدخل فيها
والله أول مرة كنت افتكرها { كلية أصول الدين }
أدخل جوة وارجع اقرأ اللوحة
لحدت ما الجماعة سألوني يازول مالك
قلت ليهم يمكن أكون ضليت الطريقة وللا حاجة
قالوا لا 00 ادخل على بركة الله
قال T SQUARE قال !!!!
ولابت ماكانت معنا لحدت ماغادرناها
كلها { مذكر } ياكافي البلاء
وأخذنا عقابنا بما يكفي في الدنيا والآخرة
ياخي يوم زارونا بنات كلية الاقتصاد بجامعة الجزيرة
اي واحد { سلم } عليهن
تاني عشرة يوم ماغسل يديهو
وبرضو تقولوا لينا مساطر !!!!
Quote: نكتة عن فكي وموظف:
واحد قارئ عدادات في الكهرباء في المسلمية.
ما بقرأ أي عداد.
بس آخر الشهر إجيب ليه قراءات من راسو ويسلمها لرئيسه.
قاموا الجماعة كشفوه.
طقو شالوا من الشغل.
مشى لفكي.
الفكي قال ليه:
تقرأ ياسين 145 مرة.
رد عليه:
أنا لو بقرأ ياسين 145 مرة، كان قريت عدادات المسلمية. أوعى تقول لي قدييييمة |
طبعانكتة مبالغة لم اسمع بيها نهائياً
| |
|
|
|
|
|
|
|
|
|
Re: ماعاوز اسمع واحد تاني يقول الخدمة المدنية سيئة في السودان 00 سامعين !!!!! (Re: عبدالله احيمر)
|
Quote: قوم يا الفكي اتخارج وقال دي ما حقت الـــــكـــــلا ب
انما للمسئولين |
تشكر يا سمي أمتعتنا بهذه الكتابة الشيقة والظريفة وضحكنا بعد كدر وغم طال امده ...
نوريك حقة الكــــــــلاب وجربها ...... لو ... ما ... لقيت استاذ الرياضيات والكلــــــــب قدامك ...
حين هجوم مباغت من أي كلـــــــــب ليس عليك الا مسك رأسك بيدك ... والنظر ناحيته بكل شجاعة
فيظن ال###### انك بصدد قطع هذه الكتلة السوداء وضربه بها ... فيولي هاربا ... كما يجري وراء السيارات ظانا انها خائفة منه ...
جرب هذه النظرية وانساك من نظرية "الفي" V
| |
|
|
|
|
|
|
|
|
|
Re: ماعاوز اسمع واحد تاني يقول الخدمة المدنية سيئة في السودان 00 سامعين !!!!! (Re: توما)
|
توما إزيك
تعبيرك جميل جداً وتعليق رائع
وكمان صورة البروفايل معبرة جداً
إمامكم حاسد، ليه ما تما ليكم النصيحة و قال ليكم البكمل نص دينه بحصل ليهو شنو؟
والمشكلة فعلاً تلقى الإمام اول شي بنى البيت
وبعدين جا يكمل نصف دينه
بعضهم عندهم حسادة مميته جداً
يعني مرة يمكن ذكرت ليكم جانا واحد يلقي محاضرة
خت كل البنات الجميلات في الصف الأمامي
وخلى ليكم ناس حاجة فاطنة وحاجة زينب وحاجة ستنا وكل قبيلة المشلخات في الصفوف الخلفية
يعني ماخلى ليهو اي بلوزة حايمة في الصفوف الخلفية
اها وقعد يتكلم لينا عن النار والجنة
الناس دي كلها قعدت تبكي
بكرة زولك طوالي سمعناها عاوز يتزوج واحدة من البنات في الصف الأمامي
قال شنو قال 00 عجبو وقارها وحشمتها !!!
والمشكلة هي خطيبة صديقي
لكن ابوها زول الله ساي
يعني لو مشيتي قريتو ليهو طلع البدرو علينا بيبكي يومين
اها لمن سمعنا بالشمارات قلت لصديقي الحق يازول
والله العظيم بكرة تلقى زولتك في نص الجامع
والحمد لله الجماعة أدوا الشيخ كارت أحمر
من اليوم داك ياكافي البلا ء لاسمعنا ابوذر قال ولا ابن ماجة قال !!!!5-
| |
|
|
|
|
|
|
|
|
|
Re: ماعاوز اسمع واحد تاني يقول الخدمة المدنية سيئة في السودان 00 سامعين !!!!! (Re: othman mohmmadien)
|
أخي عثمان 00 شكراً على التعليق الظريف جداً
Quote: تشكر يا سمي أمتعتنا بهذه الكتابة الشيقة والظريفة وضحكنا بعد كدر وغم طال امده ...
نوريك حقة الكــــــــلاب وجربها ...... لو ... ما ... لقيت استاذ الرياضيات والكلــــــــب قدامك ...
حين هجوم مباغت من أي كلـــــــــب ليس عليك الا مسك رأسك بيدك ... والنظر ناحيته بكل شجاعة
فيظن ال###### انك بصدد قطع هذه الكتلة السوداء وضربه بها ... فيولي هاربا ... كما يجري وراء السيارات ظانا انها خائفة منه ...
جرب هذه النظرية وانساك من نظرية "الفي" V |
وصفة سحرية عجيبة
يعني كلما الواحد كان راسو كبير كلما أدخل الرعب في الكــــــلـــب
طبعاً بينك وبينك حينما أوصف لنا فكي أبكر {V} صراحة كنت ارفع أصبعي بكل شجاعة
وأعاين في الكـــــلـــــب بقوة شديدة
وكمان معاها { أخ } بضم الألف لزوم تخويف الكـــــلـــب
ولكن لاحياة لمن تنادي
انت عارف عندنا قريبنا بياكل كدايس الخلاء
يقول ليك والله لحمها أحسن من الدجاج المشوي
وكل يوم بيطلع الحواشات ومعاه عكازو وكــــلــبو
يوم طارد ليهو كديس يمكن وزنه أقل شيء 15 كيلو { يعني تيس الا شوية }
الكديس لقى ليهو ماسورة حواشات وتوووووووووووووووووش دخل فيها
طبعاً هو زول صعب جداً وكدايس الخلاء عارفاهو بياكلها عشان كده عاملة ليهو حساب
الكديس وهو مزرور جوة الماسورة شاف في واحدة من الفتحات ال###### ساديها
والفتحة التانية واقف فيها صاحبنا بعكازه
تصدق الكديس قرر يطلع بالفتحة الفيها الكـــــلــــب !!!!
وفعلاً عملها واتخارج
زولك زعل من الــكــــلــب وطاااااااااااااااااااااخ اداهو ليك عكاز مضبب
لحظات وذهب الــــكــــلب للدار الآخرة !!!!
| |
|
|
|
|
|
|
|
|
|
Re: ماعاوز اسمع واحد تاني يقول الخدمة المدنية سيئة في السودان 00 سامعين !!!!! (Re: بت قضيم)
|
أبو حرااااااااااز
كل ثانية وانت طيب ياخ
ليك وحشة والله
ياخي حرام عليك سمعت كلام الناس ديل وختمت القصة على شكل وردة
تداعياتك منننننقة والمقبلات أحيانا بتكون أحلى من الطبق الرئيسي
يا حليلك ياخي وحليل حلو الحكي
تعرف يا صاحبي في الحكي الحلو ويخليك تقهي وتتمنى الزول ما يسكت
البورد دا أدهشني بي أربعة
سعادتك وثلاثة دامات
شايننق ستار رضي الله عنها وأعادها سالمة غانمة ، وبت قضيم حفظها الله وأمد في بركتها، وشيري رد الله غيبتهاوفتح عليها أبواب الهترشة . دا مع الاحتفاظ للبقية بتفردهم كل في مجاله : سياسة ، وشعر ، وقصة ، ونقاش ، وونسة ، وشكل ، وعدم موضوع
تحياتي وأطيب أمنياتي
| |
|
|
|
|
|
|
|
|
|
Re: ماعاوز اسمع واحد تاني يقول الخدمة المدنية سيئة في السودان 00 سامعي (Re: MOHAMMED ELSHEIKH)
|
تحية أخي محمد الشيخ
بسيطة
المصريين يعملوها ليك بي 10 جنيه
وغرة الصلاة بي 5 بس
والله ظريفة غرة الصلاة دي بي خمسة جنيه
ياريت لو عرفنا الحقيقة دي من زمان
لأنو عندنا واحد كانوا عاوزين يعينوه إمام مسجد
اها كانت مشكلتو الفلقة دي
شايف الجماعة قالوا ليهو اعمل ليك بصل تووووووووم في الجبهة
وغطيهو بشاش رقيق
وفي الصباح تجد غرة الصلاة بكل ألقها وبهائها
زولك استمع للنصيحة
لكن بكرة لقى الغرة ممتدة بامتداد الجبهة
والله تاني اظن كلوركس ما يمسحها
| |
|
|
|
|
|
|
|
|
|
Re: ماعاوز اسمع واحد تاني يقول الخدمة المدنية سيئة في السودان 00 سامعي (Re: singawi)
|
والله زمن ياسنجاوي 00 مشتاقين بحرارة
أول شيء تأتيني رسائل باسم سنجاوي كلها أودية سحيقة في النار
ولابد أن ترسل الرسالة لكل معارفك حتى تنجو من العذاب
يعني رسائل والله لو ماكنت على وضوء ومغتسل ماتقدر تقراها
هل هي منك
أم ظهر سنجاوي ىخر بالخط
أبو حرااااااااااز
كل ثانية وانت طيب ياخ
ليك وحشة والله
ياخي حرام عليك سمعت كلام الناس ديل وختمت القصة على شكل وردة
تداعياتك منننننقة والمقبلات أحيانا بتكون أحلى من الطبق الرئيسي
يا حليلك ياخي وحليل حلو الحكي
تعرف يا صاحبي في الحكي الحلو ويخليك تقهي وتتمنى الزول ما يسكت
البورد دا أدهشني بي أربعة
سعادتك وثلاثة دامات
شايننق ستار رضي الله عنها وأعادها سالمة غانمة ، وبت قضيم حفظها الله وأمد في بركتها، وشيري رد الله غيبتهاوفتح عليها أبواب الهترشة . دا مع الاحتفاظ للبقية بتفردهم كل في مجاله : سياسة ، وشعر ، وقصة ، ونقاش ، وونسة ، وشكل ، وعدم موضوع
تحياتي وأطيب أمنياتي
شكراً ليك بان اضفتني الى هؤلاء الجميلين الوجيهين
حيث كان للبورد نكهته المتفردة
b
| |
|
|
|
|
|
|
|
|
|
Re: ماعاوز اسمع واحد تاني يقول الخدمة المدنية سيئة في السودان 00 سامعي (Re: بت قضيم)
|
ياسلام يا بت قضيم
لو كنت عارف إنو البوست سيأتي بك الى هنا
لكنت قد انزلته في فترة مبكرة جداً
Quote: سلام يا ابو حراز
بوست جميل
فكرني بالأيام الخوالي في سودانيز أون لاين
اسلوب مميز وسرد ممتع جداً
استمتعت جدا ًوأنا اقرأ سواء موضوعك أو حتى الردود
وزيك برضو، احبطت أن ولا واحد ما قال عايز يشوفنا، مع اني وجيهه يا هناي !!!
وبمناسبة قوة القلب
قالوا واحد عامل فيها شيخ كبير، حلف إلا يسكن في بيت مسكون الناس مابيه تسكن فيه، الناس حذرته قال لالالالالا ما في عوجة بتجيني انازول واصل تب مع الناس ديل
المهم
مشى أول يوم صلى العشاء وقعد يسبح
سبحان الله سبحان الله سبحان الله
فجأة جا نط قدامه فار وقعد يعاين فيه وزولك مواصل
سبحان الله سبحان الله سبحان الله
شوية ونطت كديسة بلعت الفار ووقفت قدامه وهو مواصل
سبحان الله سبحان الله سبحان الله
شوية نط كلــــب بلع الكديسة ووقف قدامه وزولنا مواصل
سبحان الله سبحان الله سبحان الله
شوية جااسد بلع الكلــــب ووقف قدامه وهو ولا عليه
سبحان الله سبحان الله سبحان الله
شوية جا فيل بلع الأسد ووقف قدامه وزولنا على حاله
سبحان الله سبحان الله سبحان الله
شوية وجاء الفار الاول داك زاااااتو وبلع الفيل
زولنا قلب
لا بالله لا بالله لا بالله
يخليك يا ابو حراز |
والله نكتة مبالغة أدهشتني
وينك انتي ولماذا هذا الغياب الطويل ؟
كم استمتعنا بمداخلاتك ومواضيعك الدسمة جداً
وياحسرتي على الذين لم يسألوا عنك
لو يعرفوا بت قضيم لأتوا اليها وهم حفاة
قال وجيهة قال !!!!
| |
|
|
|
|
|
|
|
|
|
Re: ماعاوز اسمع واحد تاني يقول الخدمة المدنية سيئة في السودان 00 سامعي (Re: ابوحراز)
|
جمعة مباركة
اصلو ما ممكن ياجماعة
الواحد يخلي البوست بتاعو في المنشية
يقوم يغيب ليهو يومين بسبب ظروف قاهرة جداً
يجي يلقاهو في دار السلام 00 ما ممكن البيحصل دا
طبعاً لا أخفيكم سراً كما ذكرت لكم أن صالحة لاتوجد بها مقابر
ولهذا فالوصية في الذمة
فقد أوصيت أهلي بانني بعد الموت وبعد خرف معمر ان شاء الله أوصيتهم بأن يتم دفني بالمنشية
فطالما أننا لم نستطع السكن مع هؤلاء المرطبين
فعلى الأقل أن نجاورهم في الدار الآخرة
| |
|
|
|
|
|
|
|
|
|
Re: ماعاوز اسمع واحد تاني يقول الخدمة المدنية سيئة في السودان 00 سامعي (Re: ابوحراز)
|
Quote: والله زمن ياسنجاوي 00 مشتاقين بحرارة
أول شيء تأتيني رسائل باسم سنجاوي كلها أودية سحيقة في النار
ولابد أن ترسل الرسالة لكل معارفك حتى تنجو من العذاب
يعني رسائل والله لو ماكنت على وضوء ومغتسل ماتقدر تقراها
هل هي منك
|
تسلم يا حبيب
الرسائل الزي دي غالباً لو وصلتني ما بفتحها
قد يكون مرسلها حسن النية ولكنه يرسل بلا هدى ولا كتاب منير
فمؤكد مامني
لو أمكن رسل أو أكتب هنا البريد الإلكتروني البتصلك منه الرسائل
ما يكون بريدي مسكون وبرسل رسائل ما عندي عنها فكرة
تحياتي وأطيب أمنياتي
| |
|
|
|
|
|
|
| |
ابوحراز
ياسر بيناوي
Tragie Mustafa
Ashraf el-Halabi
قرشـــو
أبوعبيدة محمد الأمين
الكيك
قلقو
SHIBKA
محمد عبدالرحمن
عزيز عيسى
مرتضى احمد عبد القادر
ابو جهينة
عاطف عمر
معتصم دفع الله
إدريس البدري
محمد علي شقدي
توما
معاوية المدير
عبد الحي علي موسى
othman mohmmadien
بت قضيم
MOHAMMED ELSHEIKH
فيس بوك
تويتر
انستقرام
يوتيوب
بنتيريست