|
|
|
 Re: اقالة وعزل والي البحر الاحمر .. ايلا !! (Re: بدر الدين اسحاق احمد)
|
الحبيب ود العبيد
لك خالص التحايا و الأشواق
الفكى الخترى بدر الدين إسحاق
أشواقنا مطر و بحار و محيطات
ياخوى دستور شنو ناس عمك نافع
كان دايرين يقلعوا و يقيلوا
الطاغية الفاسد ايلا ما بتأخذ منهم
رمشة عين ...
أنا أؤكد لك انو ايلا انتهى عهده ...
بطانة قمة فى الفساد ...
سمعة ذى الطين ...
الكل يدعو عليه ليل نهار ...
بعد ده كله البخلى الحكومة متمسكه
بيهو شنو ما عارف ... ( بالله كلموا
ناسكم يا بدر الدين انوايلا ده فضيحة
بجلاجل للمؤتمر الوطنى ) ...
إضافة للسرطان يقال إنو المرض داك
البيخوف و بيعمل سمعة ذى الزفت برضو ضاربه ...
إنتو يا ود اسحاق ما كان تخلوا الزول ده
يتعالج فى السودان بدل الفضايح المحمولة جوا
بالسعودية ... ( أين المستشفيات الحديثة التى
بناها بالبحر الأحمر حسب تصريحاته ) ...
قطر عجيب الليودى ما يجيب ...
Quote: وينو طارق احمد بابكر يدينـا
النجيضة من بيت الكلاوى
____________
لكن منو البيقيل الوالى ...
وفقاً للدستور الوالى لا يقال الا ان يستقيل ...
ود العبيد كيفنك يا زول |
| |
 
|
|
|
|
|
|
|
|
Re: اقالة وعزل والي البحر الاحمر .. ايلا !! (Re: خالد العبيد)
|
ايلا اصبح خارج الحسابات لسببين :
1 ـ دخوله في صراعات حادة مع بعض المتنفذين في الخرطوم، وتخريب هؤلاء لعلاقاته مع البشير، ووقوف الحكومة المركزية ضده بالتالي. والآن بدأت هذه المجموعات تنقب في الفساد الضخم الذي صاحب فترة ولاية الرجل (منذ اغسطس 2005)، وتؤلب المجموعات القبلية ضده، وتفتح الكثير من الملفات المسكوت عنها طوال السنين الماضية. باختصار الرجل الان يخوض صراعا داخليا من الواضح انه قد خسره (هذا اذا لم يحدث جديد)
2 ـ التقارير الواردة من مقر اقامته تفيد باصابته بمرض خبيث قد يبعده نهائياً عن ممارسة العمل العام، اوقد يضطره لمغادرة ولايته لفترات طويلة، وهناك مؤشرات علي ان الامور تتجه نحو البحث عن بدائل اذا استمر غياب الوالي لاكثر من اسابيع.
نتمني له عاجل الشفاء (هذا مع خلافي الحاد جدا معه ورائي بأنه واحد من عتاة طغاة الانقاذ ومفسديها)
| |
|
|
|
|
|
|
|
|
|
Re: اقالة وعزل والي البحر الاحمر .. ايلا !! (Re: صالح عمار)
|
الاخ بدرالدين
Quote: لكن منو البيقيل الوالى ...
وفقاً للدستور الوالى لا يقال الا ان يستقيل ... |
حسب الدستور الوالي حدو سنة واحدة، بعداك ممكن للمجلس الولائي يقيلوا زي الما حصل حاجة
واعضاء المجلس الولائي (المخجوجين) بالطبع سيطيعوا اوامر من (خج) لهم الصناديق
ليس ايلا لوحدة، بعد السنة الاولى في ناس كتيرة ممكن تطير من الولايات
| |
|
|
|
|
|
|
|
|
|
Re: اقالة وعزل والي البحر الاحمر .. ايلا !! (Re: خالد العبيد)
|
استاذ خالد سلام عليكم
عندما رايت الايادى والكفوف وتدعى الله ينكبك ويقهرك عرفت تماما ان مصيبة كبيرة ستلحق به
ياريت الحكام يتقوا الله فى حق المساكين وجدت معاشين اخرجو من البيوت الحكومية وبانذار اخلاء دون ان يستردوا حقوقهم
الكل يبكى اطفال ونساء ويدعى . وان دعوة المظلوم ليس بينها وبين الله حجاب
| |
|
|
|
|
|
|
|
|
|
Re: اقالة وعزل والي البحر الاحمر .. ايلا !! (Re: خالد العبيد)
|
الحبيب خالد العبيد
سلام
يا خالد أنا داير لى واسطه قوية و كاربة مع سيد الحوش بكرى
و حاليا أنا بفكر إتصل بالفكى الخترى ود إسحاق يكتب لى بكرى
فى ضنب ضب جبلى عشان تانى ما يشوف بوستاتى و يركبها التونسية
عليكم الله خلوا بكرى يرجع بوستاتى ... قالوا ناس ايلا ضربوا الجرسه
و دخلوا العالم كله واسطات عشان يحذفوا البوستات و خلوها مستوره ...
| |
|
|
|
|
|
|
|
|
|
Re: اقالة وعزل والي البحر الاحمر .. ايلا !! (Re: خالد العبيد)
|
Quote: سلام يا احمد
هل يمكن شرح وتوضيح ما اورده فكي اسحق
قانونيا ان كنت ملما بذلك
ولك احترامي |
ملماً أخوي خالد
القصة ببساطة الدستور مابدي الرئيس يشيل الوالي
يقدر يشيل حسه بس .. :)
أها الوالي يقعد سنة كدة
وبعدها لو المجلس سحب منه الثقة بنزل
وينزل تاني إنتخابات
أها لو (خج) ورجع ... المجلس بنحل وتتعمل إنتخابات تاني
غايتو دستور غريب ...!!!
| |
|
|
|
|
|
| |
خالد العبيد
بدر الدين اسحاق احمد
Ahmed musa
طارق أحمد أبوبكر
هشام كمال عبادي
أحمد ابن عوف
AMNA MUKHTAR
انتصار محمد صالخ بشير
ادم شحوتاي
فيس بوك
تويتر
انستقرام
يوتيوب
بنتيريست