|
|
|
 Re: حتى لو كره الباشمهندس ومنبره البرشلوني .. (Re: طلحة عبدالله)
|
وبالمناسبة ذهاب واياب دوري أبطال اوربا يوم 27 أبريل و3 مايو برضو
ح نعمل ليكم موية ضهر ونطقطقكم والشمس حية ..
قال بارسا قال
اها حجبات ميسي دا كشفناها وأبطلنا مفعولا تاني إلا تغلبونا غلاط ساي
والفكي بتاعنا حرم ياكل الكباية ويخلي الشاي واقف في الهواء براهو
الله ورقبتو ..
يتبع ....
| |
 
|
|
|
|
|
|
|
|
Re: حتى لو كره الباشمهندس ومنبره البرشلوني .. (Re: طلحة عبدالله)
|
طبعا فوز الر يال بالكأس دي منح الملك مورينيو لقب أول مدرب يفوز بلقب الكأس
مع أربعة فرق من بلدان مختلفة كما فعل مع بورتو البرتغالي سنة 2003 ومع تشلسي الانجليزي
سنة 2007 ومع الإنتر الإيطالي سنة 2010 وأمس مع الر يال
والحال هكذا فأكيد أكيد الزول الإسمو مورينيو دا مخطط انو يكون أول مدرب في التاريخ يفوز
بلقب دوري أبطال أوربا مع ثلاتة أندية من دول مختلفة بعدما حقق اللقب أول مرة مع بورتو البرتغالي
سنة 2004 وتاني مع إنتر ميلان الإيطالي سنة 2010 برضو .
عشان كدا يا باشمهندس وكل البرشلوناب تعالوا يوم 27 مردفين ساي لأنو جالدنكم جالدنكم ..
يتبع ..
| |
|
|
|
|
|
|
|
|
 Re: حتى لو كره الباشمهندس ومنبره البرشلوني .. (Re: طلحة عبدالله)
|
يا طلحة
برشلونة يتعادل مع الريـال مرة ما مشكلة...يتغلب مرة ما فرقت
لكن يتغلب ليكم المرات الجاية دي صعبة
ابيدال وغيابه والدفاع فيه اشكال صغير
امس برشلونة لعب كورة محترمة جدا
انا قوارديولا قاعد اقول انه عنصري وهو عنصري مما فك ايتو ويايا توريه انا مكجنه
لكن المباريات الجاية حقت برشلونة
بالمناسبة اصلا الكتلونيين من بدري بقولوا انو كاس المكل ده ما بنعترف بيه..لكن بنحب نشيله
_
الليقا كيف؟؟
| |
|
|
|
|
|
|
|
|
|
Re: حتى لو كره الباشمهندس ومنبره البرشلوني .. (Re: GamarBoBa)
|
| Quote: ومع الفريق الملكي مش ح تقدر تغمض عينيك |
والله ياطلحة الليلة نظرت في سقطي
انا كنت مفتكرك من الناس البيعرفوا كورة صاح الصاح
لكن للاسف طلعت زيك وزي حبيب نورة
ياخي ستين الف مرة قلنا ليكم الريال دا مريخ اسبانيا
( صابر ديمة ) كل سنة يلم النجوم وما يقدر يعمل حاجة
هسه عليك الله قون رونالدو دا مازكرك ساكواها
عموما هنيئا لكم الفوز الذي يأتي كل سبعة سنوات
وغااااااااااااااااااااااااااااااااغ بالاسبانية
خالص الود
| |
|
|
|
|
|
|
|
|
Re: حتى لو كره الباشمهندس ومنبره البرشلوني .. (Re: طلحة عبدالله)
|
يا حبيبنا بطل مكاجرة والحق نفسك من بدري
الجماعة ديل ماتشوفم كدي ما بيقدموهو والله
بعد 10 بس تلقاهم رجعوا لي نغمة نهواه في كل الظروف
وعاين كلام قمر بوبا دا ما تديهو الواطا
Quote: بالمناسبة اصلا الكتلونيين من بدري بقولوا انو كاس المكل ده ما بنعترف بيه..لكن بنحب نشيله
|
يعني الكاس الشالوهو دا
زي كاس السودان ههههههههههههههه
خالص الود
| |
|
|
|
|
|
|
|
|
|
Re: حتى لو كره الباشمهندس ومنبره البرشلوني .. (Re: طلحة عبدالله)
|
طارق جبريل...طلحة شابكنا فريق اللاعب الواحد وهم كريستانيو ودي ماريا واوزيل بس...باقي الريـال فكة ساي
ياخي ميسي عنده ميزة غير لعبه السمح والانجاز لازم يوتر الخصم..بعد داك شوف انيستا شافي بيدرو
فيا امس كان برة الفورمة تماما...من بدري لو كان طلع فيا وختا اي زول بدله كان انجز..ما كان يومه
| |
|
|
|
|
|
|
|
|
|
Re: حتى لو كره الباشمهندس ومنبره البرشلوني .. (Re: GamarBoBa)
|
يا بوبا Quote:
طلحة شابكنا فريق اللاعب الواحد وهم كريستانيو ودي ماريا واوزيل بس...باقي الريـال فكة ساي
|
الظاهر عليك وبي كلامك دا صحيت عمالقة عشاق الفريق الملكي ..
هاك دا رد من الحبيب عبد اللطيف بكري أحمد :
Quote: رغم التوقف عن المشاركة بالكتابة إلا أنني أتابعك قراءةً ولك الشكر على
بوست الريال
عليك الله ترد علي قمربوبا البقول الريال فريق اللاعب الواحد ووقول ليهو
هاك دي تشكيلة تاني لريال مدريد جيب لينا تشكيلة تانية لبرشلونة:-
دوديك
اربلوا ء-- غاراي ء--- البيول --- راموس
كاكا - لاس غرانيرو
هيجوايين -- كناليس
بنزيما
--
لو محتج علي ظهور راموس ممكن يرجع لاس في مكانه ويدخل أي من
اللاعبين بيدرو ليون ، او غاغو
الريال الان بفضل اصرار اللمدرب علي تعاقدات الشتاء ممكن يلعب
مبارايتين في وقت واحد
اما البارشا واله لوغاب ميسي بقية مبارياتهم يخسروها جميعها
سلام ياحبيب وممكن تززززيييع |
يا اخوانا ما تكابروا ساي .. 
| |
|
|
|
|
|
|
|
|
|
Re: حتى لو كره الباشمهندس ومنبره البرشلوني .. (Re: طارق جبريل)
|
Quote: دة انفصام عديل كدة
مفروض مع الريال دة يكون بيشجع الهلال |
والله الانفصام تراهو البسوي فيهو انت دا يا ود جبرين
هسع عليك الله قون امبارح دا ما زكرك قون سكواها الماسورة
وفرحة الريالاب بكاس السودان اقصد كاس الملك ما زكرتك فرحكم لمن تشيلوا كاس السودان
والله امبارح جاني احساس انو رئيس الريال حيفكر ينظم سيكافا بتاعة جنوب غرب ووسط اوربا
ياخ اقول ليك حاجة
غااااااااااااااااااااااااااغ بالاسباني
خالص الود
| |
|
|
|
|
|
|
|
|
|
Re: حتى لو كره الباشمهندس ومنبره البرشلوني .. (Re: طلحة عبدالله)
|
ياخي ما تقوم تلف كدي ولاّ كدي
علي اليمين امس في لقطة كدا في الشوط التاني حارس برشلونة مرق لي كورة قصيرة و رجعها بكل استهتار للمدافع وداك بنفس الطريقة و مهاجمينك دي يتراوشوا وعملو فاول حسيت زي كانو تريعة البجا لاعبة مع الهلال تقول لي ريـال و عشرة بقرش
قوم لف بلا ياخد تنظيرك الما منو نكهة دا
| |
|
|
|
|
|
|
|
|
|
Re: حتى لو كره الباشمهندس ومنبره البرشلوني .. (Re: طلحة عبدالله)
|
يا فاضلابي
ما عليك من جرجير دا فهو زول جرجير ساي كما انه جرجير ..
البارسا في الشوط الثاني زي البارسا في الشوط الاول ويوم 27 أبريل و3 مايو الجايات
لاعبم الواحد دا الجماعة يكتفوهوا وباقي الفريق يقعد كنب ..
البارسا حضارة سادت ثم بادت ..
البارسا ببح يا حبيب .
| |
|
|
|
|
|
|
|
|
|
Re: حتى لو كره الباشمهندس ومنبره البرشلوني .. (Re: طلحة عبدالله)
|
Quote: كلما تكتب الر يال تنكمش تبقي زي كيس النايلون الهبشتو نار ..
دا شنو يا باشهمندس ياخ .. |
تصدق يا طلحة أمس كنت عايز أفتح بوست بخصوص كششان الريال دا!
على ما أظن المشكلة ما سستم بكري
لأنو عندي في الشغل على ويندوز اكس بي ما في مشكلة وفي البيت على ويندوز 7 بتظهر المشكلة دي
يعني ما عند كل الناس
إنتا شغال على ياتو ويندوز؟
يا معاوية ألحقنا
| |
|
|
|
|
|
|
|
|
|
Re: حتى لو كره الباشمهندس ومنبره البرشلوني .. (Re: أمين محمد سليمان)
|
هلا والله بالبروفسور أمين
وصدقني كانت رأسية رونالدو في نهائي كأس الملك بداية النهاية لعهد الهيمنة الكاتلونية غير المستحقة
في الفترة السابقة .
إنكشف المستور وعرف الريالاب من أن أين تؤكل كتف البارسا فريق اللاعب الواحد ..
بعد ذلك لن يتعب مدرب الفريق الملكي نفسه كثيرا في وضع الخطط التى يواجه بها هذا الفريق..
كل ما عليه هو إصدار توجيهاته بوضع العفريت المدعو ميسي تحت الرقابة اللصيقة وإنتهي الفلم .
| |
|
|
|
|
|
|
| |
طلحة عبدالله
ياسر بيناوي
طارق جبريل
محمد البشرى الخضر
عبدالعزيز الفاضلابى
أمين محمد سليمان
فيس بوك
تويتر
انستقرام
يوتيوب
بنتيريست