|
|
 بت بطعم الشطه والليمون
|
في ثقافتنا المحليه
وتربيتنا المحافظه عيب البت تطرح مشاعرها للولد
يعني هي لازم تكون مستقبله جيده لمن واحد يطرح ليها مشروع عاطفي تسبل عويناتها وتقول ليهو افكر (حتي لو ميته في دباديبه ) لزوم التقله والرزانه والذي منه .
|
|
 
|
|
|
|
|
|
|
 Re: بت بطعم الشطه والليمون (Re: محمد الامين محمد)
|
تاكيت الباب واستنيتك
صيفين وشتا ورشة مطرة
ماحسك كان صاحى بى خير
والوانك واضحة ومختصرة
وكتين ماجيت
ضايرت الخوف،حزمت التوب
وصيت الغيمة تلاوح البيت
وما تسد الباب..جايين راجعين
متيمنة بيك..وشاردة معاك
حافتش ليك..برات الضل
...جوات الدم
مابين النار وصراخ جمرة
حاجيك..حاجيك
وبراى
هل كنت براى قايل؟
صورتك جواى
والفكرة الخاصة المجنونة
ونستنا فىآخر الليل
والليل
ومشيت عديت كم ساحة
حالقاك
سجمانة..ورازة ونطاحة
متعكننة
بشتنته الساعات
ودقائق الروح المتراوحات
والزمن الما بيكون منحاز
ويلمنى بيك رحيتو دقيق
نسوان السوق عاسنو فطير
ميتان حيلو
ما زمنك مابقبل غيرو
ولا غيرك غير
سكران بالهم..ما وعيتك
معطون جرحك متسربل دم..؟
ما داويتك
غبيت اجترته
ومرق الصبر الشايل حوليك
مال بالحيل
ضللت عليك بى قولة الحق
ما عارف انى معاك بسواك
لكن وحدك متغابى وطيب
وغايظنى
عدى كم حول مستنى اقول
يا اخى احبك
واتامر ضدك
انا ...و...الشوق
تسريحة بت الجيران
وغنا الصبيان ساعة المطرة
وريتم اسمك فى الشجرة
بى خط فرحان منحوت اسمك
قوسينو ...فلان
حاتكسر الليل ولا افوتك
الشوق والبيت
تاكيت الباب ..واستنيتك
صيفين وشتا واول مطرة
ذاعت اخبارك فى دمى
وانحسرت تواً لفحة حر
كبرت فجاة ضلالة البيت
يا هل طليت
يا هل
طليت
يا هل
طليت
تاكيت الباب-نجلاء عثمان التوم
| |
|
|
|
|
|
|
|
|
|
Re: بت بطعم الشطه والليمون (Re: Amira Elsheikh)
|
نجلاء التوم تلك الانثي التي بطعم الشطه ( الدليخ) حراقه ووجواجه
في زيها كم وكم ديل استثناء يابت الشيخ
اما الاخريات ياكلنه في حنانن ويموتن حسره .
التحيه لنجلاء التوم
Quote: ضللت عليك بى قولة الحق
ما عارف انى معاك بسواك
لكن وحدك متغابى وطيب
وغايظنى |
ــــــــــ
اظهري يالاميره وليك الامان
| |
|
|
|
|
|
|
|
|
|
Re: بت بطعم الشطه والليمون (Re: نجلاء قرافي)
|
| Quote: المقطع لي روضه الحاج |
هههههههههههههههههه يا نجلا تزوغى !!!
ما قلتى نوبة ؟
ـــــــــــ
والمابياكل الشطة والليمون ؟؟
مره ياخ بتك دى ..
مافى واحده بطعم الشوكولااا ؟
مش ممكن اى زول يختار الطعم العايزو .
عموما كدا الشفقة ما حلوة يا نجلوية
الاولاد يطيروا ..
| |
|
|
|
|
|
|
|
|
Re: بت بطعم الشطه والليمون (Re: دينا خالد)
|
المحيرني شديد وللان مالاقيه ليهو اجابه
وقت الود يطرح للبت مشروع عاطفي
تقول ليهو افكر
والله ماعارفه حتفكر في شنو؟
حتفكر تحبه
حتفكر ترتبط بيهو
حتفكر ترد عليهو كيف
والتلاته احتمالات خايبه ومردوده
| |
|
|
|
|
|
|
|
|
|
Re: بت بطعم الشطه والليمون (Re: نجلاء قرافي)
|
بتي مامره يادينا ياختي
بتي كسرت الرتابه
كتير البنات بطعم الشيكولاته وده الدارج
يعني شنو لو اعجبتي بي ولد وطرحتي ليهو مشروع عاطفي
افرض رفضك
ايوه هي محرجه
بس نحن برضو كـــ( بنات) قاعدين نعملها
| |
|
|
|
|
|
|
|
|
|
Re: بت بطعم الشطه والليمون (Re: نجلاء قرافي)
|
Quote: أنا أرفض الحب المخبأ في بطاقات البريد
اني أحبك في بدايات السنة
وأنا أحبك في نهايات السنة
وأنا أحبك كل أيام السنين
فالحب أرحب من جميع الأمكنة
والحب أكبر من جميع الأزمنة
ولذا أفضل أن نقول لبعضنا
حب سعيد
حب يثور على الطقوس المسرحية في الكلام
حب يثور على الأصول
على الجذور ..
على النظام ..
حب يغير كل شيء في قوانين الغرام . |
اهو دي سعاد الصباح
عبرت عن حبها بمنتهي الوضوح
فما بالكن ياخياتي
تضربن بخموركن علي افواهكن .
| |
|
|
|
|
|
|
|
|
|
Re: بت بطعم الشطه والليمون (Re: نجلاء قرافي)
|
Quote: يعني شنو لو اعجبتي بي ولد وطرحتي ليهو مشروع عاطفي
افرض رفضك
ايوه هي محرجه
بس نحن برضو كـــ( بنات) قاعدين نعملها |
ها زولة ها انتى الخفة ليك شنو وطرح المشروع العاطفى قبل التأكد تماما من المشاعر المتبادلة بينكم ليه؟؟.
ليس على المحبين حرج يا نجلاء وما كلو كتيل عيون معناها حب.
خلينى من روضة الحاج مع احترامى لشعرها بس امسكى بسوات العاصفة فى ساق الشتيل النى وحبك وقت حسيتو شفتة الدنيا دارت بى،يعنى الحب الزمان البسوى الدوشة ودوران الارض دا ماداير ليهو كلام بالخشم يابت أمى.
تسلمى يانجولة وقاعدين فى العريشة حقتك دى وفى البمبر الطويل حق حبوبة.
| |
|
|
|
|
|
|
|
|
|
Re: بت بطعم الشطه والليمون (Re: Nagat Sid Ahmed Elshiekh)
|
ماهو احساس بيغمرك ياتوته واي حركه من الطرف التاني بتتوهمي انها بتعنيك
بالذات لو الطرف التاني زول في محيطك .
في ذمتك هو الحب بيعمل كده دوشه ودوران راس لووووول
اعتقد انه الاعراض دي بتحصل وقت يحصل البوح بين الاتنين موش قبل يادايشه انتي ... اسعلي مجرب لووول .
ياباغة العسل العريشه عريشتك نسوي القهوه ونجي بي مزاج
| |
|
|
|
|
|
|
| |
نجلاء قرافي
محمد الامين محمد
دينا خالد
Nagat Sid Ahmed Elshiekh
فيس بوك
تويتر
انستقرام
يوتيوب
بنتيريست