|
|
 هذه قصة شيخ العرب مع المهندس الذي لا يعرف يخطط ل....
|
قيل ان مهندسا جاء ليخطط مدينة رفاعة وفي ذات مساء ذهب المهندس ل ي ت ب ول معطيا وجهه اتجاه الريح مما صعب المهمة فلمحه شيخ العرب وسأل منه وقيل انه المهندس الذي جاء يخطط المدينة وعندما جاء الصباح الي شيخ العرب قال له ناصحا يا ولدي انت ما عرفت تخطط ل ب و ل ك ما ممكن تخطط مدينتنا
هذه القصة مهداة الي انصاف الموهوبين في كل شي ويدعون الفهم
كدا نحصر المدعون الفهم والعرفة في كل شي من السياسة الي العواسة
|
|
 
|
|
|
|
|
|
|
|
Re: هذه قصة شيخ العرب مع المهندس الذي لا يعرف يخطط ل.... (Re: ابراهيم سائحون)
|
يحكي ايضا .. ان مهندسين من مياة المدن كان يبحثون عن ( ماسوره مكسوره ) في الخلاء وما عرفو مكانها وين
مر بيهم رعي وسألهم بفتشوا لشنو ؟ واحد منهم رد عليهو بصلف ياخي انت مالك كمان ؟
زميلهو قال ليهو نوريهو نحن بنفتش لشنو الجماعه ديل عندهم معرفه وخبره برضو
قال ليهو نحن بنفتش علي ماسوره مكسوره وما عرفنا محل الكسر وين بالضبط
الراعي عاين كده للمحل من حولو .. وقال ليهم انا شايف في كمية شجر اكتر من الحتات التانيه
وفي شجره خضراء اكتر من اخواتها .. يعني بتشرب اكتر منهن .. معناها الماسوره دي مكسوره تحتها
وفعلا لقوا الماسوره تحت الشجره
..............
الروايه اعلاه حكاها لي احدهم ولا اعرف صحتها من عدمو
سلام صاحب البوست
| |
|
|
|
|
|
|
|
|
|
Re: هذه قصة شيخ العرب مع المهندس الذي لا يعرف يخطط ل.... (Re: نوفل عبد الرحيم حسن)
|
Quote: قيل ان مهندسا جاء ليخطط مدينة رفاعة وفي ذات مساء ذهب المهندس ل ي ت ب ول معطيا وجهه اتجاه الريح مما صعب المهمة فلمحه شيخ العرب وسأل منه وقيل انه المهندس الذي جاء يخطط المدينة وعندما جاء الصباح الي شيخ العرب قال له ناصحا يا ولدي انت ما عرفت تخطط ل ب و ل ك ما ممكن تخطط مدينتنا
|
هلا يا باابراهيم ونوفل وتحياتي...
وحكمة شيخ العرب في الموروث الشعبي فووق راسنا وما (بناباها)
ولكن الحكاية دي فيها نقة ياريت ننقها مع بعض,, وهي مربوطة بمعرفة مقدرات وكفاة المهندس تحديدا..
وطبعا ما في قياس لمهندس بالية(يبول) كويس عشان يبقي مهندس كويس..
وما كل مهندس عشان نحدد مقدراته الهندسية نديهو ابريق ونقول ليهو امشي كدي هناااك وكدي (بوووول)
وبعدين نشوف اتجاه الريح وسرعتها واتجاه البول وسرعته وموضع المهندس من الحدث ده كلو ..
والهندسة علم دقيق ومنظم وجادي ومنضبط في كل جزئياته وهنالك العديد من الضوابط والاحكام التي تضبط المهندس في هندسته دي
وتضبط عمله الهندسي او المشروع الذي ينجز فيه..
--
وطبعا النقة الفووق دي بقولها وانا متفهم لوعي شيخ العرب عليه التقدير وادوات قياسه
وتحياتي
| |
|
|
|
|
|
|
|
|
Re: هذه قصة شيخ العرب مع المهندس الذي لا يعرف يخطط ل.... (Re: عبدالكريم الامين احمد)
|
هلا كيكي
الفهمتو من مضمون البوست انه بتحدث عن المدعين بصورة عامه واتخذ المثال اعلاه كمدخل
الهندسه كمهنه وحرفه وفن و.... الخ .. مافي كلام زي ما انا وانت والكل عارف
لكن برضو بتحصل الشطحات ... زي ما بحصل في اي مهنة اخري
شكلك طولت من الخرطوم ,,, تعال شوف العك واللت الحاصل بعض المرافق الهامه
دي برضو نفذوها مهندسين ... ما نفذوها ناس طارق جبريل لما كانوا طلب زمان
| |
|
|
|
|
|
|
|
|
|
Re: هذه قصة شيخ العرب مع المهندس الذي لا يعرف يخطط ل.... (Re: طارق جبريل)
|
قيل ان الحمار مهندس طرق ممتاز، خصوصا في المناطق الجبلية الوعرة، لأنه وبالفطرة يختار اسهل الطرق واقصرها، وفي مرة اوفد مهندس إلى إحدى تلك المناطق الوعرة ليقوم برسم مسار طريق، وانفق المهندس وقتا طويلا وجهدا جهيدا في التخطيط بينما كان شيخ القرية يراقبه عن كثب وبكثير من الفضول، واخيرا نفد صبر الشيخ فتقدم نحو المهندس وسأله ماذا يفعل؟ شرح له المهندس طبيعة عمله، فقال له الشيخ أن هذا أمر سهل وانهم لو كانوا في مكان المهندس لجلبوا حمارا وتركوه يصعد الجبل، فسأله المهندس:
- ماذا لو لم نجد الحمار المناسب ؟
رد شيخ القرية فورا:
- حينها نأتي بمهندس.
| |
|
|
|
|
|
|
|
|
|
Re: هذه قصة شيخ العرب مع المهندس الذي لا يعرف يخطط ل.... (Re: Barakat Alsharif)
|
بركات
هلا بيك
.......
يحكي ان اهل قرية جاء اليها السيل ومسح معالمها ولم يترك فيها اثر لشي وكان الشيخ يضع الذرة في(المطمورة )- لمن لا يعرفون المطمورة نحتاج الي كلام تاني - المهم الشيخ عجز من العثور علي مطمورة عيشه فجاء بالحمار الذي نقل العيش من مكان الزراعة وحملو فوقه عبوة جديدة واتجه صوب القرية الممسوحة فما من الحمار والا وقوفه في نقطة اكتشفت بعد الحفر انها المطمورة
.........
شفت كيف الحاجات دي تحتاج الي دراية
| |
|
|
|
|
|
|
|
|
|
Re: هذه قصة شيخ العرب مع المهندس الذي لا يعرف يخطط ل.... (Re: عبدالكريم الامين احمد)
|
سلام
عبد الكريم
طبعا قياس اجادة الهندسة ليس من بينها البول عكس الريح لكن الحكمة الشعبية هنا تعني العين البصيرة والمطلوب من المهندس الشاب الذي قدم من الخرتوم الي الي شيخ العرب ليخطط له المدينة كان الاحري به ان يتعلم ثقافة الناس حتي في السلوك وغيره دي بتذكرني طلاب الجامعة الرحلوهم بالليل من جامعتهم لان الاولاد والبنات بمشو سوا في نص الحلة وهاك يا شيوخ عرب
| |
|
|
|
|
|
|
| |
ابراهيم سائحون
نوفل عبد الرحيم حسن
عبدالكريم الامين احمد
طارق جبريل
فيس بوك
تويتر
انستقرام
يوتيوب
بنتيريست