|
|
|
 Re: سمك البخار خريف ابو السعن _ صور هبطرش (Re: معاوية المدير)
|
Quote: كدي الحقنا بخريف ابو السعن بسرآعك.
|
ود المدير
تحياتي واشتياقي
.
.
خريف ابو السعن البعرفو بقول الكع مو اسرع
.
اول حاجة بتعرف ابو السعن خلي خريفو
غايتو تاوق من بعيد لبعيد وعليك الاجتهاد الشديد عشان تعرف ابو السعن وخريفو
.
.
الشئ دا قالوا في بلدكن ديييييييييك
الله استر ما تجيبوهو لينا ساردين تكايتونا بيهو
| |
 
|
|
|
|
|
|
|
|
Re: سمك البخار خريف ابو السعن _ صور هبطرش (Re: عبدالله ود البوش)
|
ابو السعن دا يا ود المدير طاير عولاق كدي بنشوفو نصت نهار حايم ساهيييييي في الترع
اها كان شاف ليهو سمكة ميتة ليعندها كففففففف جو الجك بسم الله جوة السعن ،، السعن عشان
عندو خزان في حلقو زي السعن بملاهو بالسمك الميت سرعة سرعة ولبعدين براحتو بهضم
اها نحن بنضرب بيهو المثل عند وجود الحاجات الكتيرة
وفي حالة الصور اعلاه والله ابو السعن ذاتو تجيهو نفسيات اشيل شنو واخلي شنو
من سمك البخار دا
والبخار يا المدير هو رش المبيد بواسطة الطيران على الترع وتموت الاسماك
الكلام الكتير دا حرق روحي لكن عشانك يا ود المدير نتحمل حريق الروح
| |
|
|
|
|
|
|
|
|
 Re: سمك البخار خريف ابو السعن _ صور هبطرش (Re: طارق ميرغني)
|
عبد الله ود البوش
سلام آآآزوول كيفنكم
آآجنا خد الجنيات هوللينك دول و تررر لا غادىىى ...
ده ما هو سمك البخار البتعرفوهه هيل أبو سعن ...
ده سمك الإشعاع هيل ناس اليابان ابان عيون شخييط و كرعين مساويك ...
يااك و تكابس فى الشى ده ... حرررررررررررررم يخلى جلودكم قرض ...
سمع ؟؟ !!
و قع لكم الكلام بالحيل يا جنيات ؟؟
ش
| |
|
|
|
|
|
|
|
 Re: سمك البخار خريف ابو السعن _ صور هبطرش (Re: مهدى الصادق السيد)
|
Quote:
ابو السعن دا يا ود المدير طاير عولاق كدي بنشوفو نصت نهار حايم ساهيييييي في الترع
اها كان شاف ليهو سمكة ميتة ليعندها كففففففف جو الجك بسم الله جوة السعن ،، السعن عشان
عندو خزان في حلقو زي السعن بملاهو بالسمك الميت سرعة سرعة ولبعدين براحتو بهضم
اها نحن بنضرب بيهو المثل عند وجود الحاجات الكتيرة
وفي حالة الصور اعلاه والله ابو السعن ذاتو تجيهو نفسيات اشيل شنو واخلي شنو
من سمك البخار دا
والبخار يا المدير هو رش المبيد بواسطة الطيران على الترع وتموت الاسماك
الكلام الكتير دا حرق روحي لكن عشانك يا ود المدير نتحمل حريق الروح |
كتّر خيرك يا ود البوش، وحرآق الروح إن شاء الله يصيب عدوك.
يا قولك ابو السعن ده بالحيل عولآق، لكن كمان يا قول
اخونا طه صديق للبيئة.
المرا شافت راجلآ يسبسب ويتمسح ومارق. قالتلوا يا راجل
بتتجيه لنسوان الشارع مالك وقد ابدلك الله حلآل طيّب ؟
قال لها: حلآل نعم، اما طيّب فلآ ...
| |
|
|
|
|
|
|
|
|
|
Re: سمك البخار خريف ابو السعن _ صور هبطرش (Re: معاوية المدير)
|
البزار دا مكانو وين ؟ Quote: الناس تنوم ملء الجفون
تدشي صير
تتعشي بلطي
القراقير تبقي شوربة
والسمايات بالعجل
حق الطهور ببقي البياض
هامور مدنكل في الغداء
والبوش نفارقو نودعو
طعمية يا كلك هلاك
طعمية جبتلينا الأذي
ويبقي السمك
في كل بيت
زنقة زنقة وكل دار
لا قراريص
لا عصايد
لا دخن |
فوق لعناية حسبو وخضر حسين
| |
|
|
|
|
|
|
|
|
|
Re: سمك البخار خريف ابو السعن _ صور هبطرش (Re: مرتضى احمد عبد القادر)
|
مرتضى حبابك معانا في قعدتنا فوق ضهر الكنار دا
ومغبونين على البزار الحاصل فوق ضهر البحور البعيدة
.
.
وشكرا لدعوتك للاخوة حسبو وخضر حسين والكنار كناركن والدفيس دفيس الكل
.
.
جيب ناسك وتعال والدقة تبقبق والعطرابة قايمةهيييييييغ
لكن انسعلك يا ود اخوي
نضمينا دا بتعرفوا سمح ولا بتلشخو شلخ ساهييييييي
مرا تلشخوا ومرات تجيبو ملااااااااان
.
.
تحياتي وتقديري يا ولدنا
| |
|
|
|
|
|
|
|
|
|
Re: سمك البخار خريف ابو السعن _ صور هبطرش (Re: شكرى سليمان ماطوس)
|
ماطوووووووووووس يا لذيذ يا رايق
Quote: ده سمك الإشعاع هيل ناس اليابان ابان عيون شخييط و كرعين مساويك ...
|
عرفتو كيفن يا شويطين
كلامك صحي قالوا ليك دا خفس عليهو اللسمو تسو نامي من اليابان غتس حجر السمك في كلوفورنيا
رقدوا دفيس
.
.
شكري والله مشتاقين
ياخي ات عندك غتسات عجيبة خلاس
| |
|
|
|
|
|
|
|
|
|
Re: سمك البخار خريف ابو السعن _ صور هبطرش (Re: طارق ميرغني)
|
استاذنا طارق مرغني
.
.
باسطة مباشر ولا سمك تمبس
.
.
حرم يا طارق باسطتك البسطتت الناس دي كلها فيها سر عجيب
الحفلة كلها تاكل وتقش في خشما والباسطة ماااااااااشا
باسطة فكي اخير من سمك زول ساهي
.
.
.
دا كلام زعل يا تمبس
نمرق من الحفلة بدون شوربة سمك سحرية يا سحاحير
هو انا المحرب بخليني ماسكني ونسة
ونس
ونس
وفي اللاخر ما لقينا الا سلطة اللسود
البركة في باسطة طارق المبروكة
| |
|
|
|
|
|
|
|
|
|
Re: سمك البخار خريف ابو السعن _ صور هبطرش (Re: طه إبراهيم عبد الله)
|
ات يا طه اظنك ود راحات
يا زول بسعولني انا من التمك يا طه
وانا زول الجناين والطماطم
.
.
ات كان نجيض اعرف الحمت رمت
الحمت رمت
دي الا اعرفا الشيطان داك موسى الراجل
وين يا فطيسة غاتس وين يا موسى وما جيت لمة الرياض مالك
اظنو شكلك مو حلو داير تكون مذيع بس التلفزيون ما حلو معاك صاح ولا لا
طيب مالك ما جيت في ناس اشنا منك جو
.
.
طه خليهو الحمت رمت الصعب دا بتعرف البرجوبا؟ آآآآ بتعرف السيوا آآآآآ
قال تمك قال
| |
|
|
|
|
|
|
|
|
|
Re: سمك البخار خريف ابو السعن _ صور هبطرش (Re: عبدالله ود البوش)
|
1- حمدللالك بالسلامة الجيت مارق عشان تلم الدفيس الليلك دا باقي ريحتو طقت
2- Quote: ات كان نجيض اعرف الحمت رمت
الحمت رمت |
دا إشربو العدو بس .. أخير منو التمك
3-
بعرف الكاروشا التي تعقب الجاكوزي فوق ضهر الكنار
4- | Quote: بتعرف السيوا آآآآآ |
إت العيال ضربو ليك قالوا ليك ما لاقين غاز فتفتقت عبقيرتك عن السيوة ؟
أها ديل لا بعرفوا سيوة لا بعرفوا بتاب ، رسل ليهم غاز وخليك صديق للبيئة
لأنو السيوة دي نتاج عمل مخرب ومدمر للبيئة
5- هل لديك أقوال أخرى ؟
| |
|
|
|
|
|
|
|
|
|
Re: سمك البخار خريف ابو السعن _ صور هبطرش (Re: طه إبراهيم عبد الله)
|
طه ود ابراهيم يا حبيبنا
الله اقبل حمدك يا اخوي
.
حرم انا عرفتك ود راحات في شان كان عنكن لوري وبرينسة وبتركب في التندة
والوكت داك نحن يا دووووووب الكسكتة بدل السيخ
التندة دي علا زول عيان ولا شيخ الحلة
.
Quote: : ات كان نجيض اعرف الحمت رمت
الحمت رمت
دا إشربو العدو بس .. أخير منو التمك
|
دي لشختها لشخة ساهي عامل فيها حريف وبتاكل الرغيف بالموية الساقطة
اها بديك ليها غلت
كان تقول كداين من كداين ... تقول الحمت دا كذا كذا والرمت كذا كذا
مش تلشخا لشخا الكلام دا قولوا لي زول ما قرصتو عقرب موية
Quote: Quote: بتعرف البرجوبا؟
بعرف الكاروشا التي تعقب الجاكوزي فوق ضهر الكنار
|
قر قر قر قرررررر دي ولا جيت حداها
غلت
Quote: Quote: بتعرف السيوا آآآآآ
إت العيال ضربو ليك قالوا ليك ما لاقين غاز فتفتقت عبقيرتك عن السيوة ؟
أها ديل لا بعرفوا سيوة لا بعرفوا بتاب ، رسل ليهم غاز وخليك صديق للبيئة
لأنو السيوة دي نتاج عمل مخرب ومدمر للبيئة
|
النصيحة دي عرفتا ليها عرفة شديدة خلاس
لكن النتيجة
اعد قابلني
| |
|
|
|
|
|
|
|
|
|
Re: سمك البخار خريف ابو السعن _ صور هبطرش (Re: طه إبراهيم عبد الله)
|
طه ابراهيم
سلامات
.
.
يا زول هوي عولاق عولاق
عشان كدي الجنا الفي امريكا داك ود المدير من امس ادردق في وداير اوديني لاهاي اظنو
وهو انا لاقي لاهاي
عليك الله اشتكونو خليني انعدي باقي العمر دا فسحة في سجن لاهاي
وبعد اجي بجيبيك ليك معاي قرن موز ورغيفة طوسطة وحجر سقطين وحبة لاهاية لاهيتين
.
.
ابو السعن العولاق
ابو السعن العميكة
ابو السعن العيفة وتليفة
وقاضي ابو السعن ذاتو عميكة وخليقة
وات ذاتك يا طه ما ممتاز
اها اشتكي سريع
| |
|
|
|
|
|
|
|
|
 Re: سمك البخار خريف ابو السعن _ صور هبطرش (Re: طه إبراهيم عبد الله)
|
ادروب هين يا طه
كعب الجعلي
الجعلي نبذ واحد قال ليهو اسوي واسوي لامك
اها الزول اشتكاهو والقاضي عارف نفسيات الجعلي
قال ليهو الجعليين اصلن ما بنكروا ات كان جعلي صحي ما تنكر
صحي قلت للزول دا اسوي واسوي لامك
الجعلي اتحنفش وانفخ وقال ليهو
آآآآي قلت ليهو اسوي واسوي لامك وات ذاتك اسوي واسوي لامك
| |
|
|
|
|
|
|
|
|
|
Re: سمك البخار خريف ابو السعن _ صور هبطرش (Re: abuguta)
|
abuguta
ابقوتة ود بلدي
حبابك وحباب اليوم الجابك
.
.
انا ديل عارفن ما بعرفوا سمك البخار
وبدل العنكوليب بشيلو العدار
مابفرزو المصران من ابو البعار
ولاقبضوا البرك ولا بدودرو الطار
لكن الكلام للغبش ابان دما حار
نقعد نتونس نبرد النفس بالهظار
وبعدا نقوم لعيشة كبارنا والصغار
| |
|
|
|
|
|
|
|
|
|
Re: سمك البخار خريف ابو السعن _ صور هبطرش (Re: عبدالله ود البوش)
|
يا ود البوش تصحيحك ما صحيح
اللهم إلا إذا كنت قاصد تسرق نمري وتديها لي واحد تاني
أنا كنت قايلك حريف وبتفهمها طايرة
الحمت رمت شرحها شين ويكفي إنو إذا داعوك بيها ( تأكل الحمت رمت .. أو تشرب الحمت رمت ) في الحالتين بتلحق أمات طه
والبرجوب بعرفو بالحيل لكن ما مشيت فوقو عشان أنا ود راحات على قولك وما بمشي حفيان فوق الواطة القايمة شيط شيط
..
يا زول أقيف
قريبك دا بحرو غريق بالحيل
..
لكن يا عبد الله بعيد عن اجترار الذكريات
سمك البخار واحد من عوامل رئيسية أدت إلى تناقص البيئة الحية في البلد
مش أبو السعن بس لكن معظم الحيوانات ومعظم النباتات
أصبحت البيئة مريضة وفقيرة
والناس - أهلنا - هم من دفع الأثمان الباهظة ، السرطانات أهلكت الناس في العقدين الأخيرين
ودي ما جات من فراغ
عشان كدا موضوع سمك البخار موضوع مهم
وأرى إن أية كلمة تشير إلى خطورة مثل هذه الاستخدامات للكيماويات
وأية كلمة تدير الانتباه ناحية الضحايا الذين لا يراهم أحد
أية كلمة في بوست في منبر إلكتروني
أو منبر إعلامي
هي كلمة إيجابية ويجب أن تقال
..
ولك كل الحب
| |
|
|
|
|
|
|
|
|
|
Re: سمك البخار خريف ابو السعن _ صور هبطرش (Re: طه إبراهيم عبد الله)
|
سلام ود البوش و الجميع
ابوسعن حليل خريفه
بحرنا انحدر قيفه
بلدنا صغر رغيفه
وبيتنا انضرب صريفه
البارود زكمنا كريفه
من وين جانا قذيفه
الشولى البشق زيفه
غلب شاويشه و عريفه
ياشقى كلامكك فى ابوسعن اقضفه
وشنه السمك الحست مويته ؟
بعدين شن لما البلابيط على سمك البخار
وباقى ليك فضل فيها تمك والجروف شقوقها بتبين مع سد القرن اصلا الحاله واقفه وشايف ام بركت بركت فى شارع الظلط وماتمشى غلط عشان يلا قيك ابو مليك
| |
|
|
|
|
|
|
|
|
|
Re: سمك البخار خريف ابو السعن _ صور هبطرش (Re: موسي الراجل)
|
موسى الراجل
ويييييييين يا اب صيدا ناجع
وين يا اب ملاحا ساقط
.
.
امي الله اطول عمرا واديها العافية لمن تجهز لينا اللكل وتعرف انو في واحد غايب
تكب الملاح فوق الكسرة وتبقص بسييييييييط وتقول الحاضر اتبرد والغايب اغسل كرعي
.
.
جاي اسع يا موسى الراجل بعد الحفلة انتهت
اسع نعمل ليك شنو
خلاس تعال بكرة الصبحية
واحضر القيلة فت مرة
كاااااااااااااااااك
| |
|
|
|
|
|
|
|
|
 Re: سمك البخار خريف ابو السعن _ صور هبطرش (Re: طه إبراهيم عبد الله)
|
Quote: سمك البخار واحد من عوامل رئيسية أدت إلى تناقص البيئة الحية في البلد
مش أبو السعن بس لكن معظم الحيوانات ومعظم النباتات
أصبحت البيئة مريضة وفقيرة
والناس - أهلنا - هم من دفع الأثمان الباهظة ، السرطانات أهلكت الناس في العقدين الأخيرين
ودي ما جات من فراغ
عشان كدا موضوع سمك البخار موضوع مهم
وأرى إن أية كلمة تشير إلى خطورة مثل هذه الاستخدامات للكيماويات
وأية كلمة تدير الانتباه ناحية الضحايا الذين لا يراهم أحد
أية كلمة في بوست في منبر إلكتروني
أو منبر إعلامي
هي كلمة إيجابية ويجب أن تقال
..
ولك كل الحب |
.
.
الله ايديك العافية اخي طه ابراهيم
وهذا هو مسك ختام هذا البوست
شكرا طه ابراهيم
وشكرا كل المتداخلين والقراء
والى اللقاء في بوست اخر لو كان في العمر بقية
اقول قولي هذا واستغفر الله العظيم لي ولكم اجمعين
والسلام عليكم ورحمة الله وبركاته
| |
|
|
|
|
|
|
|
|
|
Re: سمك البخار خريف ابو السعن _ صور هبطرش (Re: خالد المحرب)
|
| Quote: قبل الوصول الى العدو وهو افة الزراعه |
شغل البصيرة ام حمد
مشروع الجزيرة كان مصدر رزق لغير سكانه بمثل هكذا اعمال
يعني عادي ممكن اشتروا اندرين مضروب وما اعمل اي حاجة للافات
بس اكتل السمك والحمار اب ضنبا مقطوع وملكك في الطين
وقد يقتل المواطن المغلوب على امره
والفااااااااااااتحة كتلو اندرين
وجعععععععععع يا المحرب وجع
.
.
بالمناسبة البوست دا نكاية بشوربة سمك تمبس عشان اعرف حاجة وكدا
تحياتي يا شيخ العرب المحرب بكسر الميم وسكون الحاء وايضا كذلك كسر الراء دا للناس
البنطقوا اللسم غلت
.
.
اسمع ياخي كلم بكري صاحبك دا اعمل لينا منبر برانا
وممكن نسميهو منبر الناس الغلابا ... سمح
| |
|
|
|
|
|
|
| |
عبدالله ود البوش
معاوية المدير
نوفل عبد الرحيم حسن
شكرى سليمان ماطوس
مرتضى احمد عبد القادر
abuguta
خالد المحرب
فيس بوك
تويتر
انستقرام
يوتيوب
بنتيريست