|
|
 يا امنجي تااااني تجي.....!!!
|
عثمان مرزبة يد طالوش وصدر صبة وعضلات تبش تبشنة تاريخية وفي بدايات بزوغ فجر عضلاته الرهيبة في كراكير ذلك الحي الفقير اشتهر سريع بين اقرانه كدشماني لا يشق له غبار وحامي حمي الفريق في حفلاته ومبارياته الكروية مع فريق الحنالفة
ورغم كل الخصائص العنيفة الا ان مرزبة كان ودودا وبشوشا ومحبوبا بين اهل الفريق لما طلت عليه من شهامة ونخوة
وتسخير مبرر لعضلاته التبشية وهوكاتو الذي وصفت بانها تفوق حقنة الملاريا من يد التمرجي الشهير (دنقولة)....!!!
|
|
  
|
|
|
|
|
|
|
|
Re: يا امنجي تااااني تجي.....!!! (Re: عبدالكريم الامين احمد)
|
هكذا نمي وشب (مرزبة) وسط اسرته التي لاتقوي من شظف العيش علي توفير وجبات كافية له ولاخوانه الكثر ليجد لنفسه
طريقا وعملا في الاماكن المطرفة من الاسواق ليمارس العتالة الكروباوية في مخازن كبار التجار في المدنية...وسارت الامور ورغم صعوبتها سلسلة وشريفة وظل مرزبة ممارسا لتسخير هولاكاته وضرباته اللاذعة بكل نبل ونخوة حية تقي الفريق من مستهبلي الحفلات وصعاليك الحلال وحرامية النسوان.....
الا ان حط في سماء الحي وبعد غياب طويل في اروقة الجامعات ومعسكرات الجبهجية (علي) ابن ذلك الحي الفقير الذي ظهرت عليه بوادر نعمة وثروة وعربة من النوع الليلي علوي ادهشت عند حضوره بها ذات عصرية من عصريات الحي
كل الفتية المتجمعين في ميدان الدافوري وشهقو عاليا عندما صاح احدهم بان صاحب هذه العربية هو (علي) ود ناس عثمان
بتاع الطاحونة الحفتان داك ياااااااااااااخي
| |
|
|
|
|
|
|
|
|
|
Re: يا امنجي تااااني تجي.....!!! (Re: عبدالكريم الامين احمد)
|
كانت ايامات الجبهجي (علي*) التي قضاها في اججازته تلك ايامات زاخرة بالشمشمة والاشاعات وسط الفريق عن سر التحول الفجائي الذي حل علي اسرة (عثمان الحفتان) من كراسي ليبيا والسور الطوبي والجير والخرفان التي ضبحت وبالاضافة الي زيارات بعض علية القوم من جبهجية المدينة الذين زارو ولاول مرة ذلك الحي الفقير ويحملون مالذ وطاب من خراف وبطيخ وبلح بركاوي لم يتذوقه (مرزبة) ذات يوم....
كان يمكن ان تمر زيارة 0(علي ) الجبهجي دون ان يلتفت الي مهارت (مرزبة) الاساسية في الدشمان والهوكات ولكن حصلت المعجزة عندما قرر كبار اللصوص مجازفة منزل عثمان الحفتان ذات ليل وتضرب الكواريك عاليا للغوث والمساندة اللوجستية ليطل مرزبة اول الناجدين ويطقطق الحرامية ويقبض عليهم ويربطهم في لمحة كالبرق مما اعجب علي الجبهجهي الذي قرر في ليله ذلك تسخير مقدرات هذا المارد لخدمة المشروع الحضاري بكل السبل ضد الاوباش من معارضي الخراطيم
والمارقين....!!!
| |
|
|
|
|
|
|
|
|
|
Re: يا امنجي تااااني تجي.....!!! (Re: عبدالكريم الامين احمد)
|
ياريت لو نمت اليوم داك وخليت الحرامي سرق وطلع ديش الجبهجي الملعون ده...!!!هكذا وصل مرزبة سريعا الي قرار محاولة مسح تاريخيه العجيب الدموي...ولمن وصلت مع ( علي الجبهجي ) بالليل ديك نزلني في معسكر بعيييييييد في طرف الخراطيم ونقة (وس وس وس) في اضان زول عندو دقن كبيرة وفي النهاية قال ليهو (جزاك الله خير ) وفرتق....!!!!
استلموني يا معلم وحلقوني صلعة من قول تيت وجرحو ليك فروة راسي دي لمن امنت....!!!
ولقيت روحي في عنبر فيهو (ناس عيونهم) حمر خلااااص ومافي زول بتكلم مع التاني....!!!
نوم مافي و كوابيس وقرمت زااتو لفريقنا وحفلاته ورجفت يا معلم من الهواء والدقاني (علي ) وناسو ديل مودني ويين.. يارب.!!!!!!
| |
|
|
|
|
|
|
|
|
|
Re: يا امنجي تااااني تجي.....!!! (Re: عبدالكريم الامين احمد)
|
عثمان مرزبة ابكر مرزبة...
نعم..!!
نادوني ليك يا معلم من صباح الرحمان واخوك قام مخلوع... زي الضاربو دبيب...!!!
ودخلوني ليك في اوضة ملاااااااااااانة صورة للاخر ..!!!
شيخ مرزبة...( اها ياجماعة كمان سميتوني شيخ مرزبة)..!!
ايوه من الليلة انت شيخ مرزبة...وجزااك الله خير.....!!!!!!
يا معلم عملو لي (تجوال ابن لذينة ) في الصور المعلقة في الحيطة وقالوا لي شفت ديل..ديل يا مرزبة كفار واعداء الوطن وخونة ومارقيين وواقفين ضد الله زااتو...
بصراحة حكاية زول يقيف ضد الله ..ما سمعت بيها الا عند زولي الابو دقن الكان حايم معاي في تفريجة الصور..
كيف زول يقيف ضد الله..؟؟
ايوووه ديل يا معلم دايرين طقطقة وهوووكات من النوع التقيل عشان ياامنو.....!!!
| |
|
|
|
|
|
|
|
|
|
Re: يا امنجي تااااني تجي.....!!! (Re: عبدالكريم الامين احمد)
|
وكانت هذه هي ضربة البداية وانطلاق ساعة الصفر عند مرزبة الي كراكير وبيوتات التعذيب وفقد استطاع الدقانة نزع الرحمة والرافة من قلبه ودور ليك في البشرية الخونة والمارقين اعداء الله ديل..
شي خلع اضافر
وشي ضرب هووكات في الرقبة
والبطن وشلاليت..جوز ومرات اربعة لساتك فووق
وشي مسمامير في الراس
وشي الطيارة قامت وارنب نط
وشي يا معلم طشت ملااااااااااااااااااان موية يرفعو الخاين العميل عدو الله اربعة ساعات ونص لمن يااامن زااااااااااااتو..!!!
| |
|
|
|
|
|
|
|
|
|
Re: يا امنجي تااااني تجي.....!!! (Re: عبدالكريم الامين احمد)
|
والشرتيت دور يا معلم وكل كاسوري والتاني الجنيهات دي تتطاقش واخوك ورت معاهو ورة شديدة
اشتريت رقشة
شوية شوية اشتريت امجاد
شوية شوية يا معلم ركبت عربية (جياد)..
والحلة والفريق بقيت افط عيد وامشي العيد التاني وبعد شوية رخيت ليك حنان الحلة زااتهم
(مالي ومالهم يا معلم عرست لي واحدة خرطومية ديري لاند تقيل)
ارضع بالليل وبالنهار امشي اطقطق ليك الكافرين اعداء الثورة ديل والقصة واااارة يامعلم
ونعود
| |
|
|
|
|
|
|
|
|
|
Re: يا امنجي تااااني تجي.....!!! (Re: عبدالكريم الامين احمد)
|
اها يوم كده ما معلم جانا بوكسي ملااااااااان غنائم و فارات قالو ديل (اعداء الله) كفار...وجدعوهم ليك يا معلم في
(السلخانة) حيث قلع الاضافر والشلاليت من طرف...!!
وخشيت عليهم بسوط لزوم التسخينة والتجهيز و(دق الخروف) وتجهيزه للنفخ والسلخ...!!!
شووو شوووين وضرب من اطرف...!!!
الله..! !
اشوف ليك (علاء الدين) ود عمك ادريس امام الجامع بتاع الفريق...!!!
يا الله ياخي
علاء الدين ادريس ده الجابو شنو مع الكافرين واعداء الله(علاء الدين ده بقي كافر ولاشنو)....!!!!
مع بواقي عدم الرحمة اللسع في القلب ديك قطعت ليك واحد شوووووووو في علاء الدين ده لمن ختاها في حنانو
ونواصل
| |
|
|
|
|
|
|
|
|
|
Re: يا امنجي تااااني تجي.....!!! (Re: عبدالكريم الامين احمد)
|
وانا مجهز للشلوت التاني ...
يا الله ياخي ...!!!
اتذكرت ليك امو حجة نفيسة صحبة امي
وابوه عمك ادريس الزول التمام ياخي
واتذكرت ليك علاء الدين وانا بشوفو في اليوم خمسة مرات في اليوم بجي ماشي للجامع الجنب بيتنا
معقول علاء الدين ده يكون بقي كافر..؟؟؟
معقول...!!!
فاصل ثم فجاة كده سنواصل
| |
|
|
|
|
|
|
|
|
|
Re: يا امنجي تااااني تجي.....!!! (Re: عبدالكريم الامين احمد)
|
يامعلم نسيت ليك تعليمات الضرب والسلخ الاداني ليها الضابط ابو دقن وجريت علائ الدين جنباوي
عشان افهم السالفة شنو وليييييييه الناس ديل جابو هنا وهو ود عمك سيد الدين زاااتو وامام الفريق...!!!
وفهمني ليك علاء الدين بانو المعاهو ديل كلهم اولاد الفريق وجابوهم هنا لانو (علي الجبهجي) شال الميدان بتاع الكورة في الفريق وجاب صينين وخواجات داير يبني عمارة كبيرة وعريضة...وكسر سوق الحلة محل ناس عمك (فريني) وعمك عمر سمك وجهجهة ليك باكات الحلة والبشرية والامة دي بقت حق االاكل والشراب في تلتلة
| |
|
|
|
|
|
|
|
|
|
Re: يا امنجي تااااني تجي.....!!! (Re: عبدالكريم الامين احمد)
|
واها ظاهرنا وشترنا يا مرزبة الناس ديل بالحجار فجابونا... هنا... بالبوكسي...!!!
لتطل سحابة علي خفيف من الحنية من الشفقة بعد سنين طويلة من القساوة والرحمة التي نزعت من قلبه وهطلت بعض زكريات الحي وايامه الاولي فيه ولكنه قمع كل ذلك سريعا عندما تذكر الرقشة والامجاد والقبضة الثمينة والعافية في الرضاعة الكافية حيث (الديري لاند )ابو شحم ولحم في انتظاره ليلا...
وكمان معقول يسمع كلام الاولاد المطاميس ديل..ويكضب كلام (شيخ) علي...!!!
حسع بكون يازول شيخ علي ده شال الميدان عشان ينبي جامع كبيرررر ومستشفي وروضة
ولاولاد الصعاليق ديل دايرين يلعبوا كورة بالعصر وبالليل يتدردقو مع الجكس في الميدان...
يازول هووي شيخ علي ده ما بكضب وهيييييع يا زول ده علي ابو دقن...!!اولاد مساخيت صعلوقين
وووقعت ليك كاسوري في ناس (علاء الدين) اعداء الدين الكفار ديل من طرف ودورت فيهم هووكات تقيلة وعيال حسودييييين خلاص (تخيل زول فيهم رمش مافي)..ولاقال لي براحة يا مرزبة احنا اولاد فريقك
| |
|
|
|
|
|
|
|
|
|
Re: يا امنجي تااااني تجي.....!!! (Re: عبدالكريم الامين احمد)
|
البحير (اميركرتونة) تخيل امير كرتونة الفارة الكنا بنطقطوا لمن كان عامل فيها بجازف الجكس
تف لي في وشي...زي السلامة عليكم وقال لي شنوووووو..؟؟؟
قال لي (مرزبة يا سفاح يا########)...!!!!
يا معلم انا وفردتي (دبشك) ضايرنا ليك العيال ديل ورقدناهم سلطة وامير جبت ليهو هواء بعد يومين
ساقو لسلخانة (قلع الضفر)... قلعوا ليهو خمسة ضفر زي السم من (كراعو الشمال) سبعة يوم بمشي زي ود الطهور.....!!!!
اها بعد سبعة يوم خارجو الاولاد الصعلقوقين ولمدة شهر كل واحد فيهم ضروري يجي يعمل تمام
وبلم ليك فيهم ببقطع فيهم كف كفين وانا ماشي....!!!!
| |
|
|
|
|
|
|
|
|
|
Re: يا امنجي تااااني تجي.....!!! (Re: عبدالكريم الامين احمد)
|
والقصة وااااااره مع اخوك...وره شديدة خلاص
وشوية شوية من مكاتب الالزامية الجبنا خشيت لي في موظفة مرطبة و(بايركس) وعندها 5 رقشات
ومربطة يا معلم (قندول عيش الريف ما زيها) خشيت ليك معاها في اقرب عرس جماعي(رافسنجاني) ودبلت الدفاع بتاعي ...وبقيت عندي جوز وااحدة في بحري والثانية في امدرمان........!!!!
اها مع الترطيبة والنغنغة اخوك بقي اسمو (شيخ مرزبة) وبقيت اشتغل تعذيب خسوسي..!!!
ماخليت ليك حبشي ومصري وارتيري وجزائري وتونسي والخواجات ديل تقطع في الواحد فيهم (كف دبل جنت) تخلي وشو زي الطماطم....!!!!
| |
|
|
|
|
|
|
|
|
|
Re: يا امنجي تااااني تجي.....!!! (Re: عبدالكريم الامين احمد)
|
اها يوم كده يامعلم مع العصرية كده اسمع ليك صوت بوكسي خاشي تووش واشوف ليك جلاكين ممكن زي عشرة جلكين كده مربطين ليك عيونهم..ومربطين ليك اياديهم من الخلف... طيارة قامت علي خفيف...
اها صفارة السلخانة ضربت ولفحت ليك السوط بتاعي.... عشان ندور كاسوري في غنيمة الكفار
اعداء الدين...والعملاء ديل....
| |
|
|
|
|
|
|
|
|
|
Re: يا امنجي تااااني تجي.....!!! (Re: عبدالكريم الامين احمد)
|
شوووو شوووو سوط سوطين القي ليك روحي بضرب في عمك ادريس امام الجامع....
يا الله ياخي..
عرفنا علاء الدين ولدك يا حاج ادريس بقي كفار...انت كمان بقيت كفار... سبحان الله والدنيا دي خربت ولاشنو...
شوووو شووووو في الجلكين الجنبو....القاهو ليك منو...عمك عمر سمك...!!!
حتي انت يا عمر سمك بقيت كافر..
لاحولا علاء الدين ده خرب الحلة والفريق ده كلووو ولاشنو...
منو..؟؟
ده عمك فريني...!!!!
يا الله ياخي الحلة دي قصتها شنو ياربي كلها بقت كفار ولاشنو...؟؟؟؟
لا ياولدي احنا يانا نحنا الزمان زاااتنا بس زولك (علي الجبهجي) ده كسر الدكاكين ولمن قمنا وكوركنا اهو جو ناس قبضونا وجابونا بالبوكسي هنا...!!!!
| |
|
|
|
|
|
|
|
|
|
Re: يا امنجي تااااني تجي.....!!! (Re: عبدالكريم الامين احمد)
|
سحابة اخري من الحنية طلت سريعا في قلب (مرزبة) الذي غادرت الشفقة والرحمة مواني ومرافي قلبه من اثر التعذيب والنعمة والون تو ابو ديري لاند في بحري وامدرمان وضباب سيرة الرقشات الرقدت هبطرش والامجاد والاتوس ودكان الاتصالات والشرتيت الوفير الذي يهيه اليه (علي الجبهجي) من دون حساب لايزال في الافق...
ورغم هيبة عمك ادريس وطعونية سن عمك عمر سمك وفريني الا مرزبة لم يتواني في ضرب اولئك الجلاكين ضرب غرائب الابل الجلكونية وينفذ تعليمات ضابط ابودقن في ضرورة تفسيح هولاء الجلاكين الاشرار اعداء الله والثورة واعداء التنمية وتاديبهم حتي يتادبوا ويقعدو في التراب بلاش لولوة
ودكاكين معاهم....
ونعود
| |
|
|
|
|
|
|
|
|
|
Re: يا امنجي تااااني تجي.....!!! (Re: عبدالكريم الامين احمد)
|
تخارج الجلاكين العشرة ما بين كدمة في العين اليسري واليمني وما بين ورم سلاخي في وش عمك سمك
وفتلة شاسي عند الرزين عمك فريني...ورغم كل القسوة والشواء والكبع النضيف الذي مارسه مرزبة وفردته (دبشك) ضد هولا الرجال الاشاوس الا انه لم يحرك ساكنا ولم ترمش عينه الا بقليل من الحنية قمعا سريعا عندما هطلت في مخيلته سيرة الترطيبة والشرتيت والفكة التي كانت تاتي اسبوعي في شكل حوافز ومنح وظروف شحمانة ولحمانة جنيهات وفكة....
وليوواصل مرزبة في سكة الديري لاند وليجد له من ست الكوفير (ثريا) زوجة ثالثة تضح الي قلبه القاسي بعض السكينة ومزيدا من رضعات الديري لاند والرضع الليلي الوفير....!!!
اها يا معلم يوم مع العصرية كده اشوف ليك (سلخانة النسوان) خاشي ليها بوكسي ملان نسوان ملية عجيبة وكواريك وس######ة في السماء (واااااي واااااي) يا جبهجية يا حرامية ...ونبذ نسوان تقيل....مشيت اكشف القي ليك يازول زميلاتنا في اخوات نسيبة بطقطن ليهن في نسوانين كثاااااااااار خلاص,,,
| |
|
|
|
|
|
|
|
|
|
Re: يا امنجي تااااني تجي.....!!! (Re: عبدالكريم الامين احمد)
|
الله ياخي
اشوف ليك خالتي نفيسة ام علاء الدين...وحجة خديجة وحجة كلثوم شنكارات ...
يا الله ياخي نسوان الحلة ديل كمان متين بقن كفار...!!
علاء الدين دي خرب الحلة دي ولاشنو...عمك ادريس بي كفار وخالتي نفيسة ونسوان الحلة كلهن بقن كفااار...
يا الله ياخي القصة دي شكلها كده باظت من كبارها...!!!
(الحمد الله انا زااتي اتخارجت من الحلة دي كان انا زااااااااتي بقيت اكبر كفار )....!!!
ياحجة نفيسة مالكم...والجابكم هنا محل سلخانة الكفار دي شنو يا حجة..؟؟
منو...عثمان مرزبة,,,... ولامنو..؟؟؟
تفففففففففف عليك يا ###### يا ########...!!!
نفيسة دي يا معلم وقعت ليك فيني نبذ وشتم تقيل....
وعرفت منها بعد النبذ داك بانهن جابوهم هنا لانو نسوان الفريق ظاهرن وشترن علي الجبهجي بالحجار لانو
كسر المدرسة الفي الحلة وقال داير يبني مدرسة جديدة للوليدات بالقروش....!!!!!
لم يفكر مرزبة كثيرا في كلامات النسوان الكفار ناس حجة نفيسة ديل واتخارج سريع سريع من سلخانة النسوان ليترك الي اخوات نسيبة تجضيم العجوزات الشمطانات و(تقطيع اوصالهن) ومعط شعرهم وضربهن ضرب عجائز الابل الكافرة...!!!!
| |
|
|
|
|
|
|
|
|
|
Re: يا امنجي تااااني تجي.....!!! (Re: اشرف السر)
|
Quote: في الانتظار...
فجاة كدا ياخ تم الباقي
مع محبتي التي تعلم |
هلا يا اشرف
وتحياتي واشواقي..
ونورت عوالم مرزبة ذلك الامنجي العواليق..
وسنتمها اليوم كلها باذن الله وببركات شيخي شكرالله
وكل الود والتقدير يا ابو الشوش
| |
|
|
|
|
|
|
|
|
|
Re: يا امنجي تااااني تجي.....!!! (Re: عبدالكريم الامين احمد)
|
اها يا معلم يوم باليل كنت مرطب وحاضن بمزاج بعد بقيت تفتيحية(وشايل للدقن مفاتحيها) وبقد السلك بتاع السلخانة بعد ما (ازبل) الشاويش النبطشي بالضحاكات بعد ما ورت القروش في يدي ورة جدة وخاصة بعدما سعيت لي (دقن) كروباوية كده وبقيت اسمي الرسمي والشعبي في كراكير الدقانة(شيخ مرزبة)...فجاة يرن ليك جرس التلفون وقالوا ام المرة عيانة خطر مرقدنها في عنبر (الاستبالية)...سقتها لامها في (الاستبالية) وقلت يا معلم امشي اتم باقي الديري لاند عند الجماعة بتاعني بتاعين بحري ...!!!
اها فتحت ليك الباب بالمفتاح الكرباوي..وانا داخل علي الاوضة اسمع ليك..
وااي يا شيخ علي
براحة يا علي
فكني يا علوبة
راسي طبعا بقي كبير خلاص والدم فار فورة تقيلة ودفرت الباب بتاع الاوضة..
وانقروو لقيت منوووووووووووووووو...؟؟؟؟!!!!
| |
|
|
|
|
|
|
|
|
|
Re: يا امنجي تااااني تجي.....!!! (Re: عبدالكريم الامين احمد)
|
القي ليك شيخ علي راكب المرة سرج وهاجرها ليك هجرة عجيبة خلاص...!!!
ده شنو ...ده...!! يا وس خ
راكب في المراة دي برضها كفار ولاشنو...!!
والراس جاط وصفافيرو وقفن زمبارة...
اكتل شيخ علي ده وانسي الرقشات والشرتيت والامجادة والترطيبةو رضع الديري لاند الثلاثي الابادة
ديري في الخرطوم...ديري في بحري ديري لاند في امدرمان
يا الله,, ياخي اسوي شنو...!!!
اقوم اكتلو حسع يودوني انا كمان سلخانة الكفار ويلمو فيني ناس (دبشك) واحتمال ينيشوني انا زااتي ويخلو خشم صفارتي ملح ملح..... اسوي شنو ياااخي ..!!!
اطقطق الزول ابو دقن الوس خ ده واخليهو صواميل تاني ما ينفع... والتجي تجي ولاشنو..؟؟؟
قول طقطقتو ح اقبل وين تاني يا ناسسسسسسسسس...
وفاصل ونواصل
| |
|
|
|
|
|
|
|
|
|
Re: يا امنجي تااااني تجي.....!!! (Re: أحمد ابن عوف)
|
| Quote: ياخي القصة كانت ماشة كويس لكن شكلها حنت منحنى خطر خلاص |
ههههههههههههههه
هلا يا ابو حميد
وبيني وبينك الهواء فجاة كده( قلب) والقصة جابت ليها (دريبات) كده
و يسترنا الله وشيخي شكرالله
وسنتابع
| |
|
|
|
|
|
|
|
|
|
Re: يا امنجي تااااني تجي.....!!! (Re: عبدالكريم الامين احمد)
|
اقبل وووووووووووين
والحلة دقيت اولادها ناس علاء الدين وكرتونة وكل الفرد القمنا قبيل سوي دق العيش وما خليت ليهم جمبة....
الحلة النغشمت جلاكينها ناس عمك ادريس وعمك سمك ووعمك فريني وسلخوهم سلخ السخلان وبرضي عملت حميل
الحلة عيني في نسوانها وخالاتنا ناس نفيسة وكلثوم شنكارات... بدقو فيهم دق السنين فعملت نايم!!!!
اقبل وين تاني يا اااناس...!!!
ارفع كاسك يا مرزبة وبطل بكاء زي النسوان يا وهم... !!!
هكذا ردد عثمان عفريتة ود الحلة وهو الوحيد الذي استطاع ان يبلع مرارة الخيبة والسمعة السيئة التي صارت سمة من سمات مرزبة ذلك العواليق المنبوذ والذي عندما اراد ان يحكي خيبته لم يجد سوي (عثمان عفريته) الميكانيكي الشهم الذي تردد الف مرة ومرة في ذلك الليل في استقبال (مرزبة) وهو يقرع بابه وهو بحالة يرثي لها في انصاص الليالي
وسنتابع
| |
|
|
|
|
|
|
|
|
|
Re: يا امنجي تااااني تجي.....!!! (Re: عبدالكريم الامين احمد)
|
بعد ايام ليس بالطويلة من تلك الليلة العربيدة وذلك الحادث الذي سارت بسيرته الركبان فمقتل رجلا مثل(شيخ علي) لم يكن بالشي الذي يمكن بلعه باخوي واخوك كونه يحمل ملفات بعضها مختص بامور والملعوبيات خارج الحدود ..
حط في تلك الحلة التي انطلق منها (مرزبة) الي مداراته الغميسة .حط بهارجلا غامض اختار ان يعمل ورغم النعمة الي تبدو عليه (عتالي) عالي السخاء والتطوع في كل اشياء (الحلة الكبيرة) والصغيرة من دفن موتي واعراس وضرب اللصوص والسفهاء ومساعدة الفقراء في اشيائهم والابتسام الدائم في وجوه الاطفال والكبار.. رجلا كابسته السلطات كثيرا (لشكها الدائم بان هنالك شبها ما بينه وبين مرزبة) ولكن في كل المرات كانت تطلق سراحه لعدم وجود الادلة علي ان هذا الرجل الغامض هو مرزبة والشاهد بان العديد من ابناء تلك الحلة ايقنو بان هذا الرجل هو (مرزبة) ولكن لم يساور وحتي خبثاء تلك الحلة الرغبة في الايقاع او الوشاية به...
انتهي
| |
|
|
|
|
|
|
|
|
|
Re: يا امنجي تااااني تجي.....!!! (Re: متوكل بحر)
|
Quote: حسب السرد المنطقى يا ياكيكى انو مفروض لو عمل خطأ اترقى ويرتفع ولكن مع الكتله دى بقت صعبه شديد
الا كان تنجر ليها نظام جديد |
هلا يا متوكل
ومرزبة اتي امرا جلل و كتل ليهو شجرة كبيرة بالحيل
واهو غايتو ياهوو دااك مغير كل اللووووك وعامل فيها رايح من كل القصة دي كلها بما فيها الدنيا
| |
|
|
|
|
|
|
|
|
|
Re: يا امنجي تااااني تجي.....!!! (Re: yasir Abdelgadir)
|
Quote: دا كلام دا.....تقتل البطل وتخلي الخاين
ياخي ماكلموك انو البطل ما بيموت....
|
هلا يا ياسر
وفي زمانات بني كوز كل سطوتهم
كل شي جائز وممكن البطل يموووت قبل الفيلم ما يبداء
وتحياتي
رغم اني شايف (عثمان مرزبة) هو الاكثر قربا للبطولة كون كل الاحداث ملفلفه حوله
| |
|
|
|
|
|
|
|
|
|
Re: يا امنجي تااااني تجي.....!!! (Re: عبدالكريم الامين احمد)
|
كيكي يا جميل ...
ياخ انت الذ وأحلى وارجل زول فى البورد ده.
اكثر ما يعجبنى فى كتاباتك لغتك البسيطة السهلة ، واسلوبك الشيق المرح ، كما تعجبنى جداً صورة بروفايلك الوجيهة.
قاتل الله شيخ على الأمنجى ، ورعى الرحمن اهلك واهل عثمان مرزبة.
| |
|
|
|
|
|
|
|
|
|
Re: يا امنجي تااااني تجي.....!!! (Re: فاروق عثمان)
|
Quote: تعرف يا كيكي عندك اسلوب سرد جاذب جدا ومريح
غايتو انا ريحتني في حناني زاتوووو
بس علويه عفش دي قلبت فيها الهوبه مرتين |
تحياتي وتقديري يا فاروق
وشرقت والله مدارات عوالم (عثمان مرزبة) والشهيرة علوية عفش
وكل الود والتقدير يا فاروق
| |
|
|
|
|
|
|
| |
عبدالكريم الامين احمد
معاوية عبيد الصائم
اشرف السر
أحمد ابن عوف
بشير دفع الله
متوكل بحر
ياسر بيناوي
MOHAMED EL-BEELI
فاروق عثمان
فيس بوك
تويتر
انستقرام
يوتيوب
بنتيريست