|
|
 الريال ( السعودي ) نـــزل ... !!
|
ما قلنا ليكم قبل كدا
السبب المخليهو في السماء شـنو ..
هسع السعر يترنح بين 850 و840 جنيه في السوق الموازي
بعد ما كان 900 وإنت ماشي لي فوق ..
الحكومة سـوت شنو كدا ما عارف سمعت الكلام ومشـت لي تلي موني ومُراسليهم .
وخّفض تلي موني السعر
ومن ورائه تهاوى الريال نزولاً وترنحاً وغموض في الأسعار ..
في السودان بعد ما كان في السوق الموازي بي 910 جنيه
جاء في 860 و850 جنيه ..
بعض البنوك الأخُُرى في طريقها لتنزيل السعر ...
المنابر والمواقع فيها الحلول إحياناً ...
بوست مُعاصـر ..
|
|
 
|
|
|
|
|
|
|
|
Re: الريال ( السعودي ) نـــزل ... !! (Re: Mohd Ibrahim)
|
Quote: انا ماعارف سعر الريال كم..لكن في قاعدة اساسية في السوق السوداني
الحاجة البرتفع سعرها تاني مابتنزل ولو بعد حين... |
محمد أبراهيم
كان عفّنت وعتتت وأكل عليها الدهر ووو برضو ما بنزل سعرها
شكراً لعبورك من هنا ..
| |
|
|
|
|
|
|
|
|
|
Re: الريال ( السعودي ) نـــزل ... !! (Re: عبد اللطيف السيدح)
|
تحياتى
نتمنى نزولة بسبب حقيقى لزيادة حصيلة الوردات من النقد الاجنبى مثلا . ولكن النزول المؤقت نسبة لعدم وجود طلبية فى السوق السوداء ولانو الايام دى نعتمد على مانزرع من حصد قمح السودان الذى يسد رمقنا لمدة شهر شهرين وكذلك أستلاف بعض القروض لهذة الاسباب نزل الريال وابناء عمومتة من عملات اجنبية ونزول مؤقت لاستحالة توفرة وهو والعملات الاخرى مع الظروف التى يمر بها السودان .
| |
|
|
|
|
|
|
|
|
|
Re: الريال ( السعودي ) نـــزل ... !! (Re: عبد اللطيف السيدح)
|
| Quote: ما تبقي ثورة مضادة |
يالسيد ح
كان عاوز تنزل الإجازه بي ريالات من هنا
أنصحكـ ما تغامر تمشي هناكـ
ريالاتكـ دي بتخليك في نُص الإجازه ،، وتكمل
اها وين بتقبل ..
الدين كعب ..
المغتربين بقوا يمشوا إجازه يدينوا من القاعدين هناكــ ،،
عليك الله المغترب منو ...
امشي بيت الله اعمل عمره بي ريالكـ دا وزور المدينه ( لا جهاز مغتربين يعتر ليك ولا خطوط تبشتنك لا سوق يدمركـ ..)
وأبقوا عشره على روحكم ...
| |
|
|
|
|
|
|
|
|
|
Re: الريال ( السعودي ) نـــزل ... !! (Re: Hisham Ibrahim)
|
Quote:
هسع السعر يترنح بين 850 و840 جنيه في السوق الموازي
بعد ما كان 900 وإنت ماشي لي فوق ..
الحكومة سـوت شنو كدا ما عارف سمعت الكلام ومشـت لي تلي موني ومُراسليهم .
وخّفض تلي موني السعر
|
طبعاً 840 أصبح هو السعر الأدنى للجنيه السوداني مقابل الريال السعودي
وده زاتو سعر ما شوية
لكن طالما السعر حصل 910
وبعد التدخل الرمسي نزل ل 840
فمعناه أن هذا القرار (كبح جماح)
بدون حيثيات إقتصادية
وأن معركة العرض والطلب قائمة تتربص
والمسألة داخلا فيها معطيات عوائد البترول وبقية الإيرادات، ومن جانب آخر، النفقات والفساد، وعدم الإستقرار السياسي.
وما تنسى رأس المال أجبن من السياسيين ويسبقهم بخطوات كبيرة في حالة تفعيل ماكينات أرنب الهروب، ولا يمكن أن يدقس.. هه
| |
|
|
|
|
|
|
|
|
Re: الريال ( السعودي ) نـــزل ... !! (Re: أيمن دياب)
|
يا محمد سعيد
يا اخوي
قمح شنو وإستلاف شنو وقروض شنو ....
الكلام دا بعيد شديد من مدار الريال والفلك الدولار
والعرض والطلب دا وضع مستمر والدليل توفر السيوله للعمله الحره في آي وقت
أبقى قريب عشان تعرف أكثر
مودتي ..
| |
|
|
|
|
|
|
|
|
|
Re: الريال ( السعودي ) نـــزل ... !! (Re: Hisham Ibrahim)
|
Quote: والمسألة داخلا فيها معطيات عوائد البترول وبقية الإيرادات، ومن جانب آخر،
النفقات والفساد، وعدم الإستقرار السياسي. |
يا العوض دي أُس البلاء الواقعين فيهو نحنا والريال ذاتو ..
لكن الطلبيات من التجار والحكومه هي البتحدد السعر ،، والطلبات قائمه ما أشرقت شمس الصباح
وفطر المسؤولين ومدراء البنوك والتجار ،، ومتى ما جاء المساء كانت الدورة النقدية الاجنبيه قد إكتملت ,,
بالمناسبه في دولار واصل كوريا واليابان والصين ودي ما جديده لنج لكن
بقت هي تتحـكم في السعـر وهي سعرها غـير زي ( جــده غــير )
أقعد قريب من هنا ومودتي
| |
|
|
|
|
|
|
|
|
|
Re: الريال ( السعودي ) نـــزل ... !! (Re: Hisham Ibrahim)
|
أيمن دياب
شكرًا لتزويد البوست بالسعر الجاري ..
تاجر في السودان عندو إسبيرات في اليابان يجيب ليها عمله حره من وين يوصلها اليابان !!
تاجر عندو قماش في الإمارات عاوز عملة حره من وين يجيب العمله الحره وهو بيستلم من الزبائن بالسوداني ..
تاجر كمبيوترات عندو أجهزة وإكسسوارات بتاعت كمبيوترات من وين يجيب العمله عشان يستلم البضاعه ...
بنك السودان عـندو عمله حره بس للبعثات الدبلوماسيه والزيارات الرسميه ،،
الحكومه بتشتري من السوق الموازي ... ( الأسود )
والله مره يا أيمن وما ليك علي حليفه واحد أصدقه للطيش وما عهدته كاذباً قال لي في مصالح حكوميه
بترشي بعض موظفي المصالح الأخرى لتسيير أعمالها ..!
حاول صدق معانا الكلام دا ....
| |
|
|
|
|
|
|
|
|
|
Re: الريال ( السعودي ) نـــزل ... !! (Re: Hisham Ibrahim)
|
Quote: íÇ ãÍãÏ ÓÚíÏ
íÇ ÇÎæí
ÞãÍ Ôäæ æÅÓÊáÇÝ Ôäæ æÞÑæÖ Ôäæ ....
ÇáßáÇã ÏÇ ÈÚíÏ ÔÏíÏ ãä ãÏÇÑ ÇáÑíÇá æÇáÝáß ÇáÏæáÇÑ
æÇáÚÑÖ æÇáØáÈ ÏÇ æÖÚ ãÓÊãÑ æÇáÏáíá ÊæÝÑ ÇáÓíæáå ááÚãáå ÇáÍÑå Ýí Âí æÞÊ
ÃÈÞì ÞÑíÈ ÚÔÇä ÊÚÑÝ ÃßËÑ
ãæÏÊí .. |
توفر السيولة من وين ياهشام
يعنى البنك المركزى وفر السيولة لكل الصرافات والبنوك وعندنا أحتياطى من النقد الاجنبى يكفى حوجة البلد للثلاثة اشهر القادمة واللة نتمنى ذلك . لكن صبرك يوم يومين .
بالنسبة لى مايجرى الان لعبة سوق واللة طلبية دولار لاستيراد قمح او تهريب عملة أو تكتيك لتوفير مبلغ لشراء فندق من مستثمر أجنبى توصل الريال لالف جنية ( وانت فى والمنبر فى والكيزان فى والريال تانى بيطلع وتشوف الشوطة لوما وصل الالف .
| |
|
|
|
|
|
|
|
|
|
Re: الريال ( السعودي ) نـــزل ... !! (Re: Mohammed Ahmed Saeed)
|
| Quote: توفر السيولة من وين ياهشام |
يا سعيد يا أخوي
السيوله القاصدها انا الكاش السوداني لشراء العمله دي
متوفر في كل وقت وفي آي لحظه .. عند التجار الكبار شديد ...
يعني لو قلت عندي 500 الف ريال يقولوا ليك تستلم الكاش السوداني هسع بعد ساعه
لو ريالك وا دولارك جاهز ...
بيجيبوا الكاش دا من وين وبوفروا من وين لو ما الشغله حساسه بالنسبه ليهم ..
التاجر السوداني في نقول بتاع الإسبيرات طوالي حصاد اليوم بالسوداني بيوديهو بالليل
ونحنا نايمين لتجار العمله عشان يشتروا ليهو العمله الحره ، كل يوم بعمل كدا ما
بورد للبنك الشيء الباعو بالسوداني ، لنو البنك بمسك القروش بس ، ولو إحتاج هو لعمله
حره البنك يقول ليهو شوف السوق الموازي ( الأسود ) ،، وكمان في مستثمرين عرب عاوزين يخارجو
قروشهم السودانيه لدولهم وما برسلوها العضير السوداني دا ،، يمشوا البنوكـ توديهم للسوق الاسود ..
والصرافات ما شغاله تحول وتغير عمله شغاله توزع لتجارها البره البلد بيشتروا وهي توزع للمستهلكين أقارب المغترب في الداخل ...
شغله الله يعين بس ..
والمظلوم هو المواطن السوداني الكادح كدح السنين ..!
مودتي
| |
|
|
|
|
|
|
|
|
|
Re: الريال ( السعودي ) نـــزل ... !! (Re: Hisham Ibrahim)
|
معذرة لسوء الفهم ياهشام فى موضوع السيولة
أزيد لكلامك الدولار صار سلعة تباع وتشترى وكمية الدولارات الداخلة البلد لايستهان بها خصوصا تحويلات المغتربين التى يسعى تجار العملة للملمتها قبل وصولها البلد .
الموضوع موضوع عرض وطلب والدولار بقى سلعة يتم تحديدها مثل تحديد سعر الاراضى بالسودان لاغير وربنا يكون فى عون البلد
| |
|
|
|
|
|
|
|
|
|
Re: الريال ( السعودي ) نـــزل ... !! (Re: Hisham Ibrahim)
|
هشام
تحياتي
الدولار عرض و طلب و الواضح ان بنك السودان زاد الاحتياط المتوفر له و ضخ مبالغ للصرافات و البنوك أدت لنزول في سعر الدولار و دي نتيجة طبيعية ، لكن المؤكد جدا أن السعر سيعود للارتفاع طالما أنه لا يوجد تصدير توازن عائداته ما يحتاجه البلد للاستيراد مع الاخذ في الاعتبار أن العائد من البترول سيقل بعد شهر يوليو القادم.
| |
|
|
|
|
|
|
|
|
|
Re: الريال ( السعودي ) نـــزل ... !! (Re: الحاج حمد الحاج)
|
| Quote: و ضخ مبالغ للصرافات و البنوك أدت لنزول في سعر الدولار |
يا الحاج حمد
بنك السودان يضخ للصرافات ،،
أول حاجه بنك السودان من رصيد بي العمله الحره دي أقنع منها وشيلها من راسكـ
لأنو ما عندو التكتح ... البيجيهو من البترول ما بكفى تغطية حاجته للامن والدفاع
والبعثات الدبلوماسيه والمبتعثين خارجياً ،، يعني يالحاج اخوي تفتكر وزارة الدفاع بتشتري
السلاح بالجنيه بالسوداني ؟ والا لو عندهم قطع غيار عاوزين يستوردوها لي سلاحهم والا عرباتهم
من اليابان - غير دولار بيشتروها بي شنو ؟؟
وتانياً الصرافات القُلت ضخ ليها عمله دي حقت منو ؟؟ وكيف بتوزعها ؟ دي ما تساوي واحد
من المليون من الطلب على العُمله الحره .
ياخي نحنا مافي حاجه ما بستوردها ولو في حاجه بنصنعها فكل مواد صناعتها بتجي من الخارج يعني عمله حره وطلب ...
هسه يا الحاج مصنع جياد دا اللهو هونداي كوريا ( كيف بيودي المبالغ المتحصله من عمليه البيع
والا الشراكه ليـ كوريا ( بيوديها بالدولار طبعاً - اها أهم هو بالنسبه لبك السودان والا واحد
عاوز يستورد دواء من الأردن ) بالتأكيد جياد
افتكر مافي داعي لزياده الإحباط ،،،
تلقاك قُلت احسن الواحد يمشي بوست الشعبيه مش كدا ..
مودتي يا إبن بحري ... وأشواقنا ليـ إستيلا ذاتو
| |
|
|
|
|
|
|
|
|
|
Re: الريال ( السعودي ) نـــزل ... !! (Re: الامين موسى البشاري)
|
Quote: عدت لتوي من تلي موني وحولت بسعر 769
أكرر 769 فقط لا غير
السعر بره البنوك أفضل أكيد وكلامك صاح هناك نزول في السعر |
يا البشاري
فعلاً بشارة خير انشاء الله
جيت أكتب الكلام دا ، لقيتكـ سطرتو
شوف معاي تلي موني دا من بدأ يجاري السوق الموازي الريال دا مشى فوق في السماء
وتبعتهو البنوكـ الأخرى
من ما بدأ ينزل في سعر الريال السعر تجهجه ونزل والحمد لله ..
الحكايةه ما صادراتنا ولا عائدات بترول ولا بيع لحم بقر
ما معقول جنسيات أُخرى تسعّر الريال ..!
ومشكله تانيه : لو نزل الريال هل ستنخفض الأسعار ..؟
غايتو نقول لو وقفت برضو ما قصرت
يعني تخيل بضاعه سعر ريالها بي 1000 جنيه بالقديم .. كيف يكون سعرها للمستهلك في السوق ؟
| |
|
|
|
|
|
|
|
|
|
Re: الريال ( السعودي ) نـــزل ... !! (Re: Hisham Ibrahim)
|
الخبر الاكيد يا شباب
حولنا امبارح بــــ
820 جنية بالقديم للريال الواحد
يعنى نزول كبير
قبل فترة قصيرة كان 910 حسب ما افاد هنا بعضا الخوة
مساء امس 820 جنية ليس عن طريق تلى موني
عن طريق حوالات خاصة وهى افضل من تلى مونى على ما اعتقد ..
| |
|
|
|
|
|
|
|
|
|
Re: الريال ( السعودي ) نـــزل ... !! (Re: هيثم التوم)
|
فعلا يا هيثم
اخباركـ اكيده وطازجه
واحد نزل في المطار وإحتاج يحول لسوداني
الصرافه في مطار الخرطوم حاسبوهو بي 730 جنيه بس
دي حكايه جديده ،،
يعني في اسعار أقل بكتير من تلي موني ومن السوق الموازي
ومتابعين من قريب للفايده العامه .. وللجميع
| |
|
|
|
|
|
|
|
|
|
Re: الريال ( السعودي ) نـــزل ... !! (Re: Hisham Ibrahim)
|
إستقر الريال السعودي
في مدى 820 وبعد كدا الكميه بتتحكم في الأسعار
يعني
مصاريف ، ما زي بيع 50 الف
ونشوف بداية الإسبوع دا كيف
في الخرطوم برضو السعر زي دا رغم إنو دائماً بكون أكتر من الخارج بي 15 او 10 جنيه بالقديم ..
| |
|
|
|
|
|
|
|
|
|
Re: الريال ( السعودي ) نـــزل ... !! (Re: Hisham Ibrahim)
|
Quote: واحد نزل في المطار وإحتاج يحول لسوداني
الصرافه في مطار الخرطوم حاسبوهو بي 730 جنيه بس
|
لما البنوك والصرافات (تبيع) بنفس السعر أو سعر قريب، عندها تأكد أن السعر قد استقر، وتأكد من أن الدولة لها من رصيد من العملات الصعبة تواجه به الطلب عليها،
لكن للأسف الأوضاع الإقتصادية والسياسية والإنفاق غير المخطط مع الفساد كلها عوامل تدفع العملة الوطنية للإنهيار.
الخوف الأكبر هو في هروب الإستثمارات الأجنبية المرتبطة بالنظام. فراس المال الأجنبي أجبن من النظام. وعينه على ما حدث للمستثمرين الأجانب في مصر الشقيقة من محاسبة وملفات إنفتحت سيرتها وطالت رؤوس كثيرة في الداخل والخارج.
| |
|
|
|
|
|
|
|
|
|
Re: الريال ( السعودي ) نـــزل ... !! (Re: Elawad Eltayeb)
|
Quote: الأوضاع الإقتصادية والسياسية والإنفاق غير المخطط مع الفساد كلها
عوامل تدفع العملة الوطنية للإنهيار. |
يا العوض
كتر خيركـ كتير ودا مكان الوجع ذاتو
قبل ساعه كلمني صديقي وقال لي لمن يستقر الريال في السعر مهناها بنكت السودان عندو رصيد بالعمله الحُره ..ّّ
قلت ليهو بنك السودان رصيد بالسوداني ما عندو ..
فسكت عن الكلام المُباح وَضحكـ وأنهى المكالمه وقال لي : قّرط على كدا ..
أقول ليك مفاجأه يا العوض ما ممكن تصدقها ، وبلقى ليك العُذر .
تصـدق البنوك بتشتري من السوق الموازي ( الاسود ) بنوكـ عديل كدا ،،
والا أقول ليك : إعتبرها روعة مشهد بس ...
تحياتي
| |
|
|
|
|
|
|
|
|
|
Re: الريال ( السعودي ) نـــزل ... !! (Re: الطيب رحمه قريمان)
|
| Quote: لان نزول الدولار فقط دون غيره قد يكون مؤشر الى امر بعينه . |
النزول في السودان دا أصاب كل العملات الأجنبيه
نزول الريال كان من ضمن إجرءآت بنك السودان الجديده بتحديد
السعر لبعض الصرافات التى طارت بالريال الى ما فوق الـ 900
في محاوله للحاق بي السوق الأسود، لأنه كان في أسعار وهميه من خيال أخونا من ( فلسطين والباكستان)
مما خلق مساحه في السعر لا أساس لها ،، والدليل النزول الحصل في الأيام دي بسرعه يومين الى 3 يوم ،،
شكلو كدا الإنقاذ عاوزه تنقذ نفسها الأيام دي ،،
واقول ليكـ حاجه : مدير بنك السودان الجديد دا ما لسه الجماعه ما ضوقوهــوا الشغلانه ،
وعلاقاتو لسه ما إتوطدت بالفاسدين والنفعيين والمصـلحنجية ، ولمن يضوق عليك امان الله
تلقى الريال بقى يساوي بيتكم ورقشتين ،،
سعر الدولار أيضاً نزل يا قريمان ..
إنت شكلك كدا لاميها بالدولار يا قريمان أخوي ..
| |
|
|
|
|
|
|
|
|
|
Re: الريال ( السعودي ) نـــزل ... !! (Re: Hisham Ibrahim)
|
Quote: قلت ليهو بنك السودان رصيد بالسوداني ما عندو ..
|
هه
البنوك المركزية لما تفلس بتقوم تطبع العملة المحلية... تلقاهم حق الطباعة ما عندهم هه
أقترح يقولوا للأخوة الجنوبيين أدونا العملة القديمة ونديكم بدلا ابقار
ونعود (للعصر) الحجري والتبادل العيني بدل (عصر) (الإنقاذ) الطلع روحنا وما لاقين ال (ينقذنا) منو
| |
|
|
|
|
|
|
| |
Hisham Ibrahim
Mohd Ibrahim
عبد اللطيف السيدح
Mohammed Ahmed Saeed
Elawad Eltayeb
الحاج حمد الحاج
الامين موسى البشاري
هيثم التوم
الطيب رحمه قريمان
فيس بوك
تويتر
انستقرام
يوتيوب
بنتيريست