|
|
|
 Re: ياناس المنبر هل يوجد بورداب في هونغ كونغ صديقى وقع ضحية لاحد الشركات هناك ومحتاج لاستش (Re: بدر الدين الأمير)
|
صديقى هاوى ومدمن لعالم الغرفك والمنتاج
وهناك جهاز بتاع منتاج كان حلمه ان يقتنيه
بس سعر الجهاز في اوربا وامريكا يفوق حدود إمكانياته
وفجأة وجد ذلك الجهاز وبنفس المواصفات تعرضه احد الشركات
في هونغ كونغ وبسعر في متناول يده وراسل الشركة من باب الحرص
و التحقق من مواصفات ذلك الجهاز ووجدها كماهى في اوربا اومريكا
بس السعر في هونغ كونغ يكاد يكون ربع السعر المعروض به عبر الشبكة
النعكبوتية في اوربا وامريكا وبعد ما تحقق صديقى من ذلك قام بتحول
سعر الجهاز لتك الشركة ... الشركة بعد تسلمها المبلغ ارسلت له ميل
يؤكد تسلمها للمبلغ وانها سوف ترد عليه خلال خمسة ساعات وبعد خمسة
ساعات جاء الرد...
| |
  
|
|
|
|
|
|
|
|
Re: ياناس المنبر هل يوجد بورداب في هونغ كونغ صديقى وقع ضحية لاحد الشركات هناك ومحتاج لاستش (Re: بدر الدين الأمير)
|
Quote: وبعد ما تحقق صديقى من ذلك قام بتحول
سعر الجهاز لتك الشركة |
سلام يا بدر.
وهـذه مع الاسف نتيجة منطقية ومعروفة جداً..
كيف يحول قروش لشركة ما يعرفهـا؟
كيف تحرى عن الشركـة؟ هل راجع السجل التجارى فى هونج كونج ووجدها مسجلة فعلاً؟ أم
أن معلوماته عن الشركة إستقاها من الشركة نفسهـا؟!!!
نصيحتى لصديقك لا يخسر الوقت بلإضافة لخسارة القروش.. ينسى الموضوع دا خالص ولو محتاج نصائح
فى التعامل مع كل من هب ودب فى الإنترنت ممكن نقدم له المستطاع.. وأكد ليه فى فى زول
فى هونج هسى دى برضو ما حيجد اى اثر للشركة المزعومـة دى.
.
| |
|
|
|
|
|
|
|
|
|
Re: ياناس المنبر هل يوجد بورداب في هونغ كونغ صديقى وقع ضحية لاحد الشركات هناك ومحتاج لاستش (Re: كمال سالم)
|
Quote: يستاهل وعجبنى ليهو ,, صديقى وصديقك ده هسه القريشات دى
لو ساق المدام معاهو ومشوا بيها العمره ما كان أحسن ليهو |
ياكمال سالم
ياخى صاحبنا ناس هونغ كونغ يضربو قرشو وانت داير تخرب بيتو
هاتفتنى زوجته بعد ماطالعت مداخلتك وقالت هى فعلا طلبت من
صاحبنا الذهاب معا للعمرة وهى كمان دايرة تحضرة ولادة شقيقتها
صاحبنا رد عليها بقوله انا عندى مشروع بتاع بزنس ... ومن ثم
وجهت كلامها لصاحبنا وقالت ياهو دا البزنس بتاعك شمت فيك الاصدقاء قبل الاعداء
المهم بعد داك سمعت كواريك صاحبنا : انعل ابو خوة كمال سالم وبدرالدين الأمير
ياكمال الزل حالتو سعبة
| |
|
|
|
|
|
|
|
|
|
Re: ياناس المنبر هل يوجد بورداب في هونغ كونغ صديقى وقع ضحية لاحد الشركات هناك ومحتاج لاستش (Re: بدر الدين الأمير)
|
سلامات يا ملك
قول لصاحبك دعينا ربنا يرجع ليه قروشو اسع اها دا صيام جاهو
باذن الله امرو حينقضي
لكن كان يبقى نجيض ذي ابو مرة اتصل بي عايز يسجل ولدو هنا
قلت ليه تجيب كدا وكدا وتدفع كدا
قالي لالالالا ما بدفع ولا تعريفة الا اشوف القبول
قلت ليه الجامعة ما بتديك قبول لوما دفعت القروش دي
قالي لا دا شرطي
قلت ليه خلاص انا ما بقدر اقدم بدون قروش
قالي لع انت تدفعي وتجيبي لي القبول انا بدفعها ليك بعداك
قلت ليه انا اثق فيك وانت ما تثق فيني؟؟!!!!
قال الموضوع ما موضوع ثقة لوووووووووووول
اسع انت كان تقوليهم شرطي ترسلو العدة بالوال
بعداك انا بدفع
مع التحية ليه لزوجته وامنايتي لاختها بالحلل الساهل
| |
|
|
|
|
|
|
|
|
|
Re: ياناس المنبر هل يوجد بورداب في هونغ كونغ صديقى وقع ضحية لاحد الشركات هناك ومحتاج لاستش (Re: Abdlaziz Eisa)
|
Quote: سلامات يا ملك
قول لصاحبك دعينا ربنا يرجع ليه قروشو اسع اها دا صيام جاهو
باذن الله امرو حينقضي
|
ام زاريا
صاحبنا مماظهر ادم صيام شابكنى تحريات عن ادم
هل الزول دا طول في هونغ كونغ
هل الزول دا بعرف لغتهم
هو الزول دا البقعدو في البلد كهريهة ديك شنو
هل فكرك الزول دا بقدر يرجع لى قروشى ...
المهم عشان اسكتو قلت له آدم كان ماقدر يرجع ليك قروشك
نجاة محمود مستعدة تمش تلشخ ليك هونغ كونغ بالكبك وحتى
ادم زاتو لانو بكون طلع عميل هونغ كوغيين
| |
|
|
|
|
|
|
|
|
|
Re: ياناس المنبر هل يوجد بورداب في هونغ كونغ صديقى وقع ضحية لاحد الشركات هناك ومحتاج لاستش (Re: بدر الدين الأمير)
|
Quote: ود الامير كدا نقول ملف الجنائية دا وصل..
|
ود عيسى
جنائية شنو
دا انا الجنيت على نفسى صاحبا دا مما فتحت البوست
بقى حارس البوست واي حد يتداخل يتصل فينى تداخل
فلان وقال كدا كدا انت الزول دا داير يقدم مساعدة
ولا شمتان اقول لا داير يساعد بعد شوية يتصل اسمع
دكتورة نجاة محمود دى منو دى زولا اخت وصديقة وعايشة
في بلد قريبة من بلد الناس الاكلو قروشك يرد بقوله قول
ليها كتر خيرك واخت المرة انحلت بالسلامة بس موقفك من
سرقة قروشى فيه ضبابية
دا كلو كوم وكون زوجة صاحبنا
تاهتفنى غضبانة دا كوم تانى
قالت وهى غضبانة من هذا البوست ياود الامير سعيك مشكور
بس ممكن تسحب هذا البوست قلت مالك في شنو قالت الشنينة
الراجل بقى ما ساكن معاى بقى ساكن في سودانيزاونلاين ياخى
بنتو البتحبو جاتو كالعادة لان يوم الجمعة مخصص لها لقته
متسمر امام شاشة سودانيز قالت بابا اليوم انا أخترت المكان
الفلانى لبرنامج الجمعة زجرها وقال مافيش طلوع انا عندى قروش
اتسرقت ومستنى الناس ديل يرجعوها لى ...
| |
|
|
|
|
|
|
| |
بدر الدين الأمير
Abdlaziz Eisa
Abureesh
كمال سالم
آدم صيام
شكرى سليمان ماطوس
محمد عبدالرحمن
فيس بوك
تويتر
انستقرام
يوتيوب
بنتيريست