|
Re: يا صاحية...لا ساقط ولا منحد (اغنية جديدة وادونا رايكم) (Re: هشام كمال)
|
يا صاحيه لا ساقط ولا منحد ونحن إذا عزلنا طريقه للفنان في إنـّو الوطن منهد بنلقى السكه نفتح بيها ...أكتر من وطن بالجد ولسّه معاك سبت أخضر عقاب شهر الفرح والباب بكون مفتوح
كلمات محمد عبيد الفاضلابى الحان -تنفيذوغناء هشام كمال
يا اخي والله عدم السماعات كعب علا حكاية الولد الفاضلابي دا تحير يا اخي كلامو صعب ضُمة كلام مرتب ومدوزن ويحمل أطنانا من الرؤى والاختلاف في التركيب والحروف
بس ياهو كدي ولا في باقي كان في باقي الله يرضى عليك ختو في البكان دا
تحياتي لكما ومحبتي الأكيدة
| |
|
|
|
|
|
|
Re: يا صاحية...لا ساقط ولا منحد (اغنية جديدة وادونا رايكم) (Re: Mahmoud Mustafa Mahmoud)
|
يا بلة دى التمومة وتسمعها قريب علي نهج الحياه الأولى
لسّه معاك بمشي على الهنا وعلى نفس الرسم لوّان وبتذكر صباحك فيني متفتح هواء الشباك ستايرك يشيلا وتجنـّح ما بين الغنا الفرّادي والرادي وما بين الحنين الكان نص اليوم بنتفاكر عن الجنـّه .. وعن الإنسان عن الفن البقى مجننا متكسّح وأحلام الزمان الجايي لسه معاك على نفس الرسم وبي ذات الإسم والبينا ياهو العهد نفس الوعد ... ما إتغيّر نتاوق برّه كان كل الشدر ذاكر بنطلع نحن متفقين ولسّه معاك والآذان بينده يلا معاي على نهج الحياه الأولى حياه بتربح لا بيناتنا في الغفوه ولا الجفوه ولا ذلة لسان مسروح أهو الصدق البشوفو معاك على طول الزمن ممتد والخير والعمر يا صاحيه لا ساقط ولا منحد ونحن إذا عزلنا طريقه للفنان في إنـّو الوطن منهد بنلقى السكه نفتح بيها أكتر من وطن بالجد ولسّه معاك سبت أخضر عقاب شهر الفرح والباب بكون مفتوح بدل أشجان بكون أصلح من كتير في بالنا للصُحبان نسوّي بيوتنا ندوه ومنتدى ومسرح لسّه معاك والعزم الجديد مُرتاح تسوّي البن وبقصومات طعم للشاي بنقلب نحن ليلنا صباح ونتشابه إذا كان الحياه البيناتنا صحوه وزاد وطفله نبات تخدّر في كتاب الشوق وفي نفس الكتاب ألقاك لسّه معاي مودّه كبيره تتفرّق على الميدان على نفس الرسم واللون .
| |
|
|
|
|
|
|
Re: يا صاحية...لا ساقط ولا منحد (اغنية جديدة وادونا رايكم) (Re: انس العاقب)
|
Quote: يا هشام إنت عارف رأيي فيك مما كنت طالب فى الكليه ... حتى عندما أصابك شئ من اليأس كنت بشجعك لأنك صاحب رؤيه تجديديه ذات موقف فكرى متمرد على الراهن الموسيقى والواقع السياسى وأنا ما أزال عند موقفى الآن وغدا إن شاء الله إستمعت للأغنيه 3 مرات وخرجت بالآتى ؛ أولا أنا مافهمت مقطع الإستهلال( يا صاحيه لا ساقط ولا منحد) يعنى شنو؟!! ُثانيا ولأن النص الغنائى مجتزأ من داخل نص كامل مما زاده غموضا على الغموض ثالثا إكتفى المسار اللحنى بهدوء التقديم ولم ينفعل أكثر رابعا إغفال دور الكورس الحيوى الكان واضح فى موسيقى الختام خامسا كنت أتخيل يا هشام أن تكون سرعة الإيقاع ( التمبو) نشطه أكثر لتعطى الإحساس بالقوه والتفاؤل والإصرار سادسا لماذا استعجلت فى تقديم هذا التجربه المتميزه ولو لإضافة مقطع أو مقطعين من القصيده وفى الختام يا هشام هذا تعليق سريع وددت أن أشارك به حتى لا تجرفنادوامة الحياة فتنسينا المشاركه ولكن أهم من ذلك كله وجدت جوانب إيجابيه واعده وموحيه وهى : أولا اللحن جميل ثانيا صوتك جميل وكعادتك تحسن التعبير به ثالثا التنفيذ الموسيقى جيد رابعا أرجو إعادة الريميكس بإضافة الكورس وشغلات إنت عارفها مهنياللتجميل والجذب دونما تأثير على المعنى والمفهوم ... مع أكيد التحايا والأمنيات |
دكتورنا العزيز المحترم انس العاقب سأعود لمداخلتك القيمة جداً نقطة نقطة وجزيل شكرى وتقديرى لتلك النقاط الهامة جدا . شكرا
هشام
| |
|
|
|
|
|
|
Re: يا صاحية...لا ساقط ولا منحد (اغنية جديدة وادونا رايكم) (Re: هشام كمال)
|
Quote: يا هشام إنت عارف رأيي فيك مما كنت طالب فى الكليه ... حتى عندما أصابك شئ من اليأس كنت بشجعك لأنك صاحب رؤيه تجديديه ذات موقف فكرى متمرد على الراهن الموسيقى والواقع السياسى وأنا ما أزال عند موقفى الآن وغدا إن شاء الله إستمعت للأغنيه 3 مرات وخرجت بالآتى ؛ أولا أنا مافهمت مقطع الإستهلال( يا صاحيه لا ساقط ولا منحد) يعنى شنو؟!! ُثانيا ولأن النص الغنائى مجتزأ من داخل نص كامل مما زاده غموضا على الغموض ثالثا إكتفى المسار اللحنى بهدوء التقديم ولم ينفعل أكثر رابعا إغفال دور الكورس الحيوى الكان واضح فى موسيقى الختام خامسا كنت أتخيل يا هشام أن تكون سرعة الإيقاع ( التمبو) نشطه أكثر لتعطى الإحساس بالقوه والتفاؤل والإصرار سادسا لماذا استعجلت فى تقديم هذا التجربه المتميزه ولو لإضافة مقطع أو مقطعين من القصيده وفى الختام يا هشام هذا تعليق سريع وددت أن أشارك به حتى لا تجرفنادوامة الحياة فتنسينا المشاركه ولكن أهم من ذلك كله وجدت جوانب إيجابيه واعده وموحيه وهى : أولا اللحن جميل ثانيا صوتك جميل وكعادتك تحسن التعبير به ثالثا التنفيذ الموسيقى جيد رابعا أرجو إعادة الريميكس بإضافة الكورس وشغلات إنت عارفها مهنياللتجميل والجذب دونما تأثير على المعنى والمفهوم ... مع أكيد التحايا والأمنيات |
الدكتور المحترم انس العاقب التحايا العاطرات اولا ااسف للتأخير لظروف حاصة بالعمل
Quote: ُثانيا ولأن النص الغنائى مجتزأ من داخل نص كامل مما زاده غموضا على الغموض |
إجتزاء النص يا دكتور بفتكر السؤال بيكون، هل هو اى الجزء المستجزأ بيشكل صورة او لوحة متماسكة اى من البدايات والنهايات وصولاًلفكرة متكاملة تمكن المتلقى من الامساك بوحدة صغيرة من الافكار؟ لو كانت الإجابة بنعم فبفتكر المكونات متوفرة فى النص دا بيكون الموضوع فى الغموض القلت عليهو ويمكن دا يكون عنصر جاذبية او العكس وفى الحالتين بيكون إثارة الاسئلة عنصر جيد قد تكون الاغنية من خلاله حققت شئ بسيط او كبير قد يختلف عليه الناس او يتفقوا وفى الحالتين دا شئ جيد.
Quote: ثالثا إكتفى المسار اللحنى بهدوء التقديم ولم ينفعل أكثر |
حركة المسار اللحنى بشكله الكلاسيكى والقوالب اللحنية المتعارف عليها هى افكار ذيهاوذى كتير من الاشياء اللى تواجدت معها افكار حالية تخلت عن القواعدواصبحوا يتعايشان مع بعض وكل يغنى على ليلاه. وفى حالة الاغنية دى لم اشغل نفسى بأى فكرة لحنية لتكون مختلفة او فارقة من مثيلاتها بقدر ما كان يهمنى النص وقد يكون دا ما سليم لكن فى الرهن الراهن بفتكر احنا محتاجين لى غناء المجتمع محتاجه وانا من الناس اللى بفتكر المتلقى فاهم وعارف وبالبلدى كدا ناقش الحاصل لأنو فى السنوات الخيرة ظهرت النغمة اللى بتتكلم عن صعوبة المفردة او الخطاب الفنى وعندنا تجارب اتناولت نصوص بالغة التعقيد ولقت حظ جيدمن المستمع السودانى، وتجربة مصطفى سيد احمد ووردى وابو عركى ومحمد الامين فى التعامل مع نصوص الصور او اللوحات داخلها معقدة ومتداخلةلم تقلل من رواجها واحترامها.
Quote: رابعا إغفال دور الكورس الحيوى الكان واضح فى موسيقى الختام |
الساعات فى الاستديو بتحكم مرات كتيرة فى إضافة الكتير مع ملاحظة انو انتجتها انتاج خاص بمساعدة صديق على آلة البيز جيتار.
ما عارف يمكن هترشة منى لكن الباب المفتوح فى الآخر كان عندو دور فى موسيقى الختام
اخيرا بشكرك استاذى المبجل على انك اديتنى مساحة للفضفضة. شكرا جزيلاً وخالص الود والاحترام هشام
| |
|
|
|
|
|
|
Re: يا صاحية...لا ساقط ولا منحد (اغنية جديدة وادونا رايكم) (Re: هشام كمال)
|
بلدي يا اب سقفاً حصير يا مطول انت من الاهل ومطولين نحنا المسير مانعني منك قنلن خلوني لاب حيطاً قصار جالوص كِرك بلداً نختها في العيون والعين بتنقد النهار صالحة ؟ أها كيف كيف أصبحتو نيل ؟ حب الطير وصل ؟ يا اربعين في السن وستين في الجريمة بتامنونا الخرقة عريانة وخلاص الفاقة لمت ؟ الصوت محل ماشين غريب الفن مزورب في القرع نطاك وسويلك دريب البيت مهم الجار وست البين وطن أكان قطايا الحجرة طار والامة مرقت من ضلمات الودار نبقى نحنا الامة نحنا الحجرة نحنا البيت وست البيت ونحن زمان كشف داركن عيونكو مطلقات شيف ككيف تأعين مالكا إخي يوريك ختاك مالكا دار تأعرف تدسها مالكا حهبوبات كبار كيف التبلدي الإعندنا ياخي بسيرتك ( هي ) هدا الجبل الفسيح قاور تلمها جب ونديك الحهجاب ما تشيل نجيمات ... تن ولض النحيب بيضاب كِن أكلن خشم الحدي يلزمكو فينا صمغ إدفقن في الرمل ت###### هديمات ... تن هدماً مقطع شمل والشملة قدر النوم صوت الحنين الشاب كِن إعندنا بتاً ما بنحل بالفرو لوح الدقيرات والايا من ضو ندسها في القليب نونايا غبنها تهملوا وقبل لي كي شجر الهشاب الصي سهل عينيك عريسين في القمر تقرابن الدود والحصيف فص الكرو الوارم مسوس كل صيف يختا اللبيب يرجا التكارين البخوفوا شفعك الند عطورك في التكل والحرمل الخابزنو سيف يا قاوت المرض العضال يا منتهيى عند البدايات الرجال قالينو ضيف زمنك يموص في الحر والحر يموص زمنك صحنك فِضا وترحل أهي دي البكانات بين يديك ين في الريال جيبها وتعال المؤتمر في عطبرة ألحقني بالقلامة نقلع كل يوم عصفور نجنحو واللعب زيرين ومويه معكرة وأنا .. وإنت ننبرم الصباح في الليف وتنبرم البنات في القافية وينبرم المرض في العافية وتنبرم الرياح في السيف وتنبرم العقول في الضيق تشد تنبرم البلاد دي كلها برمة واحدة يا نحنا يا برم الخياسة مشوا الصوت حداك مين قدة للدم هملك الناس تصون العشرة والحالة العليك تحيرك إت إنسانك فين القمري لحن في الصباح كلماتو غنى وقال ناس كِريشة جو جابو العيش وجو إنت يا الخفي .. شن تجيب تجيب جيب للبنات أبقى الحبيب هن الغويشات الحلي زي النسيم الماري يلعب في الشجر صوتن يبلك إنت والخاطر عيونك تنملي ديل الجميلات البملنك تنوم تحلم وتملاهن قمر أكبر عشق جوانا هن متحكرات ... يرشرشنك بالعرق أنفاسن المادة التنزل سكرك ترسم علي ضهرن جنة ونشيد في كل فن تدورك بالسلسل الدهبي الرفيع في الرقبة طية من الوداعة تقوم الدنيا وتجيب الطاشي والسارح بعيد ماهن خفاف زي السهول والمزرعة الريحة التضربك طينة هش تعجن وتبقى علي الزفاف تلقاهن اول شلة تعلن بالزغاريد والسلام هادي الاصول ... عاداتنا في قعداتنا صول بالسوق وبالطلقة الحراب تُقابة ولا الغابة مس ؟ رمد العيون البفضحك ولا المغس ؟ نجم الخلا البيتوهك ولا الحرص ؟ أعزِل مضايق ؟ مضايق انت من الغراب من اللقة ومن العدم من العمار ولا الخراب ؟ من الحجار من السلم سقطت ياخ حجر الكتاب الاغنيات كيفنها ؟ كان جيتنا مار !! ورينا ذنبنا في الحريق أجر معاك حق البنات حق الطفل والامهات حق النمل الما بضل بيتو الجراد حق المراهق والمراهقات القطايف والشفون ... حق البدل في الحب وفي الضمة والفكة وأجمع بنتحاسب ... بكير آى موإنتى اللمطاوعني موإنتى اللمشاركني بكير لكان ما صار شي .. إنتِ الليم شو بداك إمعايرني بالدم ؟ هدول الناس كلياتم بشهدوا إني منهم .. وصار لي خمس سنين عم بدفع لغتي شعر ونحت ورسم حالي حال رِفأتي ولى هون بتكين الدنيا نطلع ؟ أى بنطلع عو نطلع .. للدار والحب والخوي أخي عود لنشوف بدي أحكيلك شي حطو بمخك زين بلاد العراب ( هي ) ما راح إتضيع إبنوب وإن كان في حدا إبقلول مو هيك ( بسيطة ) راح نبقى شعب واحد بعد ما كنا زمان إشعوب ومتل ما بقول المتل والفن يا محنة كُت البلالبن أبقى جاي يا طقوم الخيش حلقوم الناي الطق العود والشو يا اولاد الخوف .. يا ام سعد الله البيتهاب القوم الهوا لا .. .
| |
|
|
|
|
|
|
Re: يا صاحية...لا ساقط ولا منحد (اغنية جديدة وادونا رايكم) (Re: هشام كمال)
|
الحبيب هشام
يا سلام عليك وانت دايما بتدهشني بالحان جديده بتشبهك انت وبس
كنت من الاوائل الدخلوا البوست ده واستمعته واندهشته
احساسي بالغنيه ده امل بكره احساسي بيها زي حاجه متفرده في طعمه ... بتخلص سريع ... بس بتسيب اثر واضح وحلو ... وبتخليك مندهش في انتظار المزيد
محبتي وتقديري ليك يا فنان يا راقي ومتفرد
| |
|
|
|
|
|
|
|