|
|
|
 Re: للشوق هنا ريحة البيوت، للنيل هناك طعم الوئام (Re: قرشـــو)
|
ابو ذر:
سلام عليكم يا صاحب
قصيدتك دي يعلم الله حلوة،
مكربة،
منجّدة شديد و مشدودة جديد لنج
مشغولة كويس
و شكلها قومت نفس خيل شاعريتك
كتبتها أمن وقعت كملان تب
مش؟
و شكلها جديدة ولسة ما غسلت ايدك منها
مش؟
لكن دايرة تتغنى:
أديها لي طارق "خدر" بِمرق منهااحساسك و بديك ليها عداً ونقداً لا تنقص مليماً واحداً :
--
| |
 
|
|
|
|
|
|
|
|
Re: للشوق هنا ريحة البيوت، للنيل هناك طعم الوئام (Re: mutwakil toum)
|
متوكل
يا البيك نور اقليمك
وينك ياخى قطعت المرقة وخليت الطلة
أخبارك شنو ووين إنت هسه
الكتابة كلها متعبة والله يا صاحبى
تعافر وتكابس زى البتكون بتحتضر
وبعد داك تكتشف انك مرقت روحك مع مرقة الكلام
ما اظن نوع القصائد الزى دى ممكن تتلحن
الكلام البتلحن يا متوكل بتكون القافية فيه قريبة من بعض عشان تكمل الايقاع الداخلى وهو البساعد على المموسقة والتلحين
هنا لو ملاحظ القافية المتشابهة بعيدة من بعض شوية، يعنى بكون فى كلام وكم قافية مختلفة حتى تجى
لكين عموما لا أقول سوى
ونحن لاقين خدر وحس خدر وين ؟
كان بقدر عليها فإتها دونه يا أخ البدر يا مكمل
سلم على المعاك عليك الله يا متوكل
وورينا اخبارك ياخ
| |
|
|
|
|
|
|
|
|
Re: للشوق هنا ريحة البيوت، للنيل هناك طعم الوئام (Re: قرشـــو)
|
والله الليلة عيد
حبيبنا قرشو
يا زول كيف حالك واحوالك وان شاء الله انت طيب وسعيد
وبركة الشفناك ياخى وسمعنا حس حروفك وشمينا عطر جيتك
طولة شديدة والله
وشوق أشد
طاب بيك المكان يا صاحبى
وفرحت بيك الفجة كلها وسعدنا بى طلتك
أنا برضو كنت مافى وغبت فترة من هنا، لكين ما زى غيبتك الطويلة دى
تحياتى ليك وكل المعزة
| |
|
|
|
|
|
|
|
|
 Re: للشوق هنا ريحة البيوت، للنيل هناك طعم الوئام (Re: عبد المنعم سيد احمد)
|
قدام صباحات الخريف
رجيت غيماتك الفسلا
قعدت براى زى عشم الأرض مدسوس
يا جايينا من جوانا اتمهل
يا حابسنا جوه دمانا اتمهل
يا طافينا بى نيرانا اتمهل
شيل ضو الصبر فانوس
وعاين فى ضلام دنيانا بى مهلا
قدام سكاتك والكلام
قبال مواعيد الخفوت
شمسك مكتفه بالضلام
قبال مراكب الليل تصل
لملم شراع حزنك وفوت
للشوق هنا ريحةالبيوت
وللنيل هناك طعم الوئام
ومازلنا شايلين ضو الصبر فانوس
أحلى الكلام يامطر
تحياتى
| |
|
|
|
|
|
|
|
|
|
Re: للشوق هنا ريحة البيوت، للنيل هناك طعم الوئام (Re: somia gassim)
|
فعلا يا سمية
دائما ما ياخد الشوق هيئة الناس والبيوت والدروب
الناس القراب والبيوت الحميمة والدروب القديمة
والنيل هناك مستنى
ولما نتلاقى، بكون صارى وشه وزعلان
لكين بعد شويه برجع ويسامح على الغياب
الغياب الما باليد، وما بالروح حيله
بسامح ونتقالد
لأنه عارف انه ما عندنا غيره
تحياتى
| |
|
|
|
|
|
|
|
|
|
Re: للشوق هنا ريحة البيوت، للنيل هناك طعم الوئام (Re: أبوذر بابكر)
|
Quote: قدام صباحات الخريف
رجيت غيماتك الفسلا
قعدت براى
زى عشم الأرض مدسوس
يا جايينا من جوانا
اتمهل
يا حابسنا جوه دمانا
اتمهل
يا طافينا بى نيرانا
اتمهل
شيل ضو الصبر فانوس
وعاين فى ضلام دنيانا
بى مهلا
قدام سكاتك والكلام
قبال مواعيد الخفوت
شمسك مكتفه بالضلام
قبال مراكب الليل تصل
لملم شراع حزنك وفوت
للشوق هنا ريحةالبيوت
وللنيل هناك طعم الوئام |
شاعرنا الرائع أبوذر
لك كل التحايا والتقدير علي هذا التألق والدفق الانساني العميق
دمت سعيدا
خالص الود
| |
|
|
|
|
|
|
| |
أبوذر بابكر
أسامة عبد الجليل
ابو جهينة
Adil Osman
Osman Musa
قرشـــو
محمد المرتضى حامد
بله محمد الفاضل
عبد المنعم سيد احمد
مهيرة
Safa Fagiri
وليد الطيب قسم السيد
somia gassim
awad hassan
فيس بوك
تويتر
انستقرام
يوتيوب
بنتيريست