|
|
 أمين محمد سليمان ... تعال المرة الجاية ومعاك شوية فولتير ...!
|
ـــــــ
البوست عبارة عن تصاوير من وحي الزيارة الأخيرة التي قام بها البروف أمين لخراطيم الهزيمة والعزيمة
أنا واحد من آلاف الأشخاص الذين ظلو يشككون في مقدرات البروف الفكرية لكن وبعد زيارته الأخيرة وإطلاعي
علي فهرس الكتب التي يحفظها الرجل في رأسه (آمنت بثقافته ) عديل .
هذا البوست سنحاول فيه رصد القليل من الجوانب الثقافية والفكرية للرجل كونو معنا .
وبالنسبة لي ناس ياسر طيفور وبقية الرجرجة ياريت يعني الواحد فيكم لو ماعندو تلخيص لأراء (كانط) علي الأقل ما يقرب البوست
والله ولي التوفيق .
|
|
  
|
|
|
|
|
|
|
 Re: أمين محمد سليمان ... تعال المرة الجاية ومعاك شوية فولتير ...! (Re: Yassir Tayfour)
|
وقبل أن أعود "بمهلة" غير "هملة"
كنا، علي وعماد وشخصي "التفيف"، أصدقاء لا يفرقهم إلا النوم؛ في نهاية العام الدراسي ذهبنا لـ"تسليم" الكتب، وكان كل أستاذ يجمع الكتب التي تليه، فأحطنا بأستاذ الكيمياء، سلمت كتابي أو قل ما تبقى من كتابي، فنظر إليِّ الإستاذ بحسرة، و"هزة رأس" ورمى الكتاب على الأرض، لأنه سلفاً يعلم فوضويتي داخل الفصل؛ فسلّم عماد كتابه وكان يميل إلى السواد من أثر الكريمات وغيرها من أدوات "المسوح" ؛)، فبادره الأستاذ: ده كتاب "مني"؟ فضحكنا ثلاثتنا، إلا عماد صاحب الكتاب؛ وحينما جاء دور علي، سلّم كتابه وكأنه -الكتاب- أتى لتوئه من المطبعة، وعماد لم يكن أبلدنا، ولكنه دوما مشغول ببقالة أبيه، إضافة لذلك لقد قرر علي منذ بداية السنة بأنه لن يضيَّع أي جهد في المواد العلمية لأن المساق الأدبي هو الأقرب إليه، فحينما مدّ علي كتابه للأستاذ، رد عليه الأستاذ ببرود عجيب: "الله يبيِّض العمل"
__
والناظر للكتب المصورة أعلاه برفقة البروف أمين يعلمّ أن هذه الكتب لم تقرأ من قبل، وعليه نقول: الله يبيِّض العِلم ؛)
| |
|
|
|
|
|
|
|
|
|
Re: أمين محمد سليمان ... تعال المرة الجاية ومعاك شوية فولتير ...! (Re: Elawad Eltayeb)
|
غايتو المثقفين يجقلبو و الشكر لي أنا ده !!!
الكتب العميقه و الغميسه دي حقت المثقف العميق و الغميس سمير شيخ إدريس في مكتبو العميق و الغميس الكائن بالسجانه : قعدت أتصفح فيها و خضر و سمير يصورو فيني زي العربيه العارضنها للبيع !!
تصفحت الكتب و تسالت في داخلي : من أين أتي هؤلاء ؟!!
الكلام الكبار ده الناس دي بتجيبو من وين ؟!
و لو كنت بقدر اقرا زي كتب سمير دي كان الخواجه فيورباخ قطع لي بوسه في نص صلعتي البهيه دي !!
| |
|
|
|
|
|
|
|
|
|
Re: أمين محمد سليمان ... تعال المرة الجاية ومعاك شوية فولتير ...! (Re: أمين محمد سليمان)
|
Quote: يا معاويه ، والله في الفلم ده كلو زول كبير غير سمير مافي : المان ده معلوف عليفه فكريه حقيقيه
: المحومو مع خضر بتاع الاسبيرات ده شنو ما عارف !! |
أنا عارف يا بروف اني سببت لي حرج كبير بالبوست ده لكن انت كمان لازم تساعدنا بي جكة وتمرق من تواضعك
بتاع العلماء ده ؟ سمير شنو العندو مكتبة زي دي ياخينا ؟
سمير ده لو بالغ بكون آخر كتاب قراهو الشياطين التلطاشر 
| |
|
|
|
|
|
|
|
|
|
Re: أمين محمد سليمان ... تعال المرة الجاية ومعاك شوية فولتير ...! (Re: أمين محمد سليمان)
|
طلب موجه لسعادة الدكتور حسن موسى والاستاذة نجاة محمد على:
بناء على الادلة والبراهين المتواترة والمقدمة أعلاه والتى تثبت صحة نسب السيد/ امين نوته لقبيلة ثقيف، نلتمس قبول عضوية المذكور فى منبر سودان فور اول.
طلب موجه لسعادة المهندس بكرى ابوبكر:
بناء على ما تقدم من تصعيد للمذكور لمنبر سودان فور اول الخاص بكبار المثقفين نرجو شطب السيد أمين شطبا نهائيا من كشوفات عضوية سودانيزاونلاين
ونتمنى من السيد امين نوته ان يكون خير معين للثقافة من موقعه الجديد.
والله والثقافة من وراء القصد،
| |
|
|
|
|
|
|
|
|
|
Re: أمين محمد سليمان ... تعال المرة الجاية ومعاك شوية فولتير ...! (Re: عمر عشاري)
|
| Quote: أمين هل انت الان في السودان ؟ |
و متي ابتعدت عن السودان يا عمر حتي لا أكون فيه ؟!
لست في السودان الان : لكن السودان كان و ما زال فيني !! 
-------
الفوق مكتوب بلغه سودانيه فورووليه بمناسبة ال ترشيح لمنبر العظماء كثيري الثقافه !!
و التحت مكتوب بلغة البسطاء قليلي الثقافه الليلنا هنا ديل :
-----
عشاري يا حبيبنا : أبدا والله : رجعت لي أكتر من الأسبوع ، و إن شاء الله مفروض أرجع قريب : و نتلاقي بحول الله !!
| |
|
|
|
|
|
|
|
|
|
Re: أمين محمد سليمان ... تعال المرة الجاية ومعاك شوية فولتير ...! (Re: أمين محمد سليمان)
|
Quote: متي ابتعدت عن السودان يا عمر حتي لا أكون فيه ؟!
لست في السودان الان : لكن السودان كان و ما زال فيني !!
-------
الفوق مكتوب بلغه سودانيه فورووليه بمناسبة ال ترشيح لمنبر العظماء كثيري الثقافه !!
و التحت مكتوب بلغة البسطاء قليلي الثقافه الليلنا هنا ديل :
-----
عشاري يا حبيبنا : أبدا والله : رجعت لي أكتر من الأسبوع ، و إن شاء الله مفروض أرجع قريب : و نتلاقي بحول الله !! |
هذا وقد نبت لمفكرنا ريشاً
| |
|
|
|
|
|
|
|
|
|
Re: أمين محمد سليمان ... تعال المرة الجاية ومعاك شوية فولتير ...! (Re: الصادق اسماعيل)
|
يا سفياننا الذي نحب : سلام عليك و علي المعاك Quote: لكن للدقة الزول آمين ده انا مقصر فيهو تب
ويمين الله مغروض في ونسه معاهو شديده خلاس
طالما انو بيعرف هاروكي موراكامي و غوتفريد لايبنتز
ياخ أنا كنت فاكر انو انا و (عمار جمال) بس البنعرفهم
|
قبل كم شهر مشيت القاهره لحمور و يشهد الله من أول الناس السالت عنهم إنت ، يبدو إنو ما كان لينا في ملاقاتك نصيب !
لنا لقاء بحول الله !
لكن هاروكي موراكامي و غوتفريد لايبنتز ديل سئيلي الله ما بعرفهم و ما شفتهم ولا إتناضمنا قبل كده و لو ما سمير - غفر الله لنا و له - الناس دي سماع ساي ما كنت سمعت بيهم !!
| |
|
|
|
|
|
|
|
|
|
Re: أمين محمد سليمان ... تعال المرة الجاية ومعاك شوية فولتير ...! (Re: أمين محمد سليمان)
|
حبيبنا وأولنا في سنه اولى وتانيه بس .
لأنو في سنه ثالثه فكيتها للمهذب هشام احمد فرج الله وكان الثاني فتحي عبد الحميد والثالث مشترك الفاتح صلاح قرشي وشخصي .
غايتو الشيب احسن من الصلعه والشيب معا .
مالك يا ابوي بشكروا فيك من هسه ( انشاء الله يوم شكرك ما يجي ونحن حيين ) .
والثقافه ما جديده عليكم في دفعتنا بس انت وحسن محمود ودعمك واخوه الكبير امير .
لكن قصة يساريتك دي جديده علي .
اقول انك ود امدرمان وشاطئ ابوروف فلا غرو ان تكون كذلك .
محبتي لك ولمن معك .
| |
|
|
|
|
|
|
|
|
|
Re: أمين محمد سليمان ... تعال المرة الجاية ومعاك شوية فولتير ...! (Re: محمد الواثق)
|
Quote: Quote: يا معاويه ، والله في الفلم ده كلو زول كبير غير سمير مافي : المان ده معلوف عليفه فكريه حقيقيه
: المحومو مع خضر بتاع الاسبيرات ده شنو ما عارف !!
أنا عارف يا بروف اني سببت لي حرج كبير بالبوست ده لكن انت كمان لازم تساعدنا بي جكة وتمرق من تواضعك
بتاع العلماء ده ؟ سمير شنو العندو مكتبة زي دي ياخينا ؟
سمير ده لو بالغ بكون آخر كتاب قراهو الشياطين التلطاشر |
يا لتواضع العلماء
مكتبة شنو قدر دة العندى انا يا بروف امين ؟ والكلام الكبار كبار دة
انا زى ما قال ليك خضر ثقافتى من الشياطين ال13 وتختخ ورجل المستحيل وانت نازل
والدليل لنى الايام دى بقرا فى كتاب ( الشرير يواجه عائلة المنتقم )
السؤال المهم
انا خلينى الهامل دة .. انت لما تجى السودان البوديك لبتاع الاسبيرات دة شنو
ياخى دة راسوا كلوا مساعدات وكونات
| |
|
|
|
|
|
|
| |
خضر حسين خليل
معاوية عبيد الصائم
Ahmed musa
محمد حيدر المشرف
Yassir Tayfour
أمين محمد سليمان
نصرالدين صلاح
سفيان بشير نابرى
حمور زيادة
Amjed
Abdelmuhsin Said
محمد عثمان ابراهيم
عمر عشاري
الصادق اسماعيل
محمد الواثق
سمير شيخ ادريس
فيس بوك
تويتر
انستقرام
يوتيوب
بنتيريست